TITUS Texts: Avestan Corpus

TITUS
Avestan Corpus
Part No. 148

Previous part

Chapter: 4
Ardvī Sūr Bānō Nyāiš

Paragraph: 0
Verse: Ca    pa. nąm. i. yazdą::
Verse: Cb    hōrməzd. i. aβazūnī. gurz. x^varahe. aβazāiiāt̰::
Verse: Cc    arduī. sūr. bānō. bə̄. rasāt̰::
Verse: Cd    əž. hamā. gunāh.2 patit. pašə̄mąnōm::
Verse: Cc    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cd       vaem. kard.
Verse: Ce       vaem. jast.
Verse: Cf       vaem. bun. būt̰. əstət̰.
Verse: Cg          əž. ą. gunāhihā.1 manišnī. gaβəšnī. kunišnī.
Verse: Ch             tanī. ruuąnī. gəϑī. mainiiąnī.
Verse: Ci             ōxš. aβāxš. pašə̄mą.
Verse: Cj             pa. sə. gaβəšnī. pa. patit. hōm .::

Paragraph: 1
Verse: a          1xṣ̌naoϑra. ahurahe. mazdā^̊.2
Verse: b          tarōidīti. aŋrahe. mainiiə̄uš:
Verse: c             haiϑiiāuuarštąm. hiiat̰. vasnā. fəraṣ̌ōtəməm:

Verse: d    staomi. aṣ̌əm:

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: e    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: f       hāuuanə̄e. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca:

Verse: h       apąm. vaŋuhīnąm.4 mazdaδātanąm. arəduiiā^̊.5
Verse: i       āpō. anāhitaiiā^̊. aṣ̌aoniiā^̊. vīspanąmca.
Verse: j       apąm. mazdaδātanąm.
Verse: k       vīspanąmca. uruuaranąm. mazdaδātanąm.
Verse: l          xṣ̌naoϑra. yasnāica. vahmāica. xṣ̌naoϑrāica. frasastaiiaēca.:

Verse: Q2a    yaϑā. ahū. vairiiō.
Verse: Q2b       zaotā.6 frā.mē. mrūtē:
Verse: Q2c    aϑā. ratuš. aṣ̌āt̰cīt̰. haca.
Verse: Q2d       frā. aṣ̌auua. vīδuuā^̊. mraotū.

Verse: Q7Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Ac    xšaϑrəmcā. ahurāi.ā.   yim. drigubiiō. dadat̰. vāstārəm. (dah. bār .)::

Verse: Q7Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Ec    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Fa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Fb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Fc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ga    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Gb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Gc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ha    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Hb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Hc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ia    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Ib    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Ic    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q7Ja    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q7Jb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q7Jc    xšaϑrəmcā. ahurāi.ā.   yim. drigubiiō. dadat̰. vāstārəm.::

Paragraph: 2
Verse: a    mraot̰. ahurō. mazdā^̊. spitamāi. zaraϑuštrāi:
Verse: b    yazaēṣ̌a.mē.1 hīm.
Verse: c             spitama. zaraϑuštra.
Verse: d       yąm. arəduuīm.2 sūrąm. anāhitąm.
Verse: e          pərəϑū.frākąm.3 baēṣ̌aziiąm.
Verse: f          vīdaēuuąm. ahurō.t̰kaēṣ̌ąm.
Verse: g          yesniiąm.4 aŋuhe.5 astuuaite.
Verse: h          vahmiiąm. aŋuhe.5 astuuaite.6
Verse: i          āδū.frāδanąm.7 aṣ̌aonīm.
Verse: j          vąϑβō.frāδanąm. aṣ̌aonīm.
Verse: k          gaēϑō.frāδanąm. aṣ̌aonīm.
Verse: l          ṣ̌aētō.frāδanąm.8 aṣ̌aonīm.
Verse: m          daiŋ́hu.frāδanąm.9 aṣ̌aonīm.

Paragraph: 3 {= Y. 65,2}
Verse: a       yā. vīspanąm. arṣ̌nąm. xṣ̌udrā^̊. yaoždaδāiti.
Verse: b       yā. vīspanąm. hāiriṣ̌inąm. ząϑāi. garəβą. yaoždaδāiti.
Verse: c       yā. vīspā^̊. hāiriṣ̌īš. ^huzāmitō. daδāiti.
Verse: d       yā. vīspanąm. hāiriṣ̌inąm. dāitīm. raϑβīm. paēma. auua.baraiti::

Paragraph: 4 {= Y. 65,3}
Verse: a       masitąm. dūrāt̰. frasrūtąm.
Verse: b       yā. asti. auuauuaiti. masō.
Verse: c          yaϑa. vīspā^̊. imā^̊. āpō.
Verse: d             yā^̊. zəmā. paiti. frataciṇti.
Verse: e       yā. amauuaiti. fratacaiti.
Verse: f          hukairiiāt̰. haca. barəzaŋhat̰.
Verse: g          aoi. zraiiō. vouru.kaṣ̌əm.

Paragraph: 5 {= Y. 65,4}
Verse: a    yaozəṇti. vīspe. karanō.
Verse: b       zraiiā. vouru.kaṣ̌aiia.
Verse: c    ā. vīspō. maiδiiō. yaozaiti.
Verse: d       yat̰. hīš. aoi. fratacaiti.
Verse: e       yat̰. hīš. aoi. fražgaraiti.
Verse: f          arəduuī. sūra. anāhita::
Verse: g          yeŋ́he. hazaŋrəm. vairiianąm.
Verse: h             hazaŋrəm. apaγžāranąm::
Verse: i    kascit̰ca. aēṣ̌ąm. vairiianąm.
Verse: j    kascit̰ca. aēṣ̌ąm. apaγžāranąm.
Verse: k       caϑβarə.satəm. aiiarə.baranąm.
Verse: l          huuaspāi. naire. barəmnāi.

Paragraph: 6 {= Y. 65,5}
Verse: a    aiŋ́hā^̊sca. mē. aēuuaŋhā^̊. āpō.
Verse: b       apaγžārō. vījasāiti.
Verse: c          vīspāiš. aoi. karṣ̌uuąn. yāiš. hapta::
Verse: d    aiŋ́hā^̊sca. mē. aēuuaŋhā^̊. āpō.
Verse: e       hamaϑa. auua.baraiti.
Verse: f          hąminəmca. zaiianəmca::
Verse: g    hā. mē. āpō. yaoždaδāiti.
Verse: h       hā. arṣ̌nąm. xṣ̌udrā^̊.
Verse: i       hā. xṣ̌aϑrinąm. garəβą.
Verse: j       hā. xṣ̌aϑrinąm. paēma.

Paragraph: 7
Verse: a    yąm. azəm. yō. ahurō. mazdā^̊. hizuuārəna.1 uzbaire.2
Verse: b       fradaϑāi. nmānaheca. vīsaheca.3
Verse: c          zaṇtə̄ušca. daiŋ́hə̄ušca.4

Paragraph: 8
Verse: a    yā. ahmāt̰. staota. yasniia.1 srāuuaiieni.2
Verse: b       ahunəmca. vairīm. srāuuaiieni.3
Verse: c       aṣ̌əmca. vahištəm. husrauuāni.4
Verse: d       apasca. vaŋuhīš.5 yaoždaϑāne.6
Verse: e          haϑra. ana.7 gāϑβiia.8 vaca:

{= Y. 51,15b}
Verse: f    9garō. nmāne.10 ahurō.   mazdā^̊. jasat̰. paoiriiō:11

Verse: g    daϑat̰. ahmāt̰. tat̰.13 auuat̰. āiiaptəm.

Paragraph: 9
Verse: a       ahe. raiia. x^varənaŋhaca.
Verse: b    tąm.1 yazāi. surunuuata. yasna.
Verse: c    tąm.1 yazāi. huiiašta.2 yasna.
Verse: d       ana.3 buiiā^̊. zauuanō.sāsta.4
Verse: e       ana. buiiā^̊. huiiaštara:5
Verse: f    arəduuīm. sūrąm. anāhitąm. aṣ̌aonīm. zaoϑrābiiō.
Verse: g       arəduuīm. sūrąm. anāhitąm. aṣ̌aonīm. aṣ̌ahe. ratūm. yazamaide.
Verse: h    haomaiiō.6 gauua. barəsmana.
Verse: i       hizuuō. daŋhaŋha. mąϑraca. vacaca. š́iiaoϑnaca.
Verse: j       zaoϑrābiiasca. aršuxδaēibiiasca. vāγžibiiō.:

Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q1c    tąscā. tā^̊scā. yazamaide.

Paragraph: 10
Verse: Ca    (vāž.)
Verse: Cb    hōrməzd.1 i. x^vadaē. mardum.
Verse: Cc       mardum. sardagą. ham. bā.9 yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.)
Verse: Ce       ə̄duṇ. bāt̰.::

Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: a    yasnəmca.1 vahməmca. aojasca. zauuarəca. āfrīnāmi.
Verse: b       apąm. vaŋuhīnąm.3 mazdaδātanąm.
Verse: c       arəduiiā^̊. āpō. anāhitaiiā^̊. aṣ̌aoniiā^̊.
Verse: d       vīspanąmca. apąm. mazdaδātanąm.
Verse: e       vīspanąmca. uruuaranąm. mazdaδātanąm.:

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

{~ Ny. 1,18 / Y. 72,9 / 68,11 / SrB 5}
Verse: Q3a    ahmāi. raēšca.4 x^varənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.x^vāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.x^vāϑrəm:

Verse: f    aϑa. jamiiāt̰. yaϑa. āfrīnāmi.:

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q5Aa       hazaŋrəm.4 baēṣ̌azanąm.
Verse: Q5Ab       baēuuarə. baēṣ̌azanąm. (si. bār .)::
Verse: Q5Ba       hazaŋrəm. baēṣ̌azanąm.
Verse: Q5Bb       baēuuarə. baēṣ̌azanąm.::
Verse: Q5Ca       hazaŋrəm. baēṣ̌azanąm.
Verse: Q5Cb       baēuuarə. baēṣ̌azanąm.::

Verse: Q6a    aṣ̌əm. vohū. vahištəm. astī::
Verse: Q6b    uštā. astī. uštā. ahmāi.
Verse: Q6c    hiiat̰. aṣ̌āi. vahištāi. aṣ̌əm.::

Verse: Q7a    jasa. mē. auuaŋhe. mazda. (si. bār.)
Verse: Q7b    jasa. mē. auuaŋhe. mazda.
Verse: Q7c    jasa. mē. auuaŋhe. mazda.

Verse: Q8b       amahe. hutāštahe. huraoδahe.
Verse: Q8c       vərəϑraγnahe. ahuraδātahe.
Verse: Q8d       vanaiṇtiiā^̊sca. uparatātō.::

{= Y. 72,10}
Verse: Q9a       rāmanasca. x^vāstrahe.
Verse: Q9b       vaiiaoš. uparō.kairiiehe.
Verse: Q9c       taraδātō. aniiāiš. dāmąn::
Verse: Q9d    aētat̰. tē. vaiiō.
Verse: Q9e       yat̰. tē. asti. spəṇtō.mainiiaom::
Verse: Q9f          ϑβāṣ̌ahe. x^vaδātahe.
Verse: Q9g          zruuānahe. akaranahe.
Verse: Q9h          zruuānahe. darəγō.x^vaδātahe.:

Verse: Q10a    aṣ̌əm. vohū. vahištəm. astī::
Verse: Q10b    uštā. astī. uštā. ahmāi.
Verse: Q10c    hiiat̰. aṣ̌āi. vahištāi. aṣ̌əm.::

Verse: C1a    kərba. mažd. gunāh. guzārašni. rā. kunōm. ašahī. ruuą.
Verse: C1b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C1c    ašō. bə̄t̰. də̄r. zī .::

Verse: g    aϑa. jamiiāt̰. yaϑa. āfrīnāmi.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.::

Paragraph: 11
Verse: C1a    rōž. māh. gurz. x^varahe. aβazāiiāt̰::
Verse: C1b    arduī. sūr. bānō. bə̄. rasāt̰. amāβaṇd. pərōžgar.
Verse: C1c       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C1d       āgāhī. raβāī. vāfrīṇgānī. dāt̰::
Verse: C1e    haft. kə̄šβar. zamī. ə̄duṇ. bāt̰.
Verse: C1f    mən. ānō. āβāiiat̰. šudan.

Verse: C1_R1a    arduī. sūr. bānō. bə̄. rasāt̰. amāβaṇd. pərōžgar.
Verse: C1_R1b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C1_R1c       āgāhī. raβāī. vāfrīṇgānī. dāt̰::
Verse: C1_R1d    haft. kə̄šβar. zamī. ə̄duṇ. bāt̰.
Verse: C1_R1e    mən. ānō. āβāiiat̰. šudan.

Verse: C1_R2a    arduī. sūr. bānō. bə̄. rasāt̰. amāβaṇd. pərōžgar.
Verse: C1_R2b       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C1_R2c       āgāhī. raβāī. vāfrīṇgānī. dāt̰::
Verse: C1_R2d    haft. kə̄šβar. zamī. ə̄duṇ. bāt̰.
Verse: C1_R2e    mən. ānō. āβāiiat̰. šudan.

Verse: Q12a    aṣ̌əm. vohū. vahištəm. astī::
Verse: Q12b    uštā. astī. uštā. ahmāi.
Verse: Q12c    hiiat̰. aṣ̌āi. vahištāi. aṣ̌əm.::

Verse: a    arəduuīm. sūrąm. anāhitąm. aṣ̌aonīm. aṣ̌ahe. ratūm. yazamaide.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::

Verse: C2a    gurz. x^varahe. aβazāiiāt̰::
Verse: C2b    arduī. sūr. bānō. bə̄. rasāt̰.::

Verse: Q14a    aṣ̌əm. vohū. vahištəm. astī::
Verse: Q14b    uštā. astī. uštā. ahmāi.
Verse: Q14c    hiiat̰. aṣ̌āi. vahištāi. aṣ̌əm.::::

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.