ARMAZI
Ioane Petrici, Explanatio in Proclum Diadochum
Part No. 75
Previous part

Chapter: 74  
Line: 13 
თავი 74
Line: 14 
განყოფისათჳს ყოვლობისა და გუარისა


Line: 15       "ყოველი უკუე გუარი ყოვლობა რაჲვე არს (რამეთუ
Line: 16    მრავალთა მიერ წარმოდგა რომელთაცა თითოეულთა შეასრულეს
Line: 17    გუარი); არამედ არა ყოველი ყოვლობაჲ იყოს გუარ. რამეთუ რაჲვე
Line: 18    ნაწილებითი და განუკუეთელი ყოვლობაჲ უკუე არს, ვითარცა
Line: 19    განუკუეთელი, ხოლო გუარ არა არს".

Line: 20       ესე ხედვაჲ სახეთა მიერ იქმნეს საცნაურ, რამეთუ გაჰყოფს
Line: 21    ყოვლობასა და გუარსა ესთა, რამეთუ არს ცხოველი გუარ არსებისა
Line: 22    და ყოვლობაცა; და კუალად არს სიტყჳერი გუარ ცხოველისა და
Line: 23    ყოვლობაცა; და კუალად არს კაცებაჲ გუარ სიტყჳერისა და
Line: 24    ყოვლობაცა, რამეთუ მოაქუს თჳს შორის ყოველი კაცთა ბუნებაჲ,
Line: 25    ვითარცა ერთი და ყოველნი ნაწილებითნიცა კაცნი. ხოლო ვინ კაცი,
Line: 26    ვითარ მოიღე და იყოს სოფრონიკოჲს ძე სოკრატი, ყოვლობაჲ
Line: 27    უკუე არს და ითქუმის ყოვლობად, ვითარ ნაწილთა მიერ
Line: 28    შეყრილი, ხოლო გუარად არღარა, რამეთუ არ წარმოიქმს თჳს ქუეშე
Line: 29    სხუასა ნაწილებითსა, არამედ მასვე ვითარ და ერქუმის და განუკუეთელცა,
Line: 30    ამისთჳს რომელ არ განიკუეთა სხუად და სხუად არსებად,
Line: 31    არამედ იგივეობად. სხუა ვიდრემე ყოვლობაჲ და სხუა გუარი, ვითარცა
Line: 32    აღმოიჩინა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.