ARMAZI
Ioane Petrici, Explanatio in Proclum Diadochum
Part No. 69
Previous part

Chapter: 68  
Line: 6 
თავი 68


Line: 7       "ყოველი ნაწილთ-შორისი ყოვლობაჲ ნაწილი არს ნაწილთაგანისა
Line: 8    ყოვლობისა".

Line: 9       აქა ხედვანი მოჰქონან საჭირონი და ღრიფნი. და თუ გწადის,
Line: 10    გაიგონე, რამეთუ იტყჳს ხედვაჲ ამის თავისაჲ, ვითარმედ ყოველი
Line: 11    ნაწილთ-შორისი ყოვლობაჲ ნაწილი არს ნაწილთაგანისა ყოვლობისაჲ.
Line: 12    ისმინე, რამეთუ აქა ორთა დაჰლექსავს: ყოვლობათა-შორისსა
Line: 13    და ნაწილთ-მიერსა. ნაწილთ-შორისი უკუე ყოვლობაჲ არს, ვითარ
Line: 14    ხილული ნაწილსა შორის, ვითარ ვთქუთ ჴელის ყოვლობაჲ. ხოლო
Line: 15    ესე ნაწილსა შორის ხილული ყოვლობაჲ არს ნაწილ ყოველთა ასოთა
Line: 16    მიერ შედგომილისა ყოვლობისა, და არს ნაწილიცა და ყოვლობაჲ.
Line: 17    მაგრა ნაწილი ვითარ სხჳსაჲ, ხოლო კუალად ყოვლობაჲ ვითარ
Line: 18    სხჳსაჲ. რომელი ესე და სახემანცა ცხად გიყოს: რამეთუ არს ყოვლობაჲ
Line: 19    ცისაჲ შედგმული რვათა მიერ სფეროთა და ოთხთა მიერ
Line: 20    ასოთა, და არს ქუეყანაჲ ნაწილ ყოვლობასა ცისასა, და კუალად
Line: 21    თჳთ თჳს შორისცა ქუეყანაჲ ყოვლობა არს, რამეთუ შეიცავს ყოველთა
Line: 22    თჳსგნით ნაშობთა. ვინაჲ არს ნაწილცა და ყოვლობაცა: ნაწილ
Line: 23    უკუე სხჳსა, ვითარ აღმოიჩინა ცისად; ხოლო ყოვლობა უკუე
Line: 24    სხუათა, რამეთუ თჳს მიერ ნაშვთა ყოველთა თჳს შორის შემოსწერს.
Line: 25    და ესე კანონი შეისწავე ყოველთა ზედა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.