TITUS
Pahlavi Translation of the Avesta: Yasna and Vispered
Part No. 13
Previous part

Chapter: 12  Link to avesta Link to yasna
Yasna 12


Paragraph: 1  Link to avesta Link to yasna
Verse: a    nigōhēm dēw hād abāg-iz ēd kū ka-m ahlāyīh stāyīd ā-m dēw nigōhīd bawēnd
Verse: b    ā-šān pas-iz pad ǰudāgīh bē nigōham franāmam mahistīh ī Zardušt ī ǰud-dēw
Verse: c    Ohrmzd-dādestān kū-š andarg ī wattarān bē gōwam
Verse: d    stāyēm amahrspandān ud yazam amahrspandān kū-šān andar yazišn-ēw ōh stāyēm
Verse: e    ō Ohrmazd weh ī weh-paymān harwisp ābādīh čāšam kū hamāg pad xwēšīh ī
Verse: f    Ohrmazd dāram ahlaw ān Ohrmazd rāyōmand ī xwarrahōmand
Verse: g    kē čēgām-iz-ēw pahlomīh ōy dād kē ōy gōspand dād kē ōy ahlāyīh kē ōy rōšnīh
Verse: h    kē ōy ō rōšnīh gumēxt xwārīh ast kē mizd gōwēd

Paragraph: 2  Link to avesta Link to yasna
Verse: a    Spandarmad weh dōšam pad astīh ān ī man ast kū-m pad tan mehmān bawād
Verse: b    ul gōspand stāyam az duzān ud stahmagān kū-šān nē xwēš
Verse: c    ul az ān mahistān wis ziyān ud wiyābānīh kū nē abāyēd kardan

Paragraph: 3  Link to avesta Link to yasna
Verse: a    frāz pad menišn rād ham ō kāmag āyišnān ud kāmag mānišnān kē pd abāyist bē
Verse: b    ō dēn āyēnd ud pad dēn bē ēstēnd ā-šān menišnīg rādīh abar kunam
Verse: c    kē abar pad ēn zamīg pad gōspandōmandīh mānēnd daxšag gōwēd
Verse: d    ud niyāyišn ō ahlāyīh ul daham kū tan bē ā dēn daham ud abar ēdōn stāyam kū
Verse: e    tis-ēw ī nēk
Verse: f    nē az ān čiyōn nē abāyēd kardan pad ziyān nē pad wiyābānīh rawam-iz ō ān ī
Verse: g    mahistān wis ud nē tan ud nē ǰān dōšāram rāy ud nē weh-zīšnīh ud nē wis
Verse: h    zīšnīh rāy az ēn dēn abāz nē ēstam

Paragraph: 4  Link to avesta Link to yasna
Verse: a    bē az dēwān ud wadagān ՚wy՚y'-'n adādestānān ī wattar-dahāgān ā-šān sālārīh
Verse: b    gōwam kū pad sālārīh nē abāyēnd dāštan
Verse: c    kē az astān drōzantom hēnd ud az astān pūdagtom ՚w՚c'n-twm ī az astān
Verse: d    ՚wy՚y'-twm hād har dō ast astīh ud nēstīh; u-šān astīh ēd kū ō-nūn hēnd
Verse: e    u-šān nēstīh ēd kū pas nē bawēnd
Verse: f    bē dēwān bē az dēw hayārān dēwēzagān bē az ǰādūgān mardān ud zanān
Verse: g    bē az kadār-iz-ēw kē ast wattarīh bē pad menišn bē pad gōwišn bē pad kunišn
Verse: h    ka meh wāng abar bē abāyēd kardan bē pad paydāgīh āškārag
Verse: i    bē az awēšān sālārīh gōwam kē ēdōn druwand rēšīdārīh hēnd pad hamāg abāz

Paragraph: 5  Link to avesta Link to yasna
Verse: a    ēdōn čiyōn guft ēdōn-iz Ohrmazd ō Zardušt pahikārd kū-š guft
Verse: b    pad harwisp frašn pad harwisp hamrasišnīh ka hampursīd hēnd Ohrmazd ud
Verse: c    Zardušt ā-š ēd guft kū dēw pad sālārīh nē abāyēnd dāštan

Paragraph: 6  Link to avesta Link to yasna
Verse: a    ēdōn čiyōn guft Zardušt az dēwān sālārīh bē guft
Verse: b    pad harwisp frašn pad harwisp hamrasišnīh ka hampursīd hēn dOhrmazd ud
Verse: c    Zardušt ā-š ēd guft kū dēw pad sālārīh nē abāyēnd dāštan
Verse: d    ēdōn ēn-iz kē mahist ī Zardušttom az dēwān sālārīh bē gōwam čiyōn-iš az
Verse: e    awēšān bē guft kē ahlaw Zardušt

Paragraph: 7  Link to avesta Link to yasna
Verse: a    u-m kāmag ān ī āb u-m kāmag ān ī urwar u-m kāmag ān ī gōspand ī hudāg
Verse: b    u-m kāmag ān ī Ohrmazd kē gōspand dād ud mard ahlaw
Verse: c    u-m kāmag ān ī-š būd Zardušt u-m kāmag ān ī Kay-Wištāsp u-m kāmag ān ī
Verse: d    Frašōštar ud J̌āmāsp
Verse: e    u-m kāmag ān ī kadār-iz-ēw ī sūdōmandān ī āškārag warzīdārān ī ahlawān
Verse: f    pad ān kāmag ud dādestān ēdōn čiyōn guft

Paragraph: 8  Link to avesta Link to yasna
Verse: a    mahist-am kū mard ī weh mard-am ud mahistīh ī Zardušt franāmam kū andarg ī
Verse: b    wattarān gōwam
Verse: c    stāyam xwad ud franāmam kū andar gēhān rawāg bē kunam
Verse: d    stāyam humat pad menišn ud stāyam hūxt pad gōwišn ud stāyam huwaršt pad kunišn

Paragraph: 9  Link to avesta Link to yasna
Verse: a    stāyam dēn ī weh ī mahistān
Verse: b    kē frāz abgand āyōzišn ud bē nihād snehīh aziš paydāg ud ēd aziš paydāg kū
Verse: c    pad apahikār radīh ō kasān nē abāyēd šudan kē pad apahikār radīh abar āyēd
Verse: d    ā-š pahikār radīh xōb abāg bē abāyēd kardan
Verse: e    xwēdōdahīh aziš paydāg kū ōh abāyēd kardan ahlawēnī
Verse: f    kē az astān būdān bawēdān mahist pahlom nēktom
Verse: g    kē Ohrmazd ud Zardušt xwēš
Verse: h    ō Ohrmazd harwisp ābādīh čāšam kū bun ud bar hamāg pad xwēšīh ī Ohrmazd dāram
Verse: i    ēd-iš ast dēn ī mahistān āstawānīh bowandag



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.