ARMAZI
Ioane Petrici, Explanatio in Proclum Diadochum
Part No. 60
Previous part

Chapter: 59  
Line: 16 
თავი 59


Line: 17       "ყოველი მარტივი არსებით ანუ უმჯობეს არს შედგმულთა
Line: 18    ანუ უდარეს".

Line: 19       ყოველი ხედვაჲ ამის თავისაჲ ამას შემასწავებს ჩუენ. პირველად,
Line: 20    რამეთუ ორ არიან მარტივნი და ერთნი: საკუთრებით პირველ
Line: 21    პირველი ყოველთაჲ, და ზესთაჲ ზესთათაჲ ერთი, უმიზეზოდ მიზეზი
Line: 22    სწორად ყოველთაჲ; და კუალად სხუაჲცა ერთი პოვა ნამრღუევმან და
Line: 23    ნუთმან გულის-სიტყუამან, რომელსა ვიტყჳთ ნივთად უმორფოდ.
Line: 24    ხოლო აწ ვიხილოთ, რამეთუ ერთი იგი ზესთაჲ ზესთ უმჯობეს ყოველთა
Line: 25    შედგმულთა, ვითარცა ზესთ განყენებული მზე გონებათა და
Line: 26    ერთთაჲ. ხოლო სხუაჲ იგი ერთი, რომელსა ნივთად და ჳპოვათრად
Line: 27    და პჳთმენად უწოდა ხედვამან, უდარეს და უუკუანაჲსკნელეს
Line: 28    ყოველთა მყოფთა და შედგმულთა, რომელი ითქუმის უსახოდ სახედ
Line: 29    ერთისა და უმსგავსოდ მსგავსებად. ხოლო სხუაჲ ყოეელი ხედვაჲ
Line: 30    ამის თავისაჲ ზემოსა შორის ცხადად გარდავდევით.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.