TITUS
Avestan Corpus
Part No. 123
Previous part

Chapter: 7 
Paragraph: 1 
Verse: a    vaca. aršuxδa. yazamaide:
Verse: b    sraoṣ̌əm. aṣ̌īm. yazamaide:
Verse: c    aṣ̌īm. vaŋuhīm.1 yazamaide:
Verse: d    nairīm.2 saŋhəm. yazamaide:
Verse: e    āxštīm. hąm.vaiṇtīm.3 yazamaide:
Verse: f    astərətaca.4 amuiiamna.5 yazamaide:
Verse: g    aṣ̌āunąmca.6 frauuaṣ̌aiiō. yazamaide:
Verse: h    cinuuatō.7 pərətūm. yazamaide:
Verse: i    garō. nmānəm. ahurahe. mazdā̊. yazamaide:
Verse: j    vahištəm. ahūm. aṣ̌aonąm. yazamaide.
Verse: k    raocaŋhəm. vīspō.xvāϑrəm.: (si. bār.)

Paragraph: 1_R1 
Verse: a    vaca. aršuxδa. yazamaide:
Verse: b    sraoṣ̌əm. aṣ̌īm. yazamaide:
Verse: c    aṣ̌īm. vaŋuhīm. yazamaide:
Verse: d    nairīm. saŋhəm. yazamaide:
Verse: e    āxštīm. hąm.vaiṇtīm. yazamaide:
Verse: f    astərətaca. amuiiamna. yazamaide:
Verse: g    aṣ̌āunąmca. frauuaṣ̌aiiō. yazamaide:
Verse: h    cinuuatō. pərətūm. yazamaide:
Verse: i    garō. nmānəm. ahurahe. mazdā̊. yazamaide:
Verse: j    vahištəm. ahūm. aṣ̌aonąm. yazamaide.
Verse: k    raocaŋhəm. vīspō.xvāϑrəm.:}

Paragraph: 1_R2 
Verse: a    vaca. aršuxδa. yazamaide:
Verse: b    sraoṣ̌əm. aṣ̌īm. yazamaide:
Verse: c    aṣ̌īm. vaŋuhīm. yazamaide:
Verse: d    nairīm. saŋhəm. yazamaide:
Verse: e    āxštīm. hąm.vaiṇtīm. yazamaide:
Verse: f    astərətaca. amuiiamna. yazamaide:
Verse: g    aṣ̌āunąmca. frauuaṣ̌aiiō. yazamaide:
Verse: h    cinuuatō. pərətūm. yazamaide:
Verse: i    garō. nmānəm. ahurahe. mazdā̊. yazamaide:
Verse: j    vahištəm. ahūm. aṣ̌aonąm. yazamaide.
Verse: k    raocaŋhəm. vīspō.xvāϑrəm.:

Paragraph: 2 
Verse: a    vahištahe. aŋhə̄uš. vahištąm. aiianąm.1 yazamaide:
Verse: b    arštātəm. yazamaide.
Verse: c       vaŋuhīm.2 frādat̰.gaēϑąm.
Verse: d       varədat̰.gaēϑąm. sauuō.gaēϑąm.3
Verse: e          yąm. daēnąm. māzdaiiasnīm:
Verse: f    raṣ̌nūm. razištəm. yazamaide:
Verse: g    miϑrəm. vouru.gaoiiaoitīm. yazamaide:
Verse: h    rəuuīm.4 parəṇdīm.5 yazamaide.
Verse: i       rəuuīm. rauuō.manaŋhąm.6
Verse: j       rəuuīm. rauuō.vacaŋhąm.6
Verse: k       rəuuīm. rauuō.š́iiaoϑənanąm.7
Verse: l          frā. tanuuō. rəṇjaiieiti.

Paragraph: 3 
Verse: a    nairiiąm. hąm.varəitīm.1 yazamaide.
Verse: b       framən.narąm.2 framən.narō.vīrąm.2
Verse: c          yā. āsaot̰. āsiiā̊.3
Verse: d          yā. taxmō.tąṣ̌iiā̊.4
Verse: e          yā. dim. jasaiti.5 baγō.baxtəmcit̰.6
Verse: f          yā. narəm. vīgərəptācit̰.6
Verse: g             tanuuō. baoxtārəm. daδāiti:
Verse: h    xvafnəm. mazdaδātəm. yazamaide.
Verse: i       ṣ̌āitīm.7 pasuuā̊. vīraiiā̊.

Paragraph: 4 
Verse: a    auuā̊.1 dāmąn.2 aṣ̌auuanō.3 yazamaide.
Verse: b       yā̊.4 həṇti. paoiriiō.dāta. paoiriiō.fraϑβaršta.5
Verse: c          aṣ̌nāat̰ca.6 apāat̰ca.
Verse: d          zəmāat̰ca. uruuaraiiāat̰ca.
Verse: e          gaot̰ca.7 huδā̊ŋhat̰:8
Verse: f    zraiiō.9 vourukaṣ̌əm. yazamaide:
Verse: g    vātəm. darṣ̌īm.10 mazdaδātəm. yazamaide:
Verse: h    asmanəm. xvanuuaṇtəm. yazamaide.
Verse: i       paoiriiō.dātəm. paoiriiō.fraϑβarštəm.11
Verse: j          gaēϑīm. gaēϑaiiā̊.12 stōiš.

Paragraph: 5  {~ Y. 71,23}
Verse: Q1a    ϑβąm. ātrəm.1 ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide:
Verse: Q1b       haδa.zaoϑrəm. haδa.aiβiiā̊ŋhanəm.
Verse: Q1c    imat̰. barəsma. aṣ̌aiia. frastarətəm.2 aṣ̌auuanəm. aṣ̌ahe. ratūm. yazamaide:
Verse: Q1d    apąm. naptārəm. yazamaide:
Verse: Q1e    +nairīm. saŋhəm. yazamaide::
Verse: Q1f    taxməm. dāmōiš. upamanəm. yazatəm. yazamaide::
Verse: Q1g    iristanąm. uruuąnō. yazamaide::
Verse: Q1h       yā̊. aṣ̌aonąm. frauuaṣ̌aiiō.

{= Y. 71,24}
Verse: Q2i    ratūm. bərəzaṇtəm. yazamaide::
Verse: Q2j       yim. ahurəm. mazdąm.
Verse: Q2k          yō. aṣ̌ahe. apanōtəmō.
Verse: Q2l          yō. aṣ̌ahe. jaγmūštəmō::
Verse: Q2m    vīspa. srauuā̊. zaraϑuštri. yazamaide::
Verse: Q2n    vīspaca. huuaršta. š́iiaoϑna. yazamaide.
Verse: Q2o       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.:: (rāspī.)


Verse: Q2a    yaϑā. ahū. vairiiō.
Verse: Q2b       yō. zaotā. frā.mē. mrūtē:: (zōt̰.)
Verse: Q2c    aϑā. ratuš. aṣ̌āt̰cīt̰. haca.
Verse: Q2d       frā. aṣ̌auua. vīδuuā̊. mraotū.::::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.