TITUS
Flavius Iosephus, Antiquitates Iudaicae I
Part No. 53
Previous part

Section: 15  
Paragraph: 1  
Line: 30       1) ხოლო მოჳსი, მინდობილი, მივიდა სიმრავლისა მიმართ და ღმრთისა
Line: 31    აღძრვასა აუწყებდა გინებისა მიერ მათისა და მოწევნასა სატაჯნველისასა,
Line: 32    ნაცოდვებთა ვიდრემე მათთა არა ღირსისასა, გარნა ვითარსა მამანი სწავლისა
Line: 33    ძლით შვილთა ზედა მოიღებენ. რამეთუ შესრულობასა მისსა კარავსა შინა
Line: 34    და გულვებადისათჳს წარწყმედისა მათისა მგლოვარეობასა, შემაჴსენებელ
Line: 35    ექმნა მას ღმერთი, რაოდენთა მის მიერ და ვითართა კეთილმოქმედებათა
Line: 36    მიმღებელნი უმადლო იქმნნეს მისა მიმართ და, რამეთუ აწინდელისაგან მმსტურობელთა
Line: 37    შიშისა ქუეშე ქმნილნი სიტყუათა მთთა უჭეშმარიტეს აღთქუმისა მისისა
Line: 38    შეჰრაცხენ. და ამის მიზეზისთჳს არა ვიდრემე წარწყმიდნეს ყოველ\ნი,
Page: 206   Line: 1    არცა უჩინო-ყოს ნათესავი მათი, რომელი უფროჲს ყოველთა კაცთაჲსა აქუნდა
Line: 2    პატივით, ხანანიაჲსა ვიდრემე ქუეყანაჲ არა მიანიჭოს მათ მიღებად, არცა
Line: 3    მის მიერი კეთილბედნიერებაჲ, ხოლო უსახლო იყნეს და უქალაქო უდაბნოსა
Line: 4    ზედა წელთა ორმეოცთა, ცხორებად უსჯულოებისა მისაგებელსა. ამის ნაცვალმცემელნი.
Line: 5    "და ყრმათა უკუე თქუენთა ქუეყანისა ამის მიცემაჲ აღუთქუა და მეუფე-ქმნაჲ
Line: 6    მათი კეთილთა ზედა, რომელთა მიღებასა ეშურვენით თავთა თდსთა უგუნურებით.

Paragraph: 2  
Line: 7       2) ესენი რაჲ მოჳსი განზრახვისაებრ ღმრთისა თქუნა, მწუხარებასა
Line: 8    და განსაცდელსა შინა იყო სიმრავლე და მოჳსის ევედრებოდა, რაჲთა იქმნეს
Line: 9    დამაგებელი მათი ღმრთისა მიმართ და სხჳსა უდაბნოჲსა შინაჲსაჲ გარდამცვალებელმან,
Line: 10    რაჲთა ქალაქნი მიანიჭნეს მათ. ხოლო იგი ეტყოდა არა მითუალვად ღმრთისა
Line: 11    ესევითარსა განცდილებასა, რამეთუ არა სისუბუქითა კაცობრივითა აღიძრვის
Line: 12    ღმერთი რისხვისა მიმართ მათისა, არამედ გონიერებით განჰბჭობს მათ ძლით.
Line: 13    ხოლო არა ჯერ-არს ურწმუნოებაჲ, უკუეთუ მოჳსი, მყოფი ერთი მამაკაცი,
Line: 14    ესეოდენთა ბევრთა განრისხებულთა დაამშჳდებდა და გარდასცვალებდა უმშჳდესისა
Line: 15    მიმართ. რამეთუ ღმერთი, მის თანა მყოფი ძლეულებად შეჰმზადებდა სიმრავლესა
Line: 16    სიტყუათა მიერ მისთა და, მრავალგზის ურჩქმნილთა, უჯეროდ მათდა აგრძნეს
Line: 17    ურწმუნოებაჲ შთავრდომითა განსაცდელსა შინა.

Paragraph: 3  
Line: 18       3) ხოლო საკჳრველ იყო სათნოებისათჳს მამაკაცი და ძალისათჳს რწმუნებად,
Line: 19    რომელთათჳსცა თქჳს, არა რომელსა ჟამსა ცოცხალ იყო მხოლოდ და აწცა არს.
Line: 20    არავინ უკუე ევრაელთაგანი, რომელი არა ირწმუნებს მის მიერ სჯულდებულთა,
Line: 21    ვითარ თანა-ყოფასა მისსა და განმსჯელობასა, უკუეთუ უშუერად მოქმედებდეს,
Line: 22    დაღაცათუ დაფარვად შემძლებელ იყვნენ. მრავალნი ვიდრემე უკუე და სხუანიცა
Line: 23    ნიშნი ძალისა მისისანი ზეშთ კაცისა არიან: ხოლო აწვე ვიეთნიმე და ევფრატისა
Line: 24    მკჳდრთაგანნი, ოთხთა თუეთა გზასა მოსრულნი პატივისათჳს ჩუენ შორისისა
Line: 25    სამღდელოჲსა, მრავალთა ძჳრთა თანა და წარსაგებელთა. და, მმსხუერპლველნი,
Line: 26    არა შემძლებელ იქმნნეს შესაწირავთა მიღებასა, ვინაჲთგან მოჳსი უარ-ყო
Line: 27    რომლისამე ზედა არა შესამსგავთაჲსა, არცა მამულთაგან შემთხუევაჲ მათი
Line: 28    ჩუენდა. და რომელნიმე ვიდრემე მმსხუერპლველნი, ხოლო სხუანი ნახევარმოქმედნი
Line: 29    მსხუერპლთანი და დამტევებელნი, და სხუანი არცა დასაბამსა ვიდრემე სამღდელოდ
Line: 30    შესლვად შემძლებელნი, წარვიდეს, დამორჩილებად მოჳსის ბრძანებათა უფროჲს,
Line: 31    ვიდრე პატივისმცემელნი ქმნად განზრახვისაებრ მათისა. და ამისთჳს მამხილებელისა
Line: 32    მათდა არა შეშინებულნი, არამედ მხოლოდ გონებასა შინა განმჭურეტნი.
Line: 33    ესრეთ მთნებელმან სჯულდებამან ღმრთისამან, ყო მამაკაცი უმჯობეს გონებად
Line: 34    ბუნებისა თჳსისა. არა უკუე, არამედ და მცირედ უწინარეს ბრძოლისა ამის,
Line: 35    კლავდიოჲს რომთა მთავრობასა, ხოლო ისმაილოჲსსა ჩუენ შორის მღდელთმთავრისა
Line: 36    მყოფობასა და სიყმილისა მიერ პყრობასა ქუეყანისა ჩუენისასა, ვიდრედა
Line: 37    ოთხ დრახმად განისყიდებოდა ასსარონი, მოიღეს ფქვილი დღესასწაულსა შინა
Line: 38    უცომოთასა საზრდელად სამეოცდაათთა, ხოლო მედიმნოსნი ესე სიკლოსნი ვიდრემე
Line: 39    არიან სამასნი და ერთი, ხოლო ატტი\კორნი --
Page: 207   Line: 1    ორმეოცნი და ერთი. და არავინ მღდელთაგანმან იკადრა ჭამად ქრთილისასა
Line: 2    ესოდენისა უღონოებისა მიერ ქუეყანისა, პყრობასა შეშინებულმან სულისაგან
Line: 3    და რისხვისა, რომელი მარადის აქუნდა საღმრთოსა და უმხილებელთაცა უსამართლოებათა
Line: 4    ზედა. რომლისათჳს არა ჯერ-არს განკჳრვებაჲ მაშინ მოქმედებულთა ძლით,
Line: 5    რაჟამს და ვიდრე აქამომდე მოჳსის მიერ დატევებულთა წერილთა ესოდენი
Line: 6    ძალი აქუს, ვიდრეღა და მოძულეთაცა ჩუენთა მიერ აღსაარებად, ვითარმედ
Line: 7    მოქალაქობისა ჩუენისა განმაწესებელი ღმერთი არს, მოჳსის მიერ და სათნოებისა
Line: 8    მისისა. არამედ ამათთჳს, ვითარ მას ვისმე ეთნოს, მეჭუელობდინ1. ფლავიოჲს
Line: 9    იოსიპოჲს, სიტყუაჲ მესამე.



Next part


This text is part of the TITUS edition of Flavius Iosephus, Antiquitates Iudaicae I.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.