ARMAZI
Ioane Petrici, Explanatio in Proclum Diadochum
Part No. 58
Previous part

Chapter: 57  
Line: 29 
თავი 57
Line: 30 
"ყოველი მიზეზი და პირველცა მიზეზოანისა იმოქმედებს და
Line: 31 
შემდგომადცა მიზეზოანისა უმრავლესთა არს წარმომაყენებელ".


Line: 32       ესე პირველთა შორის სახეთა მიერ ცხადად ძეს, ვითარმედ
Line: 33    მიზეზი პირველ მოქმედებს მიზეზოანისასა, ვითარ ზესთაჲ მისი, და
Page: 124   Line: 1    შემდგომთაცა შორის უშორეს განიდავს თჳსთა მოქმედებითთა ძალთა,
Line: 2    რამეთუ ნამდჳლ მყოფი მიზეზ ცხოვლობისა, და ვითარ ზესთაჲ
Line: 3    უპირველეს თჳსთა მოქმედებათაჲთ, ხოლო ვითარ უძლიერესი მიზეზი
Line: 4    უმეტეს შორს გამწთომ. რამეთუ რაჲცა რაჲვე მყოფობასა და
Line: 5    გუარსა შეუცავს, ვერ ვინ განევლთას გუართ-მთავრობასა ნამდჳლ
Line: 6    მყოფისასა, რამეთუ პირველი გუარი არს და პირველი მათდა ცხოდენ.
Line: 7    რომელთა მხუდარ იყოს ძალი ცხოველობითი. და კუალად ერთი
Line: 8    ყოველთა მყოფთაცა მიზეზ, და კუალად იმრრე მყოფთაჲსა არმყოფთაცა
Line: 9    ვითარ უგუაროჲსა ნივთისა, რამეთუ ვერ ვინაჲ განევლთას
Line: 10    საკრველთა ერთობისათა არაობაჲცა ნივთისაჲ. რამეთუ რაჲმცა
Line: 11    სხუა, რამეთუ ნივთი დაღათუ უსახო, მაგრა ერთ და შორის საზღვარსა
Line: 12    ერთობისასა. და კუალად ზესთ მექონეობაჲ ერთისაჲ ნამდჳლ
Line: 13    მყოფისგან დაზესთაებულ და დაერთებულ.
Line: 14       "რამეთუ თან წარმოიარსებს ყოველსა, რაოდენთაცა შეუძლოს
Line: 15    თან წარმოყენებად". ესე ზემოთა შორის გარდაგუეცა, ვითარმედ
Line: 16    მიზეზნი მიზეზოანთაცა შორის მოქმედებენ, სადამდის სწუდებოდის
Line: 17    ძალი მიზეზოანთაჲ. და კუალად უდარესცა გაზიდვენ თჳსთა
Line: 18    მოქმედებათა.
Line: 19       "ხოლო თუ პირველ მიზეზოანისა წარმოაყენებს, საცნაურ,
Line: 20    რამეთუ პირველ მისსაცა იმოქმედოს წარმომაყენებელითა თჳსითა
Line: 21    მოქმედებითა". შეისწავე, რომელ ყოველგან მიზეზნი ზესთ დაშთებიან
Line: 22    მიზეზოანთა არსებითაცა და ძალითა და მოქმედებითა.
Line: 23       "ვინაჲ ყოველი მიზეზი და პირველ მიზეზოანისაცა იმოქმედებს,
Line: 24    და მიზეზოანსაცა თანა, და კუალად შემდგომად
Line: 25    მიზეზოანისაცა". განზიდავს თჳსთა მოქმედებათა.
Line: 26       "ამისგან საცნაურ უკუე, რამეთუ რაოდენთაცა მიზეზ არს
Line: 27    სული, და გონებაჲცა მიზეზ და არა რაოდენთა გონებაჲ მიზეზ,
Line: 28    და სულიცა მიზეზ". გესმაა, ჵ გამგონეო? რამეთუ ყოველთა რაოდენთა
Line: 29    არს სული მიზეზ, უფროჲს ხოლო და გონებაჲცა, ვითარ
Line: 30    მიზეზი სულისაჲ. რამეთუ სული ვიდრე სულიერთამდის არს მიზეზ,
Line: 31    ხოლო გონებაჲ სულიერთაცა და უსულოთა; და რაოდენთადაცა
Line: 32    მხუდარ არს გუარი, ვითარ ქვათა და სხუათა ესვითათა. რამეთუ
Page: 125   Line: 1    ყოველთა გუართა მთავარი დასაბამი გონებაჲ არს, რომელ არს
Line: 2    ნამდჳლ არსი და ნამდჳლ მყოფი, ვითარცა ადგილი გუართაჲ.
Line: 3       "რამეთუ უსულონიცა, რაოდენ შეუძლონ მიღებად გუარისა,
Line: 4    მიიღებენ და ეზიარებიან გონებასა და მოქმედებათა მისთა".

Line: 5       იხილე, თუ ვითარ უსულოთა-შორისი გუარი უბაძვებს გონიერთა
Line: 6    გუართა, რამეთუ თჳთ გაგუარებითა, რამეთუ მის შორის ძალთა
Line: 7    სხუა და სხუაობითა, ვითარცა გჳსწავიეს, ვითარმედ სხენან და ქვათაცა
Line: 8    შორის ძალნი და მოქმედებანი, გასხუაებულნი და გათჳთებულნი,
Line: 9    ვითარ ჳაკინთსა და ამითჳსტოსსა შორის, და ალმასსა და
Line: 10    მაღნინტსა შორის, და სადაჲთ ესე თჳნიერ მიზეზთა და
Line: 11    დასაბამთაჲსა.
Line: 12       "და ქუალად რაოდენთაცა გონებაჲ მიზეზ, და პირველი
Line: 13    კეთილობაჲცა მიზეზ, არამედ არა წინა-უკუმო". გესმაა, რამეთუ გუართამდე
Line: 14    გაზიდავს მოქმედებაჲ გონიერი? ხოლო სტერისნი, რომელ
Line: 15    არიან მოკლებანი, არა არიან გუარ. მოკლებად უკუე გაიგონე
Line: 16    სხუა და სხუაობაჲ გუართაჲ, რამეთუ ესე გუარი მოკლებულა ამის გუარისგან,
Line: 17    და კუალად სხუაჲ სხჳსგან. ხოლო ესე სტერისნი, რომელ
Line: 18    არიან მოკლებანი, არისტოტელი არსებად აღმოაჩინნა, დაღათუ
Line: 19    არიან უგუარო, და პირველსა ნივთსაცა შორის განიცდების აობაჲ
Line: 20    სტერისათაჲ, რომელ არიან მოკლებანი. ხოლო ამათ მოკლებათა
Line: 21    მარადის ვერ გასწუთების სხუაჲ რაჲვე მიზეზი თჳნიერ იგი ზესთ
Line: 22    მიზეზი ერთი. ხოლო მოკლებათათჳს ძნელ და თჳთ სათავისთავო
Line: 23    არს წიგნი აღმოსაჩენთაჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.