TITUS
Avestan Corpus
Part No. 110
Previous part

Chapter: 16 
Paragraph: 1 
Verse: a    dātarə. gaēϑanąm. astuuaitinąm. aṣ̌āum.
Verse: b    
yat̰. ahmi. nmāne. yat̰. mazdaiiasnōiš.1 nāirika.
Verse: c       
ciϑrauuaiti. daxštauuaiti. vohunauuaiti.2
Verse: d          
nišhiδāt̰.3
Verse: e    
kuϑa. . vərəziiąn.
Verse: f       
aēte. yōi.4 mazdaiiasna.

Paragraph: 2 
Verse: a    
āat̰. mraot̰. ahurō. mazdā̊:
Verse: b    
aētaδa. .1 aēte. mazdaiiasna. paṇta.2 vīcinaēta.3
Verse: c       
pairi. uruuarābiiasca.4
Verse: d       
varəδābiiasca.4 aēsmaēibiiō.4
Verse: e          
hiku.5 pąsnu. gātu.6 niδaiiaēta.
Verse: f    
fratara. haca. nmāna. vərəziiąn.
Verse: g       
yat̰. . naēməm.
Verse: h       
yat̰. . ϑriṣ̌um.7
Verse: i       
yat̰. . caϑruṣ̌um.8
Verse: j       
yat̰. . paŋtaŋhum.9
Verse: k          
yezi. nōit̰. nāirika. ātrəm.10 aiβi.vaēnāt̰.
Verse: l          
yezi. nōit̰. nāirika. āϑre. raoxṣ̌nąn.11 paiti.diδiiāt̰.12

Paragraph: 3 
Verse: a    
dātarə. gaēϑanąm. astuuaitinąm. aṣ̌āum.
Verse: b    
cuuat̰. drājō. haca. āϑrat̰.
Verse: c    
cuuat̰. drājō. haca. apat̰.
Verse: d    
cuuat̰. drājō. haca. barəsmən.1 frastairiiāt̰.
Verse: e    
cuuat̰. drājō. haca. nərəbiiō. aṣ̌auuabiiō.

Paragraph: 4 
Verse: a    
āat̰. mraot̰. ahurō. mazdā̊:
Verse: b    
paṇca.dasa.gāim. haca. āϑrat̰.
Verse: c    
paṇca.dasa.gāim. haca. apat̰.
Verse: d    
paṇca.dasa.gāim. haca. barəsmən. frastairiiāt̰.
Verse: e    
ϑrigāim. haca. nərəbiiō. aṣ̌auuabiiō.

Paragraph: 5 
Verse: a    
dātarə. gaēϑanąm. astuuaitinąm. aṣ̌āum.
Verse: b    
cuuat̰. drājō. auua.hištāt̰.
Verse: c       
aēṣ̌a. . nāirikaiiā̊.
Verse: d          
ciϑrauuaitiiā̊. daxštauuaitiiā̊. vohunauuaitiiā̊.
Verse: e             
xvarəϑəm. frabarāt̰.

Paragraph: 6 
Verse: a    
āat. mraot̰. ahurō. mazdā̊:
Verse: b    
ϑrigāim. auua.hištāt̰.
Verse: c       
aēṣ̌a. . nāirikaiiā̊.
Verse: d          
ciϑrauuaitiiā̊. daxštauuaitiiā̊. vohunauuaitiiā̊.
Verse: e             
xvarəϑəm. frabarāt̰.
Verse: f    
cinəm. xvarəϑəm. frabarāt̰.
Verse: g    
cinəm.1 yaom.2 frabarāt̰.
Verse: h       
aiiaŋhaēnəm. . srum.3 .
Verse: i          
nitəma. xṣ̌aϑra. vairiia.

Paragraph: 7 
Verse: a    
cuuat̰. xvarəϑəm. frabarāt̰.
Verse: b    
cuuat̰. yaom.1 frabarāt̰:
Verse: c       
duua. danarə.2 tāiiūirinąm.3
Verse: d       
aēuua. danarə.2 xṣ̌aodrinąm.4
Verse: e          
yezi. nōit̰. nāirika. niuruiδiiāt̰:
Verse: f    
yezi. apərənāiiūkō. frāṣ̌nauuāt̰.5
Verse: g       
zasta. . paoirīm. frasnāδaiiən.
Verse: h          
aētahe.6 yat. apərənāiiūkahe.
Verse: i          
ahe. hauuaiiā̊.7 tanuuō.

Paragraph: 8 
Verse: a    
yezi. nāirika. vohunīš.1 aiβi.vaēnāt̰.
Verse: b       
yat̰. . ϑrāiiō. xṣ̌afna. sacā̊ṇte.2
Verse: c    
airime. gātūm. . nišhiδaēta.3
Verse: d       
vīspəm. ā. ahmāt̰.
Verse: e          
yat̰. . caϑβārō. xṣ̌afna. sacā̊ṇte:
Verse: f    
yezi. nāirika. vohunīš.1 aiβi.vaēnāt̰.
Verse: g       
yat̰. . caϑβārō. xṣ̌afna. sacā̊ṇte.
Verse: h    
airime. gātūm. . nišhiδaēta.4
Verse: i       
vīspəm. ā. ahmāt̰.
Verse: j          
yat̰. . 5paṇca. xṣ̌afna. sacā̊ṇte.

Paragraph: 9 
Verse: a    
yezi. nāirika. vohunīš. aiβi.vaēnāt̰.
Verse: b       
yat̰. . paṇca. xṣ̌afna. sacā̊ṇte.
Verse: c    
airime. gātūm. . nišhiδaēta.
Verse: d       
vīspəm. ā. ahmāt̰.
Verse: e          
yat̰. .5 xṣ̌uuaš. xṣ̌afna. sacā̊ṇte:
Verse: f    
yezi. nāirika. vohunīš. aiβi.vaēnāt̰.
Verse: g       
yat̰. . xṣ̌uuaš. xṣ̌afna. sacā̊ṇte.
Verse: h    
airime. gātūm. . nišhiδaēta.6
Verse: i       
vīspəm. ā. ahmāt̰.
Verse: j          
yat̰. . hapta. xṣ̌afna. sacā̊ṇte.

Paragraph: 10 
Verse: a    
yezi. nāirika. vohunīš. aiβi.vaēnāt̰.
Verse: b       
yat̰. . hapta. xṣ̌afna. sacā̊ṇte.
Verse: c    
airime. gātūm. . nišhiδaēta.1
Verse: d       
vīspəm. ā. ahmāt̰.
Verse: e          
yat̰. . ašta. xṣ̌afna. sacā̊ṇte:
Verse: f    
yezi. nāirika. vohunīš. aiβi.vaēnāt̰.
Verse: g       
yat̰. . ašta. xṣ̌afna. sacā̊ṇte.
Verse: h    
airime. gātūm. . nišhiδaēta.1
Verse: i       
vīspəm. ā. ahmāt̰.
Verse: j          
yat̰. . nauua. xṣ̌afna. sacā̊ṇte.

Paragraph: 11 
Verse: a    
yezi. nāirika. vohunīš. aiβi.vaēnāt̰.
Verse: b       
yat̰. . nauua. xṣ̌afna. sacā̊ṇte.
Verse: c    
āat̰.1 . paitiiārəm. auua.barəṇti.2 daēuua.3
Verse: d       
daēuuanąm. yasnāica. vahmāica:
Verse: e    
aētaδa. . aēte. mazdaiiasna. paṇta.4 vīcinaēta.5
Verse: f       
pairi. uruuarābiiasca.
Verse: g       
varəδābiiasca. aēsmaēibiiō.

Paragraph: 12 
Verse: a    
aētaδa. .1 aēte. mazdaiiasna.
Verse: b       
aiŋ́hā̊.2 zəmō.3 ϑriš.4 maγəm. auua.kanaiiən.
Verse: c    
duua. maγa. frasnāδaiiən.
Verse: d          
maēsmana. gə̄uš.
Verse: e       
ōiium.5
Verse: f          
āpō.6
Verse: g    
xrafstrəm. auua.janaēta.7 maoirīm. dānō.karṣ̌əm.
Verse: h       
yat̰. . hama.
Verse: i    
duiie. saite. kahiiācit̰. aŋrō.mainiiauuanąm. xrafstranąm.8 auua.janiiāt̰.
Verse: j       
yat̰. . aēte.9 zaēna.10

Paragraph: 13 
Verse: a    
aētahe. yat̰.1 mazdaiiasnahe.2 aētaiiā̊. nāirikaiiā̊.
Verse: b       
ciϑrauuaitiiā̊. daxštauuaitiiā̊. vohunauuaitiiā̊.
Verse: c          
daxštəm. uzuuərəziiāt̰.3
Verse: d    
. . asti. ciϑa:
Verse: e    
āat̰. mraot̰. ahurō. mazdā̊:
Verse: f    
aētahe. paiti. pəṣ̌ō.tanuiie.4
Verse: g       
duiie. saite. upāzananąm. upāzōit̰. aspahe. aštraiia.
Verse: h       
duiie. saite. sraoṣ̌ō.caranaiia.

Paragraph: 14 
Verse: a    
dātarə. gaēϑanąm. astuuaitinąm. aṣ̌āum.
Verse: b    
. nāirikaiiā̊.1
Verse: c       
ciϑrauuaitiiā̊.1 daxštauuaitiiā̊.1 vohunauuaitiiā̊.1
Verse: d          
pauruuō.2 vasna.3 š́iiaoϑna. tanūm. iriϑiiāt̰.
Verse: e             
yat̰.4 . ciϑra. daxštəm. bauuaiti.5
Verse: f             
6yat̰. .7 daxšta.8 ciϑrəm. bauuaiti.6
Verse: g    
. . asti. ciϑa.

Paragraph: 15 
Verse: a    
āat̰. mraot̰. ahurō. mazdā̊:
Verse: b    
paoiriiāi.1 upaēta.2
Verse: c    
paoiriiāi.1 niṣ̌asta.3
Verse: d       
ϑrisatəm. upāzananąm. upāzōit̰. aspahe. aštraiia.
Verse: e       
ϑrisatəm. sraoṣ̌ō.caranaiia:
Verse: f    
bitiiāi.4 upaēta.
Verse: g    
bitiiāi.4 niṣ̌asta.5
Verse: h       
paṇcāsatəm.6 upāzananąm. upāzōit̰. aspahe. aštraiia.
Verse: i       
paṇcāsatəm. sraoṣ̌ō.caranaiia:
Verse: j    
ϑritiiāi.7 upaēta.
Verse: k    
ϑritiiāi.7 niṣ̌asta.
Verse: l       
haptāitīm. upāzananąm. upāzōit̰. aspahe. aštraiia.
Verse: m       
haptāitīm. sraoṣ̌ō.caranaiia.

Paragraph: 16 
Verse: a    
[tūiriiāi.1 upaēta.
Verse: b    
tūiriiāi.1 niṣ̌asta.
Verse: c       
yim.2 aṇtarə. vastrəm. frajasāt̰.
Verse: d       
yim.2 aṇtarə. āhitəm.3 rānəm. frajasāt̰.
Verse: e          
afraŋharəzāt̰.4 pairi. xṣ̌udrāt̰.
Verse: f    
. . asti. ciϑa:
Verse: g    
āat̰. mraot̰. ahurō. mazdā̊:
Verse: h       
nauuaitīm. upāzananąm. upāzōit̰. aspahe. aštraiia.
Verse: i       
nauuaitīm. sraoṣ̌ō.caranaiia.]

Paragraph: 17 
Verse: a    
. nāirikąm.
Verse: b       
ciϑrauuaitīm. daxštauuaitīm. vohunauuaitīm.
Verse: c          
xṣ̌udrā̊. auui.1 fraŋhərəzaiti.2
Verse: d    
nōit̰. vaŋhō. ahmāt̰. š́iiaoϑnəm. vərəziieiti.
Verse: e       
yaδōit̰. puϑrahe. huuāzātahe.
Verse: f          
frā. naēzəm.3 nasūm.4 pacāt̰.
Verse: g          
paiti.5 āϑre.6 ūϑəm.7 barāt̰.

Paragraph: 18 
Verse: a    
1vīspe. druuaṇtō.2 tanu.drujō.
Verse: b       
.3 adərətō.t̰kaēṣ̌ō.
Verse: c    
vīspe. adərətō.t̰kaēṣ̌ō.
Verse: d       
.3 asraoṣ̌ō.
Verse: e    
vīspe. asraoṣ̌ō.
Verse: f       
.3 anaṣ̌auuanō.4
Verse: g    
vīspe. anaṣ̌auuanō.5
Verse: h       
.3 tanu.pərəϑō.6

Verse: Q1a    
aṣ̌əm. vohū. vahištəm. astī::
Verse: Q1b    
uštā. astī. uštā. ahmāi.
Verse: Q1c    
hiiat̰. aṣ̌āi. vahištāi. aṣ̌əm.::


Next part



This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.