TITUS
Slovo o polku Igoreve (diplomatic ed.)
Part No. 27
Previous part

Chapter: 27   Link to slovigor
Verse: 592     прысну море полунощи;
Verse: 593     идутъ сморци мьглами.
Page of ed.: 58  Verse: 594     Игореви князю богъ путь кажетъ
Verse: 595        изъ земли Половецкой
Verse: 596        на землю Рускую,
Verse: 597        къ отню злату столу.

Verse: 598     погасоша вечеру зори.
Verse: 599     Игорь спить,
Verse: 600     Игорь бдитъ,
Verse: 601     Игорь мыслию поля мѣритъ
Verse: 602        отъ великаго Дону до малаго Донца.
Verse: 603     комонь въ полуночи Овлуръ свисну за рѣкою;
Verse: 604     велить князю разумѣти:
Verse: 605     князю Игорю не быть!
Verse: 606     кликну,
Verse: 607     стукну земля,
Verse: 608     въшумѣ трава,
Verse: 609     вежи ся половецкии подвизашася.
Verse: 610     а Игорь князь поскочи
Verse: 611        горнастаемъ къ тростию
Verse: 612        и бѣлымъ гоголемъ на воду.
Verse: 613     въвръжеся на бръзъ комонь,
Verse: 614     и скочи съ него бусымъ влъкомъ.
Verse: 615     и потече къ лугу Донца,
Verse: 616     и полетѣ соколомъ подъ мьглами,
Verse: 617     избивая гуси и лебеди
Verse: 618        завтроку,
Verse: 619        и обѣду,
Verse: 620        и ужинѣ.
Verse: 621     коли Игорь соколомъ полетѣ,
Verse: 622     тогда Влуръ влъкомъ потече,
Verse: 623     труся собою студеную росу:
Verse: 624     претръгоста бо своя бръзая комоня.

Next part


This text is part of the TITUS edition of Slovo o polku Igoreve (diplomatic ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.