TITUS
Avestan Corpus
Part No. 145
Previous part

Book: Ny 
Chapter: 1 
Nyāyišn


Xvaršēd Nyāiš


Paragraph: 0 
Verse: Ca    pa. nąm. i. yazdą:
Verse: Cb    1stāem. zbāem. dādār. hōrməzd. i. raiiōmaṇd. i. xvarahemaṇd.
Verse: Cc       i. harvisp. āgāh. i. kardagār. i. xvadāβāṇdą. xvadāβaṇd.
Verse: Cd       i. pādišāh. bar. hamā. pādišāhą. i. nagāhdār. i. xvālīk.
Verse: Ce       i. maxlūk. arizk.2 rōžī. dahiṇda. i. kādir. u. kavī. u. kadīm.
Verse: Cf       i. baxšāiṇda. i. baxšāišgār. i. mihirbą::
Verse: Cg    tuuąnā. u. dānā.3 u. pāk. parβardagār. ādil. pādišāhī. i. ϑō.
Verse: Ch       bə̄zavāl. bāšat̰::1
Verse: Ci    hōrməzd. i. xvadaē. i. aβazūnī. gurz. xvarahe. aβazāiiāt̰.
Verse: Cj       xvaršə̄t̰. i. amarg. i. raiiōmaṇd. i. auruuaṇd. asp::4
Verse: Ck    ə̄ž. hamā. gunāh.5 patit. pašə̄mąnōm:: (~ Nkb. 0)
Verse: Cl    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cm       vaem. kard.
Verse: Cn       vaem. jast.
Verse: Co       vaem. bun. būt̰. əstət̰.
Verse: Cp          əž. ą. gunāhihā.1 manišnī. gaβəšnī. kunišnī.
Verse: Cq             tanī. ruuąnī. gəϑī. mainiiąnī.
Verse: Cr             ōxš. aβāxš. pašə̄mą.
Verse: Cs             pa. sə. gaβəšnī. pa. patit. hōm.::

Paragraph: 1 
Verse: a    1nəmasə. tē. ahura. mazda. (sī.bār.)
Verse: b       nəmasə. tē. ahura. mazda.
Verse: c       nəmasə. tē. ahura. mazda.
Verse: d          ϑrīšcit̰.2 parō. aniiāiš. dāmąn:
Verse: e    nəmō. və̄.3 aməṣ̌ā. spəṇtā.4 vīspe.5 huuarə.hazaoṣ̌ā̊:6
Verse: f    7aētat̰. jahāt̰.8 ahurəm. mazdąm.
Verse: g       aētat̰. aməṣ̌ə̄. spəṇtə̄.9
Verse: h       aētat̰. aṣ̌aonąm. frauuaṣ̌iš.10
Verse: i       aētat̰. vaiiąm.11 darəγō.xvaδātəm.12

Paragraph: 2 
Verse: a          1xṣ̌naoϑra. ahurahe. mazdā̊.
Verse: b          tarōidīti.2 aŋrahe. mainiiə̄uš:
Verse: c             haiϑiiāuuarštąm. hiiat̰. vasnā. fəraṣ̌ōtəməm:

Verse: d    staomi. aṣ̌əm:3

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Paragraph: 3  {= Y. 0,4 / 11,17}
Verse: a    1frastuiiē. humatōibiiascā. hūxtōibiiascā. huuarštōibiiascā.
Verse: b       mąϑβōibiiascā. vaxəδβōibiiascā. varštuuōibiiascā::
Verse: c    aibigairiiā. daiϑē. vīspā. humatācā. hūxtācā. huuarštācā::
Verse: d    paitiriciiā. daiϑē. vīspā. dušmatācā. dužūxtācā. dužuuarštācā.::

Paragraph: 4  {= Y. 0,5}
Verse: a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: b       fərā. manaŋhā.
Verse: c       fərā. vacaŋhā.
Verse: d       fərā. š́iiaoϑanā.
Verse: e       fərā. aŋhuiiā.2
Verse: f       fərā. tanuuascīt̰. xvax́iiā̊. uštanəm.::

Verse: g    staomī.3 aṣ̌əm:

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Paragraph: 5  {= Y. 68,22}
Verse: a    1nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. miϑrāi. vouru.gaoiiaoitə̄e.
Verse: d    nəmō. huuarəxṣ̌aētāi. auruuat̰.aspāi.
Verse: e    nəmō. ābiiō. dōiϑrābiiō.
Verse: f       yā̊.2 ahurahe. mazdā̊.
Verse: g    nəmō. gə̄uš.
Verse: h    nəmō. gaiiehe.
Verse: i    nəmō. zaraϑuštrahe. spitāmahe. aṣ̌aonō. frauuaṣ̌ə̄e.
Verse: j    nəməm. vīspaiiā̊. aṣ̌aonō. stōiš.
Verse: k       haiϑiiāica. bauuąiϑiiāica. būš́iiąiϑiiāica.: (haβān. gāh.)


{= Y. 33,10c}
Verse: Q1Aa    vohū. uxṣ̌iiā. manaŋhā.   xṣ̌aϑrā. aṣ̌ācā.4 uštā. tanūm. (si. bār.):
Verse: Q1Ba    vohū. uxṣ̌iiā. manaŋhā.   xṣ̌aϑrā. aṣ̌ācā. uštā. tanūm.:
Verse: Q1Ca    vohū. uxṣ̌iiā. manaŋhā.   xṣ̌aϑrā. aṣ̌ācā.4 uštā. tanūm.:


Verse: Q2Aa    aṣ̌əm. vohū.5 vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.:: (rapiϑβin. gāh.)

{~ Y. 36,6}
Verse: Q3Aa    imā.6 raocā̊.
Verse: Q3Ab       barəzištəm. barəzimanąm.7 (si. bār)
Verse: Q3Ba    imā. raocā̊.
Verse: Q3Bb       barəzištəm. barəzimanąm.
Verse: Q3Ca    imā. raocā̊.
Verse: Q3Cb       barəzištəm. barəzimanąm.


Verse: Q4Aa    aṣ̌əm. vohū.5 vahištəm. astī::
Verse: Q4Ab    uštā. astī. uštā. ahmāi.
Verse: Q4Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q4Ba    aṣ̌əm. vohū. vahištəm. astī::
Verse: Q4Bb    uštā. astī. uštā. ahmāi.
Verse: Q4Bc    hiiat̰. aṣ̌āi. vahištāi. aṣ̌əm.::

Verse: Q4Ca    aṣ̌əm. vohū. vahištəm. astī::
Verse: Q4Cb    uštā. astī. uštā. ahmāi.
Verse: Q4Cc    hiiat̰. aṣ̌āi. vahištāi. aṣ̌əm.:: (uzīrin. gāh.)


{~ Y. 43,6a / 68,23}
Verse: Q5Aa    yahmī. spəṇtā.   ϑβā. mainiiū. uruuaēsē. jasō.
Verse: Q5Ba    yahmī. spəṇtā.   ϑβā. mainiiū. uruuaēsē. jasō.
Verse: Q5Ca    yahmī. spəṇtā.   ϑβā. mainiiū. uruuaēsē. jasō.


Verse: Q6Aa    aṣ̌əm. vohū. vahištəm. astī::
Verse: Q6Ab    uštā. astī. uštā. ahmāi.
Verse: Q6Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q6Ba    aṣ̌əm. vohū. vahištəm. astī::
Verse: Q6Bb    uštā. astī. uštā. ahmāi.
Verse: Q6Bc    hiiat̰. aṣ̌āi. vahištāi. aṣ̌əm.::

Verse: Q6Ca    aṣ̌əm. vohū. vahištəm. astī::
Verse: Q6Cb    uštā. astī. uštā. ahmāi.
Verse: Q6Cc    hiiat̰. aṣ̌āi. vahištāi. aṣ̌əm.::

Paragraph: 6  {= Yt. 10,7}
Verse: a    1miϑrəm. vouru.gaoiiaoitīm. yazamaide.
Verse: b       arš.vacaŋhəm. viiāxanəm.2
Verse: c       hazaŋra.gaoṣ̌əm. hutāštəm.
Verse: d       baēuuarə.caṣ̌manəm. bərəzaṇtəm.
Verse: e       pərəϑu.vaēδaiianəm.3 sūrəm.
Verse: f       axvafnəm. jaγāuruuā̊ŋhəm.4

Paragraph: 7  {~ Yt. 19,35def / Yt. 10,113ab / Y. 25,4e}
Verse: a    1miϑrəm. vīspanąm. dax́iiunąm. daiŋ́hupaitīm.2 yazamaide.
Verse: b       yim. fradaϑat̰. ahurō. mazdā̊.
Verse: c          xvarənaŋuhastəməm.3 mainiiauuanąm.4 yazatanąm:
Verse: d    5tat̰. nō. jamiiāt̰. auuaŋhe.
Verse: e       miϑra. ahura. bərəzaṇta:6
Verse: f    huuarə.xṣ̌aētəm. aməṣ̌əm. raēm. auruuat̰.aspəm. yazamaide.

Paragraph: 8  {~ Yt. 8,12}
Verse: a    tištrīm. druuō.caṣ̌manəm. yazamaide:1
Verse: b    tištrīm. yazamaide:
Verse: c    tištriiaēniiō.2 yazamaide:
Verse: d    tištriiō. raēuuā̊. xvarənaŋuhā̊.3 yazamaide:
Verse: e    vanaṇtəm. stārəm. mazdaδātəm. yazamaide:
Verse: f    4tištrīm. stārəm. raēuuaṇtəm. xvarənaŋuhantəm.5 yazamaide:
Verse: g    ϑβāṣ̌əm. xvaδātəm. yazamaide:
Verse: h    zruuānəm. akaranəm. yazamaide:
Verse: i    zruuānəm. darəγō.xvaδātəm. yazamaide:
Verse: j    6vātəm. spəṇtəm. huδā̊ŋhəm. yazamaide:6
Verse: k    razištąm. cistąm. mazdaδātąm. aṣ̌aonīm. yazamaide:
Verse: l    daēnąm. vaŋuhīm. māzdaiiasnīm. yazamaide:
Verse: m    7paϑąm. xvāstāitīm.8 yazamaide:
Verse: n    zaranumaṇtəm.9 sūrəm. yazamaide:
Verse: o    saokəṇtəm.10 gairīm. mazdaδātəm. yazamaide.

Paragraph: 9 
Verse: a    vīspəmca. aṣ̌auuanəm. mainiiaom.1 yazatəm. yazamaide:
Verse: b    vīspəmca. aṣ̌auuanəm. gaēϑīm. yazatəm. yazamaide:
Verse: c    haom. uruuānəm. yazamaide:
Verse: d    hauuąm.2 frauuaṣ̌īm. yazamaide:
Verse: e       3jasa.mē. auuaŋhe. mazda:
Verse: f    aṣ̌āunąm.4 vaŋuhīš. sūrā̊. spəṇtā̊. frauuaṣ̌aiiō. yazamaide:
Verse: g    huuarəxṣ̌aētəm. aməṣ̌əm. raēm. auruuat̰.aspəm. yazamaide:


Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Paragraph: 10  {= Y. 27,12}
Verse: a    1frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca.
Verse: d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca:2 (rapiϑβin. gāh.)
Verse: f       rapiϑβināi. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.
Verse: h       frādat̰.fṣ̌auue. zaṇtumāica. aṣ̌aone. aṣ̌ahe. raϑβe.
Verse: i          yasnāica. vahmāica. xṣ̌naoϑrāica. frasastaiiaēca: (uzirīn. gāh.)
Verse: j       uzaiieirināi. aṣ̌aone. aṣ̌ahe. raϑβe.
Verse: k          yasnāica. vahmāica. xṣ̌naoϑrāica. frasastaiiaēca.
Verse: l       frādat̰.vīrāi. dāx́iiumāica.3 aṣ̌aone. aṣ̌ahe. raϑβe.
Verse: m          yasnāica. vahmāica. xṣ̌naoϑrāica. frasastaiiaēca:
Verse: n       huuarəxṣ̌aētahe. aməṣ̌ahe. raēuuahe. auruuat̰.aspahe.
Verse: o          xṣ̌naoϑra. yasnāica. vahmāica. xṣ̌naoϑrāica. frasastaiiaēca.:

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 11  {= Yt. 6,1}
Verse: a    1huuarəxṣ̌aētəm. aməṣ̌əm. raēm. auruuat̰.aspəm. yazamaide:
Verse: b    āat̰.2 yat̰. huuarə. raoxṣ̌ne.3 tāpaiieiti.
Verse: c    āat̰. yat̰. huuarə. raocā̊. tāpaiieiti.
Verse: d       hištəṇti.4 mainiiauuā̊ŋhō. yazatā̊ŋhō.
Verse: e          satəmca. hazaŋrəmca:
Verse: f    tat̰. xvarənō. haṇbāraiieiṇti.5
Verse: g    tat̰. xvarənō. nipāraiieiṇti.
Verse: h    tat̰. xvarənō. baxṣ̌əṇti.6
Verse: i       ząm. paiti. ahuraδātąm:
Verse: j          frāδatica. aṣ̌ahe. gaēϑā̊.
Verse: k          frāδatica. aṣ̌ahe. tanuiiē.7

Paragraph: 12  {= Yt. 6,2}
Verse: a    āat̰. yat̰. huuarə. uzuxṣ̌iieiti.
Verse: b       buuat̰.1
Verse: c          ząm. ahuraδātąm. yaoždāϑrəm.
Verse: d          āpəm. taciṇtąm. yaoždāϑrəm.
Verse: e          āpəm. xaiianąm.2 yaoždāϑrəm.
Verse: f          āpəm. zraiianąm.3 yaoždāϑrəm.
Verse: g          āpəm. arəmaēštąm.4 yaoždāϑrəm.
Verse: h       buuat̰.
Verse: i          dąma.5 aṣ̌auua. yaoždāϑrəm.
Verse: j             yā̊.6 həṇti. spəṇtahe. mainiiə̄uš.7

Paragraph: 13  {= Yt. 6,3}
Verse: a    yeiδi. zī.1 huuarə. nōit̰. uzuxṣ̌iieiti.
Verse: b    aδa.2 daēuua.3 vīspā̊.4 mərəṇciṇti.5
Verse: c       yā̊. həṇti. haptō.karṣ̌uuōhuua:
Verse: d    nauua. ciš. mainiiauua. yazata. aŋhauua.6 astuuaiṇti.7
Verse: e       paiti.drąm.
Verse: f       nōit̰. paitištąm. vīδəṇti.8

Paragraph: 14  {= Yt. 6,4}
Verse: a    yō. yazaite.1 huuarə.
Verse: b       yat̰. aməṣ̌əm. raēm. auruuat̰.aspəm.
Verse: c          paitištātə̄e. təmaŋhąm.
Verse: d          paitištātə̄e. təmasciϑranąm. daēuuanąm.
Verse: e          paitištātə̄e. tāiiunąmca. hazasnąmca.
Verse: f       2paitištātə̄e. yātunąmca. pairikanąmca.2
Verse: g       paitištātə̄e. iϑiiejaŋhō.3 marəṣ̌aonahe.4
Verse: h             yazaite.5 ahurəm. mazdąm.
Verse: i             yazaite. aməṣ̌ə̄. spəṇtə̄.
Verse: j             yazaite. haom. uruuānəm.
Verse: k             xṣ̌nāuuaiieiti. vīspe.6 mainiiauuaca.7 yazata.
Verse: l                gaēϑiiāca.8
Verse: m    yō. yazaite. huuarə.
Verse: n       yat̰. aməṣ̌əm. raēm. auruuat̰.aspəm.

Paragraph: 15  {= Yt. 6,5}
Verse: a    yazāi. miϑrəm. vouru.gaoiiaoitīm.
Verse: b       hazaŋra.gaoṣ̌əm. baēuuarə.caṣ̌manəm:
Verse: c    yazāi. vazrəm. huniuuixtəm.1
Verse: d       kamərəδe. paiti. daēuuanąm.
Verse: e          *miϑrō. yō.2 vouru.gaoiiaoitiš:3*
Verse: f    yazāi. haxəδrəmca.
Verse: g       yat̰. asti. haxəδranąm. vahištəm.
Verse: h          aṇtarə. mā̊ŋhəmca. huuarəca.

Paragraph: 16  {= Yt. 6,6}
Verse: a       ahe. raiia. xvarənaŋhaca.
Verse: b    təm. yazāi. surunuuata. yasna.
Verse: c          huuarəxṣ̌aētəm. aməṣ̌əm. raēm. auruuat̰.aspəm.1
Verse: d             zaoϑrābiiō:
Verse: e    huuarəxṣ̌aētəm. aməṣ̌əm. raēm. auruuat̰.aspəm. yazamaide.
Verse: f       haomaiiō.2 gauua.3 barəsmana.
Verse: g       hizuuō.4 daŋhaŋha.5 mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.6:


Verse: Q1a    7yeŋ́hē. hātąm.   āat̰. yesnē. paitī. vaŋhō.8
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.


Verse: Ca    (vāž. guftan:)
Verse: Cb    hōrməzd. i. aβazūnī. mardum.
Verse: Cc       mardum. sardagą. ham. bā.9 yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī.
Verse: Ce       rasąnāt̰. ə̄duṇ. bāt̰.::


Paragraph: 17 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca. vahməmca. aojasca. zauuarəca. āfrīnāmi.
Verse: b       huuarəxṣ̌aētahe. aməṣ̌ahe. raēuuahe. auruuat̰.aspahe.


Paragraph: 18 
Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

{~ Y. 68,10}
Verse: a       ahurānīš. ahurahe.2
Verse: b          vahištābiiō. zaoϑrābiiō.
Verse: c          sraēštābiiō. zaoϑrābiiō.
Verse: d          dahmō.pairi.aŋharštābiiō.3 zaoϑrābiiō.4:

{~ Y. 72,9 / 68,11 / SrB 5}
Verse: Q2a    ahmāi. raēšca.5 xvarənasca.
Verse: Q2b       ahmāi. tanuuō. druuatātəm.
Verse: Q2c       ahmāi. tanuuō. vazduuarə.
Verse: Q2d       ahmāi. tanuuō. vərəϑrəm.
Verse: Q2e       ahmāi. īštīm. pouruš.xvāϑrąm.
Verse: Q2f       ahmāi. āsnąmcit̰. frazaṇtīm.
Verse: Q2g       ahmāi. darəγąm. darəγō.jītīm.
Verse: Q2h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: e    aϑa. jamiiāt̰. yaϑa. āfrīnāmi.:

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q4Aa       hazaŋrəm. baēṣ̌azanąm.
Verse: Q4Ab       baēuuarə. baēṣ̌azanąm. (si. bār.)::
Verse: Q4Ba       hazaŋrəm. baēṣ̌azanąm.
Verse: Q4Bb       baēuuarə. baēṣ̌azanąm.::
Verse: Q4Ca       hazaŋrəm. baēṣ̌azanąm.
Verse: Q4Cb       baēuuarə. baēṣ̌azanąm.::

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.::

Verse: Q6a    jasa. mē. auuaŋhe. mazda. (si. bār.)
Verse: Q6b    jasa. mē. auuaŋhe. mazda.
Verse: Q6c    jasa. mē. auuaŋhe. mazda.

Verse: Q7b       amahe. hutāštahe. huraoδahe.
Verse: Q7c       vərəϑraγnahe. ahuraδātahe.
Verse: Q7d       vanaiṇtiiā̊sca. uparatātō.::

{= Y. 72,10}
Verse: Q8a       rāmanasca. xvāstrahe.
Verse: Q8b       vaiiaoš. uparō.kairiiehe.
Verse: Q8c       taraδātō. aniiāiš. dāmąn::
Verse: Q8d    aētat̰. tē. vaiiō.
Verse: Q8e       yat̰. tē. asti. spəṇtō.mainiiaom::
Verse: Q8f          ϑβāṣ̌ahe. xvaδātahe.
Verse: Q8g          zruuānahe. akaranahe.
Verse: Q8h          zruuānahe. darəγō.xvaδātahe.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.::


Verse: Ca    kərba. mažd. gunāh. guzārašni. rā. kunōm. ašahī. ruuą.
Verse: Cb       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: Cc    ašō. bə̄t̰. də̄r. zī.::

Verse: f    aϑa. jamiiāt̰. yaϑa. āfrīnāmi.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.::


Paragraph: 19 
Verse: C1a    1rōž. māh. gāh.
Verse: C1b    namāž. i. gə̄hą. dąmą::

{= Ny. 1,2}
Verse: a    xṣ̌naoϑra. ahurahe. mazdā̊.2
Verse: b          tarōidīti.2 aŋrahe. mainiiə̄uš:
Verse: c             haiϑiiāuuarštąm. hiiat̰. vasnā. fəraṣ̌ōtəməm:

Verse: d    staomi. aṣ̌əm:3


Verse: Q1a    aṣ̌əm.3 vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Verse: C2a    gurz. i. raiiōmaṇd. i. auruuaṇd. asp.4 amāβaṇd. pərōžgar.
Verse: C2b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C2c       āgāhī. raβāī. vāfrīṇgānī. dāt̰::
Verse: C2d    haft. kə̄šβar. zamī. ə̄duṇ. bāt̰.
Verse: C2e    mən. ānō. āβāiiat̰. šudan.:: (si. bār.)

Verse: C2_R1a    gurz. i. raiiōmaṇd. i. auruuaṇd. asp.4 amāβaṇd. pərōžgar.
Verse: C2_R1b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C2_R1c       āgāhī. raβāī. vāfrīṇgānī. dāt̰::
Verse: C2_R1d    haft. kə̄šβar. zamī. ə̄duṇ. bāt̰.
Verse: C2_R1e    mən. ānō. āβāiiat̰. šudan.

Verse: C2_R2a    gurz. i. raiiōmaṇd. i. auruuaṇd. asp.4 amāβaṇd. pərōžgar.
Verse: C2_R2b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C2_R2c       āgāhī. raβāī. vāfrīṇgānī. dāt̰::
Verse: C2_R2d    haft. kə̄šβar. zamī. ə̄duṇ. bāt̰.
Verse: C2_R2e    mən. ānō. āβāiiat̰. šudan.

Verse: Q2a    5aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

Verse: C3a    dādār. i. gə̄hą. dīn. i. mazdaiiasnī.
Verse: C3b    dāt̰. i. zaraϑuštrī.::

Verse: e    nəmasə. tē. aṣ̌āum. səuuište.6
Verse: f       arəduuī.7 sūre.8 anāhite.9 aṣ̌aone:10

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.::

Verse: g    11nəmō. uruuaire.12 vaŋuhi.13 mazdaδāte.14 aṣ̌aone:

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

Verse: h    huuarəxṣ̌aētəm. aməṣ̌əm. raēm. auruuat̰.aspəm. yazamaide:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.::

Verse: C4a    gurz. i. raiiōmaṇd. i. auruuat̰. asp.4 bə̄. rasāt̰.::

Verse: Q6a    16aṣ̌əm. vohū. vahištəm. astī::
Verse: Q6b    uštā. astī. uštā. ahmāi.
Verse: Q6c    hiiat̰. aṣ̌āi. vahištāi. aṣ̌əm.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.