ARMAZI
Ioane Petrici, Explanatio in Proclum Diadochum
Part No. 61
Previous part

Chapter: 60  
Page: 127  
Line: 1 
თავი 60


Line: 2       "ყოველი უმრავლესთა მიზეზი უმჯობეს მისსა არს,
Line: 3    რომლისადა მხუდარ იყოს უდარესი ძალი და იყოს წარმომაჩინებელ
Line: 4    ნაწილთა, რამეთუ ესე ყოვლობისა არს წარმომაყენებელ". გესმაა?
Line: 5    იტყჳს, რამეთუ რომელიცა მიზეზთაჲ ყოვლობათა და უმეტესთა
Line: 6    იყოს წარმომაარსებელ, უმჯობეს მისსა არს, რომელი უმცროჲსთა
Line: 7    და ნაწილთა იყოს მიზეზ და მაარსებელ. ხოლო შენ შეისწავენ, რამეთუ
Line: 8    მზეზთანი რომელნიმე ყოვლოობათა წარმოაარსებენ, ხოლო
Line: 9    რომელნიმე ნაწილთა. ყოვლოობათა უკუე ვითარ ყოვლოობაჲ გონებათაჲ,
Line: 10    რომელ არს ნამდჳლ მყოფი, ერთთა მიერ და ერთისა წარმოიარსა.
Line: 11    ხოლო სხუანი ნაწილებითნი გონებანი, ვითარ საუკუნოჲ,
Line: 12    და თჳთცხოვლობაჲ, და გონიერი კრონოს, და რეა, და დია,
Line: 13    ნამდჳლ მყოფისა მიერ წარმოიქმნეს. და კუალად საყოველთაოჲ სული
Line: 14    მიერ ნამდჳლ მყოფისა; ხოლო საყოველთაოჲ ბუნებაჲ მიერ საყოველთაოჲსა
Line: 15    სულისა; ხოლო საყოველთა სხეული მიერ საყოველთაოჲსა
Line: 16    ბუნებისა; ხოლო ნაწილნი ამათნი ნაწილებითთა მიერ მიზეზთა, ვითარ
Line: 17    ერთთა ზედა საცხადო ვყოთ სახეთასა. რამეთუ საყოველთა
Line: 18    სული ყოვლობასა ბუნებისა და ცისასა წარმოაჩენს; ხოლო ნაწილებითი
Line: 19    სული ნაწილებითსა სხეულსა და ბუნებასა. და კუალად რამეთუ
Line: 20    ყოვლობანი არსებათანი მას პირველობისაცა ზესთასა ჰგვანან
Line: 21    და ჰბაძვენ, ვითარცა უმეტეს ერთებრნი ნაწილთასა და უმეტეს ხატნი
Line: 22    მის ერთისანი. და კუალად რამეთუ უმეტეს წარავლენენ თჳსთა
Line: 23    მგზავრობითთა მოქმედებათა; რამეთუ ნამდჳლ მყოფი უმეტეს სხუათა
Line: 24    ნაწილებითთა გონებათასა; და საყოველთაოჲ სული უმეტეს სხუათა
Line: 25    ნაწილებითთა სულთასა; და საყოველთაოჲ სხეული უმეტეს
Line: 26    სხუათა ყოველთა ნაწილებითთა სსეულთასა; რამეთუ სფეროჲ ცისაჲ
Line: 27    უმეტეს მოქმედებს ყოველთა ნაწილებითთა სფეროთასა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.