TITUS
Avestan Corpus
Part No. 121
Previous part

Chapter: 5 
Paragraph: 1 
Verse: a    vīse.1 vō. aməṣ̌a.2 spəṇta.
Verse: b       staota. zaota.
Verse: c       zbāta. yašta.
Verse: d       framarəta.3 aibijarəta.4
Verse: e          yūṣ̌mākəm. yasnāica. vahmāica. xṣ̌naoϑrāica. frasastaiiaēca.
Verse: f             yat̰. aməṣ̌anąm. spəṇtanąm.
Verse: g          ahmākəm. hauuaŋhāica. ratufritaiiaēca. aṣ̌auuastāica.5 vərəϑraγniiāica.6 huruniiāica.
Verse: h             yat̰. saoš́iiaṇtąm. aṣ̌aonąm.

Paragraph: 2 
Verse: a    pairī. və̄.1 aməṣ̌ā.2 spəṇtā. huxṣ̌aϑrā. huδā̊ŋhō. daδąmi.
Verse: b       tanuuascīt̰. xvax́iiā̊. uštanəm.
Verse: c          pairī. vīspā̊. hujītaiiō.

Paragraph: 3  {~ Y. 14,4-5}
Verse: Q1a    frā. tē. vərəne. ahe. daēnaiia.1
Verse: Q1b          aṣ̌āum. ahura. mazda.
Verse: Q1c       mazdaiiasnō. zaraϑuštriš.
Verse: Q1d       +vīdaēuuō. ahura.t̰kaēṣ̌ō::
Verse: Q1e          hāuuanə̄e. aṣ̌aone. aṣ̌ahe. raϑβe.
Verse: Q1f             yasnāica. vahmāica. xṣ̌naoϑrāica. frasastaiiaēca::
Verse: Q1g          sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q1h             yasnāica. vahmāica. xṣ̌naoϑrāica. frasastaiiaēca::
Verse: Q1i          raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q1j             yasnāica. vahmāica. xṣ̌naoϑrāica. (rāspī.) frasastaiiaēca.::

(zōt̰)

Verse: Q2a    yaϑā. ahū. vairiiō.
Verse: Q2b       zaotā. frā.mē. mrūtē:: (rāspī.)
Verse: Q2c    yaϑā. ahū. vairiiō.
Verse: Q2d       yō. zaotā. frā.mē. mrūtē:: (zōt̰.)
Verse: Q2e    aϑā. ratuš. aṣ̌āt̰cīt̰. haca.
Verse: Q2f       frā. aṣ̌auua. vīδuuā̊. mraotū.::::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.