TITUS
Pahlavi Translation of the Avesta: Yasna and Vispered
Part No. 5
Previous part

Chapter: 4  Link to avesta Link to yasna
Yasna 4


Paragraph: 1  Link to avesta Link to yasna
Verse: a    ēn humat hūxt huwaršt kār ud kirbag ī-mān wurrōyīd hamē kunēm
Verse: b    ēn hōm ud myazd ud zōhr ud barsom-iz ī pad ahlāyīh frāz wistard
Verse: c    ud gōspand-iz ī hudāg Hordad ud Amurdad
Verse: d    ud gōspand-iz ī hudāg hōm ud parāhōm esm ud bōy
Verse: e    ēn axwīh ud ahlāyīh ud radīh ud rad-franāmišnīh
Verse: f    ud ān gāhān srāyišn ud ān ī huwaršt framān
Verse: g    bē-iz daham ud ān-iz niwēyēnam pēš ud pas

Paragraph: 2  Link to avesta Link to yasna
Verse: a    awēšān niwēyēnam ī-m guft
Verse: b    Ohrmazd Srōš-ahlī ud amahrspandān
Verse: c    ān ī ahlawān frawahr ud ān ī ahlawān ruwān
Verse: d    ātaxš-iz ī Ohrmazd ud rad-iz ī buland
Verse: e    ud harwisp-iz ī čēgām-iz-ēw ān ahlawān stī
Verse: f       pad yazišn ud niyāyišn ud šnāyēnīdārīh ud frāz āfrīgānīh

Paragraph: 3  Link to avesta Link to yasna
Verse: a    awēšān niwēyēnam
Verse: b    ēn humat hūxt huwaršt kār ud kirbag ī-mān wurrōyīd hamē kunēm
Verse: c    ēn hōm ud myazd ud zōhr ud barsom-iz ī pad ahlāyīh frāz wistard
Verse: d    ud gōspand-iz ī hudāg Hordad ud Amurdad
Verse: e    gōspand-iz ī hudāg ud hōm ud parāhōm ud esm ud bōy
Verse: f    ēn axwīh ud ahlāyīh radīh ud rad-franāmišnīh
Verse: g    ud ān ī gāhān srāyišn ud ān ī huwaršt framān
Verse: h    bē-iz daham ān-iz ī niwēyēnam pēš ud pas

Paragraph: 4  Link to avesta Link to yasna
Verse: a    awēšān niwēyēnam ī-m guft
Verse: b    amahrspandān huxwadāyān hudāgān
Verse: c    hamē zīndagān ud hamē sūdān ēk ē kū bē nē mīrēnd ēk ē kē ōzad nē šāyēnd
Verse: d    kē pad Wahman mānēnd kū-šān mehmānīh ān gyāg kū Wahman kē-iz Wahman

Paragraph: 5  Link to avesta Link to yasna
Verse: a    awēšān niwēyēnam
Verse: b    frāyīdīh ēn mān kū tā pad marag wēš bē bawād
Verse: c    frāyīhišnīh ēn mān kū tā mān bē abzāyād
Verse: d    pahān mardān zādān-iz ī zāyišnōmandān ahlawān kē ēd hēnd

Paragraph: 6  Link to avesta Link to yasna
Verse: a    awēšān niwēyēnam
Verse: b    ahlawān wehān frawahr ī čērān abarwēzān pad ān ī ahlawān hayārīh

Paragraph: 7  Link to avesta Link to yasna
Verse: a    awēšān niwēyēnam ī-m guft
Verse: b    dādār ī Ohrmazd ī rāyōmand ī xwarrahōmand ī mēnōyān mēnōytom kū hamē ka-š
Verse: c    kāmēd
Verse: d    andar amahrspandān mēnōy tuwān būd
Verse: e       pad yazišn ud niyāyišn ud šnāyēnīdārīh frāz āfrīgānīh

Paragraph: 8  Link to avesta Link to yasna
Verse: a    awēšān niwēyēnam
Verse: b    asnīy ahlāyīh rad
Verse: c    Hāwan ī ahlaw ahlāyīh rad
Verse: d       pad yazišn ud niyāyišn ud šnāyēnīdārīh frāz āfrīgānīh
Verse: e    awēšān niwēyēnam
Verse: f    Sawangīy mēnōy ēdar hāwan ī hamkār ud Wis-iz ī ahlaw ī ahlāyīh rad
Verse: g       pad yazišn ud niyāyišn šnāyēnīdārīh ud frāz āfrīgānīh
Verse: h    awēšān niwēyēnam
Verse: i    Mihr ī frāgōyōd hazār-gōš bēwar-čašm u-š hazār-gōšīh ēd kū-š 500 mēnōy ō
Verse: j    sar nišīnēnd u-š kār ī gōšīh kunēnd kū ēn niyōxš ud ān niyōxš;
Verse: k       u-š bēwar-čašmīh ē kū-š 5000 mēnōy ō sar nišīnēnd ud kār ī čašmīh
Verse: l    kunēnd kū ēn wēn ud ān-iz wēn tā Mihr čašm dō
Verse: m    guft-nām yazd kū-š nām pad ēn dēn guft ēstēd
Verse: n    rāmišn xwālom ān mēnōy ī ka mizag- ī xwarišn dānēnd pad rāh ī ōy
Verse: o       pad yazišn niyāyišn šnāyēnīdārīh frāz āfrīgānīh

Paragraph: 9  Link to avesta Link to yasna
Verse: a    awēšān niwēyēnam
Verse: b    Rabihwin ahlaw ī ahlāyīh rad
Verse: c       pad yazišn ud niyāyišn ud šnāyēnīdārīh ud frāz āfrīgānīh
Verse: d    awēšān niwēyēnam
Verse: e    frāyīdār pšyd' ī mēnōy ī abāg Rabihwin hamkār ud ramag ī gōspandān bē
Verse: f    abzāyēnēd zand-iz ī ahlaw ī ahlāyīh rad mardōm andar xwēškārīh ī rad
Verse: g       pad yazišn ud niyāyišn ud šnāyēnīdārīh ud frāz āfrīgānīh
Verse: h    awēšān niwēyēnam
Verse: i    ahlāyīh ī pahlom ātaxš-iz ī Ohrmazd pus
Verse: j       pad yazišn ud niyāyišn šnāyēnīdārīh ud frāz āfrīgānīh

Paragraph: 10  Link to avesta Link to yasna
Verse: a    awēšān niwēyēnam
Verse: b    Uzērin ī ahlaw ī ahlāyīh rad
Verse: c       pad yazišn ud niyāyišn ud šnāyēnīdārīh frāz āfrīgānīh
Verse: d    awēšān niwēyēnam
Verse: e    frāyīdār wīr ī mēnōy-ēw abāg Uzērin hamkār kē ramag mardōmān bē abzāyēnēd
Verse: f    ud deh-iz ī ahlaw ī ahlāyīh rad mardōm andar xwēškārīh ī *mowē-handarzbed
Verse: g       pad yazišn ud niyāyišn šnāyēnīdārīh frāz āfrīgānīh
Verse: h    awēšān niwēyēnam
Verse: i    burz ī xwadāy mādagān rōšn ī ābān nāf
Verse: j    ud āb-iz ī Ohrmazd-dād
Verse: k       pad yazišn ud niyāyišn ud šnāyēnīdārīh ud frāz āfrīgānīh

Paragraph: 11  Link to avesta Link to yasna
Verse: a    awēšān niwēyēnam
Verse: b    Ēbsrūsrim ēbgayēy ī ahlaw ī ahlāyīh rad
Verse: c       pad yazišn ud niyāyišn ud šnāyēnīdārīh ud frāz āfrīgānīh
Verse: d    awēšān niwēyēnam
Verse: e    frāyīdār harwisp huzāyišnīh bun ud bar Zardušttom-iz ī ahlaw ī ahlāyīh rad
Verse: f    mardōm andar xwēškārīh ī mowbedān mowbed
Verse: g       pad yazišn ud niyāyišn ud šnāyēnīdārīh ud frāz āfrīgānīh
Verse: h    awēšān niwēyēnam
Verse: i    ān ī ahlawān frawahr
Verse: j    mādagān wīr-ramagān ardāy-fraward ī mardōmān
Verse: k    ān-iz ī sālān *humānišnīh ka andar sāl pad frārōnīh weh šāyēd māndan ay pad
Verse: l    rāh ī ōy
Verse: m    amāwand-iz ī hutāšīd ī hurust
Verse: n    ī pērōzgar ī Ohrmazd-dād
Verse: o    wānīdārīh-iz ī pad abar-rawišnīh Warahrān yazd ast kē Aštād yazd gōwēd
Verse: p       pad yazišn ud niyāyišn ud šnāyēnīdārīh ud frāz āfrīgānīh

Paragraph: 12  Link to avesta Link to yasna
Verse: a    awēšān niwēyēnam
Verse: b    Ušahin ī ahlaw ī ahlāyīh rad
Verse: c       pad yazišn ud niyāyišn šnāyēnīdārīh frāz āfrīgānīh
Verse: d    awēšān niwēyēnam
Verse: e    burzīy mēnōy-ēw abāg Ušahin hamkār ramag ī ǰōrdāgān bē abzāyēnēd ud
Verse: f    nmānīy-iz ahlaw ī ahlāyīh rad mardōm andar xwēškārīh ī dādwar
Verse: g       pad yazišn ud niyāyišn šnāyēnīdārīh frāz āfrīgānīh
Verse: h    awēšān niwēyēnam
Verse: i    Srōš ahlī hurust ī tarsagāh pērōzgar ī frāyīdār ī gēhān
Verse: j    ud Rašn ī ristag hād rašnīh ā-š hamagenīh u-š ristagīh rāstīh ud Aštād-iz ī
Verse: k    frāyīdār ī gēhān ud wālišn-dādār ī gēhān
Verse: l       pad yazišn ud niyāyišn ud šnāyēnīdārīh ud frāz āfrīgānīh

Paragraph: 13  Link to avesta Link to yasna
Verse: a    awēšān niwēyēnam
Verse: b    māhīgān ī ahlāyīh rad
Verse: c    andarmāh ī ahlaw ī ahlāyīh rad panǰag ī fradom
Verse: d       pad yazišn ud niyāyišn šnāyēnīdārīh frāz āfrīgānīh
Verse: e    awēšān niwēyēnam
Verse: f    purr-māh ud wišaptīy-iz ī ahlaw ī ahlāyīh rad panǰag ī didīgar ud sidīgar
Verse: g       pad yazišn ud niyāyišn ud šnāyēnīdārīh ud frāz āfrīgānīh

Paragraph: 14  Link to avesta Link to yasna
Verse: a    awēšān niwēyēnam
Verse: b    sāl ī gāhān-bār <ī ahlaw ī ahlāyīh rad>
Verse: c    Mēdōzarm ī ahlaw ī ahlāyīh rad
Verse: d       pad yazišn ud niyāyišn šnāyēnīdārīh frāz āfrīgānīh
Verse: e    awēšān niwēyēnam
Verse: f    Mēdōšim ī ahlaw ī ahlāyīh rad
Verse: g       pad yazišn ud niyāyišn šnāyēnīdārīh frāz āfrīgānīh
Verse: h    awēšān niwēyēnam
Verse: i    Pāitišahī ī ahlaw ī ahlāyīh rad
Verse: j       pad yazišn ud niyāyišn šnāyēnīdārīh frāz āfrīgānīh
Verse: k    awēšān niwēyēnam
Verse: l    Ayāsrim ī pad frōd-waštag-zamānīh gōwēd gušn-hilišnīh ī ahlaw ī ahlāyīh rad
Verse: m       pad yazišn ud niyāyišn šnāyēnīdārīh frāz āfrīgānīh
Verse: n    awēšān niwēyēnam
Verse: o    Mēdyār ī ahlaw ī ahlāyīh rad
Verse: p       pad yazišn ud niyāyišn šnāyēnīdārīh frāz āfrīgānīh
Verse: q    awēšān niwēyēnam
Verse: r    Hamaspahmaidim ī ahlaw ī ahlāyīh rad
Verse: s       pad yazišn ud niyāyišn šnāyēnīdārīh frāz āfrīgānīh
Verse: t    awēšān niwēyēnam
Verse: u    sāl ī ahlāyīh rad
Verse: v       pad yazišn ud niyāyišn ud šnāyēnīdārīh ud frāz āfrīgānīh

Paragraph: 15  Link to avesta Link to yasna
Verse: a    awēšān niwēyēnam
Verse: b    harwisp awēšān rad
Verse: c    kē hēnd ahlāyīh radīh sī ud sē nazdist {āsišn} pērāmōn ī hāwan
Verse: d    kē hēnd ahlāyīh pahlom ī Ohrmazd frāz hammōxt ō Zardušt ud Zardušt frāz
Verse: e    guft ō mardōmān kū čiyōn abāyēd kardan
Verse: f       pad yazišn ud niyāyišn šnāyēnīdārīh frāz āfrīgānīh

Paragraph: 16  Link to avesta Link to yasna
Verse: a    awēšān niwēyēnam
Verse: b    xwadāy ud Mihr ī buland asēǰ ī ahlaw
Verse: c    star-iz ī spēnāg mēnōy dām
Verse: d    ud Tištar star ī rāyōmand xwarrahōmand
Verse: e    ud māh ī gōspand tōhmag
Verse: f    xwaršēd-iz ī arwand-asp ud dōysar Ohrmazd
Verse: g    ud Mihr dehān dahībed ǰud az amahrspandān ān ī meh abar yazdān ī gētīyān xwadāy
Verse: h       pad yazišn ud niyāyišn ud šnāyēnīdārīh frāz āfrīgānīh
Verse: i    rōz ud māh
Verse: j    awēšān niwēyēnam
Verse: k    Ohrmazd ī rāyōmand ī xwarrahōmand
Verse: l       pad yazišn ud niyāyišn šnāyēnīdārīh frāz āfrīgānīh
Verse: m    awēšān niwēyēnam
Verse: n    ahlawān frawahr
Verse: o       pad yazišn ud niyāyišn šnāyēnīdārīh frāz āfrīgānīh

Paragraph: 17  Link to avesta Link to yasna
Verse: a    awēšān niwēyēnam
Verse: b    tō ātaxš ī Ohrmazd pus tō kē pad ēn yazišn hē abāg harwispīn ātaxšān
Verse: c       pad yazišn ud niyāyišn šnāyēnīdārīh frāz āfrīgānīh
Verse: d    awēšān niwēyēnam
Verse: e    āb ī weh nāmčištīh pad zōhr
Verse: f    ud harwisp-iz āb ī Ohrmazd-dād pad ēk-radagīh
Verse: g    ud harwisp urwar ī Ohrmazd-dād pad ēk-radagīh
Verse: h       pad yazišn ud niyāyišn ud šnāyēnīdārīh ud frāz āfrīgānīh

Paragraph: 18  Link to avesta Link to yasna
Verse: a    awēšān niwēyēnam
Verse: b    mānsar-spand ī ahlaw kāmag-axw kū-š kāmag ī pad menišn abāg ān ī axw rāst
Verse: c       ast kē ēdōn gōwēd hād ān-iz ī kasān ēdōn bē kunēd
Verse: d    dād ī ǰud-dēw dād ī Zardušt har ēk dagr abar-rawišnīh mēnōy ī spand ud dēn
Verse: e    ī weh ī mahistān pad ēk-radagīh
Verse: f       pad yazišn ud niyāyišn ud šnāyēnīdārīh ud frāz āfrīgānīh

Paragraph: 19  Link to avesta Link to yasna
Verse: a    awēšān niwēyēnam
Verse: b    gar ī Uš-dāštār ī Ohrmazd-dād ī ahlāyīh xwārīh
Verse: c    ud harwisp gar ī ahlāyīh xwārīh purr-xwārīh ī Ohrmazd-dād
Verse: d    ud kayān xwarrah ī Ohrmazd-dād
Verse: e    ud ān-iz ī agrift xwarrah ī Ohrmazd-dād xwēškārīh ī āsrōnān; u-š agriftīh
Verse: f    ēd kū pad frahang ō xwēš šāyēd kardan
Verse: g       pad yazišn ud niyāyišn šnāyēnīdārīh frāz āfrīgānīh
Verse: h    awēšān niwēyēnam
Verse: i    Ahlišwang ī weh
Verse: j    ī frazānag ī weh
Verse: k    rah ī weh
Verse: l    rah-ēstīšnīh ī weh
Verse: m    ud xwarrah ud sūd ī Ohrmazd-dād
Verse: n       pad yazišn ud niyāyišn šnāyēnīdārīh frāz āfrīgānīh

Paragraph: 20  Link to avesta Link to yasna
Verse: a    awēšān niwēyēnam
Verse: b    dahmān ī wehān āfrīn
Verse: c    dahm-iz mard ī ahlaw
Verse: d    ud ān-iz ī čēr ī tagīg dahm ī abar pad menišn yazd
Verse: e       pad yazišn ud niyāyišn šnāyēnīdārīh frāz āfrīgānīh

Paragraph: 21  Link to avesta Link to yasna
Verse: a    awēšān niwēyēnam
Verse: b    <awēšān> gyāg rōstāg ud gāwyōd dašt mēhan ud ābxwar
Verse: c    ud āb ud zamīg ud urwar
Verse: d    ud ēn zamīg ud ān āsmān
Verse: e    ud wād-iz ī ahlaw
Verse: f    ud star ud māh ud xwaršēd ud ān-iz ī asar rōšnīh ī xwadād
Verse: g       hād xwadādīh ēd kū har kas xwad ō xwēš šāyēd kardan
Verse: h    harwisp-iz ī ān spēnāg mēnōy dāmān ahlaw ahlāyīh rad hēnd
Verse: i       pad yazišn ud niyāyišn šnāyēnīdārīh frāz āfrīgānīh

Paragraph: 22  Link to avesta Link to yasna
Verse: a    awēšān niwēyēnam
Verse: b    raϑβōg berzat ī ahlaw
Verse: c    radīh ī rōz asnīy ī māhīgān ud gāhānbār ud sāl
Verse: d    kē hēnd ahlāyīh rad
Verse: e    ī pad hāwan radīh
Verse: f       pad yazišn ud niyāyišn šnāyēnīdārīh frāz āfrīgānīh

Paragraph: 23  Link to avesta Link to yasna
Verse: a    awēšān niwēyēnam
Verse: b    Srōš ahlī ī tagīg ī tan-framān ī škeft-zēn xwadāy u-š šnāyēnam
Verse: c       pad yazišn ud niyāyišn ud šnāyēnīdārīh ud frāz āfrīgānīh
Verse: d    awēšān niwēyēnam
Verse: e    Zardušt ī Spitāmān ahlaw frawahr u-š šnāyēnam
Verse: f       pad yazišn ud niyāyišn šnāyēnīdārīh frāz āfrīgānīh
Verse: g    awēšān niwēyēnam
Verse: h    tō ātaxš ī Ohrmazd pus u-š šnāyēnam
Verse: i       pad yazišn ud niyāyišn šnāyēnīdārīh frāz āfrīgānīh

Paragraph: 24  Link to avesta Link to yasna
Verse: a    awēšān niwēyēnam
Verse: b    ī ahlawān frawahr ī čērān ud abarwēzān
Verse: c    pōryōtkēšān frawahr
Verse: d    nabānazdištān frawahr ud nabānazdištān frawahr
Verse: e       pad yazišn ud niyāyišn ud šnāyēnīdārīh ud frāz āfrīgānīh

Paragraph: 25  Link to avesta Link to yasna
Verse: a    awēšān niwēyēnam
Verse: b    harwisp ān ahlāyīh rad
Verse: c       pad yazišn ud niyāyišn šnāyēnīdārīh frāz āfrīgānīh
Verse: d    awēšān niwēyēnam
Verse: e    harwisp ān weh-dahag yazd mēnōy ud kē-iz ī gētīy
Verse: f    kē hēnd yazišnōmand ud niyāyišnōmand ud az ahlāyīh ī pahlom kū pad frārōnīh
Verse: g    ōh abāyēnd yaštan u-šān ōstwarīd ōh kunišn
Verse: h    amahrspandān ī huxwadāyān hudāgān yazam



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.