ARMAZI
Ioane Petrici, Explanatio in Proclum Diadochum
Part No. 66
Previous part

Chapter: 65  
Line: 17 
თავი 65


Line: 18       ყოველი "რაოდენვე წარმოდგომილი, ანუ მიზეზობრივ არს და
Line: 19    დასაბამიერი, ანუ მებრ მყოფობით, ანუ თანმიქონებით და
Line: 20    ხათოვნებით". ხედავა, ჵ გამგონეო, მზესა ამათ ხედვათასა? რამეთუ სამად
Line: 21    განჰყოფს არსებასა წარმოდგომილთასა, ესე იგი არს წარმონაარსთასა.
Line: 22    რამეთუ არსებანი წარმოდგეს ზესთ არსისა ყოველთა მხედისა
Line: 23    მიერ, ხოლო ესენი არიან სამსახე, ვითარც პირველთა შორის ცხადად
Line: 24    გარდავდევით: ანუ კატეტიად, რომელ არს მებრ მიზეზობით;
Line: 25    ანუ კათჳპარქსად, რომელ არს მებრ მყოფობით; ანუ კატამეთექსად,
Line: 26    რომელ არს მებრ თანქონებით. ვინაჲ აწ ჩუენ სახეთა
Line: 27    ზედა კუალადცა განვაცნადოთ. მოიღე და იყოს ნამდჳლ მყოფი.
Line: 28    ესე ზესთა წმიდაჲ პირველი არსებაჲ სამ სახედ განიცდების: პირველსა
Line: 29    მას მიუწთომელსა ზესთ არსსა ერთსა შორის; და მეორედ თჳთ თჳს მყოფობასა
Line: 30    შორის; და მესამედ შემდგომთა შორის. აწ კარგად შეისწაეე,
Line: 31    ვითარ საჭიროჲ, რამეთუ ოდეს მას მიუწდომელსა ზესთ არსსა
Line: 32    შორის გესმეს პირველი არსებაჲ, უმჯობესად ჰრაცხე ბუნებასა არსებისასა,
Line: 33    და ვითარ ზესთ არსად და ერთებრივად. ხოლო ოდეს თჳთ
Line: 34    თჳს შორის გესმესდა სწორად თჳსდა პირველად არსებად გაიგონე.
Line: 35    ხოლო ოდეს უდარესთა შორის გესმეს და ხედო, ვითარცა მიზეზი
Page: 131   Line: 1    სხუათა ყოველთა არსებათაჲ, მაშინ უდარესად თჳთ თჳსისა მყოფობისად
Line: 2    ჰრაცხე. რამეთუ სამარადისოდ მიზეზნი შორის მიზეზოანთა
Line: 3    განიცდებიან და ვითარ უდარესად თჳსისა მყოფობისად. და კუალად
Line: 4    მიზეზოანნი შორის თჳსთა მიზეზთა იხილვებიან, მაგრა ზესთად და
Line: 5    უმჯობესად თჳსთა თჳთებათად. და ესე კანონი ყოველთა ზედა
Line: 6    რაჲზომვე წარმოარსებულთა და წარმოქმნილთა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.