ARMAZI
Ioane Petrici, Explanatio in Proclum Diadochum
Part No. 70
Previous part

Chapter: 69  
Line: 26 
თავი 69
Line: 27 
სამად განყოფილთა ყოვლობათათჳს


Line: 28       "ყოველი ნაწილთაგანი ყოვლობაჲ ეზიარების ნაწილთ-პირველსა
Line: 29    ყოვლობასა". აქა სამად განყოფილთა ყოვლობათა აზიარებს
Line: 30    ურთიერთას. რამეთუ ნაწილთა-შორისსა ყოვლობასა, ვითარ ქუეყანისასა
Line: 31    ვიტყოდეთ, აზიარებს მრავალთა ნაწილთა მიერ შედგმულსა
Line: 32    ყოვლობასა, ვითარ ცისასა. ხოლო კუალად ყოვლობასა ცისასა და
Line: 33    სხუათა ყოველთასა, რომელთა ნაწილ არს ცაჲ, ვითარ სულისა
Page: 133   Line: 1    საყოველთაოჲსაჲ. და კუალად სული საყოველთაოჲ ნაწილ საუკუნოჲსაჲ.
Line: 2    ხოლო საუკუნოჲ ნაწილ ნამდჳლ მყოფისა. ხოლო ნამდჳლ მყოფი
Line: 3    ნაწილ არს ყოვლობასა, არა თუ ნაწილთა მიერ შედგმულსა,
Line: 4    არამედ პირველსა და ზესთასა ნაწილთასა; და ყოვლობასა არა ნაწილთა-მიერსა,
Line: 5    არამედ ზესთასა და ერთებრსა, რამეთუ ყოველი ნაწილთა
Line: 6    მიერ შედგმული ყოვლობაჲ ვნებასა თან მდებ არს შედგმულობისასა.
Line: 7    ხოლო შეუდგმელი ყოვლობაჲ ზესთა ძეს ყოველსა ვნებასა,
Line: 8    დაღათუ იყვნენ მაკეთებელ ვნებანი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.