TITUS
Avestan Corpus
Part No. 114
Previous part

Chapter: 20 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kō. paoiriiō. maš́iiānąm.
Verse: f       ϑamnaŋuhatąm.1 varəcaŋuhatąm.2
Verse: g       yaoxštiuuatąm.3 yātumatąm.
Verse: h       raēuuatąm. taxmanąm. paraδātąm.4
Verse: i          yaskəm. yaskāi. dāraiiat̰.
Verse: j          mahrkəm. mahrkāi. dāraiiat̰.
Verse: k          vazəmnō.aršti.5 dāraiiat̰.
Verse: l          āϑrō. tafnuš.6 dāraiiat̰.
Verse: m             tanaot̰. haca. maš́iiehe.

Paragraph: 2 
Verse: a    āat̰. mraot̰. ahurō. mazdā̊:
Verse: b    ϑritō.1 paoiriiō.2
Verse: c          spitama. zaraϑuštra.
Verse: d       maš́iiānąm.
Verse: e       ϑamnaŋuhatąm.3 varəcaŋuhatąm.4
Verse: f       yaoxštiuuatąm.5 yātumatąm.
Verse: g       raēuuatąm. taxmanąm. paraδātąm.6
Verse: h          yaskəm. yaskāi. dāraiiat̰.
Verse: i          mahrkəm. mahrkāi. dāraiiat̰.
Verse: j          vazəmnō.aršti.7 dāraiiat̰.
Verse: k          āϑrō. tafnuš. dāraiiat̰.
Verse: l             tanaot̰. haca. maš́iiehe.

Paragraph: 3 
Verse: a    višciϑrəm.1 dim. aiiasata.
Verse: b       āiiapta. xṣ̌aϑra. vairiia.
Verse: c          paitištātə̄e. yaskahe.
Verse: d          paitištātə̄e. mahrkahe.
Verse: e          paitištātə̄e. dāžu.
Verse: f          paitištātə̄e. tafnu.
Verse: g          paitištātə̄e. sāranahe.
Verse: h          paitištātə̄e. sārastiiehe.2
Verse: i          paitištātə̄e. ažanahe.
Verse: j          paitištātə̄e. ažahuuahe.
Verse: k          paitištātə̄e. kuruγahe.3
Verse: l          4paitištātə̄e. ažiuuākahe.4
Verse: m          paitištātə̄e. drukahe.5
Verse: n          paitištātə̄e. astairiiehe.
Verse: o          paitištātə̄e. aγaṣ̌iiā̊.6 pūitiiā̊.7 āhitiiā̊.8
Verse: p             yā.9 aŋrō. mainiiuš. frākərəṇtat̰.
Verse: q                auui. imąm. tanūm. yąm. maš́iiānąm.

Paragraph: 4 
Verse: a    aδa. azəm. yō. ahurō. mazdā̊.
Verse: b       uruuarā̊. baēṣ̌aziiā̊.1 uzbarəm.
Verse: c          paoirīš.2 pouru.satā̊.
Verse: d          paoirīš.2 pouru.hazaŋrā̊.3
Verse: e          paoirīš.2 pouru.baēuuarō.4
Verse: f             ōiium.5 gaokərənəm. pairi.6

Paragraph: 5 
Verse: a    tat̰. vīspəm. frīnāmahi.1
Verse: b    tat̰. vīspəm. fraēṣ̌iiāmahi.2
Verse: c    tat̰. vīspəm. nəmax́iiāmahi.3
Verse: d       auui. imąm.4 tanūm. yąm. maš́iiānąm.

Paragraph: 6 
Verse: a          paitištātə̄e. yaskahe.
Verse: b          paitištātə̄e. mahrkahe.
Verse: c          paitištātə̄e. dāžu.
Verse: d          paitištātə̄e. tafnu.
Verse: e          paitištātə̄e. sāranahe.1
Verse: f          paitištātə̄e. sārastiiehe.2
Verse: g          paitištātə̄e. ažanahe.3
Verse: h          paitištātə̄e. ažahuuahe.4
Verse: i          paitištātə̄e. kuruγahe.5
Verse: j          6paitištātə̄e. ažiuuākahe.
Verse: k          paitištātə̄e. drukahe.7
Verse: l          8paitištātə̄e. astairiiehe.8
Verse: m          paitištātə̄e. aγaṣ̌iiā̊.9 pūitiiā̊. āhitiiā̊.10
Verse: n             yā. aŋrō. mainiiuš.11 frākərəṇtat̰.
Verse: o                auui. imąm. tanūm. yąm.12 maš́iiānąm.

Paragraph: 7 
Verse: a    yaskəm. ϑβąm. paiti.saŋhāmi.1
Verse: b    2mahrkəm. ϑβąm. paiti.saŋhāmi.2
Verse: c    dāžu. ϑβąm. paiti.saŋhāmi.
Verse: d    tafnu. ϑβąm. paiti.saŋhāmi.
Verse: e    sāranahe. ϑβąm. paiti.saŋhāmi.
Verse: f    sārastiiehe. ϑβąm. paiti.saŋhāmi.
Verse: g    ažanahe.3 ϑβąm. paiti.saŋhāmi.
Verse: h    ažahuuahe.3 ϑβąm. paiti.saŋhāmi.
Verse: i    kuruγahe.4 ϑβąm. paiti.saŋhāmi.
Verse: j    ažiuuākahe. ϑβąm. paiti.saŋhāmi.
Verse: k    drukahe.5 ϑβąm. paiti.saŋhāmi.
Verse: l    astairiiehe. ϑβąm. paiti.saŋhāmi.
Verse: m    aγaṣ̌e.6 ϑβąm. paiti.saŋhāmi.

Paragraph: 8 
Verse: a    yeŋ́he. varəda.1 vanaēma. drujim.2
Verse: b       druje.3 varəda.1 vanaēma.
Verse: c          yeŋ́he. xṣ̌aϑrəm. aojoŋhuuat̰.4 maibiiō.5
Verse: d             ahura.6

Paragraph: 9 
Verse: a    1paiti.pərəne. aṣ̌ire.2
Verse: b    paiti.pərəne. aγūire.3
Verse: c    paiti.pərəne. aγrąm.
Verse: d    paiti.pərəne. uγrąm.
Verse: e    paiti.pərəne. yaskahe.
Verse: f    paiti.pərəne. mahrkahe.
Verse: g    paiti.pərəne. dāžu.
Verse: h    paiti.pərəne. tafnu.4
Verse: i    paiti.pərəne. sāranahe.
Verse: j    paiti.pərəne. sārastiiehe.
Verse: k    paiti.pərəne. ažanahe.
Verse: l    paiti.pərəne. ažahuuahe.5
Verse: m    paiti.pərəne. kuruγahe.6
Verse: n    paiti.pərəne. ažiuuākahe.7
Verse: o    paiti.pərəne. drukahe.8
Verse: p    paiti.pərəne. astairiiehe.
Verse: q    paiti.pərəne. aγaṣ̌iiā̊. pūitiiā̊. āhitiiā̊.9
Verse: r       yā. aŋrō. mainiiuš. frākərəṇtat̰.
Verse: s          auui. imąm. tanūm. yąm. maš́iiānąm.

Paragraph: 10 
Verse: a    paiti.pərəne. vīspəm. yaskəmca. mahrkəmca.
Verse: b       vīspe. yātauuō. pairikā̊sca.
Verse: c       vīspā̊. janiiō.1 yā̊. druuaitīš.2

Paragraph: 11  {= Y. 54,1}
Verse: Q1a    ā. airiiə̄mā.1 iš́iiō. rafəδrāi. jaṇtū.
Verse: Q1b       nərəbiiascā. nāiribiiascā.2
Verse: Q1c          zaraϑuštrahe.
Verse: Q1c          vaŋhə̄uš. rafəδrāi. manaŋhō.
Verse: Q1c    yā. daēnā. vairīm. hanāt̰. mīždəm.3
Verse: Q1d       aṣ̌ahiiā.4 yāsā. aṣ̌īm.
Verse: Q1e          yąm. iṣ̌iiąm. ahurō. masatā. mazdā̊.

Paragraph: 12 
Verse: a    jaṇtu. ā.airiiə̄mā.iš́iiō.
Verse: b       vīspəm. yaskəmca. mahrkəmca.
Verse: c       vīspe. yātauuō. pairikā̊sca.
Verse: d       vīspā̊. janiiō.1 yā̊. druuaitīš.2


Paragraph: 13  {= Y. 27,14}
Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


Paragraph: 14  {= Vd. 8,21}
Verse: Q1a    pāta. nō. t̰biṣ̌iiaṇtat̰. pairi.
Verse: Q1d       mazdā̊sca. ārmaitišca. spəṇtasca:
Verse: Q1b    nase. daēuuī. druxš.
Verse: Q1c    nase. daēuuō.ciϑre.
Verse: Q1c    nase. daēuuō.frakaršte.
Verse: Q1d    nase. daēuuō.fradāiti.
Verse: Q1e    apa. druxš. nase.
Verse: Q1d    apa. druxš. duuāra.
Verse: Q1d    apa. druxš. vīnase.
Verse: Q1f    apāxəδre. apa.nasiiehe.
Verse: Q1g       māmərəṇcainīš. gaēϑā̊. astuuaitīš. aṣ̌ahe.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.