TITUS
Avestan Corpus
Part No. 108
Previous part

Chapter: 14 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    yō. udrəm. jaiṇti.2 yim. upāpəm.
Verse: f       hazaŋrāiš.3 sūnīš.4 strī.nāmanō.5
Verse: g       6hazaŋrāiš. sūnīš. nairiiō.nāmanō.6
Verse: h          frazābaoδaŋhəm. snaϑəm. vīkərət̰.uštānəm.7
Verse: i    kā. hē. asti. ciϑa.

Paragraph: 2 
Verse: a    āat̰. mraot̰. ahurō. mazdā̊:
Verse: b       baēuuarə. upāzananąm. upāzōit̰. aspahe. aštraiia.
Verse: c       baēuuarə. sraoṣ̌ō.caranaiia.
Verse: d       baēuuarə. vaziianąm. aēsmanąm.
Verse: e             xraožduuanąm. huṣ̌atąm.1 pairīštanąm.2
Verse: f          āϑre. ahurahe. mazdā̊.
Verse: g          aṣ̌aiia. vaŋhuiia.
Verse: h                urune. ciϑīm. nisirinuiiāt̰.3

Paragraph: 3 
Verse: a       baēuuarə. vaziianąm. aēsmanąm. varəduuanąm.
Verse: b          uruuāsnaiiā̊. vā. vohu.gaonahe. vā.
Verse: c          vohu.kərətōiš. vā. haδānaēpataiiā̊. vā.
Verse: d          kąmcit̰. vā. hubaoiδitəmanąm. uruuaranąm.
Verse: e             āϑre. ahurahe. mazdā̊.
Verse: f             aṣ̌aiia. vaŋhuiia.
Verse: g                urune. ciϑīm. nisirinuiiāt̰.

Paragraph: 4 
Verse: a       baēuuarə. frastərətanąm.1 barəsmaine. frastairiiāt̰.2
Verse: b       baēuuarə. zaoϑranąm. haomauuaitinąm. gaomauuaitinąm.
Verse: c          yaoždātanąm. pairi.aŋharštanąm.3
Verse: d          dahmō.yaoždātanąm. dahmō.pairi.aŋharštanąm.4
Verse: e          hąm.irista. aētaiiā̊. uruuaraiiā̊.
Verse: f                yā.5 vaoce.6 haδānaēpāta.7
Verse: g             aiβiiō. vaŋuhibiiō.
Verse: h             aṣ̌aiia. vaŋhuiia.
Verse: i                urune. ciϑīm. nisirinuiiāt̰.

Paragraph: 5 
Verse: a    baēuuarə. ažinąm.1 udarō.ϑrąsanąm.2 auua.janiiāt̰.
Verse: b    baēuuarə. ažinąm. spakanąm. kahrpunanąm.3 auua.janiiāt̰.
Verse: c    baēuuarə. kasiiapanąm. auua.janiiāt̰.
Verse: d    baēuuarə. vazaγanąm.4 dāδmainiianąm. auua.janiiāt̰.
Verse: e    baēuuarə. vazaγanąm. upāpanąm. auua.janiiāt̰.
Verse: f    baēuuarə. maoirinąm. dānō.karṣ̌anąm. auua.janiiāt̰.
Verse: g    baēuuarə. maoirinąm. araēkanąm. kutakunąm. dužaininąm.6 auua.janiiāt̰.

Paragraph: 6 
Verse: a    baēuuarə. pazdunąm.1 gūϑō.varətanąm.2 auua.janiiāt̰.
Verse: b    baēuuarə. maxṣ̌inąm. ərəγaitinąm. auua.janiiāt̰.
Verse: c    baēuuarə. maγanąm. irimaitinąm.3 aiŋ́hā̊.4 zəmō. aipi.kaniiāt̰.5
Verse: d    biš. hapta. āϑrō. daxštəm.
Verse: e       nərəbiiō. aṣ̌auuabiiō.
Verse: f       aṣ̌aiia. vaŋhuiia.
Verse: g          urune. ciϑīm. nisirinuiiāt̰.

Paragraph: 7 
Verse: a    ātrə.carana.1 pairiš.hanāna.
Verse: b       yaoždāni.2 garəmō.skarana.3
Verse: c       ātrə.vazanəm.4 hikaranəm.5
Verse: d          vīkasrəm.6 aδarāt̰. naēmāt̰.
Verse: e          haṇkusrəm. uparāt̰. naēmāt̰.
Verse: f       taṣ̌əm. tiži.dārəm. tiži.žnūtəm.7
Verse: g       vadəm.8 tiži.bārəm.9 tiži.žnūtəm.10
Verse: h          nərəbiiō. aṣ̌auuabiiō.
Verse: i          aṣ̌aiia. vaŋhuiia.
Verse: j             urune. ciϑīm. nisirinuiiāt̰.
Verse: k    yaēibiiō. aēte. mazdaiiasna.
Verse: l       āϑre. ahurahe. mazdā̊. aēsmą.11 pairiṣ̌əṇte.12

Paragraph: 8 
Verse: a    vīspe. zaiia. aϑaurune.1
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰.
Verse: e    yaēṣ̌ąm. zaiianąm.2 aϑaurune.3
Verse: f       aštra. gaoiδi.4 paiti.dānō.
Verse: g       xrafstraγnəm. sraoṣ̌ō.caranaiia.
Verse: h       uruniia. raēϑβiš.bajina.5
Verse: i       hauuana.6 dāitiiō.kərəta.
Verse: j       tašta. haomiia.
Verse: k       barəsmaca.

Paragraph: 9 
Verse: a    vīspe. zaiia. raϑōišti.1
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰.
Verse: e    yaēṣ̌ąm. zaiianąm. raϑōišti.2
Verse: f       paoiriiō. arštiš.3
Verse: g       bitiiō. karətō.4
Verse: h       ϑritiiō. vazrō.
Verse: i       tūiriia.5 ϑanuuarə.6
Verse: j       puxδa.7 zaēnāuš.8
Verse: k          mat̰.9 akana.
Verse: l          mat̰.10 ϑrisąs. aiiō.aγrāiš.
Verse: m       xštuuī.11 fradaxṣ̌ana. snāuuarə.bāzura.12
Verse: n          mat̰. ϑrisąs. fradaxṣ̌aniiāiš.13
Verse: o       haptaϑō. zrāδō.
Verse: p       aštəmō. kūiris.14
Verse: q       nāumō.15 paiti.dānō.16
Verse: r       dasəmō. sārauuārō.17
Verse: s       aēuuaṇdasō.18 kamara.
Verse: t       duuadasō. rānapō.19

Paragraph: 10 
Verse: a    vīspe. zaiia. vāstriiō. fṣ̌uiiąs.
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰.
Verse: e    yaēṣ̌ąm. zaiianąm. vāstriiehe. fṣ̌uiiaṇtō.
Verse: f       aēṣ̌a. yuiiō.səmi.1
Verse: g       aiiažāna.2 paiti.darəzāna.3
Verse: h       gauuāzišta.4 gauuāzō.5
Verse: i       asmana. hāuuana.
Verse: j       yāuuarənəm.6 zgərəsnō.vaγδanəm.7

Paragraph: 11 
Verse: a    kąstrəm. paitiš.hərəzəm.1 vərəzaiiaṇtəm.2
Verse: b       hakərət̰. ərəzatəm.
Verse: c       hakərət̰. zaranim:3
Verse: d    dātarə. gaēϑanąm. astuuaitinąm. aṣ̌āum.
Verse: e    cuuat̰.
Verse: f       yauuat̰. ərəzatəm:4
Verse: g    āat̰. mraot̰. ahurō. mazdā̊:
Verse: h       yaϑa. aspahe. arṣ̌nō. pərəska:
Verse: i    dātarə. gaēϑanąm. astuuaitinąm. aṣ̌āum.
Verse: j    cuuat̰.
Verse: k       yauuat̰. zaranim:5
Verse: l    āat̰. mraot̰. ahurō. mazdā̊:
Verse: m       yaϑa.6 uštrahe. arṣ̌nō. pərəska.

Paragraph: 12 
Verse: a    vaiδīm.1 taci.apąm.2
Verse: b       nərəbiiō. aṣ̌auuabiiō.
Verse: c       aṣ̌aiia. 3vaŋhuiia.
Verse: d          urune. ciϑīm.3 nisirinuiiāt̰:
Verse: e    dātarə. gaēϑanąm. astuuaitinąm. aṣ̌āum.
Verse: f    cuuat̰.
Verse: g       yauuat̰. vaiδīm:4
Verse: h    āat̰. mraot̰. ahurō. mazdā̊:
Verse: i       spā.barəzəm.5
Verse: j       spā.fraϑəm.

Paragraph: 13 
Verse: a    ząm. karṣ̌iiąm.1 raoδaiiąm.2
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰:
Verse: e    dātarə. gaēϑanąm. astuuaitinąm. aṣ̌āum.
Verse: f    cuuat̰.
Verse: g       yauuat̰. zā̊:
Verse: h    āat̰. mraot̰. ahurō. mazdā̊:
Verse: i       yauuat̰. aēṣ̌a.3 āfš.
Verse: j          biiārixti.4 upa.ϑβaršti.5 frabauuāt̰.6

Paragraph: 14 
Verse: a    nmānəm. gāuuaiianəm.1 nauua.hāϑrəm. nauua.nəmatəm.2
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰:
Verse: e    dātarə. gaēϑanąm. astuuaitinąm. aṣ̌āum.
Verse: f    cuuat̰.
Verse: g       yauuat̰. nmānəm:
Verse: h    āat̰. mraot̰. ahurō. mazdā̊:
Verse: i       duuadasa. vītāra.3 upəma.4
Verse: j       nauua. vītāra.3 maδəma.
Verse: k       xṣ̌uuaš. vītāra.3 nitəma.
Verse: l    gātu.5 xvaini.6 starətu.7 mat̰. barəziša.8
Verse: m       nərəbiiō. aṣ̌auuabiiō.
Verse: n       aṣ̌aiia. vaŋhuiia.
Verse: o          urune. ciϑīm. nisirinuiiāt̰.

Paragraph: 15 
Verse: a    kaniiąm. askəṇdąm. anupaiiatąm.1
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰:
Verse: e    dātarə. gaēϑanąm. astuuaitinąm. aṣ̌āum.
Verse: f    kā. yā. kaine:
Verse: g    āat̰. mraot̰. ahurō. mazdā̊:
Verse: h       xvaŋha. vā. duγδa. vā. nāmə̄ni.2
Verse: i       mat̰. gaoṣ̌āuuarə.
Verse: j       pasca. paṇca.dasīm.3 sarəδəm.
Verse: k          nərəbiiō. aṣ̌auuabiiō.
Verse: l             nāiriϑβana.4 upa.vāδaiiaēta.

Paragraph: 16 
Verse: a    biš. hapta. pasuuō.1 anumaiia.
Verse: b       nərəbiiō. aṣ̌auuabiiō.
Verse: c       aṣ̌aiia. vaŋhuiia.
Verse: d          urune. ciϑīm. nisirinuiiāt̰:
Verse: e    biš. hapta. puϑrąm.2 gaδβąm. uzjāmōit̰.
Verse: f    biš. hapta. pəṣ̌auuō.3 fraoirisiiōit̰.4
Verse: g       tarasca. āpō. nāuuaiiā̊.

Paragraph: 17 
Verse: a    duiiē.1 nauuaiti.2 astanąm. aδāitiiō. aŋharəϑranąm.3
Verse: b       dāitīm. ahmāicit̰. harəϑrəm. kərənuiiāt̰.
Verse: c    duiiē. nauuaiti.2 gaδβąm. paiti. yaoždaiϑīta.4
Verse: d       stiptibiiasca.5 anāiritibiiasca.6
Verse: e       viiaŋuraēibiiasca.7 vīspaēibiiasca. pairi. acištaēibiiō.8
Verse: f          yōi.9 gaδβąm. pairi. bauuaiti:
Verse: g    duiiē. nauuaiti.2 narąm. aṣ̌aonąm. vāstriiaēta.
Verse: h       gə̄uš. vā. xvarəϑahe. vā.
Verse: i       huraiiā̊. vā. maδuš. vā.

Paragraph: 18 
Verse: a    hā. hē. asti. ciϑa.
Verse: b    hā. hē. asti. āpərətiš.
Verse: c       aipi.pārəmnāi. iδa. aṣ̌aone.
Verse: d       nōit̰. anaipi.pārəmnāi.1


{= Y. 49,11d}
Verse: Q1a    drujō. nmāne.   haiϑiiā. aŋhən. astaiiō.


Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.