TITUS
Sasuliero Poezia
Part No. 13
Previous part

Text: VI  


         თთოჳესა იანვარსა: ა̂ : ჴსენებაჲ ღმერთ შემოსილისა:
         ბასილი ნეოკესარიელისაჲ :......
         [ქ. თქოჳმოჳლნი: ღმერთ: შემოსილისა: იოვანე:
         [მ]ტბევარ: ეპისკოპოსისანი: სიბრძნითა: სოჳლისა:
         წმიდისაჲთა: მოწამენი: ცხოვრებისანი: და მაოჳწყე-
         ბელნი: სასწაოჳლთანი:.*]

         Ⴍ̃Ⴂ̃Ⴊ̃Ⴁ̃ႱႠ:. Ⴂⴀⴌⴀⴎⴍⴑ ⴖ:. ???

Strophe: _  
Line: 1     ოჳტყოჳებაჲ გონებისა ჩემისაჲ განჰჴსენ. ღმრთის მეტყოჳელო.
Line: 2        მადლითა სოჳლისაჲთა და აღძარ ქნარი ენისაჲ ღირსად გალობად
Line: 3        დღესასწაოჳლსა შენსა. ბასილი მღდელთ მთავარო:.

Page: 91 
Line: 4     ვითარცა მთოვარეჲ შორის ორთა მზეთა. აღმოჰჴდა დღეს შობისა
Line: 5        და ღმრთის გამოცხადებისა დღესასწაოჳლთა საჴსენებელი შენი და
Line: 6        ორ კერძოვე ბრწყინვალედ განანათლებს:.

Line: 7     აღიღე ოჳღელი ტკბილი. ნეტარო. სიყრმით_გან და შეაყავ გონებაჲ
Line: 8        სწავლასა წიგნთა საღმრთოთასა. ბასილი. ვიდრემდის ფრთოვან
Line: 9        ჰყავ და აღამაღლე ზეცად. განცდად სამებისა:.

Line: 10     ქალაქად ბრძენთა მიხოჳედ. ნეტარო. და. ვითარცა ღროჳბელმან. აღ-
Line: 11        მოივსე სოფლისა იგი ბრძენთა მეცნიერებაჲ და განარჩიე იფქლი
Line: 12        ღოჳარძლისა_გან და შეჰკრიბე საოჳნჯეთა:.

Line: 13     ჰპოვე კეთილი იგი მოჳშაკი. ღმრთეებისა გამომეტყოჳელი. დიდი
Line: 14        გრიგოლი. ღირსო ბასილი. და შეაყავთ გონებაჲ. ვითარცა პეტრე და
Line: 15        პავლე. და ჰქადაგეთ ერთი ღმრთეებაჲ:. Ⴋⴄⴍⴣⴔⴈⴑⴀ ⴑⴀⴍⴣⴌ:. ???

         Ⴋ̃Ⴞ̃ႪႤႱႠ:. ⴍⴣⴞⴈⴊⴀⴅⴀⴃ ⴠⴆ:. ???

Line: 16     გამობრწყინდეს ელვანი საღმრთოთა სიტყოჳათა შენთანი. ვითარცა
Line: 17        ისარნი ნათლისანი. ღირსო ბასილი. და განდევნეს ბნელი იგი
Line: 18        წვალებისაჲ და მას შინა ცთომილნი მოიყვანნეს საღმრთოსა ნა-
Line: 19        თელსა ჭეშმარიტსა. რამეთოჳ გამოშჩნდი \\ შენ. ვითარცა მთიები.
Line: 20        ბრწყინვალეჲ საღმრთოჲთა ნათლითა. და არცხჳნე ნაშობთა ბნელი-
Line: 21        სათა. ოჳღმრთოთა განმყოფელთა სამებისათა:.

Line: 22     საზღვარსა მას კაცთა ბოჳნებისასა თანა წარჰჴედ შენ ოჳზეშთაეჲსითა
Line: 23        მით მოძღოჳრებითა. ბრძენო. და განჰბრწყინდი ნათლითა ზეგარ-
Line: 24        დამოჲთა. რაჟამს იგი გამოშჩნდი მოძღოჳრად ყოველთა მოძღოჳ-
Line: 25        რებითა ღმრთისა მიერ. რამეთოჳ შენ მიერ აღემართნეს დაცემოჳლ-
Line: 26        ნი და განემტკიცნეს დაცემადნი. რაჟამს საიდოჳმლონი ზეცისანი
Line: 27        ჴმა მაღლად ოჳქადაგენ ყოველთა კაცთა:.

Line: 28     მისწოჳედ. ღირსო. მიოჳწდომელსა სიღრმესა. ბასილი. და აღჰმაღლ-
Line: 29        დი ოჳზეშთაეჲსსა მას სიმაღლესა. ვითარცა რაჲ იოვანე ღმრთის
Line: 30        მეტყოჳელი. რაჟამს იგი შეხოჳედი ნისლსა მას შეოჳვალსა ღმრთისა
Line: 31        სიბრძნისასა. ვითარცა მოსე პირველ მთასა სინასა. და არაჲ დაი-
Line: 32        ფარე მის_გან. არამედ ბრწყინვალებაჲ შენი ოჳზეშთაეჲსად განბრწყინ-
Line: 33        და ყოველთა კიდეთა:.

Page: 92 
Line: 34     სიღრმესა მას ზეცისა ოჳფსკროჳლთასა ჰღელევდით. ღირსნო.
Line: 35        ოჳზეშთაეს ბოჳნებათა მოძღოჳრებითა ღმრთისა მიერ. არამედ არაჲ
Line: 36        დაინთქენით მას შინა. მღდელთ მოძღოჳარნო. რამეთოჳ ნავი იგი
Line: 37        მოძღოჳრებათა თქოჳენთაჲ შეჰმზადეთ ჭეშმარიტითა სარწმოჳნოვე-
Line: 38        ბითა და აფრაჲ ღმრთის მსახოჳრებისაჲ აღჰმართეთ ოჳქცეველად.
Line: 39        ბასილი და გრიგოლი. და წაროჳძეღჳთ კაცთა ცხოვრებად:. Ⴑⴀ-
      ⴘⴈⴌⴄⴊⴈ ⴃⴀ:. ???

         Ⴂ̃ႬႻႪႨ̃ႱႠ:. Ⴐ̃ⴌ ⴋⴍⴑⴚⴀ ⴛⴊⴄ:. ???

Line: 40     საღმრთოჲსა სოჳლისა სიბრძნითა აღივსე. ბასილი. და ენითა ცეც-
Line: 41        ხლისაჲთა შესწოჳენ ოჳღმრთოვებისა ეკალნი და ღმრთის მსახოჳ-
Line: 42        რებისა ნერგნი ნაყოფიერნი დაჰნერგენ სოჳლსა მორწმოჳნეთასა.
Line: 43        ბრძენთ მთავარო:.

Line: 44     მშობელთა_გან აღმსაარებელთა აღმოსცენდით თქოჳენ. შვილნი ნათ-
Line: 45        ლისანი. და განაბრწყინვეთ ეკლესიაჲ თქოჳმოჳლთა თქოჳენთა ბრწყინ-
Line: 46        ვალებითა დიდმან ბასილი ძმებითოჳრთ და აწ ქრისტეჲს თანა
Line: 47        ჰსოჳფევთ. ნეტარნო:.

Line: 48     გოჳლისხმა ჰყავ დასაბამი სიბრძნისაჲ. შიში ოჳფლისაჲ. და მით
Line: 49        აღვსებოჳლი ჰხჳდოდე ძალითი ძალად. ღირსო. ამის_თჳს გეწოდა
Line: 50        ღმრთის მეტყოჳელ. ბასილი. რაჟამს ჰქადაგე სამებაჲ თჳთებითა
Line: 51        თჳსითა. ბრძენო:.

Line: 52     შოჳრსა ანა წინაჲსწარმეტყოჳელისასა ემსგავსნეს მშობელნი შენნი.
Line: 53        რამეთოჳ მღდელ იქმენ შენ. ვითარცა რაჲ მოსე და აჰრონ. სამოე-
Line: 54        ლისებრ მცხებელ წესთა_გან ოჳსროჳლესთა ქრისტჱს სამწყსოთა:.

Line: 55     განაქიქე კრებოჳლი არიანოზთაჲ. ნეტარო. ვითარცა ელია ქოჳროჳმ-
Line: 56        ნი ბაალისანი და მორწმოჳნეთა ერსა განოჳღე ეკლესიაჲ და ასწავე
Line: 57        მათ მართალი სარწმოჳნოვებაჲ სამებისა წმიდისაჲ:. Ⴃⴄⴃⴀⴢ
      ⴌⴀⴇ:. ???

         Ⴍ̃Ⴍ ႫႤႱ̃ႱႠ:. Ⴑⴋⴄⴌⴀⴢ ⴋⴄⴑⴋⴀ ⴍ̃ⴍ ⴘⴍ̃:. Link to nevmir

Line: 58     გარეშეჲ იგი სწავლაჲ ბრძენთა მათ_გან სოფლისათა. ვითარცა ღროჳ-
Line: 59        ბელმან. აღმოიწრიდე. ბრძენო ბასილი. ხოლო რაჟამს შეხოჳედ
Line: 60        ოჳფსკროჳლსა მას პავლეს მოძღოჳრებათასა. ყოველსავე ოჳწოდე
Line: 61        სიცოფედ და ჰსთქოჳ. ძალსა შენსა. დიდებაჲ. მრავალ მოწყალეო:.

Page: 93 
Line: 62     გამოოჳკოჳლეველსა მას ღმრთისა სიბრძნეთა ოჳფსკროჳლსა დაოჳნ-
Line: 63        თქმელად ჰხჳდოდე და მიერ ასწავებდ მორწმოჳნეთა ერსა საიდოჳმ-
Line: 64        ლოთა ზეცისთა და სიტყოჳამან შენმან. ბასილი. გოჳასწავა ღმრთე-
Line: 65        ებაჲ და ვჴმობთ. ძ[ალსა შენსა დიდებაჲ. მრავალ მოწყალეო]:.

Line: 66     ოჳზეშთაეჲს მოსესსა და აჰრონისა გამოშჩნდით მღდელად ღმრთის:
Line: 67        მაღლისა. ბასილი და გრიგოლი. რამეთოჳ მათ მეწამოჳლი ზღოჳაჲ
Line: 68        განოჳპეს ერსა მას. ხოლო თქოჳენ ზეცისა ოჳფსკროჳლი განოჳ-
Line: 69        პეთ მორწმოჳნეთა ერსა და ასწავეთ სამებისა თავყოჳანის ცემაჲ:.

Line: 70     ოჳფსკროჳლსა სიბრძნისასა ჰხჳდოდე რაჲ. ნეტარო. შეოჳშფოთებე-
Line: 71        ლად განიცდიდ ღმრთეებისა ბოჳნებასა და ღირს იქმენ გამოთქოჳმად
Line: 72        სამებასა. ღმრთის მეტყოჳელო ბასილი. გოჳამითა თჳთებასა და სა-
Line: 73        კოჳთრებასა ერთსა და ამას მეცნიერ ჰყვენ ყოველნი:.

Line: 74     ბრწყინვალენი ჰნათობდით ნათლითა სამებისაჲთა ბნელსა მას შინა
Line: 75        წარმართთა მოძღოჳრებისასა და მცხინვარებაჲ სიტყოჳათა თქოჳენთაჲ
Line: 76        ცეცხლებრ შესწოჳვიდა კერპთ მსახოჳრებისა სიცბილსა. ღმრთის
Line: 77        მეტყოჳელნო ბასილი და გრიგოლი. ამისთჳსცა ღირსად იდიდებით:.
      Ⴃ̃ⴑ̃ⴁ̃ⴋⴍⴢ ⴖ̃ⴈ ⴘ̃:. Link to nevmir

         Ⴖ̃Ⴋ̃Ⴂ̃ႬႱႠ: Ⴈ̃ⴣ ⴋⴇ̃ⴅ̃ⴐⴈ ⴋⴘⴣ̃:. Link to nevmir

Line: 78     მთავართა მღდელობისათა შოჳრი აღიღე და შეოჳდეგ კოჳალსა თავ-
Line: 79        თა მოციქოჳლთასა და იტჳრთენ ქრისტეს ვნებანი ჴორცითა და
Line: 80        ჰსოჳფევ მის თანა. მღდელთ მთავარო ბასილი. რამეთოჳ შეჰზღოჳ-
Line: 81        დე შენ ეკლესიაჲ მოძღოჳრებითა შენითა. ნეტარო:.

Line: 82     შეჰკრიბე შენ სამწყსოჲ ქრისტეჲსა. განბნეოჳლი მჴეცთა მათ_გან
Line: 83        მწვალებელთასა. ღმერთ შემოსილო. რამეთოჳ დაოოჳყვენ პირნი
Line: 84        ოჳღმრთოთანი სიბრძნითა საღმრთოჲთა. რაჟამს ჰქადაგე სამებაჲ
Line: 85        თჳთებითა თჳსითა და ამხილე მგმობართა მათ ოჳშჯოჳლოვებაჲ
Line: 86        მათი:.

Line: 87     იხილენ რაჲ ჩოჳენებით მჴეცნი მძჳნვარენი. განმრყოჳნელნი შრომით
Line: 88        დანერგოჳლთა მათ საყოჳრძენთა. ნეტარო ბასილი. განემზადე ბრძო-
Line: 89        ლად. რამეთოჳ მოირთხენ კაპარჭნი მოძღოჳრებათანი სისრად ოჳცხო
Line: 90        თესლისა და დაამხოჳ ძლიერი იგი ისრითა სიტყჳსაჲთა:.

Line: 91     დაჰყარე მტერსა კრავი. კბენილი ოჳწყალოდ კბილთა მათ_გან წამლეან-
Page: 94  Line: 92        თა. და განაცხოველე. ვითარცა იერიქოჲსა წყლოჳლი. მჴსნელმან. \\
Line: 93        და კოჳალად განჰბანე ნაკადოჳლითა ცრემლთაჲთა შეგინებისა მის-
Line: 94        _გან ეშმაკთაჲსა და ქრისტესა წაროჳდგინე ცხოველი:.

Line: 95     განჰმარტე ჴელი შენი. ნეტარო. ცად მიმართ. და ჰაერთა ზჱ
Line: 96        ოჳბრძანე სოჳლთა ბოროტთა და მოსტაცე ოჳგარის ყოფისა იგი
Line: 97        ქარტაჲ. და განჰხეთქე. ვითარცა მჴსნელმან. ჯოჳარითა ანტაკრაჲ
Line: 98        ადამეანთაჲ და ეკლესიაჲ აღავსე საღმრთოჲთა სოჳლნელებითა:.
      ⴕⴄⴐⴍⴁⴈⴌⴇⴀⴂ̃ⴌ ⴋⴈ̃:. Link to nevmir

         Ⴖ̃Ⴖ̃ႲႷ̃ႱႠ:. Ⴈⴍⴌⴀ ⴃⴀⴌⴇⴕⴋⴍⴣⴊⴋ̃:. Link to nevmir

Line: 99     სწავლისა ოჳფსკროჳლი განაპე საღმრთოჲსა სოჳლისა მობერვითა.
Line: 100        ნეტარო ბასილი. ვითარცა მოსე. და ერი ღმრთისაჲ შეჰკრიბე
Line: 101        აღთქოჳმოჳლსა მას იეროჳსალჱმსა. რამეთოჳ ასწავე ოჳმეცართა
Line: 102        თავყოჳანის ცემაჲ სამებისა წმიდისაჲ:.

Line: 103     არაჲ ოჳგოჳლებელს ჰყავ ვედრებაჲ დედაკაცისა მის შეცოდებოჳლი-
Line: 104        საჲ. ნიტარო. ვითარცა მჴსნელმან მეძვისაჲ. და აღჰკოცე ჴელით
Line: 105        წერილი განსროჳლმან ჴორცთა_გან და ასწავე ყოველთა. ვითარმედ
Line: 106        ცხოველ ხარ ქრისტეს თანა. ბასილი:.

Line: 107     ჟამსა მიცვალებისა შენისასა ინებე მეორედ შობაჲ ჰოჳრიისაჲ მის.
Line: 108        რომელ გიყოჳარდა. და ოჳძლოჳრებასა შინა შეიმოსე ძალი და
Line: 109        არწმოჳნე ყოველთა. ვითარმედ ჴელგეწიფების ნეფსით განსლვად
Line: 110        და ქრისტეს თანა ყოფად:.

Line: 111     დაამტკიცე სიტყოჳაჲ სახარებისაჲ. რაჟამს არქოჳ მთასა მას. იცვა-
Line: 112        ლე ამიერ. რაჲთა ჰრწმენეს ოჳღმრთოთა ღმრთეებაჲ ქრისტეჲსი.
Line: 113        მყის გერჩდა მოშიშად. ვითარცა მონაჲ. და ოჳსოჳლომან ასწავა
Line: 114        ოჳრწმოჳნოთა მორჩილებაჲ შენი:.

Line: 115     მი-რაჲ-ჰხოჳედ. ნეტარო. საყოფლად ძმისა შენისა პეტრესა. განაცხა-
Line: 116        დენ საიდოჳმლონი დაფაროჳლნი სძლისა მის ოჳბიწოჲსანი. რაჟამს
Line: 117        ოჳბრძანე პყრობად ნაკოჳერცხალი ზეწრითა. ვითარცა მარწოჳხითა.
Line: 118        და ერსა ოჳჩოჳენე საკჳრველებაჲ:. Ⴁⴍⴣⴌⴄⴁⴀⴢ ⴃⴄ̃:. Link to nevmir

         Ⴉ̃Ⴞ̃ႰႱႱႠ:. Ⴗⴐⴋⴀⴌⴈ ⴜⴋⴈⴃⴀⴌⴈ ⴑⴀⴤⴍⴣⴋⴈⴊⴑⴀ ⴚⴄⴚ̃:. Link to nevmir

Line: 119     სახენი იგი. იგავით გამოსახოჳლნი პირველად მოსეს ზე მთასა სინა-
Page: 95  Line: 120        სა. შენ მიერ საცნაოჳრ იქმნნეს. ნეტარო. რამეთოჳ შეხოჳედ
Line: 121        ნისლსა მას შეოჳხებელსა და ისწავენ გამოოჳკოჳლეველნი საიდოჳმ-
Line: 122        ლონი სამებისანი. ბასილი. და ჰქადაგენ ერსა შორის:.

Line: 123     ვითარცა მოსე და აჰრონ განაკჳრვებდეს ფარაოს და დასცემდეს
Line: 124        ეგჳპტესა სასწაოჳლთა მოქმედებითა მით. ეგრეთვე ბასილი და გრიგოლი
Line: 125        განაქარვებდეს მოძღოჳრებასა მას ათენელთასა. ვითარცა იგი იანეს
Line: 126        და იამბრესსა. და სამებასა აქებდეს:.

Line: 127     ელიაჲს სახედ შოჳრითა საღმრთოჲთა ეგრებოდეთ და ოჳდაბნოჲ
Line: 128        გაქოჳნდა საშოჳებელად. ბასილი და გრიგოლი. ხოლო რაჟამს გერ-
Line: 129        წმოჳნა სამწყსოჲ ქრისტჱსი. ამხილებდით თქოჳენ მეფეთა მწვა-
Line: 130        ლებელთა ოჳშიშად და მღდელნი იგი სიცროჳვისანი დასცენით
Line: 131        მსგავსად ქოჳროჳმთა ბაალისთა:

Line: 132     ოჳშჯოჳლოჲ იგი. სილაღით მოქადოჳლი ივლიანე. მაღლით მივლი-
Line: 133        ნებითა მახჳლისაჲთა. მოსპე. ნეტარო. და კოჳალად ოჳფროჲსად
Line: 134        განძჳნებოჳლი ოჳშჯოჳლოჲ ველის მსგავსად მისა ოჳჩინო ჰქმენ.
Line: 135        ბასილი. და ეკლესიაჲ შეჰზღოჳდე საჭოჳრველითა მოძღოჳრებისა
Line: 136        შენისაჲთა:.

Line: 137     შჯოჳლის მდებელი ახლისა მჯოჳლისაჲ გამომჩნდი. ბრძენო. და
Line: 138        ოჳაღრეს მოსეჲსსა იქმენ. რამეთოჳ დასწერე მჯოჳლი არაჲ ფიცარ-
Line: 139        თა ქვისათა. ვითარცა პირველად მოსე. არამედ გოჳლსა მორწმოჳ-
Line: 140        ნეთასა. და მოციქოჳლებრ აღასროჳლე სრბაჲ და ჰქადაგე ქრისტე
Line: 141        ორითა ბოჳნებითა:. Ⴙ̃ⴌ ⴋⴍⴐⴜ̃:. Link to nevmir

         ႠႩ̃Ⴞ̃ႱႠ:. Ⴑⴀⴉⴣⴐⴅⴄⴊⴈ ⴃⴈ̃:. Link to nevmir

Line: 142     საღმრთოჲსა შოჳრისა ცეცხლი აღეგზნა თქოჳენ შორის. ბასილი და
Line: 143        გრიგოლი ნეტარნო. ოჳმძაფრეს. ოჳფროჲს საჴოჳმილსა მას ქალდე-
Line: 144        ველთასა და. ვითარცა ბრძმეთი. განადნობდა ოჳღმრთოვებისა სწავლა-
Line: 145        თა და განარჩეჴდა სიბრძნით. ვითარცა რაჲ ოქროჲ ბრპენისა_გან:

Line: 146     ჴმამან სიტყოჳათა თქოჳენთამან. ბასილი და გრიგოლი. ვითარცა
Line: 147        ოხრამან ნესტჳსამან. აღავსნა ყოველნი ცის კიდენი და დაადოჳმნა
Line: 148        პირნი ბილწთა მწვალებელთანი და შეამკვნა ეკლესიანი მართლ
Line: 149        აღსაარებითა სამებისაჲთა. რომელსა თავყოჳანის ვსცემთ:.

Page: 96 
Line: 150     ცნობაჲ თქოჳენი. ღმრთის მეტყოჳელნო. ოჳვრცელეს ცისა იქმნა.
Line: 151        რამეთოჳ დაიტია სამებაჲ და შეოჳძლო გამოთქოჳმად თჳთებაჲ და
Line: 152        საკოჳთრებაჲ და ჩოჳენ გოჳასწავა სამითა გოჳამითა ერთი ღმრთეე-
Line: 153        ბაჲ. რომელსა ვაკოჳრთხევთ ჩოჳენ და აღვამაღლებთ მას ოჳკოჳ-
Line: 154        ნისამდე:.

Line: 155     მამისა_გან გამოსროჳლი ოჳჟამოჲ სიტყოჳაჲ. ჟამიერად შობილი.
Line: 156        ჰქადაგეთ. ღირსნო. თანა სწორად მამისა. ბასილი და გრიგოლი.
Line: 157        ერთ ღმრთეებითა სოჳლისაჲთა და განაგდეთ ბილწი იგი მოძღოჳ-
Line: 158        რებაჲ არიოზისი და ჩოჳენ გოჳასწავეთ მართლ აღსაარებაჲ:.

Line: 159     შეოჳძლებელ არს კაცთა_გან ღირსად გამოთქოჳმად საკჳრველებათა
Line: 160        თქოჳენთა. ღმერთ შემოსილნო. რამეთოჳ. საღმრთოჲსა მის სოჳლი-
Line: 161        სა ძლიერებითა. ოჴხილავი არსებაჲ ღმრთეებისაჲ საანჯმნო ჰყავთ.
Line: 162        ბასილი და გრიგოლი. და აწ წინაშე მისსა მდგომარე ხართ:.
      Ⴂⴀⴌⴄⴚⴞⴀⴃⴀ ⴋⴍ̃:. Link to nevmir

         ႠႣ̃Ⴁ̃ႧႱႠ:. Ⴅⴄⴐ ⴘⴄⴋⴛⴊⴄ̃:. Link to nevmir

Line: 163     სიტყოჳამან შენმან. ღირსო ბასილი. კაცთა ბოჳნებისა საზღვარი
Line: 164        დაოჳტევა. რამეთოჳ ზეშთა აღამაღლე ცნობაჲ. ვითარცა იოვანე
Line: 165        ღმრთის მეტყოჳელმან. რამეთოჳ. მისგანვე სოჳლისა სიბრძნითა
Line: 166        აღვსებოჳლმან. ჰქადაგე ჯოჳარს ცოჴმოჳლი ღმრთად და კაცად. ორი-
Line: 167        თა ბოჳნებითა:.

Line: 168     აღიტაცე შენ ზეშთა სიმაღლედ. ვითარცა პავლე მოციქოჳლი. და
Line: 169        გამოოჳთქოჳმელთა სიტყოჳათა ღირს იქმენ სმენად და სიტყოჳამან
Line: 170        შენმან შეოჳძლო მოხილვაჲ ცისაჲ და განცდაჲ ოჳფსკროჳლთაჲ.
Line: 171        ვიდრემდის ჰპოვე საფასეჲ მოოჳკლებელი და მოართოჳ ეკლე-
Line: 172        სიასა:.

Line: 173     აღიღე. ბრძენო. მარცოჳალი იგი სარწმოჳნოვებისაჲ გონებასა და
Line: 174        აღასროჳლე სიტყოჳაჲ სახარებისაჲ. რაჟამს ოჳბრძანე მთასა მას
Line: 175        ცვალებად. რამეთოჳ სწორ პეტრესა იყავ შენ კლდე სარწმოჳნოვე-
Line: 176        ბისა. ბასილი. და ბრწყინვალედ განმანათლებელ სოჳლთა დაბნელე-
Line: 177        ბოჳლთა:.

Line: 178     მოგცა შენ ჴელმწიფებაჲ ქრისტემან. ვითარცა პეტრეს მოციქოჳლსა.
Page: 97  Line: 179        ცროჳთა განკითხვად. მსგავსად ანანიაჲსა და შაფირაჲსსა. ხოლო
Line: 180        მვედრებელთა აღჴოცად ცოდვათა. ვითარცა დედაკაცსა მას. რომე-
Line: 181        ლი ემსგავსა მეძავსა მას და დაალტობდა ცრემლითა ცხედარსა შენსა.
Line: 182        ბასილი:.

Line: 183     არაჲ გოჳაქოჳს სიტყოჳაჲ ღირსი ქებისაჲ. ხოლო შეოჳძლებელ
Line: 184        არს დოჳმილი. რამეთოჳ ჴსენებაჲ საკჳრველებათა შენთაჲ არს დღე-
Line: 185        სასწაოჳლისა კრებაჲ ესე. არამედ მოვედ აწ ჩოჳენდა. ნეტარო ბა-
Line: 186        სილი. და მომბერე. ჩოჳენ სოჳლისა მადლი. რაჲთა ღირსად გადი-
Line: 187        დებდეთ შენ:.

Line: 188     მომიტევე მე კადნიერებაჲ არა ღირსსა ამას. მამაო. და მიითოჳალე
Line: 189        ძღოჳენი ოჳღირსთა_გან ბაგეთა და განკოჳრნე წყლოჳლებაჲ ესე
Line: 190        სოჳლისაჲ. მკოჳრნალო განწიროჳლთაო. რამეთოჳ ჴელმწიფებაჲ
Line: 191        გაქოჳს მსგავსად მჴსნელისა. ბასილი. მოტევებად ცოდვათა:. Ⴃⴄ-
      ⴃⴀⴢ ⴕⴀⴊⴜⴍⴣ̃:. Link to nevmir

         ႠႵႤႡ̃ႱႠ:. Ⴁ̂ ⴂ̃ⴈ.: ⴑⴈⴒⴗⴍⴣⴀⴢ ⴍⴣⴑ:. ???

Line: 192     სიტყოჳაო მხოლოო. მხოლოდ შობილო. მხოლოჲსა მამისა თანა
Line: 193        მფლობელო და თანა განმგებელო სოჳლისა წმიდისაო. მჴსნელად
Line: 194        ჩოჳენდა მოხოჳედ. სახიერ. და გამოაბრწყინვენ შენ. მჴსნელო.
Line: 195        წმიდანი მღდელთ მოძღოჳარნი. ვითარცა რაჲ ვარსკოჳლავნი
Line: 196        სამყაროჲსანი. მნათობად ეკლესიათა. რომელთა განაქარვეს ბნელი
Line: 197        წვალებისაჲ ქოჳეყანით:.

Line: 198     სახელს გდებთ. ნეტარო. ძედ ქოჳხილისა. ღირსო ბასილი. ვითარცა
Line: 199        იგი იოვანე ღმრთის მეტყოჳელსა. რამეთოჳ ჰქოჳხდი. ბრძენო.
Line: 200        ჴმასა მზისა ოჳბრწყინვალესსა ნესტჳთა ენისაჲთა. რაჟამს ძალი
Line: 201        საღმრთოჲ დაადგრა შენ თანა. ღმერთ შემოსილო. და გამოჰბრ-
Line: 202        წყინდი მოქმედად სასწაოჳლთა. რომლითა ოჳრწმოჳნოთა ასწავე
Line: 203        მართალი სარწმოჳნოვებაჲ:.

Line: 204     სარწმოჳნოვებითა ჭეშმარიტითა და მტკიცითა მით სასოებითა ცრემ-
Line: 205        ლითა დაალტობდა რაჲ დედაკაცი ცოდვილი ფერჴთა შენთა. ბასი-
Line: 206        ლი ღირსო. სოჳლთქოჳმით გევედრებოდა. ეჰა განწიროჳლთა
Line: 207        მკოჳრნალო. რომელი ჴელმწიფე ხარ. მსგავსად მჴსნელისა. ცოდვა-
Page: 98  Line: 208        თა მოტევებად. აღჴოცე სიმრავლე ბრალთა ჩემთაჲ. ვითარცა
Line: 209        გაქოჳს კადნიერებაჲ:.

Line: 210     სამართლად გადიდა ღმერთმან მხოლომან. ღირსო ბასილი ღმერთ
Line: 211        შემოსილო. და მოგცა ჴელმწიფებაჲ ცოდვათა მიტევებად. მსგავ-
Line: 212        სად პეტრესა. რომლითაცა აღჰჴოცე ჴელით წერილი იგი ბრალთაჲ.
Line: 213        ცოდვილისა მის დედაკაცისაჲ. ვითარცა მჴსნელმან მეძვისაჲ.
Line: 214        შემდგომად სიკოჳდილისა შენისა და განსლვისა ჴორცთა_გან. ძალი-
Line: 215        თა მაცხოვარისაჲთა:.

Line: 216     საღმრთოჲთა შესხმითა შეამკო. ღირსო. ჴსენებაჲ შენი დიდმან გრი-
Line: 217        გოლი. ბასილი ღმერთ შემოსილო. რაჟამს მიიცვალე შენ. ბრძენო.
Line: 218        სიკოჳდილით ცხოველსა მას ნათელსა გამოოჳთქოჳმელსა. ჴმა ყო
Line: 219        ქებაჲ შენი. ნეტარო. ღმრთის მეტყოჳელითა ჴმითა და აწ ჴმა
Line: 220        მაღლად ოხრის კიდეთა ქოჳეყანისათა საჴსენებელსა შენსა:.
      Ⴜ̃ⴌ̃ⴜ̃ⴒⴗ̃ⴊⴇⴀ ⴕⴀⴃⴀⴂⴄⴁ̃ⴊⴈ:. Link to nevmir


Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.