TITUS
Avestan Corpus
Part No. 122
Previous part

Chapter: 6 
Paragraph: 1  (zōt̰. u. rāspī.)
Verse: a    sastica. (zōt̰.::) vaṇtāca. rafnaŋhāca.
Verse: b       vīϑuṣ̌aēibiiasca. zaoϑrābiiō.
Verse: c       aršuxδaēibiiasca. vāγžibiiō.1
Verse: d          aməṣ̌ə̄. spəṇtə̄. vaŋhūš.2 srīrāiš. nāmąn. āzbaiia:3
Verse: e          aməṣ̌ə̄. spəṇtə̄. vaŋhūš.4 srīrāiš. nāmąn. aṣ̌ahe. frāiieze.
Verse: f             bərəja. vaŋhə̄uš. aṣ̌ahe.
Verse: g             bərəja. †daēnaiiā̊. vaŋhuiiā̊. māzdaiiasnōiš:

{= Y. 15,2-3} (zōt̰. u. rāspī.)
Verse: Q1a    yeŋ́hē. mē. aṣ̌āt̰. hacā. (zōt̰.)
Verse: Q1b       vahištəm. yesnē. paitī.
Verse: Q1c       vaēdā. mazdā̊. ahurō.
Verse: Q1d    yōi. ā̊ŋharəcā. həṇticā.
Verse: Q1e       tą. yazāi. xvāiš. nāmə̄nīš.
Verse: Q1f       pairicā. jasāi. vaṇtā.::
Verse: Q1g    vohū. xṣ̌aϑrəm. vairīm.
Verse: Q1h       bāgəm. aibībairištəm.::

Verse: Q2a    səraoṣ̌ō. iδā. astū.
Verse: Q2b       ahurahe. mazdā̊. yasnāi.
Verse: Q2c       səuuīštahe. aṣ̌aonō.
Verse: Q2d          yə̄. nā̊. ištō.
Verse: Q2e             hiiat̰. paouruuīm.
Verse: Q2f             tat̰. ustəməmcīt̰::
Verse: Q2g    auuaϑāt̰. iδā. səraoṣ̌ō. astū.
Verse: Q2h       ahurahe. mazdā̊. yasnāi.
Verse: Q2i       səuuīštahe. aṣ̌aonō.
Verse: Q2j          yə̄. nā̊. ištō.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.