TITUS
Avestan Corpus
Part No. 190
Previous part

Chapter: 5 
Paragraph: 1 
Verse: a    ahurahe. mazdā̊. raēuuatō. xvarənaŋhatō.
Verse: b       aməṣ̌anąm. spəṇtanąm.
Verse: c       amahe. hutāštahe. huraoδahe. vərəϑraγnahe. ahuraδātahe.
Verse: d       vanaiṇtiiā̊sca. uparatātō.
Verse: e       paϑaiiā̊.1 xvāstātaiiā̊.2
Verse: f       zarənumaṇtō.3 sūrahe.
Verse: g       saokaṇtaheca. garōiš. mazdaδātahe.
Verse: h       vīspaēṣ̌ąm. yazatanąm.4

Paragraph: 2 
Verse: a    ahurəm. mazdąm. raēuuaṇtəm. xvarənaŋhaṇtəm. yazamaide.
Verse: b    aməṣ̌ā. spəṇtā. huxṣ̌aϑrā. huδā̊ŋhō. yazamaide.
Verse: c    aməmca. hutāštəm. huraoδəm. yazamaide.
Verse: d    vərəϑraγnəmca. ahuraδātəm. yazamaide.
Verse: e    vanaiṇtīmca. uparatātəm. yazamaide.
Verse: f    paϑąm.1 xvāstāitīm.2 yazamaide.
Verse: g    zarənumaṇtəm.3 sūrəm. mazdaδātəm.4 yazamaide.
Verse: h    saokaṇtəm. gairīm. mazdaδātəm. yazamaide.
Verse: i       vīspəmca. aṣ̌auuanəm.5


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.