TITUS Texts: Avestan Corpus

TITUS
Avestan Corpus
Part No. 176

Previous part

Chapter: 8
Paragraph: 53
Verse: a    vahištōištōiš. gāϑaiiā^̊.
Verse: b       sraoϑrəm. uxδəm. vacō.

Verse: c    ušta.

Verse: d    bāδa.2 aṣ̌aom.
Verse: e       puϑra. kauua. vīštāspa.

Verse: f       yahmāi. ušta. kahmāicit̰. {= Y. 43,1a}
Verse: g    vasə̄.xṣ̌aiiąs.3   mazdā^̊. dāiiāt̰. ahurō. {= Y. 43,1b}

Verse: h    kuua.4 aētąm.5 xṣ̌apanəm.
Verse: i       huuō. uruua. vaŋhaiti.6

Paragraph: 54
Verse: a    āat̰. aoxta. ahurō. mazdā^̊.
Verse: b       auuaϑa. bā. puϑra. fraṣ̌aoštra.
Verse: c          asne. vaγδanāt̰.1 nišhiδaiti.2
Verse: d       uštauuaitīm. gāϑąm. srāuuaiiō.
Verse: e          uštatātəm. nimraomnō.3

Verse: f    uštā. ahmāi.   yahmāi. uštā. kahmāicīt̰. {= Y. 43,1a}

Verse: g    paoiriiąm. xṣ̌apanəm. hauuō.
Verse: h          uruua. vaŋhaiti. hūxte.
Verse: i       bitiiąm. huuaršte.
Verse: j       ϑritiiąm. paϑā^̊. paiti. cīcarənā^̊.

Paragraph: 55 {~ H. 2,7-8}
Verse: a    ϑritiiā^̊. xṣ̌apō. ϑraošta.
Verse: b          puϑra. fraṣ̌aoštra.
Verse: c       viiusą.1 saδaiieiti.2
Verse: d          yō. naraš.3 aṣ̌aonō. uruua.
Verse: e             uruuarāhuca. ..4
Verse: f       vīdiδārəmnō.5 saδaiieiti.
Verse: g             .. hubaoiδiš.5 hubaoiδitarō.
Verse: h                aniiaēibiiō. vātaēibiiō.5
Verse: i    ādim. vātəm. nā^̊ŋhubiia.6
Verse: j       uzgrəmbiiō. saδaiieiti.
Verse: k    āat̰. dim.7 aoxta. pərəsō.
Verse: l       kuda.δaēm.8 vātəm.6
Verse: m          yim. yauua. vātəm.
Verse: n             nā^̊ŋhubiia.9 hubaoiδitəməm.10 ..

Paragraph: 56 {~ H. 2,9 ~ Yt. 13,107}
Verse: a    aŋ́hā^̊. dim. frə̄rəṇti. saδaiieiti.
Verse: b       yā. huua. daēna.
Verse: c          kainīnō. kəhrpa. srīraiiā^̊.
Verse: d          xṣ̌ōiϑniiā^̊. auruṣ̌a.bāzuuō.1
Verse: e          amaiiā^̊. huzarštaiiā^̊.
Verse: f          bərəzaṇtiiā^̊. ərədrafšuiiā^̊.2
Verse: g          sraotanuuō. āzātaiiā^̊.3
Verse: h             raēuuat̰.ciϑraiiā^̊.
Verse: i             paṇcadasaiiā^̊. raoδaēṣ̌uua.
Verse: j          kəhrpa. auuauuato. sraiia.4
Verse: k             yaϑa. dāmąn. sraēštāiš.

Paragraph: 57 {~ H. 2,10}
Verse: a    ādim. aoxta. pərəsō.
Verse: b       yō. narš. aṣ̌aonō. uruua.
Verse: c    cišca.1 tūm. carāitiš. ahi.2
Verse: d       yąm. it̰.2 yauua. carāitinąm.
Verse: e          kəhrpa. sraēštąm. dādarəsa.

Paragraph: 58 {~ H. 2,12}
Verse: a    āat̰. he.1 paiti.aoxta.
Verse: b       azəm. bā. te. ahmi.2 yum.3
Verse: c          humanō. huuacō.
Verse: d          huš́iiaoϑna.4 hudaēna.
Verse: e       yā. hauua. daēna.5
Verse: f          x^vaēpaiϑe.6 tanuuō.
Verse: g    cišca. ϑβąm. cakana.7 auua.
Verse: h       masasca. vaŋ́hasca. sraiiasca.
Verse: i       hubaoiδitaca.8 vərəϑrająstaca.8
Verse: j          paiti.duuaēṣ̌aiiaṇtaca.8
Verse: k       yaϑa. yat̰.9 ..
Verse: l          te.10 daiδiiama.11 ..

Paragraph: 59 {~ H. 2,13}
Verse: a       .. 1saocaiiaca. kərənuuaṇtəm. baoišiiaca.
Verse: b          yaϑa. vaxəδrā^̊sca. varōžəṇtəm.
Verse: c             uruuarō.strąmca. kərənuuaṇtəm.1
Verse: d    āat̰. tūm. nišhiδōiš.
Verse: e       gāϑā^̊sca. srāuuaiiō.2
Verse: f       apasca. vaŋuhīš. yazəmnō.3
Verse: g       narəmca. aṣ̌auuanəm. kuxṣ̌nuuānō.
Verse: h          asnāat̰ca. jasəṇtəm. dūrāat̰ca.

Paragraph: 60 {~ H. 2,14}
Verse: a    āat̰. mąm. fritąm. hāitīm.
Verse: b       fritōtarąm. srīrąm. hāitīm.
Verse: c       srīrōtarąm. frataire. gātuuō.
Verse: d       ā^̊ŋhanąm. fratarōtare.1 gātuuō.
Verse: e          nišhāδaiiōiš.2
Verse: f       aēta. humata.
Verse: g       aēta. hūxta.
Verse: h       aēta. huuaršta.
Verse: i    āat̰. mąm. narō. paskāt̰.
Verse: j       yazə̄ṇte.3 ahurəm. mazdąm.
Verse: k          darəγō.yaštīmca.4 hąm.purštīmca.5

Paragraph: 61 {~ H. 2,15}
Verse: a    paoirīm.1 gāma. frabarat̰.
Verse: b       yō. narš. aṣ̌aonō. uruua.
Verse: c          humate.2 paiti. nidaδāt̰.
Verse: d    bitīm. gāma. frabarat̰.1
Verse: e       yō. narš. aṣ̌aonō. uruua.
Verse: f          hīxte.2 paiti. nidaδāt̰.
Verse: g    ϑritīm. gāma. frabarat̰.
Verse: h       yō. narš. aṣ̌aonō. uruua.
Verse: i          .. anaγraēṣ̌uua. raocahuua. paiti. nidaδāt̰.

Paragraph: 62 {~ H. 2,16}
Verse: a    āat̰. hīm. aoxta. pərəsō.
Verse: b       pouruuō.1 aṣ̌auua.2 ..
Verse: c          auua.mairiiaŋuha.3
Verse: d    kaϑa. aṣ̌āum.4 apa.jasō.
Verse: e       š́itibiiasca. haca. gaomauuaitibiiasca.5
Verse: f       vaiiaēibiiasca. haca. māiiauuaitibiiasca.6
Verse: g       astuuatat̰. haca. aŋhaot̰.
Verse: h          manahīm. auui. ahūm.
Verse: i       iϑiiejaŋhatat̰.7 haca. aŋhaot̰.
Verse: j          aiϑiiejaŋhuntəm.8 auui. ahūm.
Verse: k    kaϑa. te. darəγəm. ušta.9 abauuat̰.

Paragraph: 63 {~ H. 2,17}
Verse: a       .. yō. ahurō. mazdā^̊.
Verse: b    mā. dim. pərəsō. yim. pərəsahi.1
Verse: c       yim. xruuaṇtəm.2 aētiiauuaṇtəm.3
Verse: d       uruuīštrəm. paṇtąm. aiβitəm.4
Verse: e    yat̰. astasca. baoδaŋhasca. vī.uruuīštīm.5

Paragraph: 64 {~ H. 2,18}
Verse: a    x^varəϑanąm. he. bərətanąm.1
Verse: b       zarəmaiiehe. raoγnahe.
Verse: c    tat̰. asti. yūnō.
Verse: d       humanaŋhō. huuacaŋhō.
Verse: e       huš́iiaoϑanahe. hudaēnahe.
Verse: f          x^varəϑəm. pasca. para.iristīm.
Verse: g    tat̰. nāirikaiiāi.
Verse: h       frāiiō.humataiiāi. frāiiō.hūxtaiiāi. frāiiō.huuarštaiiāi.
Verse: i          x^varəϑəm. pasca. auua.mərəitīm.2
Verse: j    tat̰. nāirikaiiāi.
Verse: k       frāiiō.humataiiāi. frāiiō.hūxtaiiāi. frāiiō.huuarštaiiāi.
Verse: l       huš.hąm.sāstaiiāi.3 huuarštaiiāi.4 aṣ̌aoniiāi.
Verse: m          x^varəϑəm. pasca.5 para.iristīm.

Paragraph: 65 {~ H. 2,19}
Verse: a    frauuaocāma. zaraϑuštrō. spitama.1
Verse: b       puϑra. kauua. vīštāspa.

Verse: c    kām. nəme. ząm. (= Y. 46,1a)

Verse: d          ahura. mazda.

Verse: e             kuϑra.2 nəme. aiieni.3 (= Y. 46,1a)

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.