TITUS
Avestan Corpus
Part No. 109
Previous part

Chapter: 15 
Paragraph: 1 
Verse: a    caiti. tā. š́iiaoϑna. varšta.
Verse: b          yā. aŋhuš. astuuā̊. vərəziieiti.
Verse: c       fraēta.1 apatita.2 anuzuuaršta.
Verse: d    aiŋ́hat̰.3 haca. š́iiaoϑnāuuarəza.4
Verse: e       aϑa. bauuaiṇti.5 pəṣ̌ō.tanuua.6

Paragraph: 2 
Verse: a    āat̰. mraot̰. ahurō. mazdā̊:
Verse: b    paṇca.
Verse: c       aṣ̌āum. zaraϑuštra:
Verse: d    paoirīm. aētaēṣ̌ąm. š́iiaoϑnanąm.
Verse: e       yōi. vərəziṇti.1 maš́iiāka.2
Verse: f    yō. narəm. aṣ̌auuanəm.
Verse: g       aniiō.varənāi. vā. aniiō.t̰kaēṣ̌āi. vā.
Verse: h          kasiiaŋhe. saŋhāi.3 daδāiti.
Verse: i             vīδuuā̊.4 auuat̰. hauua.5 xraϑβa.6 parāiti.
Verse: j    aiŋ́hat̰.7 haca. š́iiaoϑnāuuarəza.8
Verse: k       aϑa. bauuaiṇti.9 pəṣ̌ō.tanuua.10

Paragraph: 3 
Verse: a    bitīm. aētaēṣ̌ąm. š́iiaoϑnanąm.
Verse: b       yōi. vərəziṇti.1 maš́iiāka.
Verse: c    yō.2 sūne.3
Verse: d       yim. pasuš.hauruue. vā. viš.hauruue. vā.
Verse: e          astanąm. ahmarštanąm. daδāiti.
Verse: f          garəmanąm. vā. xvarəϑanąm.

Paragraph: 4 
Verse: a       yezica. aēte. asti.1 dātāhuua.2 arā̊ṇte.
Verse: b          garəmōhuua. vīδā̊ṇte.3
Verse: c       yat̰. vā.4 aēte. garəma. xvarəϑa.
Verse: d          stamanəm.5 vā. hizuuąm. vā. apa.dažat̰.6
Verse: e             ahmat̰.7 haca. iriš́iiāt̰.
Verse: f       yezi. tat̰. paiti. iriš́iieiti.8
Verse: g    aiŋ́hat̰.9 haca. š́iiaoϑnāuuarəza.
Verse: h       aϑa. bauuaiṇti. pəṣ̌ō.tanuua.10

Paragraph: 5 
Verse: a    ϑritīm. aētaēṣ̌ąm. š́iiaoϑnanąm.
Verse: b       1yōi. vərəziṇti. maš́iiāka.1
Verse: c    yō.2 gaδβąm. yąm. apuϑrąm.
Verse: d       janaiti. vā. vaiieiti.3 vā.
Verse: e       xraosiieiti. vā. pazdaiieiti.4 vā.

Paragraph: 6 
Verse: a       yezica. aēṣ̌a. gaδβa.
Verse: b          maēγe.1 vā. cāiti.2 vā.
Verse: c          vaēmi.3 vā. urūiδi.4 vā.
Verse: d          apō. vā. nāuuaiiā̊.5 paiδiiāite.6
Verse: e             ahmat̰. haca. iriš́iiāt̰.
Verse: f       yezi. tat̰. paiti. iriš́iieiti.
Verse: g    aiŋ́hat̰. haca. š́iiaoϑnāuuarəza.
Verse: h       aϑa. bauuaiṇti. pəṣ̌ō.tanuua.7

Paragraph: 7 
Verse: a    tūirīm. aētaēṣ̌ąm. š́iiaoϑnanąm.
Verse: b       yōi. vərəziṇti.1 maš́iiāka.
Verse: c    yō.2 nāirikąm.
Verse: d       ciϑrauuaitīm. daxštauuaitīm. vohunauuaitīm.
Verse: e          xṣ̌udrā̊.3 auui.4 fraŋhərəzaiti.5
Verse: f    aiŋ́hat̰.6 haca. š́iiaoϑnāuuarəza.
Verse: g       aϑa. bauuaiṇti. pəṣ̌ō.tanuua.7

Paragraph: 8 
Verse: a    puxδəm. aētaēṣ̌ąm. š́iiaoϑnanąm.
Verse: b       yōi. vərəziṇti. maš́iiāka.
Verse: c    yō.1 nāirikąm. yąm. apuϑrąm.2
Verse: d       pipiiūṣ̌īm.3 vā. apipiiūṣ̌īm.4 vā.
Verse: e       anasaxtąm.5 para.
Verse: f          xṣ̌udrā̊.6 auui.7 fraŋhərəzaiti.8
Verse: g             ahmat̰.9 haca. iriš́iiāt̰.
Verse: h       10yezi. tat̰. paiti. iriš́iieiti.10
Verse: i    aiŋ́hat̰.11 haca. š́iiaoϑnāuuarəza.
Verse: j       aϑa. bauuaiṇti. pəṣ̌ō.tanuua.12

Paragraph: 9 
Verse: a    yō. kainīnəm.1 upāiti.2
Verse: b       stātō.ratūm. vā. astātō.ratūm. vā.
Verse: c       paradātąm. vā. aparadātąm. vā.
Verse: d          puϑrąmca. hē. daδāiti.
Verse: e    mā. nō. aēṣ̌a. yā. kaine.
Verse: f       maš́iiānąm. parō. fṣ̌arəmāt̰.3
Verse: g          tarō. daxštəm. pāraiiāt̰.
Verse: h          tarō. apəmca. uruuarąmca.4

Paragraph: 10 
Verse: a    yezica. aēṣ̌a.1 yā. kaine.
Verse: b       maš́iiānąm. parō. fṣ̌arəmāt̰.
Verse: c          tarō. daxštəm. parāiti.2
Verse: d          tarō. apəmca. uruuarąmca.
Verse: e    aētahmāiiuš.3 paiti. varšta. š́iiaoϑna.

Paragraph: 11 
Verse: a    yō. kainīnəm.1 upāiti.2
Verse: b       stātō.ratūm. vā. astātō.ratūm. vā.
Verse: c       paradātąm.3 vā. aparadātąm.3 vā.
Verse: d          puϑrąmca. hē. daδāiti.
Verse: e    mā. nō. aēṣ̌a. yā. kaine.
Verse: f       maš́iiānąm. parō. fṣ̌arəmāt̰.
Verse: g          xvatō. garəβəm. raēṣ̌aiiāt̰.4

Paragraph: 12 
Verse: a    yezica. aēṣ̌a. yā. kaine.
Verse: b       maš́iiānąm. parō. fṣ̌arəmāt̰.
Verse: c          xvatō. garəβəm. iriš́iieiti.
Verse: d       ptərəbiiō.1 āstriieiti.2
Verse: e       ptərəbiiō.1 iriš́iieiti.3
Verse: f    ptərəbiiō. iriṣ̌iṇtąm.4 raēṣ̌ə̄.5 cikaēn.6
Verse: g       baoδō.varštahe. ciϑaiia.

Paragraph: 13 
Verse: a    yō. kainīnəm. upāiti.1
Verse: b       stātō.ratūm. vā. 2astātō.ratūm. vā.2
Verse: c       3paradātąm. vā.3 4aparadātąm. vā.4
Verse: d          puϑrąmca. hē. daδāiti.
Verse: e    yezica. vaocāt̰. aēṣ̌a. yā. kaine:
Verse: f       puϑrəm.5 aēm. narō. varšta.
Verse: g    yezica. vaocāt̰. aēṣ̌ō.6 nā.
Verse: h       hanąm. aētaēṣ̌ąm. jījiṣ̌aŋuha.7
Verse: i          pərəsaŋuha.8

Paragraph: 14 
Verse: a    aētaδa. aēṣ̌a. yā. kaine.
Verse: b       hanąm. aētaēṣ̌ąm. jījiṣ̌āiti.1
Verse: c          pərəsāiti.
Verse: d    aēṣ̌a. hana. frabaraiti.
Verse: e       baŋhəm. vā. ṣ̌aētəm.3 vā.
Verse: f       γnānəm. vā. fraspātəm.4 vā.
Verse: g       kąmcit̰. vā. vītācinanąm.5 uruuaranąm:
Verse: h          aētahmāt̰. puϑrāt̰. mimarəxṣ̌aŋuha.6
Verse: i    aētaδa. aēṣ̌a. yā. kaine.
Verse: j       aētahmāt̰. puϑrāt̰. mimarxṣ̌āite.7
Verse: k    hauuaṇta.8 aētahe. š́iiaoϑnahe. vərəziiąn.
Verse: l       nāca. kainica. hanāca.

Paragraph: 15 
Verse: a    yō. kainīnəm.1 upāiti.
Verse: b       stātō.ratūm. vā. astātō.ratūm. vā.
Verse: c       paradātąm. 2vā. aparadātąm.2 vā.
Verse: d          puϑrąmca. hē. daδāiti.
Verse: e    vīspəm. ā. ahmāt̰. ϑrāϑrəm. kərənauuāt̰.3
Verse: f       yat̰. aēṣ̌a. yō. apərənāiiūkō. uzjasāt̰.

Paragraph: 16 
Verse: a    yezi. nōit̰. harəϑrəm. baraiti.
Verse: b    aētaδa. aēṣ̌a. yō. apərənāiiūkō.
Verse: c       aδāitiiō.aŋharəϑrəm. iriš́iiāt̰.
Verse: d    para. hē. iriṣ̌iṇtō.1 raēṣ̌əm. cikaiiat̰.2
Verse: e       baoδō.varštahe. ciϑaiia.

Paragraph: 17 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. tat̰.1 frajasāt̰.
Verse: c       aṇtarə. sairi.2 varəzāne.3
Verse: d    kahmāt̰. mazdaiiasnanąm.4 harəϑrəm. barāt̰:

Paragraph: 18 
Verse: a    āat̰. mraot̰. ahurō. mazdā̊:
Verse: b    yō. kainīnəm. upāiti.
Verse: c       stātō.ratūm. vā. astātō.ratūm. vā.
Verse: d       paradātąm. vā. aparadātąm. vā.1
Verse: e          vīspəm. ā. ahmāt̰. ϑrāϑrəm. kərənauuāt̰.
Verse: f             yat̰. aēṣ̌a. yō. apərənāiiūkō. uzjasāt̰.

Paragraph: 19 
Verse: a    yezi. nōit̰. harəϑrəm. baraiti.
Verse: b       aētaδa. hē. vīspā̊.1 hāiriṣ̌īš.2 frāṣ̌naoiti.3
Verse: c          bipaitištanaca.4 caϑβarə.paitištanaca.5

Verse: d    [aēṣ̌a. bipaitištāna.6
Verse: e       yā. kaine.
Verse: f    7aēṣ̌a. caϑβarə.paitištāna.8
Verse: g       yā. gaδβa.]

Paragraph: 20 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. tat̰.1 frajasāt̰.
Verse: c       aṇtarə. sairi.2 varəzāne.3
Verse: d    kahmāt̰. mazdaiiasnanąm. harəϑrəm. barāt̰.

Paragraph: 21 
Verse: a    āat̰. mraot̰. ahurō. mazdā̊:
Verse: b    yō. hē. aŋhat̰. nazdištəm. nmānəm. uzdasta.
Verse: c       aētahmāiiuš.1 paiti. harəϑrəm.
Verse: d          vīspəm. ā. ahmāt̰. ϑrāϑrəm. kərənauuāt̰.
Verse: e             yat̰. aēte.2 yōi.3 spāna. uzjasąn.

Paragraph: 22 
Verse: a    1yezi. nōit̰. harəϑrəm. baraiti.1
Verse: b       aētaδa. aēte. yōi.2 spāna.3 aδāitiiō.aŋharəϑrəm.4 iriš́iiąn.5
Verse: c    para. aēṣ̌ąm. iriṣ̌iṇtąm.6 raēṣ̌ə̄.7 cikaēn.8
Verse: d       baoδō.varštahe. ciϑaiia.

Paragraph: 23 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. uštrō.stānaēṣ̌uua. frajasāt̰.1
Verse: c       kahmāt̰. mazdaiiasnanąm. harəϑrəm. barāt̰.

Paragraph: 24 
Verse: a    āat̰. mraot̰. ahurō. mazdā̊:
Verse: b    yō. aētəm. uštrō.stānəm. uzdasta.
Verse: c    yeŋ́hā̊.1 vō. aēṣ̌ō. uštrō.stāniš.2 aŋhat̰.
Verse: d       aētahmāiiuš. paiti. harəϑrəm.
Verse: e          vīspəm. ā. ahmāt̰.3 ϑrāϑrəm. kərənauuāt̰.
Verse: f             yat̰. aēte. yōi. spāna. uzjasąn.

Paragraph: 25 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi. spāna. aδāitiiō.aŋharəϑrəm. iriš́iiąn.
Verse: c    para. aēṣ̌ąm. iriṣ̌iṇtąm. raēṣ̌ə̄. cikaēn.
Verse: d       baoδō.varštahe. ciϑaiia.

Paragraph: 26 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. aspō.stānaēṣ̌uua. frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 27 
Verse: a    āat̰. mraot̰. ahurō. mazdā̊:
Verse: b    yō. aētəm. aspō.stānəm. uzdasta.
Verse: c    1yeŋ́hā̊. vō. aēṣ̌ō. aspō.stāniš. aŋhat̰.1
Verse: d       aētahmāiiuš. paiti. harəϑrəm.
Verse: e          vīspəm. ā. ahmāt̰. ϑrāϑrəm. kərənauuāt̰.
Verse: f             yat̰. aēte. yōi. spāna. uzjasąn.

Paragraph: 28 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi. spāna. aδāitiiō.aŋharəϑrəm. iriš́iiąn.
Verse: c    para. aēṣ̌ąm. iriṣ̌iṇtąm. raēṣ̌ə̄. cikaēn.
Verse: d       baoδō.varštahe. ciϑaiia.

Paragraph: 29 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. gauuō.stānaēṣ̌uua.1 frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 30 
Verse: a    āat̰. mraot̰. ahurō. mazdā̊:
Verse: b    yō. aētəm. gauuō.stānəm.1 uzdasta.
Verse: c    yeŋ́hā̊. vō. aēṣ̌ō. gauuō.stāniš.1 aŋhat̰.
Verse: d       aētahmāiiuš. paiti. harəϑrəm.
Verse: e          vīspəm. ā. ahmāt̰. ϑrāϑrəm. kərənauuāt̰.
Verse: f             yat̰. aēte. yōi. spāna. uzjasąn.

Paragraph: 31 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi. spāna. aδāitiiō.aŋharəϑrəm. iriš́iiąn.
Verse: c    para. aēṣ̌ąm. iriṣ̌iṇtąm. raēṣ̌ə̄. cikaēn.
Verse: d       baoδō.varštahe. ciϑaiia.

Paragraph: 32 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. pasuš.hastaēṣ̌uua. frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 33 
Verse: a    āat̰. mraot̰. ahurō. mazdā̊:
Verse: b    yō. aētəm. 1pasuš.hastəm. uzdasta.1
Verse: c    yeŋ́hā̊. vō. aēṣ̌ō. pasuš.hastiš. aŋhat̰.
Verse: d       aētahmāiiuš. paiti. harəϑrəm.
Verse: e          vīspəm. ā. ahmāt̰. ϑrāϑrəm. kərənauuāt̰.
Verse: f             yat̰. aēte. yōi. spāna. uzjasąn.

Paragraph: 34 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi. spāna. aδāitiiō.aŋharəϑrəm. iriš́iiąn.
Verse: c    para. aēṣ̌ąm. iriṣ̌iṇtąm. raēṣ̌ə̄. cikaēn.
Verse: d       baoδō.varštahe. ciϑaiia.

Paragraph: 35 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. uzdaēzaēṣ̌uua. frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 36 
Verse: a    āat̰. mraot̰. ahurō. mazdā̊:
Verse: b    yō. aētəm. uzdaēzəm. uzdišta.1
Verse: c    yeŋ́hā̊. vō. aēṣ̌ō. uzdaēziš.2 aŋhat̰.
Verse: d       aētahmāiiuš. paiti. harəϑrəm.
Verse: e          vīspəm. ā. ahmāt̰. ϑrāϑrəm. kərənauuāt̰.
Verse: f             yat̰. aēte. yōi. spāna. uzjasąn.

Paragraph: 37 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi. spāna. aδāitiiō.aŋharəϑrəm. iriš́iiąn.
Verse: c    para. aēṣ̌ąm. iriṣ̌iṇtąm. raēṣ̌ə̄. cikaēn.
Verse: d       baoδō.varštahe. ciϑaiia.

Paragraph: 38 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. auuakaṇtaēṣ̌uua. frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 39 
Verse: a    āat̰. mraot̰. ahurō. mazdā̊:
Verse: b    yō. aētəm. auuakanəm. auuakaṇta.
Verse: c    yeŋ́hā̊. vō. aēṣ̌ō. auuakaniš.1 aŋhat̰.
Verse: d       2aētahmāiiuš. paiti. harəϑrəm.2
Verse: e          vīspəm. ā. ahmāt̰. ϑrāϑrəm. kərənauuāt̰.3
Verse: f             yat̰. aēte. yōi.4 spāna. uzjasąn.

Paragraph: 40 
Verse: a    yezi. nōit̰. harəϑrəm. baraiti.
Verse: b       aētaδa. aēte. yōi.1 spāna. aδāitiiō.aŋharəϑrəm.2 iriš́iiąn.3
Verse: c    para. aēṣ̌ąm. iriṣ̌iṇtąm.4 raēṣ̌ə̄. cikaēn.5
Verse: d       baoδō.varštahe. ciϑaiia.

Paragraph: 41 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēṣ̌a. gaδβa. auui.1 maδəme.2 vā. vāstre. vā. frajasāt̰.
Verse: c       kahmāt̰. mazdaiiasnanąm. harəϑrəm. barāt̰.

Paragraph: 42 
Verse: a    āat̰. mraot̰. ahurō. mazdā̊:
Verse: b    yō. aētəm. vāstri.1 uzdasta.
Verse: c    yeŋ́hā̊. vō. aēṣ̌ō.2 vāstriš. aŋhat̰.
Verse: d       aētahmāiiuš. paiti. harəϑrəm:3

Paragraph: 43 
Verse: a    upāca. hē. gātūm.1 baraiiən.2
Verse: b       nəmō. vaṇtāhuua.
Verse: c       kąmcit̰. vā. starətaēṣ̌inąm.3
Verse: d          vīspəm. ā. ahmāt̰. ϑrāϑrəm. kərənauuāt̰.4
Verse: e             yat̰. aēte. yōi. spāna.
Verse: f                xvā.zaēnəm. xvā.draonəm. bauuąn.

Paragraph: 44 
Verse: a    dātarə. gaēϑanąm. astuuaitinąm. aṣ̌āum.
Verse: b    kaϑa.1 aēte.2 spāna.
Verse: c       xvā.zaēnəm. xvā.draonəm.3 bauuąn.

Paragraph: 45 
Verse: a    āat̰. mraot̰. ahurō. mazdā̊:
Verse: b    yauuat̰. aēte.1 spāna.
Verse: c       biš. hapta. nmāna. pairi.2 tacahi.3 bauuąn:
Verse: d    vasō. pascaēta. fraxštāite.4 aiβi.gāme.5
Verse: e          iϑa.6 hama:
Verse: f    xṣ̌uuaš. mā̊ŋhō. sūnō.7 ϑrāϑrəm.
Verse: g       hapta. sarəδa. apərənāiiūkahe.
Verse: h    āϑrō. ahurahe. mazdā̊. puϑrəm.8
Verse: i       auuaϑa. nāirikaiiāi.9

Paragraph: 46 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. vasən. mazdaiiasna.
Verse: c       juuō.daxštəm. maēϑmanəm.1
Verse: d    kuϑa. tē. vərəziiąn.
Verse: e       aēte. yōi.2 mazdaiiasna.

Paragraph: 47 
Verse: a    āat̰. mraot̰. ahurō. mazdā̊:
Verse: b    aētaδa. hē.1 aēte. mazdaiiasna.
Verse: c       aiŋ́hā̊.2 zəmō. auua.kanəm. auua.kanaiiən.
Verse: d          maiδiiōi.3 pasuš.hastaēṣ̌uua.
Verse: e          maiδiiōi.4 paitištāne.5 xrūždisme.6
Verse: f          maiδiiōi.7 narš. varədusme.8

Paragraph: 48 
Verse: a    paoiriiāi.1 nidarəzaiiən.2 apərənāiiūkəm.
Verse: b       auuaϑa. ātrəm.3 ahurahe. mazdā̊. puϑrəm.
Verse: c          vīspəm. ā. ahmāt̰. ϑrāϑrəm. kərənauuāt̰.4
Verse: d             yauuat̰. aēṣ̌ō. spā. aniia. jasō.5
Verse: e                aiβica. aparəm.
Verse: f                patica.6 aparəm.
Verse: g                apāca. pauruuaēibiia.
Verse: h    nōit̰. dim. auuaϑa. iriṣ̌iiąn.

Paragraph: 49 
Verse: a    yō. gaδβąm. yąm. apuϑrąm.
Verse: b       ϑraiiąm.1 bāuzdri.2
Verse: c       barəϑrica.3 puϑrāca.
Verse: d       paēmainica. aiiatāca.4 taēca.
Verse: e    aētaδaca.5 puϑrəm.6 baraiti.7
Verse: f       sūnąm.8 bāuzdri.2

Paragraph: 50 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. gaδβąm.1 jaiṇti. yąm. apuϑrąm.
Verse: c       ϑraiiąm.2 bāuzdri.3
Verse: d       barəϑrica.4 puϑrāca.
Verse: e       paēmainica. aiiatāca.5 taēca.
Verse: f    aētaδaca.6 puϑrəm.7 baraiti.
Verse: g       sūnąm.8 bāuzdri.3
Verse: h    kā. hē. asti. ciϑa.

Paragraph: 51 
Verse: a    āat̰. mraot̰. ahurō. mazdā̊:
Verse: b       hapta. sata. upāzananąm. upāzōit̰. aspahe. aštraiia.
Verse: c       hapta. sata. sraoṣ̌ō.caranaiia.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.