TITUS
Pahlavi Translation of the Avesta: Yasna and Vispered
Part No. 11
Previous part

Chapter: 10  Link to avesta Link to yasna
Yasna 10: didīgar kardag bun


Paragraph: 1  Link to avesta Link to yasna
Verse: a    bē pas az ēdar padēnd bē dēw bē dēw-hayār dēwēzag
Verse: b    ud ān ī weh Srōš mānēd kū-š menānīh bawēd Ahlišwang ēdar mānēd
Verse: c    Ahlišwang ī weh rāmišn ēdar mehmānīh bawēd u-š rāmišn bawēd abar andar ēn mān
Verse: d    ī Ohrmazd xwēš ud kē-iz hōm ī ahlaw zahag u-š xwēš

Paragraph: 2  Link to avesta Link to yasna
Verse: a    pad-iz ānī frōdtom hāwan tō pad gōwišn abar stāyēm huxrad
Verse: b    ka-t andar ān gyāg ō ham kunam kū andar kunam
Verse: c    pad-iz ān abartom hāwan tō pad gōwišn abar stāyēm huxrad
Verse: d    ka-t andar bē zanam pad ān ī mardān ōz

Paragraph: 3  Link to avesta Link to yasna
Verse: a    stāyēm *miznē ī wārān pad-iz ēd rāh ī ō pēš gōwam kē ēd ī tō kerb waxšēnēd
Verse: b    pad bālist abar garān
Verse: c    stāyēm gar ī buland kū ānōh hōm rust ēstē

Paragraph: 4  Link to avesta Link to yasna
Verse: a    styēm zamīg widargōmand ī pahn ī kāmag axw ī xwābar
Verse: b    kē burdār hōm ī ahlaw
Verse: c    stāyēm zamīg kū rust ēstē ān gyāg pad nāmčišt hubōyīh ud arwandīh kardār
Verse: d    hē pad gētīy
Verse: e    u-t ēdōn meh ārōyišn ārōyišn ī tō tis-ēw ī meh hōm kē tō rust ēstē pad gar abar
Verse: f    ēdōn frāz dād ēstē pad wišaptī āškārag ahlāyīh xān hē lōšnag kū kār ud
Verse: g    kirbag ōh abzāyēnē

Paragraph: 5  Link to avesta Link to yasna
Verse: a    bālēnē menišn ud gōwišn kū frārōntar bē kunē pad harwisp axw abar
Verse: b    pad harwisp spēg abar pad harwisp tāg abar čiyōn guft dō bār guftan

Paragraph: 6  Link to avesta Link to yasna
Verse: a    hōm waxšēd ka-š stāyēnd
Verse: b    ēdōn mard kē ōy stāyēd pērōzgartar bawēd
Verse: c    pad-iz ān ī nidōm hōm hūnišn ud pad-iz ān ī nidom hōm stāyišnīh
Verse: d    ud pad-iz ān ī nidom hōm xwarišnīh yašt-ēw ՚wš՚yn' hazāraγnišnīh ast
Verse: e    dēwān kū hazār bē škīhēnd

Paragraph: 7  Link to avesta Link to yasna
Verse: a    nisinnēd pad hagenēn ud frāz kunēd ān ī abārīg az ān mān āhōgēnišnīh
Verse: b    ānōh kū bāstān abar abāgēnēnd kū bē kunēd ānōh kū bāstān abar stāyēnd
Verse: c    hōm ī bēšāzēnīdār paydāgēnīd drīstīh ud bēšāzišnīh
Verse: d    andar ān ī ōy wis dastkerd ud ēdōn mēhan xānag

Paragraph: 8  Link to avesta Link to yasna
Verse: a    harwisp ān anī māyišn hād māyišn abāyēd guftan ā-š xešm abāg xurdruš
Verse: b    ān ī hōm māyišn ā-š ahlāyīh abāg urwāhmen kār ud kibag kē mard pad rāmišn dārēd
Verse: c    sabuk ān ī hōm māyišn ud nē tis-ēw ī garān ka čiyōn pus ī tarōg
Verse: d    hōm windēnd mardōm kū-š pahrēz kunēnd frāz ān ī awēšān tan
Verse: e    hōm padīrēd bēšāzišnīh

Paragraph: 9  Link to avesta Link to yasna
Verse: a    hōm dah ō man bēšāzišnīh kē pad awēšān hē bēšāzēnīdār kū-t tuwān dād
Verse: b    hōm dah ō man pērōzgarīh kē pad awēšān hē pad pērōzgarīh bēš tarwēnīdār
Verse: c    frāz az tō padīram drīstīh ud stāyīdārīh kū-t drīst u-t ōh stāyēm čē-š
Verse: d    drīst stāyīdār rāy weh ō man
Verse: e    guft Ohrmazd kū-m weh dād az ahlāyīh ī pahlom kū dēn burdār weh dād kū dēn
Verse: f    čē dēn-iz rawāgīh padrāh ī dēn-burdārān šāyēd būd

Paragraph: 10  Link to avesta Link to yasna
Verse: a    arwand tō dānāg bay tāšīd hē ī xwābar pad mēnōyīh
Verse: b    arwand tō dānāg bay bē dād hē xwābar ō gētīy
Verse: c    pad Hariburz abar

Paragraph: 11  Link to avesta Link to yasna
Verse: a    tō ānōh pad ān ī abzōnīgān frāz daxšagīh ka-šān pad daxšag ī murwān bē kerd
Verse: b    hē murwān ǰud ǰud bē barēnd
Verse: c    abar ō škeft ī Abārsēn ēn nāfag ē-čand
Verse: d       zand nē guft nām ī ān kōfīhā ud daštīhā kē-š hōm ndar rust ēstād

Paragraph: 12  Link to avesta Link to yasna
Verse: a    āndar ān gyāg purr-tāg purr-sardag bē rust hē
Verse: b    hōm ī čarb ī zarrēn gōn
Verse: c    ān tō bēšāzišnīh gumāy pad ān ī Wahman paymān and-čand abāyēd nē ēdōn čiyōn
Verse: d    bēš ud bl՚tn' čē ān bawēd ka bēš bēšāzišnīh rāy mardōm bē ōzanēd
Verse: e    čē man ōy dušsaxon ā-š pasēy-iš bast menišn
Verse: f    ān menišn menīdārīh gōwam kēō man pad dušsaxonīh ēstēd kū-m tis zišt awiš gōwēd

Paragraph: 13  Link to avesta Link to yasna
Verse: a    namāz hōm kē kunēd ōy ī driyōš hāwand meh-menišn
Verse: b    čiyōn ōy-iz rāyōmand ka ōy az tis-ēw ī xwurdag rāamišn ēdōn čiyōn ōy az tis
Verse: c    ī stabr
Verse: d    namāz hōm kē kunēd ōy driyōš hāwand meh-menišn
Verse: e    čiyōn hunsandīh raft ēstēd čiyōn mowbedān mowbed az pādaxšāyīh rāmišn ōy-iz
Verse: f    az yaštārīh ē rāmišn ēdōn
Verse: g    purr-mard tō kun mard ēdōn was kunēd ī abzōnīg ī frazānagīh hayār kē tō
Verse: h    bāstān hōm ī zarrēn ō gōšt gumēzed aršuxδanąmca baxšēd pad bahr

Paragraph: 14  Link to avesta Link to yasna
Verse: a    mā čiyōn gāw drafš ā-m tēz az wārom rawē čiyōn gāw drafš padē gyāg ēstād nē
Verse: b    tuwān tō-iz wināhgārīh rāy pad tan ī man mehmānīh nē bawād
Verse: c    frāz franāmanm ēd ī tō māyišn kū dārišn bē kunam u-m ō tō kāmag axwīh rasēn
Verse: d    kū-m kāmag pad axw abāg ān ī pad menišn rāst bē kun
Verse: e    bē ō tō hōm ī ahlaw ī ahlaw zahag daham ēn man tan
Verse: f    kē wēnīhēd hurust

Paragraph: 15  Link to avesta Link to yasna
Verse: a    u-t bē hilam pad zanišn kū-t bē frāyēm niwānēnd marān gilistag ī wattarān
Verse: b    ast kē ēdōn gōwēd hād bē hilē
Verse: c    kē mēnōy kū frēbam ud frēbēnd ōy-iz āsrōg kē hērbedestān kunēd ōy-iz ī
Verse: d    hōmīg kē yazišn kunēd
Verse: e    u-šān pad ān frēb bē wsyn' kū-šān apaydāg kun
Verse: f    kē ēdōn ān ī hōm sūr ō dōyišn bē nihēd hōm drōn kū nē yazēd ud ōh xwarēd
Verse: g    nē ōy ān ī āsrōg pus ā-š bawēd u-š nē dahīhēd hupusīh pad ān ī abārīg

Paragraph: 16  Link to avesta Link to yasna
Verse: a    pad panǰarēn nām ham ud pad panǰarēn nām nē ham pad pand kas mehmānīh ast
Verse: b    pad panǰ kas nēst
Verse: c    pad ōy kē humat ham pad ōy kē dušmat nē ham
Verse: d    pad ōy kē hūxt ham pad ōy kē dušhūxt nē ham
Verse: e    pad ōy kē huwaršt ham pad ōy kē dušhuwaršt nē ham
Verse: f    pad ōy kē srōš ham kē dastwar dārēd pad ōy kē asrušt nē ham kē dastwar nē dārēd
Verse: g    pad ōy kē ahlaw ham pad ōy kē druwand nē ham
Verse: h    ēg-iz az ān tā ō ān ī abdom ka menišn ast bē wizārišnīh ā-m ēn tis ēdōn

Paragraph: 17  Link to avesta Link to yasna
Verse: a    u-š guft Zardušt kū namāz ō hōm Ohrmazd-dād
Verse: b    weh hōm ī Ohrmazd-dād namāz hōm abāzīh ō namāz šud
Verse: c    harwisp hōm abar stāyēm kē-iz pad bālist abar garān
Verse: d    kē-iz ī andar ān zufr rōstāg ud kē-iz pad tangīh dārēnd
Verse: e    ǰahī pad ... hād tangīh az ān ka-š tis ī abārōn padiš kunēd
Verse: f    ka andar ān ī asēmēn tašt ō ān ī zarrēn abar tazēnd kū-t az zōhr-barān bē
Verse: g    dō padišxwar wardēnam
Verse: h    nē tō abganam ō zamīg abar kē ēdōn rāyōmand ud arzōmand hād arz ī tō ēdōn
Verse: i    čiyōn mard-ēw abzārōmand

Paragraph: 18  Link to avesta Link to yasna
Verse: a    awēšān tō hōm gāhān čiyōn tō ud abārīg yazdān az gāhān rāmišn tō az ēn
Verse: b    fragard u-t awēšān hēnd stāyišn stāyišn ī tō ēn fragard
Verse: c    u-t awēšān hēnd čēgām-iz-ēw čāšišnīh nērang sē bār xward tis ī sar abganēd
Verse: d    u-t awēšān hēnd ān ī rāst gōwišn drōn; drōn ī tō ēn fragard; ēn Māhwindād
Verse: e    guft; Dādohrmazd guft hād awēšān tō hōm gāhān ān Ašemwohū sē; u-t awēšān
Verse: f    hēnd stāyišn; iϑā nā yō staoiti u-t awēšān čēgām-iz-ēw čāšišnīh u-t awēšān
Verse: g    hēnd ān ī rāst gōwišn
Verse: h    drīstīh ud pērōzgarīh abar padbēšāzišnih bēšāzēn kū drīst dār

Paragraph: 19  Link to avesta Link to yasna
Verse: a    awēšān tō-iz ō man frāz franām ēd ī tō māyišn rōšn
Verse: b    franām ēd ī tō māyišn rōšnag ēd kū-m dahē sabuk wazēnd māyišn
Verse: c    pērōzgar hē ka-t stāyēnd ham ān ī pad-iz gāhān guft kū

Paragraph: 20  Link to avesta Link to yasna
Verse: a    kē ō gōspandān niyāyišn āb ud wāstar ā-š az gōspandān šīr ud wck
Verse: b    u-š az gōspandān gōwišn u-š az gōspandān pērōzgarīh
Verse: c    u-š az gōspandān xwarišn u-š az gōspandān wastarg hād čiyōn pad gāhān guft
Verse: d    kū kē ō gōspandān niyāyišn ā-š az gōspandān niyāyišn; ēdar ēd gōwam kū kē
Verse: e    hōm stāyēd ud perōzgartar bawēd
Verse: f    ān ī gōspand warzīdārīh pasušhor ān amāh rāy xwarišn pšw-ēnēd kū amāh rāy
Verse: g    abāz frayābēd

Paragraph: 21  Link to avesta Link to yasna
Verse: a    hōm ī zarrēn ī buland yazam
Verse: b    hōm ī frāšm ī frāyīdār ī gēhān yazam
Verse: c    hōm ī dūrōš yazam
Verse: d    harwisp hōm yazam
Verse: e    Zardušt ī Spitāmān ēdar ahlaw ā-š ahlāyīh-iz kār ud kirbag frawahr yazam



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.