ARMAZI
Ioane Petrici, Explanatio in Proclum Diadochum
Part No. 65
Previous part

Chapter: 64  
Line: 20 
თავი 64


Line: 21       "ყოველი მხოლოჲ დასაბამებრივი ორსახეთა წარმოაყენებს
Line: 22    რიცხუთა: რომელთამე თჳთსრულთა გუამოვნებათასა, ხოლო
Line: 23    რომელთამე ნაბრწყინთა ოდენ და სხუასა შორის გუამოვნებისა
Line: 24    მომგებელთა. რამეთუ უდარესობისადმი ყოველი გზავნაჲ".

Line: 25       აწ აქა ესთა იტყჳან ესე ხედვანი, ვითარმედ ყოველნი სირათ-მთავარნი
Line: 26    და დასაბამნი ორსახეთა წარმოაყენებენ რიცხუთა, ესე
Line: 27    იგი არს არსებათა. რიცხუად უკუე ამისთჳს უწოდა, ვითარ მრავალთა,
Line: 28    ვითარ საყოველთაოთა დ ნაწილებითთა, რამეთუ არა ყოველი
Line: 29    სული ერთ და იგივე, და არცა ყოველი სხეული ერთ და იგივე.
Line: 30    რამეთუ რომელნიმე არიან ამათნი თჳთმდგომ გუამოვნება, ხოლო.
Line: 31    რომელნიმე ოდენ ნაბრწყინ და ესვითა ოდენ ნაელვებ, რომელთა
Line: 32    დგომაჲ და მყოფობაჲ სხუათა შორის მოუგია, ვითარ ამათ სხეულთა-შორისთა,
Line: 33    იტყჳს სულთა. რამეთუ არ თჳთმდგომ სხეულთა-შორისი
Line: 34    ნაბრწყინი და ნამზევი სული ესვითა შარავანდედი, რამეთუ
Page: 130   Line: 1    ესთა ყოველთა მეკუდოთა სული. ხოლო აქა დიდთა უდიდესნი წინაუკუმოობანი
Line: 2    შემოვლენ ყოველთა ასკლიპიანთა და აფროდისიელისნი,
Line: 3    რამეთუ კაცობრივსაცა სულსა ნაბრწყინად იტყჳს
Line: 4    უცთომელისა სფეროჲსგან და არა გუამოვნებად, ვითარ თჳთმდგომ,
Line: 5    არამედ ვითარ ნაელვად საყოველთაოჲსა სულისაჲთ. ვინაჲ ამათ და
Line: 6    ესვითათა ყოველთა სუეტნი სიბრძნისანი ყოველნი პლატონურნი
Line: 7    დიდნი და ჭეშმარიტებით ღმრთისმეტყუელნი არდი უჩინო ჰყოფენ,
Line: 8    და უკუ არღუევენ, და სულსა კაცობრივსა თჳთგუამოვნებად აღმოაჩენენ
Line: 9    და პირველ მეკუდოთაჲსა არსებად გონიერად და აღალმად
Line: 10    გონებისად გამოაჩენენ.

Line: 11       ხოლო "უდარესთადმი ყოველი გზავნაჲ" ზენათაჲ. ესე არს
Line: 12    ესე, ვითარმედ განჰზიდვენო ყოველნი მოქცევანი სირათანი პირველთაჲთ
Line: 13    ვიდრე უკუანაჲსკნელთამდისო. ხოლო უკუანაჲსკნნი დამრუმდებიან,
Line: 14    რამეთუ ოდენ ნამზევთა და ნაბრწყინთა მიითუალვენ მოქმედებათა
Line: 15    და ძალთა, ვითარ უტყუთა. და კუალად წარმრრე ნერგთანი,
Line: 16    რამეთუ ვითარ ნაბრწყინ და ნაჴვემ მათ-შორისი სული.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.