ARMAZI
Ioane Petrici, Explanatio in Proclum Diadochum
Part No. 59
Previous part

Chapter: 58  
Line: 24 
თავი 58
Line: 25 
სიმარტივისათჳს და შედგომილებისათჳს არსებათაჲსა


Line: 26       "ყოველი უმრავლესთა მიზეზთა მიერ წარმოყენებული უფრო
Line: 27    შედგმულ უმცროჲსთა მიზეზთა მიერ წარმოყენებულისასა". ესე
Line: 28    ხედვანი სიმარტივესა არსებათასა და შედგომილებასა მათსა წინა მიყოფენ
Line: 29    ჩუენ. ვინაჲ ესე ყოველთა მიერ არს საცნაურ, ვითარმედ უმარტივესნი
Line: 30    არსებათანი უფრო საღმრთოჲ და უმეტეს ერთის გუარ.
Line: 31    ხოლო ესე იტყჳს, ვითარმედ უფროჲსთა ნაწილთა მიერ შედგომილი
Line: 32    უმრავლესთა მიზეზთა მიერ წარმოიყენების, ხოლო უმარტივესნი
Line: 33    უმცროჲსთა მიზეზთა მიერ, ვითარ აწ სახეთა მიერ განცხადნეს.
Page: 126   Line: 1    რამეთუ პირველი არსებაჲ, რომელ არს ნამდჳლ მყოფი, ერთთა მათ
Line: 2    რიცხუთა მიერ წარმოდგა, პირველისა საზღვრისა და პირველისა
Line: 3    უსაზღვროობისგან, ვითარ აღმოიჩინა დიდსა საღმრთისმეტყუელოსა
Line: 4    შორის. და კუალად სამარადმყოჲ, რომელ არს საუკუნოჲ, ნამდჳლ
Line: 5    მყოფისა მიერ და თჳთცხოვლობაჲ ნამდჳლ მყოფისა მიერ და საუკუნოჲსა.
Line: 6    და ესრეთვე შემდგომითი შემდგომად ყოველი აღნამკი
Line: 7    გონიერთა და სულითთაჲ, და ვიდრე თჳთ ამის გასფეროებულისა და
Line: 8    სხეულოანისა აღნამკისამდის. ვინაჲ იყოს საუწყო, ვითარმედ რაჲზომითაცა
Line: 9    უმარტივეს არსებაჲ, უმახლობელეს მას სწორებით ყოველთა
Line: 10    საწყურსა ერთსა. ხოლო რაჲზომით უმახლობელეს ერთისად, უმარტივეს
Line: 11    და უზესთაეს და უმეტესთა მიზეზ და უფრო ღმრთივ და უძლიერეს.
Line: 12    ხოლო უფროჲსთა მიზეზთა მიერ წარმოყენებული, რაოდენთაცა
Line: 13    მიერ წარმოიყენოს მიზეზთა, ყოველთაგან მიიღებს და შემრავალკეცდების.
Line: 14    ხოლო შემრავალკეცებული უცხო და უშორეს სიმარტივესა
Line: 15    და ძალსა ერთებრსა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.