ARMAZI
Ioane Petrici, Explanatio in Proclum Diadochum
Part No. 57
Previous part

Chapter: 56  
Line: 11 
თავი 56
Line: 12 
შესმენათათჳს და ქუემდებარეთა


Line: 13       "ყოველი შემდგომთა მიერ წარმოყენებული უფროჲს ხოლო
Line: 14    პირველთა მიზეზთა მიერ წარმოჲყენოს, რომელთაგანცა შემდგომნი
Line: 15    წარმოიყენნეს. რამეთუ ვინაჲთგან ყოველი არსებაჲ შემდგომთა
Line: 16    პირველთაგან აუქს, და წარმომაყენებელობითიცა ძალი პირველთაგანვე
Line: 17    ჰქონდის". ესე არს ხედვაჲ ესე, ვითარმედ რაჲცა ძალი აქუს
Line: 18    შემდგომთა - ანუ მბადობითი, ანუ მპყრობელობითი - პირველთაგან
Line: 19    აქუს. რამეთუ, ვინაჲთგან არსებანი შემდგომთანი პირველთაგან წარმოიყენნეს,
Line: 20    უფროჲს ხოლო და მათ-შორისნი ძალნი და მოქმედებანი;
Line: 21    და ვინაჲთგან ესე ესთა არს, უფროჲს ხოლო პირველნი ჰბადებენ
Line: 22    და წარმოაარსებენ ნაბადსა და ნაარსსა შემდგომთასა, ვითარცა პირველთ
Line: 23    შორის და სახეთაცა მიერ ცხად გჳქმნიეს.
Line: 24       "ვინაჲთგან წარმომაყენებელობითნი ძალნი მებრ არსებით არიან
Line: 25    წარმომაყენებელთა შორის, და შეასრულებენ არსებათა მათთა".

Line: 26       ყოველი ხედვაჲ ამის თავისაჲ იტყჳს ესთა, ვითარმედ ყოველი
Line: 27    მიზეზობაჲ მიზეზთაჲ და მბადობაჲ მბადთაჲ მის ზესთ მბადისა და
Line: 28    ზესთ მიზეზისა მიერ არსო. რამეთუ იგი მისცემს ყოველთა ძალთა
Line: 29    და მიზეზთა, რაჲთა იყვნენ შემდგომნიცა მისნი მბად და წარმომაყენებელ
Line: 30    თჳს-ქუეშეთა. რამეთუ ესთა უფრო ეხატვიან და ესახვიან,
Line: 31    რაჲთა ჰბადებდენ და ამყოფებდენ თჳსგნით: რამეთუ ყოველთა მბადისა
Line: 32    მბადნი უფრო სატ და სახე; და ყოველთა მიზეზისა მიზეზნი შემდგომთანი.
Line: 33    უფრო თჳს. ხოლო რაჲზომვე მბადობისა და წარმოჩენისა და მიზეზობისა
Line: 34    მთავრობათა მხუდართა სხუაგნით არ სადაჲთ მოუგიეს
Line: 35    თჳნიერ მის ზესთათაცა ზესთაჲსა მიერ; რამეთუ, ვითარ არსებანიცა
Page: 123   Line: 1    თჳსნი მის მიერ ჰქონან, ეგრეთმე და ძალნიცა და მოქმრდებანიცა;
Line: 2    რამეთუ ყოველი ძალი და მოქმედებაჲ სრულებაჲ არს ყოვლისა
Line: 3    არსებისაჲ.

Line: 4       "რამეთუ განიზომა მუნით მდგომობითითა ძალითა". ესე იგი
Line: 5    არს, ვითარმედ წარმოუდენელითა. რამეთუ ყოველნი შემდგომნი
Line: 6    მიზეზნი თან მისცემენ თჳსთა თჳთებათაგან თჳს მიერ წარმოარსებულთა;
Line: 7    ხოლო იგი დაზენაებული ყოველთაჲ არ მისცემს ზემექონეობასა
Line: 8    თჳსისა თჳთებისასა სწორებით შემდგომთა თჳსთა.
Line: 9       "ვინაჲცა მის მიერ წარმოყენებული და მიზეზოან ქმნილი
Line: 10    უპირატესისა მიზეზისა მიერ იყოს მიზეზოან". ესე არს, ვითარმედ
Line: 11    პირველისა და ზესთ ზესთაჲსა მიერ წარმოყენებული და მიზეზოანი
Line: 12    სხუათა ყოველთა დაუზესთავდების მიზეზთა და არს, ვითარცა მიზეზი
Line: 13    მიზეზთაჲ, და უფრ ს ხატ მის ყოველთა უმიზეზოდ მიზეზისა.
Line: 14       "რამეთუ რომელმან სრულ ყო ერთი მიზეზად, სრულ ყო და
Line: 15    სხუაჲცა მიზეზოანად". ხედენ ამას, რამეთუ მათადის რომელი
Line: 16    ითქუმის განკარგჳლად და იგიდ და მასად, ზესთა დასდებს და თჳთ
Line: 17    მას ერთობასაცა; რამეთუ წარმოაჩინაო და სრულ ყო იგი ერთად,
Line: 18    ვითარ მიზეზად ყოველთად. და ზედა დაჰრთავს, ვითარმედ სრულ
Line: 19    ყოო მის ერთისა მიერ წარმონაარსი მიზეზოანად. ესე იგი არს, ვითარმედ
Line: 20    მიზეზი ყოველთა ერთ ქმნისაჲცა და მიზეზობისაჲ, და მიზეზოანთა
Line: 21    და მიზეზოვნობისაჲცა არს იგი ზესთ აზეებული ერთი და წარმომაყენე
Line: 22    ერთისაჲ, ვითარცა უფრო მსგავსისა და ხატისა თჳსისაჲ.
Line: 23       "რამეთუ რომელიმე თანზიარებით იქმნა წარმომაყენებელ
Line: 24    სხუათა, ხოლო რომელიმე თანმიცემით".

Line: 25       ესთა ხედე ამას ხედვასა, რამეთუ წარმოაყენებს ყოველთა იგი
Line: 26    ზესთაჲ ზესთათაჲცა, მაგრა თანმიცემით და არა თანზიარებით. ხოლო
Line: 27    წარმოაყენებენ სხუანი ყოველნი სირათ-მთავარნი თანზიარებით,
Line: 28    რამეთუ თან მისცემენ თჳსთა არსებითთა თჳთებათაგან.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.