ARMAZI
Ioane Petrici, Explanatio in Proclum Diadochum
Part No. 64
Previous part

Chapter: 63  
Line: 17 
თავი 63


Line: 18       "ყოველი თანუქონოჲ მრჩობლსა წარმოაყენებს თანმექონეთა
Line: 19    წესსა. ოდესმე თანმექონეთა, და კუალად სამარადისოდ და
Line: 20    თანშეწყობით თანმექონეთა".

Line: 21       გესმაა, ჵ გამგონეო, ხედულო გონებისგან? რამეთუ სამად
Line: 22    გაყვნა ყოველთა არსთა წყარონი: თანუქონოდ, რომელ არიან სირათ-მთავარნი
Line: 23    და დასაბამნი, რამეთუ არა რას მიიღებენ თჳსთა
Line: 24    შემდგომთაგან, არამედ სამარადისოდ დამსჭუალულ არიან ზენაობასა
Line: 25    შორის მთავრობისასა, ვითარცა მიზეზნი და წყარონი არსთანი, და
Line: 26    არას მიიღებენ თჳს-გამოთა მიზეზოანთაგან. ხოლო წარმოიყენებენ
Line: 27    თჳს ქუეშე ორთა მოქცევათა არსებათასა: ვითარ სამარადისოდ მაზიარებელთასა
Line: 28    მათდამი, და ოდესმე მაზიარებელთასა. ხოლო სამარადისოდ
Line: 29    მზიარებელად იპყრენ ყოველნი საყოველთაონი და სამარადისონი,
Line: 30    და უკუდავსა და დაუვსებელსა ნათელსა შორის მდგომარენი,
Line: 31    ვითარ არსებაჲ საყოველთაოჲსა სულისაჲ, რამეთუ ნიადაგ გონებასა
Line: 32    შორის, და ვითარ ანაქუსი ესე ამის სხეულოანისა ყოვლობისაჲ, რომელსა
Line: 33    ერქუმის ცაჲ, რამეთუ დაღათუ სხეულთა მიერ აღგებულ; არამედ
Line: 34    სამარადისოსა ნათელსა შორის გონებისასა აბრწყინვებს თჳსთა ხედვათა
Page: 129   Line: 1    და წურთათა და სურვილთა მის ზესთ ერთისა მიმართ ფილოსოფოსი
Line: 2    და ყოვლად ბრძენიცა ესე, და სურვილთა მიერ ერთისათა
Line: 3    ნიადაგ სდევს და ეტრფის ნამდჳლ მყოფსა და მისსა მამასა
Line: 4    ერთსა, ვითარცა გადჳონისებული ტრფიალებითთა მიერ სურვილთა
Line: 5    ერთისათა, და წადნოჲს მისდამი შემტრფალი, და შეეყოფვის მას
Line: 6    მიერ სულისა და გონებისა, და უკუდავ იქმნების მის მიერ, და
Line: 7    იღმრთებს თჳსთა ზექონებათა ყოველთა მეკუდოთა წესისა და ბუნებისგან,
Line: 8    ვითარ ხდომილი სანეტაროსა ხუედრსა, და მეკუდოთა უბადრუკებისგან
Line: 9    ზესთ დაშთომილი. და კუალად ოდესმე თანმექონედ
Line: 10    იტყჳს ყოველსა მეკუდოთა და ნაწილებითთა აგებულებასა. რამეთუ
Line: 11    ოდესმე თან იქონებს მეკუდოთა ბუნებაჲ ცხოვლობასა, და გონებასა,
Line: 12    და ღმერთსა. რამეთუ, თუმცა სამარადისოდ თანიქონებდა და იყომცა
Line: 13    შეკრულ სამარადისოდ ცხორებისა და გონებისა და ერთისადა, არამცა
Line: 14    იყო მოკუდავ და სამარადისოსა დენასა შორის; არამედ ვითარცა
Line: 15    ოდემე მზიარებელი ამათი, ოდესმე და ცხოველ არს. ხოლო სამარადისოდ
Line: 16    მზიარებელნი და თანშეყოფილნი მიზეზთა და ცხორებისადა
Line: 17    წარმოაარსებენ და ჰბადებენ ოდესმე ცხოველთა და ოდესმე
Line: 18    მზიარებელთა ცხორებისათა, რაჲთა იყვნენ უფრო ხატ და მსგავს
Line: 19    ყოველთა მბადისა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.