TITUS
Pahlavi Translation of the Avesta: Yasna and Vispered
Part No. 12
Previous part

Chapter: 11  Link to avesta Link to yasna
Yasna 11: sidīgar kardag bun


Paragraph: 1  Link to avesta Link to yasna
Verse: a    sē āškārag ahlaw kē pad āfrīn gōwišnīh rafēnd sē-sag-iš ast ī rōšnag kū
Verse: b    nifrīn kunēnd
Verse: c    gāw ud asp ud hōm
Verse: d    gāw zōd rafēd kē andar dārišn kū
Verse: e    ēdōn bawē afrazand u-t ēdōn dusrawīh abāg bawād
Verse: f    kē man rāy xwāstag nē baxsē ō arzānīgān
Verse: g    ēg tō man pšw-ēnē kū-m abāz frayābē
Verse: h    nāirīgān ud pusarān ān ī xwēš mūrān rāy

Paragraph: 2  Link to avesta Link to yasna
Verse: a    asp ō ōy burdār rafēd
Verse: b    kū mā dahē arwandān asp kārēzār āyōxtār kū-t tāxtan mā tuwān bawād ud mā
Verse: c    arwandān abar nišastan
Verse: d    mā arwandān bē nihaxtan kū abāz dāšt mā tuwān bawād kē pad ān ī man zōr nē
Verse: e    zayē kār ud dādestān
Verse: f    ka was mad ēstēnd pad hamrasišnīh ud was mard kerdagār

Paragraph: 3  Link to avesta Link to yasna
Verse: a    hōm ō xwardār rafēd kē ab āyēd xward ud nē xwarēd kū
Verse: b    ēdōn bawē āfrazand u-t ēdōn dusrawīh abāg bawād
Verse: c    kē man bē az hūnišn dārē kū-m andar yazišn kār nē framāyē čiyōn duz *purdag
Verse: d    sar wābarīgān nē dārišn ud tō-iz man ēdōn awābarīgān dārē
Verse: e    nē ham purdag sar čē an ham hōm ī ahlaw ī dūrōš

Paragraph: 4  Link to avesta Link to yasna
Verse: a    ān ī man pidar hamēšag ān ī ō hōm sūr franāft Ohrmazd ī ahlaw
Verse: b    ērwārag abāg uzwān ud ān hōy dōysar

Paragraph: 5  Link to avesta Link to yasna
Verse: a    kē az man ān sūr zanēnēd ayāb triftēnēd ayāb bē šwclwn-yd
Verse: b    kē-š ō man dād Ohrmazd ahlaw ērwārag abāg uzwān ud ān-iz ī hōy dōysar

Paragraph: 6  Link to avesta Link to yasna
Verse: a    ay nē andar ān mān zāyēd āsrōn ud nē artēštār ud nē wāstaryōš
Verse: b    čē andar ān mān zāyēd ān dahišn kāhēnīdār kē dahišn ī Ohrmazd bē kāhēnēd
Verse: c    mūdag kerdār kū tis tabāh bē kunēd
Verse: d    purr-sardag warzīdār kū kār ud dādestān was frāz kunēd ayāb-iz pad frazām
Verse: e    bē nē kunēd

Paragraph: 7  Link to avesta Link to yasna
Verse: a    tēz ka ān gōšt frāz brīnēd kū gōspand kušēd tuxšāgēnē ān ud ān hōm sūr kū
Verse: b    hōm drōn bē paydāgēnēd
Verse: c    kū mā tō hōm bannād čiyōn-iš mar bast
Verse: d    Tūr Frangrāsiyān pad mayān srišwadag ēn zamīg kē pērāmōn ān xwēn-āhen ī
Verse: e    *asēmēn; ēn Māhwindād guft Dādohrmazd guft kē pērāmōn āwist ēstēd kū-š
Verse: f    dribuštīh pērāmōn kerd ēstēd

Paragraph: 8  Link to avesta Link to yasna
Verse: a    u-š guft Zardušt kū
Verse: b    namāz hōm ī Ohrmazd-dād
Verse: c    weh hōm ī Ohrmazd-dād
Verse: d    namāz hōm

Paragraph: 9  Link to avesta Link to yasna
Verse: a    kē az amāh ēk dastwar mard-ēw kunēd ān ī amāh durēn serēn čahārēn
Verse: b    panǰarēn ud šašarēn ud haftarēn aštarēn
Verse: c    nāwarēn ud daharēn xwēš šāyēd būd kē-mān az ašmāh mad ēstēd ēn nēkīh

Paragraph: 10  Link to avesta Link to yasna
Verse: a    bē ō tō hōm ī ahlaw ī ahlaw-zahag daham ēn ī xwēš tan
Verse: b    kē man wēnīhēd hurust kū tā-mān bawād
Verse: c    ... huaxwīh nēw-sarīh ud ahlawīh abēzagīh
Verse: d    bē ō man tō-iz dah hōm ī ahlaw dūrōš
Verse: e    ān ī pahlom axwān ī ahlawān ī rōšn hamāg xwārīh ā-iz xwāham u-m tō-iz dah



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.