hwlšyt <Y> b՚md՚t ՚p՚yt yštn' OD nymlwc, W ZK Y nymlwc ՚p՚yt yštn' OD Line: 2 ՚dw՚lk' g՚s, W ZK Y ՚dw՚lk' g՚s ՚p՚yt yštn' OD LYLYA.
hm՚y AMT hwyšk՚lyh l՚d BRA syc'yhyt, W AHL YḎBHWNyt, ՚ š՚dt.
W AMT MNDOM MN ZK YHMTWNyt, Y AMT YDE šwstn' LA š՚dt, PWN HNA YHSNNyt, AYK AMT hwlšyt Line: 2 LA YḎBHWNyt, BRA KTLWNyt; W <AMT> g՚s Y LOYN ptš BYN YATWNyt, ՚š hwlšyt BRA ycšn'; Line: 3 W AHL AMT YDE šwst, LAWHL YḎBHWNšn; W AMT LA YḎBHWNyt, BRA AMT PWN LA yštn' ՚wn՚s, Line: 4 ՚yny՚ hwlšyt LA yšt YHWWNt.
hwlšyt ZK hwptl, AMT KRA b՚l PWN g՚s Y NPŠE YḎBHWNyt; AMT ՚ywl {Var. LAWHL} LA YḎBHWNyt, 30 styl Line: 2 wn՚s.
hwlšyt yštn' KRA b՚l-I tn՚pwhl-I krpk; W BYRH W ՚thš hmgwn'k.
AMT ՚bl l՚d hwlšyt LA pyt՚k, W BRA YḎBHWNyt, š՚dt.
W OD hwlšyt LA YḎBHWNyt, krpk, Y ZK YWM OḆYDWNd, NPŠE LA YHWWNyt; AYT MNW ՚ytwn' Line: 2 YMRRWNyt, ՚y! krpk, Y BYN d՚t Y wyhdyn'yh OḆYDWNd, OLE b՚hl LA YHWWNt.
OD YDE <Y> špyk LA HLWNd, ՚yc krpk, Y OḆYDWNd, NPŠE LA YHWWNyt; ME OD nswš Line: 2 BRA LA MHYTWNyt, ՚š yzd՚n YHMTWNšn' Y OL tn' LA YHWWNyt, W AMTš yzd՚n YHMTWNšn' Y OL tn' Page: 102 Line: 1 LOYT ՚š ՚stwb՚nyh Y PWN dyn' LA YHWWNyt, W AMTš ՚stwb՚nyh Y PWN dyn' LA YHWWNyt, ՚š Line: 2 krpkc MDM LA YHMTWNyt.
AMT šnwmn Y ՚thš YCBENyt krtn': āϑrō PWN tn' ՚y; W AMT 2, mat̰. Line: 2 vīspaēibiiō ātərəbiiō. ZNE, ՚y! ՚ytwn' KRA gyw՚k šnwmn p՚thš՚ krtn'; AYT Line: 3 MNW ՚ytwn' YMRRWNyt, ՚y! BRA <AMT> ZK Y ywdt lstk՚n' š՚dst, OD p՚thš՚ḏ krtn'.
MNW ՚thš-I BRA Y̱KTLWNyt, ՚š 10 ՚thš BRA cynšn', APš 10 p՚tpl՚s BRA YBLWNšn', APš Line: 2 mwlck 10 BRA Y̱KTLWNšn', APš zwhl OL ՚thš Y w՚hl՚m YHBWNšn'.
