TITUS
Pahlavi Translation of the Avesta: Yasna and Vispered
Part No. 10
Previous part

Chapter: 9  Link to avesta Link to yasna
Yasna 9: Hōmast bun


Paragraph: 1  Link to avesta Link to yasna
Verse: a    pad Hāwan radīh pad Hāwan gāh hōm abar raft ō Zardušt
Verse: b    pad ātaxš-gāh pērāmōn yōǰdahrēnišnīh ka-š ātaxš-gāh kāmist šustan gāhān
Verse: c    srāyišnīh ka-š ān Ašemwohū sē guft kē Frawarānē ō pēš
Verse: d    u-š az ōy pursīd Zardušt kū kē mard hē an-it nē pad yašt ī fradom būd az
Verse: e    pēš paydāg; u-š dānist kū hōm ōh rasēd; ka mad būd ā-š pursīd abāyist miϑrō
Verse: f    upāit Zardušt; ān paydāg kū-š šnāxt ēd rāy čē ān zamān abāg yazdān wēš būd
Verse: g    ēstād u-š ēn fragard warm būd; u-š abāyist rāy abāg hōm ul ēstād; ast kē
Verse: h    ēdōn gōwēd hād Ohrmazd guft ēstād kū har dō ōh rasēnd; ka hōm mad būd ā-š
Verse: i    madan šnāsēd
Verse: j    kē man az harwisp axw ī astōmand ā-m nēktar dīd hē čē-t ān ī xwēš ǰān nēk
Verse: k    kard ēstēd amarg hād ā-š tan pad frārōnīh amarg kerd ēstēd ud nē ēdōn čiyōn
Verse: l    awēšān kē gōšt ī J̌am ǰūd u-šān andar tan amarg kerd ēstād tā bē az tan har
Verse: m    kas-ēw amarg amərəza gaiiehe stūna

Paragraph: 2  Link to avesta Link to yasna
Verse: a    ō man ōy passox guft hōm ī ahlaw ī dūrōš hād dūrōšīh-iš ēd kū ōš az ruwān ī
Verse: b    mardōmān dūr dārēd; rōšn guft hād ahōšīh pad hōm bawēd
Verse: c    an ham Zardušt hōm ī ahlaw ī dūrōš
Verse: d    ān ān ī man xwāhēd Spitāmān frāz man hūn ō xwarišn xwarišn rāy bē hūn
Verse: e    abar man pad stāyišn stāy andar yazišn čiyōn man pas-iz sūdōmand stāyēnd
Verse: f    ā-š ān ī tō ud tō rāy

Paragraph: 3  Link to avesta Link to yasna
Verse: a    u-š guft Zardušt kū namāz hōm kē tō fradom
Verse: b    hōm az mardōmān andar astōmandān gēhān hūnīd hē
Verse: c    kē ān tarsagāhīh kerd ān nēkīh kū tā-m bawād čē ō ōy mad ābādīh

Paragraph: 4  Link to avesta Link to yasna
Verse: a    ō man ōy passox guft hōm ī ahlaw ī dūrōš
Verse: b    Wiwanghān ī man fradom az mardōmān andar astōmandān gēhān hūnīd-am
Verse: c    ōy ān tarsagāhīh kerd ō ōy mad ābādīh
Verse: d    ka az ōy pus ul zād kē J̌amšēd ī huramag
Verse: e    kē xwarrahōmandtom az zādān būd xwēškārtom xwarxšēd nigerišntom az mardōmān
Verse: f    būd hučašmtom
Verse: g       hād xwarrah ast ī xwēškārīh ud ast ī pad tan ī mard ud ān ī pad tan
Verse: h    ī J̌am hamdādestān būd hēnd kū xwēškārīh
Verse: i       rōšn guft hād xwarrah ēd ast ī pad tan ī mard xwarrahōmand dārēd ud
Verse: j    xwēškārīh ān rawāg kunēd
Verse: k    kē-š kerd pad ān ī ōy xwadāyīh amarg pah ud wīr
Verse: l    ahōšišn āb ud urwar kū ān ī nē abesīhēd nē xušk xwarišn xwarān anabesīhišn
Verse: m    kū ka ēk xward būd ēd mad būd

Paragraph: 5  Link to avesta Link to yasna
Verse: a    pad ān ī J̌am xwadāyīh ī arwand nē sarmāg būd ud nē garmāg
Verse: b    nē zarmān būd ud nē margīh un nē arešk ī dēwān-dād hād hamāg būd bē az
Verse: c    wināh abāz dāšt ēstād hēnd
Verse: d    pānzdah sālag ārōyišn frāz raft hēnd pid ud pus kadār-iz-ēw hād Burzōg pad
Verse: e    stāyišn ī pusar guft kū pus ēdōn nēk būdčiyōn pid ud pid ēdōn nēk būd čiyōn
Verse: f    pus
Verse: g    hamē tā ka pādaxšāy būd huramag J̌am ī šēd Wiwanghān pus ēn tis ēdōn būd

Paragraph: 6  Link to avesta Link to yasna
Verse: a    kē tō didīgar hōm az mardōmān andar astōmandān gēhān hūnīd hē
Verse: b    kē ān tarsagāhīh kerd ān nēkīh kū tā-m bawād čē ō ōy mad ābādīh

Paragraph: 4  Link to avesta Link to yasna
Verse: a    ō man ōy passox guft hōm ī ahlaw ī dūrōš
Verse: b    Āspiyān ī man didīgar az mardōmān andar astōmandān gēhān hūnīd ham
Verse: c    ōy ān tarsagāhīh kerd ō ōy mad ābādīh
Verse: d    ka az ōy pus ul zād kē abzār-wis Frēdōn hād abzār-wisīh-iš ēd būd kū-š
Verse: e    xānag az abarmānd ī pidarān was būd ud ān-iz ī Dahāg pad stahmagīh abāz
Verse: f    grift u-š xwadāyīh ēd xwēšāwand-ēw paydāg nē būd ōy dāšt

Paragraph: 8  Link to avesta Link to yasna
Verse: a    kē-š zad Az ī Dahāg ī sē zafar sē kamāl
Verse: b    ī šaš aš ī hazār-wizustār ī adādag pad gōhrag ī was ōz dēw druz
Verse: c    ī wattar ō gēhān ō ziyāngār ī druwand kē-š was ōztom druz
Verse: d    frāz kirrēnīd Ganāg Mēnōy abar ō astōmandān gēhān
Verse: e    pad margīh ī ān ī ahlāyīh gēhān
Verse: f       kū-š az druz ī getīy ēk ān stahmagtar būd kō ϑβąm yim ahurəm
Verse: g    mazdąm ān ēd āmār kū har ān ziyān ī-š pad dāmān ī Ohrmazd tuwān būd ā-š bē
Verse: h    kerd ud im būd tis ī-š tuwān būd kardan u-š nē kerd

Paragraph: 9  Link to avesta Link to yasna
Verse: a    kē tō sidīgar hōm az mardōmān andar astōmandān gēhān hūnīd hē
Verse: b    kē ān tarsagāhīh kerd ān nēkīh kū tā-m bawād čē ō ōy mad ābādīh

Paragraph: 10  Link to avesta Link to yasna
Verse: a    ēg-iš ō man ōy passox guft hōm ī ahlaw ī dūrōš
Verse: b    Srid ī Sāmān ī sūd-xwāstār hād Sridīh-iš ēd būd kū pus ī sidīgar būd; u-š
Verse: c    sūd-xwāstārīh ēd būd kū-š sūd ī dāmān nēk dānistan xwāst man sidīgar az
Verse: d    mardōmān andar astōmandān gēhān hūnīd-am
Verse: e    ōy ān tarsagāhīh kerd ō ōy mad ābādīh
Verse: f    ka az ōy dō pus ul zād hēnd Urwāxš ud Karisāsp
Verse: g    dādwar anī būd Urwāxš kū-š wizīr ud dādwarīh kerd ud dād ārāstār kū-š dād ī
Verse: h    frārōn bē nihād ān ī anī abarkār
Verse: i    ud ǰuwān gēswar ud gadwar Karisāsp kū-š kār pad gad wēš kerd;
Verse: j       Māhwindād guft hād dād ī tāzīg būd u-š az gēswarīh bē guft;
Verse: k       Māhgušasp guft hād nē škeftīh čē gēs tūrag-iz ī y՚y՚t'

Paragraph: 11  Link to avesta Link to yasna
Verse: a    kē-š zad az ī srūwar ī asp-ōbār ī mard-ōbār
Verse: b    ī wišōmand ī zard kē-š abar wiš rānēnīd ēstād asp-bālā ān ī zard hād ēn ī-š
Verse: c    pad kamāl ul šud xšuuaēpaiia vaγnaiia barəšna ān ī-š pad zafar bē ōbast
Verse: d       ast kē ēdōn gōwēd hād dō ēk ān ī and bālā ul šud ān ī and drahnā bē
Verse: e    ōbast
Verse: f       ast kē ēdōn gōwēd hād kabārīh abar pūšt xušk ēstād
Verse: g    kē pad ōy abar Karisāsp ā-š pad ān āhenēn dēg pid puxt ān ī ō rabihwin zamān
Verse: h    taft mar kū-š garm būd xwist kū dō pāy būd
Verse: i    u-š frāz ān ī āhenēn dēg frāz spurd ān āyārdēnīdag āb bē raft
Verse: j    parrōn pad tars bē tazīd mard-menišn Karisāsp hād mard-menišnīh ēd būd kū-š
Verse: k    dil pad gāh dāšt

Paragraph: 12  Link to avesta Link to yasna
Verse: a    kē tō tasom hōm az mardōmān andar astōmandān gēhān hūnīd hē
Verse: b    kē ān tarsagāhīh kerd ān nēkīh kū tā-m bawād čē ō ōy mad ābādīh

Paragraph: 13  Link to avesta Link to yasna
Verse: a    u-š ō man ōy passox guft hōm ī ahlaw ī dūrōš
Verse: b    Puršāsp ī man tasom az mardōmān andar astōmandān gēhān hūnīd-am
Verse: c    ōy ān tarsagāhīh kerd ō ōy mad ābādīh
Verse: d    ka az ōy tō ul zād hē tō abēzag Zardušt andar mān ī Puršāsp ī ǰud-dēw
Verse: e    Ohrmazd-dādestān ast kē ǰud-dēwīh abāz dō mān gōwēd

Paragraph: 14  Link to avesta Link to yasna
Verse: a    andar ān ī nāmīg Ēranwēz kū weh Dāitī tō fradom Zardušt Ahunwar frāz srūd
Verse: b    kū-t yašt ī w՚swl kerd bē barišnīh pad bē gōwišnīh čahār
Verse: c    tā ō ān ī pas pad xrušd frāz srāyišnīh tuxšāgīhā

Paragraph: 15  Link to avesta Link to yasna
Verse: a    tō andar zamīg nigān kerd hēnd harwisp dēw Zardušt
Verse: b    kē pēš az ān wīr-ārōyišn padīd hēnd abar ēn zamīg pad dēw-kerbīh
Verse: c       hād har ān kē tan mēnōy tuwān būd kardan ā-š kālbod bē škast ān kē
Verse: d    nētuwān būd kardan xwad bē škast; kālbodbē škast ēd kū az ān frāz pad
Verse: e    dēw-kerbīh wināh nē tuwān būd kardan tā pad stōr-kerbīh ud mardōm-kerbīh
Verse: f    nūn-iz ōh kunēnd
Verse: g    kē ōzōmand hēnd kē tagīg hēnd kē tuxšāg hēnd kē tēz hēnd
Verse: h    kē ast kū pērōzgartar dād ēstē az ān ī mēnōyān dām az dām ī mēnōyān xwēš

Paragraph: 16  Link to avesta Link to yasna
Verse: a    u-š guft Zardušt kū namāz hōm weh hōm
Verse: b    ī hudāg kū frārōnīh dād ēstēd ī rāst-dahag kū tis ō ōy dahē ī ōh abāyēd
Verse: c    dādan ī weh-dahāg kū tis ī weh bē dahē ī bēšāzēnīdār kū tis ōh bēšāzēnē
Verse: d    hukerb hē kū-t kerb nēk ud hukāmag hē kū-t abāyist frārōn pērōzgar ī
Verse: e    zarrēn-gōn ī narm-tāg kū tāg ī tō narm
Verse: f    ka-t xwarēnd pahlomīh ō ruwān dahē hanbārīgtom hē kū hanbār ī ruwān pad tō
Verse: g    weh šāyēd kardan čē Garōdmānīgīh pad tō bēd

Paragraph: 17  Link to avesta Link to yasna
Verse: a    bē tō zarrēn māyišn gōw tis-ēw-am pad frahang gōw kū-m dānāgīh bawād bē
Verse: b    amāwandīh bē pērōzgarīh ā-m bawād
Verse: c    bē drīstīh bē bēšāzišnīh bē frāyīhišnīh bē wālišnīhišnīh
Verse: d    bē ōz ī harwisp tan bē frazānagīh ī harwisp-pēsīd hād kē frazām ī tis dānēd
Verse: e    ā-š hamāg dānāgīh padiš
Verse: f    bē az ān čiyōn andar gēhān kāmag-xwadāy frāz rawēnd
Verse: g    bēš tarwēnēnd ud druz wānēnd

Paragraph: 18  Link to avesta Link to yasna
Verse: a    bē az ān čiyōn tarwēnānd harwisp ān ī bēšīdārān bēš
Verse: b    az dēwān mardōmān
Verse: c    ǰādūgān ud parīgān sāstārān ud kaygān ud karbān hād kayg ud karb ān kē pad
Verse: d    tis ī yazdān kōr ud karr
Verse: e    mar-iz ī dō-zang ahlomoγ-iz ī dō-zang
Verse: f    gurg-iz ī čahār-zang
Verse: g    hēn-iz ī frāx-anīg kū-šān marag was; ast kē ēdōn gōwēd hād pēšānīg frāx kē
Verse: h    pad frēftārīh padēnd

Paragraph: 19  Link to avesta Link to yasna
Verse: a    ēn az tō fradom ǰān hōm zayam ī dūrōš
Verse: b    ān ī pahlom axwān ī rōšn ī hamāg xwārīh
Verse: c    ēn az tō didīgar ǰān hōm zayam ī dūrōš
Verse: d    drīstrawišnīh ī tan
Verse: e    ēn az tō sidīgar ǰān hōm zayam ī dūrōš
Verse: f    dagr-zīšnīh ī ǰān

Paragraph: 20  Link to avesta Link to yasna
Verse: a    ēn az tō tasom ǰān hōm zayam ī dūrōš
Verse: b    čiyōn xwāstār ud amāwand ud padēx frāz rawēnd pad zamīg abar
Verse: c    bēš tarwēnānd ud druz wānānd
Verse: d    ēn az tō panǰom ǰān hōm zayam ī dūrōš
Verse: e    čiyōn pērōzgar ud wānīdār pad kōxšišn frāz rawānd pad zamīg abar
Verse: f    bēš tarwēnānd ud druz wānānd

Paragraph: 21  Link to avesta Link to yasna
Verse: a    ēn az tō šašom ǰān hōm zayam ī dūrōš
Verse: b    kū pēš az duz pēš az gayg ud pēš az gurg wēnēm māyišn čārag
Verse: c    mā kas peš wēnād pēš az amāh az harwispīn pēš wēnēm man ud hāwištān ī man

Paragraph: 22  Link to avesta Link to yasna
Verse: a    hōm awēšān kē arwand hēnd ā-šān ān ī frahaxt tuxšāg kunēd asp
Verse: b    u-šān zōr ud ōz baxšēd artēštārān
Verse: c    hōm āzādān-iz bē dahēd ān ī rōšn pus
Verse: d    ān ī ahlaw frazand
Verse: e    hōm awēšān kē kadagīg pad nask frāz hammōxtišnīh nišīnēnd pad hērbedestān
Verse: f    kardan
Verse: g    ā-šān abzōnīgīh ud frazānagīh baxšēd

Paragraph: 23  Link to avesta Link to yasna
Verse: a    hōm awēšān kē kanīg hēnd ud nišīnēnd dagr agrift kū nē gād ēstēnd
Verse: b    ā-šān ān ī āškārag {haiϑīm!} ān ī rād baxšēd kū-šān šōy bē paydāgēnēd u-šān tēz
Verse: c    zayist ān ī huxrad hād ka mard bē paydāgēnīd pad gyāg andar kār ēstēd

Paragraph: 24  Link to avesta Link to yasna
Verse: a    hōm awēšān kē kersāgīg hēnd ā-šān bē az xwadāyīh nišānēd
Verse: b    kē rust hēnd pad xwadāy-kāmagīh kū pad xwadāyīh ul raft ēstēnd kē *dawēnd kū
Verse: c    nē amāh rāy pas āsrōg pad abarōšmurišnīh pad kāmag andar deh rawēnd amāh
Verse: d    ēdōn kunēm az kerd ī amāh bēd ka nē rawēnd
Verse: e    ān ī harwispīn gurdīh wānēd bē harwispīn gurdīh zanēd pēš pas

Paragraph: 25  Link to avesta Link to yasna
Verse: a    nēk tō kū tan ī tō nēk mad ēstēd kē pad ān ī xwēš ōz kāmag-xwadāy hē hōm
Verse: b    kū-t ōz pad ān kār ī-t abāyēd ā-t tuwān dāšt
Verse: c    nēk tō kē andar dānē was gōwišn ī rāst ī frārōn čē ast rāst ī nē frārōn kā
Verse: d    nā vaca aršuxδa {arəšuxδa}
Verse: e    nēk tō kē nē az frāz hampursagīh ān ī arešuxt gōwišn *hampursag-ēw-ē kū tis
Verse: f    ī nē gōwē ī Ohrmazd andar hampursagīh nē guft

Paragraph: 26  Link to avesta Link to yasna
Verse: a    frāz tō ān ī Ohrmazd burd parwand ēbyāngān
Verse: b    star-pēsīd ī mēnōyān tāšīd weh dēn ī mahistān u-š ēbyāngānīh ēd kū čiyōn
Verse: c    kustīg abāg mard ēwkardag dēn-iz ī abāg hōm ēwkardag; u-š ēwkardagīh ēkū tā
Verse: d    hōm nē xwarēd pad dēn āstawān nē bawēd; hōm xward kār andar yazišn
Verse: e    pad ān hē ēbyāst pad bālist abar garān ka ānōh rust ēstē u-t ēn ēwkardagīh ēdōn
Verse: f    tā ō ān ī darāz abar-rawišnīh tā tan ī pasēn ēstē pad mānsar kū-t andar
Verse: g    yazišn kār ōh framāyēnd

Paragraph: 27  Link to avesta Link to yasna
Verse: a    hōm kē mānbed hē kē wisbed hē kē zandbed hē
Verse: b    ud dahībed hē kū-t mēnōyīhā hamāg padīh ud abzōnīgīh ud āgāhbed hē kū-t bē
Verse: c    tuwān dād
Verse: d    amāwandīh tō ud pērōzgarīh ō ēn ī man tan abar pad āfrīn
Verse: e    padēxwīh-iz ī purr-bōzišn xwāstag kē nēkīh was aziš

Paragraph: 28  Link to avesta Link to yasna
Verse: a    bē az amāh ān ī bēšīdārān bēš bē menišn-iz barēnd garān-mān xwadāyīh
Verse: b    kē andar ēn mān kē andar ēn wis kē andar ēn zand
Verse: c    kē andar ēn deh kēnīg hād mardōm ī wināhgār
Verse: d    gīrē ōy ān ī pāy zōr bē ān ī ōy u-š wardēn
Verse: e    ud škenn ān ī ōy menišn kun akār-iš bē kunēnd

Paragraph: 29  Link to avesta Link to yasna
Verse: a    mā pad har dō zbār frāz pattūg hād mā pad har dō gawē abar tuwānīg hād kū-š
Verse: b    pad dast wināh kardan mā tuwān bawād
Verse: c    mā zamīg wēnād pad har dō aš ud mā gōspand wēnād pad har dō aš
Verse: d    kē kēnīg hād ō ān ī amāh menišn kū tā-mān tis ī frārōn menīdan mā tuwān hād
Verse: e    kē kēnīg hād ō ān ī amāh kerb kū abāg kerb ī amāh kēn dārād

Paragraph: 30  Link to avesta Link to yasna
Verse: a    bē az ī zard ī sahmgen ī wiš bē āyāft kē-š wiš ō tan bē āyāft ēstēd
Verse: b    ka kerb nayād ō ōy ahlaw hōm ī zarrēn ā-š paydāgēnē zanišn kū-š čarag bē gōw
Verse: c    bē gayg ī ǰud-warzīdār kē ǰud warzēd kū ān abāyēd warzīdan ī xwarag-xwāh kū
Verse: d    rēš kunēd ī āzārdār gōw
Verse: e    kē kerb nayād ō ōy ahlaw hōm ī zarrēn ā-š paydāgēnē zanišn kū-š čārag bē gōw

Paragraph: 31  Link to avesta Link to yasna
Verse: a    bē mardōm druwand sāstār kē abar ōšišn dād ēstēdkē kasān padiš ōšēd
Verse: b    ka kerb nayād ō ōy ahlaw hōm ī zarrēn ā-š paydāgēnē zanišn kū-š čārag bē gōw
Verse: c    bē ahlomoγ ī anahlaw ī axwān marnǰēnīdār hērbed ud dastwar
Verse: d    kē menišn gōwišn dahēd nē pad kunišn bē āyābēd kū-š kardag nē bawēd menēd
Verse: e    gōwēd kū kunam ud nē kunēd
Verse: f    kē kerb nayād ō ōy ahlaw hōm ī zarrēn ā-š paydāgēnē zanišn kū-š čārag bē gōw

Paragraph: 32  Link to avesta Link to yasna
Verse: a    bē ǰahī ī ǰādūg ī mōdag kardār kū tis tabāh kunēd abar panāhīh burdār kū
Verse: b    panāhīh ī wināhgārān kunēd
Verse: c    kē ō menišn frāz frawēd čiyōn abr kē wād *šawōgēn
Verse: d    kē kerb nayād ō ōy ahlaw hōm ī zarrēn ā-š paydāgēnē zanišn kū-š čārag bē gōw
Verse: e    ka az awēšān kerb nayād ō ōy ahlaw hōm ī zarrēn ā-š paydāgēnē zanišn kū-š
Verse: f    čārag bē gōw



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.