ARMAZI
Ioane Petrici, Explanatio in Proclum Diadochum
Part No. 68
Previous part

Chapter: 67  
Line: 17 
თავი 67
Line: 18 
ნაწილისა და ყოვლობისათჳს


Line: 19       "ყოველი ყოვლობაჲ ანუ პირველ ნაწილთაჲსა არს, ანუ
Line: 20    ნაწილთაგან, ანუ ნაწილთა შორის".

Line: 21       აწ ესე ხედვანი ნაწილისა და ყოვლობისათჳს შემოვლენ. ხოლო
Line: 22       შენ ესთა ხედე, რამეთუ პირველ ნაწილთასა ყოვლობაჲ არს,
Line: 23    ოდეს ყოველნი რიცხუნი ერთსა შორის იხილნე და განიცადნე, ვითარ
Line: 24    მიზეზსა შორის, რომელ არს ყოვლობაჲ პირველ ნაწილთაჲ;
Line: 25    ანუ ოდეს ტომსა შორის განიცადნე ყოველნი გუარნი, ვითარ ყოვლობანი
Line: 26    და შემასრულებელნი ტომისანი; ანუ თჳთ თჳს შორის თითოეული
Line: 27    გუართაჲ. მოიღე და იყოს ერთი რაჲვე გუართაჲ, ვითარ
Line: 28    და კაცისაჲ: რამეთუ ესე კაცი შედგა მიერ ნაწილთა, და იხილვების
Line: 29    ყოვლობაჲ კაცისაჲ შორის თჳსთა ნაწილთა. და კუალად ყოვლობაჲ
Line: 30    ნაწილისაჲ, ვითარ ჴელისაჲ: რამეთუ ჴელი, ვითარცა ჴელი,
Line: 31    ნაწილი არს ყოვლისა გუამისაჲ; და კუალად ყოვლობაჲცა არს, ყოვლობაჲ
Line: 32    უკუე ვითარ ჴელისაჲ, რამეთუ თითთა და მკლავისა და გოჯთა
Line: 33    მიერ შედგა ყოვლობაჲ ჴელისაჲ. ვინაჲ აწ ესე ყოვლობაჲ
Page: 132   Line: 1    ჴელისაჲ ნაწილ არს ყოველთ მიერ ასოთა შეყრილისა ყოვლობისა,
Line: 2    და გაქუს სამ სახედ ყოვლობაჲ: პირველ ნაწილთაჲსა, შორის ნაწილთაჲსა
Line: 3    და ნაწილთა შორის ნაწილთას ვინაჲ და ესევე კანონი
Line: 4    იპყარ ყოველთა ზედა სხეულეანთა და უსხეულოთა, და ყოველსა
Line: 5    ზედა ანაგსა არსთასა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.