TITUS
Avestan Corpus
Part No. 120
Previous part

Chapter: 4 
Paragraph: 1 
Verse: a    āca. manō. mata. āca.1 yazamaide.
Verse: b       vaŋuhīmca.2 ādąm. vaŋuhīmca. aṣ̌īm.
Verse: c       vaŋuhīmca. cistīm. vaŋuhīmca. druuatātəm.
Verse: d    auui.3 ratūš.4 auui.5 raϑβiia. gərəṇte.6

Paragraph: 2 
Verse: a    frā. gauue. vərəṇdiiāi.1 mazdaiiasna. zaraϑuštraiiō.2
Verse: b    ā.hīm.3 vaēδaiiamahī.4
Verse: c       raϑβaēca.5 miiazdaēca.
Verse: d       raϑβaēca. ratufritaiiaēca.
Verse: e          vīspaiiā̊. sącat̰ca.6 aṣ̌aonō. stōiš.
Verse: f             yasnāica. vahmāica. xṣ̌naoϑrāica. frasastaiiaēca.

Verse: g    †sraoṣ̌ō. astu:7 {~ Y. 70,6-7}
Verse: h    sraoṣ̌əm. aṣ̌īm. yazamaide::
Verse: i    ratūm. bərəzaṇtəm. yazamaide.
Verse: j       yim. ahurəm. mazdąm.
Verse: k          yō. aṣ̌ahe. apanōtəmō.
Verse: l          yō. aṣ̌ahe. jaγmūštəmō::
Verse: m    vīspa. srauuā̊. zaraϑuštri. yazamaide::
Verse: n    vīspaca. huuaršta. š́iiaoϑna. yazamaide.
Verse: o       varštaca. varəš́iiamnaca.


Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.†::::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.