TITUS
Pahlavi Translation of the Avesta: Yasna and Vispered
Part No. 9
Previous part

Chapter: 8  Link to avesta Link to yasna
Yasna 8


Paragraph: 1  Link to avesta Link to yasna
Verse: a    pad ahlāyīh bē daham xwarišn ud myazd ud Hordad ud Amurdad
Verse: b    ud gōspand ī hudāg
Verse: c    hōm ud parāhōm ud esm-iz ud bōy
Verse: d    frāz āfrīnagānīh ī Ohrmazd ud Ahunwar ud ān-iz ī rāst gōwišn
Verse: e    ud dahmān ī wehān āfrīn ud ān-iz ī čēr tagīg dahm ī abar pad menišn
Verse: f    hōm-iz ud mānsar-iz
Verse: g    ud ahlaw-iz Zardušt
Verse: h    kū pad ahlāyīh ō amāh bē rasād pad frārōnīh

Paragraph: 2  Link to avesta Link to yasna
Verse: a    ēd xwarēd mard ān myazd kē ān arzānīg pad ahlāyīh kū-š kār ud kirbag xwēš
Verse: b    ōh bawēd franāmišn kū ka-š tis dahēnd ā-š xwēšōh bawēd;
Verse: c       ast kē ēdōn gōwēd hād ka ahlāyīh rāy pad franāmišn arzānīg

Paragraph: 3  Link to avesta Link to yasna
Verse: a    amahrspandān dēn ī mahistān pad xwānišn kē weh nar ud kē weh mādag kū
Verse: b    nar-iz ašmāh weh hēd ud mādag-iz ašmāh weh hēd zōhr-iz ān weh az mēnōy ī
Verse: c    ašmāh
Verse: d    kē az awēšān mahistān mahistīh gōwēd ēd gōwād kū mard ī weh mard ham
Verse: e       pad ān ī ahlāyīh bahr zīyād kū bahr ud dāsar ī wehān xwarād kē pad
Verse: f    ǰādūgīh gēhān ī ahlāyīh marnǰēnād kū ǰādūg hād
Verse: g    abar ašmāh ō ōy nigēzēd kū daxšag-ēw tāštīg padiš paydāg bē kunēd kē āb
Verse: h    urwar ud zōhrag-iz

Paragraph: 4  Link to avesta Link to yasna
Verse: a    kē-iz awēšān mahistān ī purnāyān ī abar guftārān ēn gōwišn nē padīrēnīd
Verse: b    frāz gōwišn kū aməṣ̌a spəṇta nē gōwād ā-š hambasānīh ā ǰādūgīh rasād kū-š
Verse: c    daxšag-ēw tāštīg padiš paydāg bawād;
Verse: d       ast kē ēdōn gōwēd ay rasēd pad nifrīn
Verse: e    ahlāyīh ābādīh ... nihānīhā
Verse: f    aṣ̌əm vohū ...
Verse: g    yaϑā ahū vairiiō ...

Paragraph: 5  Link to avesta Link to yasna
Verse: a    pad kāmag tō Ohrmazd pad nēkīh pādaxšāyīh bē kun xwēšān dāmān kū xwēšān
Verse: b    dāmān pad nēkīh ast pādaxšāyīh bē kun
Verse: c    pad kāmag ī āb pad kāmag ī urwar ud pad kāmag ī harwisp ābādīh ī
Verse: d    Ohrmazd-dād kē az ahlāyīh paydāgīh bun ud bar; ā-šān pādaxšāyīh bē kun
Verse: e    pādaxšāyīh ō ahlawān dahē ud apādaxšāyīh ō druwandān

Paragraph: 6  Link to avesta Link to yasna
Verse: a    kāmag xwadāy hānd ahlawān ud akāmagxwadāy hānd druwandān
Verse: b    ān mad ēstēd hamēstārīh bē barēnd az spēnāg mēnōy dāmān
Verse: c    pad wardagīh ud akāmag xwadāyīh

Paragraph: 7  Link to avesta Link to yasna
Verse: a    xāzānd an-iz kē Zardušt ham
Verse: b    ān ī frāztom az mānān ud wisān ud zandān ud dehān Wištāspān
Verse: c    ō ēn dēn abar menišnīh ud abar gōwišnīh ud abar warzišnīh ī Ohrmazd ud Zardušt

Paragraph: 8  Link to avesta Link to yasna
Verse: a    frāxwīh ud xwārīh āfrīnam ō harwisp ān ī ahlawān stī
Verse: b    tangīh ud dušxwārīh āfrīnam ō harwisp ān ī druwand stī

Paragraph: 9  Link to avesta Link to yasna
Verse: a    ahlāyīh ābādīh pahlom ast ...
Verse: b    hōm ī ahlaw zahag hād zahagīh ī xwēš ahlaw;
Verse: c       ast kē ēdōn gōwēd ay ān-iz ī kasān ahlaw bē kunēd
Verse: d    šnāyēnam
Verse: e       pad yazišn ud niyāyišn šnāyēnīdārīh frāz afrīgānīh



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.