TITUS
Avestan Corpus
Part No. 147
Previous part

Chapter: 3 
Māh Nyāiš


Paragraph: 0 
Verse: Ca    pa. nąm.1 i. yazdą::
Verse: Cb    hōrməzd. i. aβazūnī. gurz. xvarahe. aβazāiiāt̰::
Verse: Cc    māh. i. buxtār.::
Verse: Cd    əž. hamā. gunāh.1 patit. pašə̄mąnōm::
Verse: Cc    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cd       vaem. kard.
Verse: Ce       vaem. jast.
Verse: Cf       vaem. bun. būt̰. əstət̰.
Verse: Cg          əž. ą. gunāhihā.1 manišnī. gaβəšnī. kunišnī.
Verse: Ch             tanī. ruuąnī. gəϑī. mainiiąnī.
Verse: Ci             ōxš. aβāxš. pašə̄mą.
Verse: Cj             pa. sə. gaβəšnī. pa. patit. hōm.::

Paragraph: 1 
Verse: a    1nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi.2 gaociϑrāi.3
Verse: d    nəmō. paiti.dītāi.4 nəmō. paiti.dīti.5 (si. bār.)

Paragraph: 1_R1 
Verse: a    nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi. gaociϑrāi.
Verse: d    nəmō. paiti.dītāi. nəmō. paiti.dīti.

Paragraph: 1_R2 
Verse: a    nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi. gaociϑrāi.
Verse: d    nəmō. paiti.dītāi. nəmō. paiti.dīti.

Paragraph: 2 
Verse: a          1xṣ̌naoϑra. ahurahe. mazdā̊.1
Verse: b          tarōidīti. aŋrahe. mainiiə̄uš:
Verse: c             haiϑiiāuuarštąm. hiiat̰. vasnā. fəraṣ̌ōtəməm:

Verse: d    staomi. aṣ̌əm:

Verse: Q1Aa    aṣ̌əm. vohū.2 vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: e    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: f       hāuuanə̄e. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.

Verse: h       mā̊ŋhahe.4 gaociϑrahe.
Verse: i       gə̄ušca. aēuuō.dātaiiā̊.
Verse: j       gə̄ušca. pouru.sarəδaiiā̊.
Verse: k          xṣ̌naoϑra. yasnāica. vahmāica. xṣ̌naoϑrāica. frasastaiiaēca.

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 3  {= Ny. 3,1}
Verse: a    1nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi.2 gaociϑrāi.3
Verse: d    nəmō. paiti.dītāi.4 nəmō. paiti.dīti.5 (si. bār.)

Paragraph: 1_R1 
Verse: a    nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi. gaociϑrāi.
Verse: d    nəmō. paiti.dītāi. nəmō. paiti.dīti.

Paragraph: 1_R2 
Verse: a    nəmō. ahurāi. mazdāi.
Verse: b    nəmō. aməṣ̌aēibiiō. spəṇtaēibiiō.
Verse: c    nəmō. mā̊ŋhāi. gaociϑrāi.
Verse: d    nəmō. paiti.dītāi. nəmō. paiti.dīti.

Paragraph: 4 
Verse: a    kat̰.1 mā̊. uxṣ̌iieiti.2
Verse: b    kat̰. mā̊. nərəfsaiti:3
Verse: c       paṇca.dasa. mā̊. uxṣ̌iieiti.2
Verse: d       paṇca.dasa. mā̊. nərəfsaiti:3
Verse: e    yā̊. hē.4 uxṣ̌iiąstātō.
Verse: f       tā̊. nərəfsąstātō.
Verse: g    tā̊. nərəfsąstātō.5
Verse: h       yā̊. hē.4 uxṣ̌iiąstātascit̰:6


{= Y. 44,3d}
Verse: Q1a    kə̄. yā.7 mā̊.   uxṣ̌iieiti.2 nərəfsaiti.8 ϑβat̰.


Paragraph: 5 
Verse: a    mā̊ŋhəm. gaociϑrəm. aṣ̌auuanəm. aṣ̌ahe. ratūm. yazamaide:
Verse: b       tat̰. mā̊ŋhəm. paiti.vaēnəm.1
Verse: c       tat̰. mā̊ŋhəm. paiti.vīsəm.2
Verse: d       raoxṣ̌nəm.3 mā̊ŋhəm. aiβi.vaēnəm.
Verse: e       raoxṣ̌nəm.3 mā̊ŋhəm. aiβi.vīsəm:
Verse: f    hištəṇti.4 aməṣ̌ā̊.5 spəṇta.
Verse: g       xvarənō. dāraiieiṇti.
Verse: h    hištəṇti. aməṣ̌ā̊.7 spəṇta.
Verse: i       xvarənō. baxṣ̌əṇti.8
Verse: j          ząm. paiti. ahuraδātąm.

Paragraph: 6 
Verse: a    āat̰. yat̰. mā̊ŋhəm.1 raoxṣ̌ne.2 tāpaiieiti.
Verse: b       mišti.3 uruuaranąm. zairi.gaonanąm.
Verse: c          zaramaēm.4 paiti. zəmāδa.5 uzuxṣ̌iieiti:6
Verse: d             aṇtarəmā̊ŋhā̊sca.7 pərənō.mā̊ŋhā̊sca.7 vīṣ̌aptaϑā̊sca:8
Verse: e    aṇtarəmā̊ŋhəm. aṣ̌auuanəm. aṣ̌ahe. ratūm. yazamaide:
Verse: f    pərənō.mā̊ŋhəm. aṣ̌auuanəm. aṣ̌ahe. ratūm. yazamaide:
Verse: g    vīṣ̌aptaϑəm.9 aṣ̌auuanəm. aṣ̌ahe. ratūm. yazamaide.

Paragraph: 7 
Verse: a    yazāi. mā̊ŋhəm. gaociϑrəm.
Verse: b       baγəm. raēuuaṇtəm. xvarənaŋuhaṇtəm.1
Verse: c       afnaŋuhaṇtəm.2 tafnaŋuhaṇtəm.2
Verse: d       varəcaŋuhaṇtəm.2 xštāuuaṇtəm.3
Verse: e       īštauuaṇtəm.4 yaoxštauuaṇtəm.5
Verse: f       saokauuaṇtəm. zairimiiāuuaṇtəm.6
Verse: g       vohuuāuuaṇtəm.7 baγəm. baēṣ̌azəm.8

Paragraph: 8 
Verse: a       1ahe. raiia. xvarənaŋhaca.
Verse: b    təm. yazāi. surunuuata. yasna.
Verse: c    mā̊ŋhəm. gaociϑrəm. zaoϑrābiiō:2
Verse: d    mā̊ŋhəm. gaociϑrəm. aṣ̌auuanəm. aṣ̌ahe. ratūm. yazamaide.

Verse: e       haomaiiō.3 gauua. barəsmana.
Verse: f       hizuuō. daŋhaŋha. mąϑraca. vacaca. š́iiaoϑnaca.
Verse: g       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.


Verse: Ca    (vāž. guftan.)
Verse: Cb    hōrməzd. i. xvadaē. mardum.
Verse: Cc       mardum. sardagą. ham. bā.9 yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Paragraph: 9 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca.1 vahməmca. aojasca. zauuarəca. āfrīnāmi.
Verse: b    mā̊ŋhahe.2 gaociϑrahe.
Verse: c       gə̄ušca. aēuuō.dātaiiā̊.
Verse: d       gə̄ušca. pouru.sarəδaiiā̊.:

Verse: Q1Aa    3aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::


Paragraph: 10  {~ Vyt. 6}
Verse: a    1dasta. aməm. vərəϑraγnəmca.2
Verse: b    dasta. gə̄uš. xvāϑrō.nahīm.3
Verse: c    dasta. narąm. pourutātəm.4
Verse: d       stāhiianąm.5 viiāxananąm.6
Verse: e       vanatąm.7 auuanəmnanąm.8
Verse: f       haϑrauuanatąm.9 hamərəϑə̄.10
Verse: g       haϑrauuanatąm.11 duš.mainiiuš.12
Verse: h          stē. rapatąm.13 ciϑrauuaŋhąm.14

Paragraph: 11  {~ Vyt. 7}
Verse: a    yazata. pouru.xvarənaŋha.1
Verse: b    yazata. pouru.baēṣ̌aza.2
Verse: c       ciϑra. vō.3 buiiārəš. masānā̊.4
Verse: d       ciϑra. vō.5 zauuanō.sauuō:6
Verse: e    ciϑrəm. bōit̰.7 yūžəmcit̰.8 xvarənō.
Verse: f       yazəmnāi. āpō. dāiiata.9

Paragraph: 12 
Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si.bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

{~ Ny. 1,18 / Y. 72,9 / 68,11 / SrB 5}
Verse: Q2a    ahmāi. raēšca.5 xvarənasca.
Verse: Q2b       ahmāi. tanuuō. druuatātəm.
Verse: Q2c       ahmāi. tanuuō. vazduuarə.
Verse: Q2d       ahmāi. tanuuō. vərəϑrəm.
Verse: Q2e       ahmāi. īštīm. pouruš.xvāϑrąm.
Verse: Q2f       ahmāi. āsnąmcit̰. frazaṇtīm.
Verse: Q2g       ahmāi. darəγąm. darəγō.jītīm.
Verse: Q2h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: a    aϑa. jamiiāt̰. yaϑa. āfrīnāmi.:

Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q4Aa       hazaŋrəm. baēṣ̌azanąm.
Verse: Q4Ab       baēuuarə. baēṣ̌azanąm. (si. bār.)::
Verse: Q4Ba       hazaŋrəm. baēṣ̌azanąm.
Verse: Q4Bb       baēuuarə. baēṣ̌azanąm.::
Verse: Q4Ca       hazaŋrəm. baēṣ̌azanąm.
Verse: Q4Cb       baēuuarə. baēṣ̌azanąm.::

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.::

Verse: Q6a    jasa. mē. auuaŋhe. mazda. (si. bār.)
Verse: Q6b    jasa. mē. auuaŋhe. mazda.
Verse: Q6c    jasa. mē. auuaŋhe. mazda.

Verse: Q7b       amahe. hutāštahe. huraoδahe.
Verse: Q7c       vərəϑraγnahe. ahuraδātahe.
Verse: Q7d       vanaiṇtiiā̊sca. uparatātō.::

{= Y. 72,10}
Verse: Q8a       rāmanasca. xvāstrahe.
Verse: Q8b       vaiiaoš. uparō.kairiiehe.
Verse: Q8c       taraδātō. aniiāiš. dāmąn::
Verse: Q8d    aētat̰. tē. vaiiō.
Verse: Q8e       yat̰. tē. asti. spəṇtō.mainiiaom::
Verse: Q8f          ϑβāṣ̌ahe. xvaδātahe.
Verse: Q8g          zruuānahe. akaranahe.
Verse: Q8h          zruuānahe. darəγō.xvaδātahe.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.::

Verse: C1a    kərba. mažd. gunāh. guzārašni. rā. kunōm. ašahī. ruuą.
Verse: C1b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C1c    ašō. bə̄t̰. də̄r. zī.::

Verse: b    aϑa. jamiiāt̰. yaϑa. āfrīnāmi.:

Verse: Q10a    aṣ̌əm. vohū. vahištəm. astī::
Verse: Q10b    uštā. astī. uštā. ahmāi.
Verse: Q10c    hiiat̰. aṣ̌āi. vahištāi. aṣ̌əm.::

Verse: C2a    1rōž. māh. gāh.{~ Ny. 1,19}
Verse: C2b    namāž. i. gə̄hą. dąmą::

Verse: c    xṣ̌naoϑra. ahurahe. mazdā̊.2::

Verse: Q11a    nəmō. ahurāi.4 mazdāi.
Verse: Q11a    nəmō. aməṣ̌aēibiiō. spəṇtaēibiiō.
Verse: Q11b    nəmō. mā̊ŋhāi. gaociϑrāi.
Verse: Q11c    nəmō. paiti.dītāi. nəmō. paiti.dīti.

Verse: Q12a    aṣ̌əm. vohū. vahištəm. astī::
Verse: Q12b    uštā. astī. uštā. ahmāi.
Verse: Q12c    hiiat̰. aṣ̌āi. vahištāi. aṣ̌əm.::

Verse: C3a    gurz. xvarahe. aβazāiiāt̰::
Verse: C3b    māh. i. buxtār. amāβaṇd.3 pərōžgar.
Verse: C3c       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C3d       āgāhī. raβāī. vāfrīṇgānī. dāt̰::
Verse: C3e    haft. kə̄šβar. zamī. ə̄duṇ. bāt̰.
Verse: C3f    mən. ānō. āβāiiat̰. šudan.

Verse: C3_R1a    māh. i. buxtār. amāβaṇd. pərōžgar.
Verse: C3_R1b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C3_R1c       āgāhī. raβāī. vāfrīṇgānī. dāt̰::
Verse: C3_R1d    haft. kə̄šβar. zamī. ə̄duṇ. bāt̰.
Verse: C3_R1e    mən. ānō. āβāiiat̰. šudan.

Verse: C3_R2a    māh. i. buxtār. amāβaṇd. pərōžgar.
Verse: C3_R2b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C3_R2c       āgāhī. raβāī. vāfrīṇgānī. dāt̰::
Verse: C3_R2d    haft. kə̄šβar. zamī. ə̄duṇ. bāt̰.
Verse: C3_R2e    mən. ānō. āβāiiat̰. šudan.

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::

Verse: d    mā̊ŋhəm.5 gaociϑrəm. aṣ̌auuanəm. aṣ̌ahe. ratūm. yazamaide.:

Verse: Q14a    aṣ̌əm. vohū. vahištəm. astī::
Verse: Q14b    uštā. astī. uštā. ahmāi.
Verse: Q14c    hiiat̰. aṣ̌āi. vahištāi. aṣ̌əm.::

Verse: C4a    gurz. xvarahe. aβazāiiāt̰::
Verse: C4b    māh. i. buxtār. bə̄. rasāt̰.::

Verse: Q15a    7aṣ̌əm. vohū. vahištəm. astī::
Verse: Q15b    uštā. astī. uštā. ahmāi.
Verse: Q15c    hiiat̰. aṣ̌āi. vahištāi. aṣ̌əm.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.