TITUS
Minor Pahlavi Texts
Part No. 6
Previous part

Text: Farr.Nam.   [ḥadīṯ-i farruḫ nāma ki yūnān dastvar ba anūšīravān nivišta būd]

pa ną̇m i yazdą̇n

pad nām ī dādār ohrmazd


Chapter: _  
Paragraph: 1     ēdōn +gōwēnd kū ka husraw anōšag-ruwān pad +pādixšāyīh nišast +xwāst kū mardōmān rāy dušxwār +kunēd škoft-iz +kunēd čiyōn +pidar [ī] ōy kawād hamē kard ud kēn [ī] pid az mardōmān xwāhēd
Paragraph: 2     čē kawād rāy brād-ē būd kē-š nām +balāš būd ud kawād mard-ē dušxēm būd
Paragraph: 3     pas mardōm ayārīh ī +balāš +kard +hēnd ud kawād rāy az šahr bērōn +kard +hēnd ud +balāš rāy pad +pādixšāyīh bē +nišāst +hēnd
Paragraph: 4     kawād pad būm ī turk +Ŏùaft pad nazdīk ī xākān ud rōzgār-ē ān gyāg mānd ud xānag pad kōf[-ē] dāšt kē kōf ī kawādān gōwēnd ud xwānēnd
Paragraph: 5     pas az ān ka +balāš be +murd kawād az xākān aswārān +xwāst ud be āmad ud ērān-šahr stad ud kēn ī mardōmān ī pārs andar dil dāšt ud +sāk az yūnān [ī] dastwar Page of ed.: 263  ud az har kas bāǰ +xwāst ud +mardān-ē čand be ōzad
Paragraph: 6     yūnān az ōy be wirēxt ud mardōmān ī pārs az ōy ranǰwar +būd [hēnd] čēhēl sāl +padixšāyīh kard pas bemurd
Paragraph: 7     pas az ān husraw ī anōšag-ruwān pad +pādixšāyīh be nišast ud +xwāst kū abāg mardōmān ī pārs +ōwōn +kunēd kū pid ī ōy +kard ud pad hamāg gyāg mardān be āwurdan ī yūnān frēstīd tā ōy rāy abāz pad +dast +āwurēd ud kēn ī pid az ōy abāz gīrīd
Paragraph: 8     yūnān pad ātaxšgāh ī ādur xwarrah wirēxt būd ud yūnān mard ī saxt zīrak ud dānāg [ ud] axtarmār būd
Paragraph: 9     čiyōn be ašnūd kū husraw ī anōšag-ruwān pad +pādaxšāyīh be nišast zīč ī xwēš be +grīft ēn ēwēnag +ayāft kū nazdīk ī anōšag-ruwān +šawēd ud ōy rāy meh ud wuzurg [ud] +grāmīg +dārēd
Paragraph: 10     pas yūnān nāmag[-ē] be +nibišt be [ō] husraw anōšag-ruwān ud guft kū <ēn nāmag ast> šāhān šāh ī gētīg stān

Page of ed.: 265 
Paragraph: 11     husraw ī gēhān be dān kū xrad az hamāg +gēhānīgān wehtar ast
Paragraph: 12     be dān šāh kū xrad wehtar az hamāg gēhān ast ud har čē andar gēhān be nazdīk ī xwadāy wehtar tis abar +pādixšāy xrad ast
Paragraph: 1     3 +āgāh bāš šāh az bahr [ī] ān kū [pid ī tō] +pādixšāyīh nē pad ēwēnag hamē kard
Paragraph: 14     āgāh bāš kū +pādixšāyīh pad dō tis +pāydār +bawēd [burdbārēh ud xūbīh]
Paragraph: 15     pid [ī] +tō burdbārīh nēkīh[ā] nē kard ud xūbīh abāz +grift ud pad gyāg ī burdbārīh +kuštan kard ud pad gyāg ī xūbīh saxtīh
Paragraph: 16     ān kas kē čiyōn kunēd agar tō ōy rāy dōst +dārēh tā mardōmān-iz dōst +dārēnd
Paragraph: 17     nūn ka +pādixšāyīh +xwāhē kard dōst dār kū dušmen +rawēd ēdōn kū dušmen ī kūčak wuzurg +ast
Paragraph: 18     čiyōn wištāsp šāh bāš +kē dwāzdah hazār saxwan [ī] dānāgān pad xwāndan rāst kard ud be nibišt Page of ed.: 267  čahār hazār andar šāyist nē šāyist ud frahang [ī] dēn ī abēzag ī ohrmazd xwadāy ud čahār hazār andar ǰang [ud] +mehtarīh ud gēhāndārīh ud nigāh dāštan ī +šahr ud +šahrestān ābādānīh ī belād [ī] mardōmān ud +nigāh dāštan [ī] dāmān ī ohrmazd čahār hazār andar frahang [ī] +handāzag ud axtarmārīh ud dānistan ī tab sāxtan ī rūraghā ud +āfsōnhā ud tis-ē +kē +pādixšāyān rāy pad kār āyēd
Paragraph: 19     ud andar ān āwām gurg ud mēš abāg ēk dudīgar āb be +xward
Paragraph: 20     ud pas čiyōn wahman [ī] +spendyādān bāš +kē mehān ud kehān .... būd ud gēhān rāy ābādān dāšt gang ī dušbūxt rāy ābādān kard ud +hrōmāyīgān rāy +wisēl +kard ud ātaxš pad turkestān [ud] +hrōm ud sagastān +burd ud ātaxšgāh ī kayān +kard dwāzdah hazār [deh] +kard ud andar ērān-šahr dwāzdah hazār puhl [ud] rebāṭ kard
Paragraph: 21     čiyōn dārāy bāš +kē faγfūr ī čīn rāy pad +bandagīh āwurd dwāzdah +šahrestān kard adur +gušnasp zarrēn kard ud dwāzdah hazār bandag [ī] faγfūr grift Page of ed.: 269  būd az +band āzād kard ud ganǰ-ē wuzurg +nihād andar gumbad ī ādurān
Paragraph: 22     čiyōn ardaxšīr ī pābagān bāš kē +nawad ud šaš spāh pad +bandagīh ī xwēš kard ud az dast ī pus ī xākān be xward ud duxt [ī] šāh [ī] +hrōm pēš ī xwad +āwurd hamāg mardōmān az xwarāsān tā xwarbarān andar +bandagīh dāšt ud +nihād az drahm kard +ēwān [ī] madāyin kard ud andar +xwadāyīh ī ōy az hamāg gēhān ēk mard ī driyōš +xwāst +hēnd nē būd nēkān pad abē-bīmīh ud xwaš dilīh +zīst +hēnd ud wattarān purr tars ud bīm būd hēnd
Paragraph: 23     čiyōn pērōz bāš kē[-š] andar +xwadāyīh haft sāl qaḥṭ būd ud az +tangīh ēč kas [be] nē +murd az mardōmān ud +čahārpāyān az ān ganǰ ī xwad pad hamāg +gēhānīgān kard rōz šabān namāz ō dādār ohrmazd kard tā ān qaḥṭ bē raft
Paragraph: 24     čiyōn wahrām [ī] gōr bāš +kē az dād [ud] nihādag ī +pēšēnīgān mardōmān parward ud gēhān abē-bīm dāšt ud pad šādīh dāšt

Page of ed.: 271 
Paragraph: 25     pid ī tō ka pad +pādixšāyīh +rasīd abāg +balāš nē tuwān[ist] kōšīd ud brādzādagān rāy be ānīd ud abar sar ī āzādagān pāyag kard ud sywl hlt [ī] dastwar rāy zad +kē andar hamāg gēhān dānāg-ē čiyōn ōy nē būd az anāg kardārān be wirēxt ud pad šahr [ī] bēgānagān ōftād
Paragraph: 26     ēn ēwēnag kas dōst dārē tā mardōmān-iz dōst +dārēnd
Paragraph: 27     az bandag xrad gīr agar xradōmand hē<d> ud saxwan [ī] +bandagān [ī] +mihrbān ašnaw
Paragraph: 28     ud kēn az dil bērōn kūn kū +pādixšāy ī nōg kēn ī kahwan [nē] +wizōyēd
Paragraph: 29     +āgāh bāš kū +pādixšāy +kē pad xrad nēst zūd be [ō] nēstīh rasēd ud ka saxwan ī dānāgān nē ašnawēd zūd tabāh bawēd ud ka stambagīh +kunēd zūd pašēmān bawēd
Paragraph: 30     ēdōn gōwēnd kū bar +pādixšāy kē xwarrah ī kayān +dārēd ān xwarrah ōy rāy az hamāg nē sazāgīhā abāz +dārēd ud dūr kunēd az hamāg nē pākīh ham ēdōn čiyōn ātaxš [ī] hamāg tār ud tēragīh az asēm ud +zarr pāk +kunēd tā abē-tār +gardēd ud stūdag bawēd




Page of ed.: 331 
Next part


This text is part of the TITUS edition of Minor Pahlavi Texts.

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.