TITUS
Sasuliero Poezia
Part No. 14
Previous part

Text: VII  

         [სხოვანი: გალობანი: წმიდისა: ბასილისნივე:.]

         ... Ⴍ̃Ⴂ̃Ⴊ̃Ⴁ̃ႧႱႠ:. ⴂⴀⴊⴍⴁⴀⴢ ⴘⴄⴅⴜⴈⴐⴍⴇ ⴋⴍ̃:. Link to nevmir

.: ႨႭႥႠႬႤ ႫႲႡ(Ⴄ)Ⴅ(Ⴀ)ႰႨ :.

Strophe: (1)  
Line: 1     საოჳნჯესა ღმრთისა სიბრძნისასა და სიმდიდრესა მადლისასა და
Line: 2        ეკლესიათა სამეოჳფოსა გჳრგჳნსა. მღდელთ მოძღოჳარსა ბასილის.
Line: 3        პატივვსცემდეთ. მორწმოჳნენო. და გალობით ღირსად ვადიდებდეთ:

Strophe: (2)  
Line: 4     სიღრმესა სიბრძნისა შენისასა ოჳხილავისა ფარავოჲსნი შეჰმოჳსრენ
Line: 5        ბრძოლანი. ვითარცა ეტლნი. ღირსო. ხოლო ერსა ქრისტესსა
Line: 6        წაროჳძეღოჳ გზასა წრფელსა მართლ მადიდებლობისასა. ღირსო:.

Strophe: (3)  
Line: 7     გარდაიცვალე მიცვალებითა ამიერ სოფლით ღმრთისა თანა და მოქა-
Line: 8        ლაქობაჲ მოგეცა ცათა შინა. საიდოჳმლოდ გამოშჩნდი. მეორეო
Line: 9        ენოჳქ ღირსო. და სათნო ეყავ ღმერთსა. ბასილი:.

Strophe: (4)  
Line: 10     ვითარცა კიდობანი. ეკლესიაჲ წყლით რღოჳნასა ოჳღმრთოთასა
Page: 99  Line: 11        შეოჳცთომელითა სარწმოჳნოვებითა შეჰმზადე და შეჰკრიბენ მორ-
Line: 12        წმოჳნენი მას შინა და ასწავე ქებაჲ სამებისაჲ:. Ⴂ̃ⴞ̃ⴌ ⴍⴣⴕⴍ̃:. Link to nevmir

         Ⴋ̃Ⴞ̃ႪႤႱႠ:. Ⴋⴍⴑⴄ ⴃⴈⴃⴋⴀⴌ ⴜ̃ⴌ̃ⴜ̃ⴒⴗ̃ⴊⴋ̃ⴌ ⴈⴞⴈ̃:. Link to nevmir

Strophe: (5)  
Line: 13     ვითარცა რაჲ ოჳბიწომან აბელ შეწირა ოჳფლისა მსხოჳერპლი ცხო-
Line: 14        ველი. ეგრეთვე შენ. ნეტარო. შესწირე თავი შენი მსხოჳერპლად
Line: 15        ოჳსისხლოდ ქრისტესა. ბასილი. და აწ. სოჳლითა ცხოველი. იხარებ
Line: 16        წინაშე მისსა:.

Strophe: (6)  
Line: 17     ვითარცა რაჲ მოსე. აჰჴედ. ღირსო. მთასა მას ღმრთის მეტყოჳელე-
Line: 18        ბისასა და. მსგავსად ბრწყინვალისა პირისა მისისა. განათლდა სოჳლი
Line: 19        შენი და ბნელსა მას შინა წვალებისასა ჰბრწყინევდი ნათლითა საც-
Line: 20        ნაოჳრითა:.

Strophe: (7)  
Line: 21     ვითარცა რაჲ ელია. აღეგზენ ცეცხლითა საღმრთოჲსა შოჳრისაჲთა
Line: 22        და შესწოჳენ წვალებისა იგი ეკალნი. ღმერთ შემოსილო. და ნაყო-
Line: 23        ფი საღმრთოჲ აღაყოჳავილე ცოჳარითა მოძღოჳრებისა შენისაჲთა:.

Strophe: (8)  
Line: 24     ვითარცა რაჲ პეტრე. იწოდე. ბრძენო. საფოჳძველ ეკლესიათა.
Line: 25        ბასილი. და პირ იქმენ ქრისტჱსა. ვითარცა ქადაგი წარმართთაჲ
Line: 26        პავლე. და. მსგავსად იოვანე ღმრთის მეტყოჳელისა. გეოჳწყნეს
Line: 27        საიდოჳმლონი დაფაროჳლნი:. ⴑⴈⴁⴐⴛⴌⴄ ⴁⴐ̃:. Link to nevmir

         Ⴂ̃ႬႻႪႨ̃ႱႠ:. Ⴂⴀⴌⴋⴀⴛⴊⴈⴄⴐⴄⴁⴄⴊ ⴋⴄⴕ̃:. Link to nevmir

Strophe: (9)  
Line: 28     სოჳლიერად ტაძრად ღმრთისა გამოშჩნდი. მამაო ღირსო. და აღე-
Line: 29        შეჲნე საფოჳძველსა ზედა მოციქოჳლთასა. ბასილი. ვითარცა
Line: 30        ოქროჲთა და ქვითა პატიოსანითა განჰბრწყინდი. ყოვლად ნეტარო:.

Strophe: (10)  
Line: 31     სამწყსოჲსა პირმეტყოჳელისა მწყემს იქმენ. ნეტარო. და გამოჰზარდენ
Line: 32        მეცნიერებით და მწვალებელნი იგი. ვითარცა მჴეცნი. განაბნიენ
Line: 33        კოჳერთხითა ენისა შენისაჲთა. ღირსო. ამის_თჳს გადიდებთ შენ:.

Strophe: (11)  
Line: 34     ხატ სიწმიდისა გამოშჩნდი ახალი იოსებ. ღირსო. საზრდელი
Line: 35        ოჳკოჳდავებისაჲ მიეც მორწმოჳნეთა. მართალი სარწმოჳნოვებაჲ.
Page: 100  Line: 36        რომლითაცა გამოჰზარდენ წმიდათა სოჳლნი სწავლითა შენითა:-

      Ⴗ̃ⴊⴇⴀ ⴃⴀⴋⴁⴀⴃⴄ̃:. Link to nevmir

         Ⴍ̃Ⴍ ႫႤႱႫ̃ႱႠ:. ⴋⴄⴑⴋⴀ ⴍ̃ⴍ ⴂⴀⴌⴂⴄ̃:. Link to nevmir

Strophe: (12)  
Line: 37     სიტყოჳათა შენთა ელვანი გამოოჳჩნდეს. ღმერთ შემოსილო. სო-
Line: 38        ფელსა და სოჳლისა ბრწყინვალებანი ნისლსა ცოდვისასა განიო-
Line: 39        ტებდეს:.

Strophe: (13)  
Line: 40     კიდობნად შჯოჳლისად გიცნობთ. რამეთოჳ სიტყოჳანი საღმრთონი
Line: 41        გქონან შენ. ვითარცა ფიცარნი ქვისანი. სავსენი სიბრძნითა სოჳ-
Line: 42        ლიერითა:.

Strophe: (14)  
Line: 43     დაოჳმკჳდრენ მორწმოჳნეთა მეცნიერებისა სწავლანი. ბასილი. და
Line: 44        მოსრენ ვნებათა საცთოჳრნი სიტყჳთა შენითა. ღმრთივ განბრძნობილო:.

      Ⴖ̃ⴈ ⴐ̃ⴈ ⴂⴣⴘ̃ⴅ:. Link to nevmir

         Ⴖ̃Ⴋ̃Ⴂ̃ႱႠ:. Ⴐⴀⴢⴑⴀⴇⴣⴑ ⴂ̃ⴌ̃:. Link to nevmir

Strophe: (15)  
Line: 45     ეკლესიაჲ ქრისტეჲსი განაშოჳენე სწავლითა მით შენითა საღმრთოჲ-
Line: 46        თა სახედ სამკაოჳლისა სამეოჳფოჲსა. ნეტარო ბასილი. და იქმენ
Line: 47        ჭეშმარიტად მკჳდრ ზეცისა სასოჳფეველისა და მოდასე მოციქოჳლთა
Line: 48        თანა:.

Strophe: (16)  
Line: 49     სათნოვებისა ხატად ჭეშმარიტად გამოშჩნდი. ბასილი. სიბრძნითა
Line: 50        მით სარწმოჳნოვებისაჲთა და საქმითა \\ მოღოჳაწებისაჲთა საღმრ-
Line: 51        თოჲთა. რომლითაცა განჰბრწყინდი. ვითარცა მთიები. სამყაროსა და
Line: 52        ჰნათობ სოფელსა:.

Strophe: (17)  
Line: 53     ენითა მით საღმრთოჲთა. ვითარცა შოჳრდოჳლითა შეთხზოჳლითა.
Line: 54        ნეტარო. ქრისტჱს სახარებითა დაამხოჳ არიოზის განდგომი-
Line: 55        ლებაჲ. ვითარცა დავით გოლიათი. და ჰქადაგე სამებაჲ. ბოჳნებით
Line: 56        სწორი. განოჳყოფელად:. ⴉⴀⴃⴌⴈⴄⴐⴄⴁⴀⴢ:. Link to nevmir

         Ⴖ̃Ⴖ̃ႲႷ̃ႥႱႠ:. Ⴅⴄⴘⴀⴎⴈⴑⴀ ⴋⴍⴣ̃:. Link to nevmir

Strophe: (18)  
Line: 57     განამრავლეს ღელეთა სიტყჳერი იფქლი სარწმოჳნოვებისაჲ თესვითა
Line: 58        სიტყოჳათა შენთაჲთა. ღმერთ შემოსილო. და აქებენ ღირსად დღე-
Line: 59        სასწაოჳლსა შენსა:.

Page: 101 
Line: 60     სამებისა ვედრებითა. ბასილი. ცეცხლი სარწმოჳნოვებისაჲ აღაგზენ.
Line: 61        ვითარცა ელია. და მღდელნი სიცროჳვისანი განჰსდევნენ. ვითარცა
Line: 62        ქოჳროჳმნი ბაალისნი:.

Strophe: (19)  
Line: 63     ტყოჳილისა სიმწარენი. ვითარცა ოჳშვილონი წყალნი. ღირსო. მად-
Line: 64        ლისა მარილითა დაატკბენ და ჰქადაგე მართლ აღსაარებაჲ სამებისა
Line: 65        წმიდისაჲ:. ⴑⴀⴘⴍⴢ ⴘⴄⴌⴈ ⴕⴀⴊ̃:. Link to nevmir

         Ⴉ̃Ⴞ̃ႰႱႱႠ:. Ⴘ̃ⴌ ⴐ̃ⴌ ⴗⴐⴋⴀⴌⴈ ⴑⴀⴤⴍⴣ̃:. Link to nevmir

Strophe: (20)  
Line: 66     შენ. რომელმან გამოაჩინე ღირსი ბასილი მწყემსად და განმანათლე-
Line: 67        ბელად მორწმოჳნეთა. კოჳრთხ[ეოჳლ ხარ]:.

Strophe: (21)  
Line: 68     შენ. რომელმანცა განახოჳენ ზეცისა საიდოჳმლონი და წყაროჲ მადლისაჲ
Line: 69        აღმოაცენე სწავლითა. ბრძენო. ყოველნი მორწმოჳნენი გადიდებთ:.

Strophe: (22)  
Line: 70     არაჲ ჰმსახოჳრე ხატსა გმობისასა და სიქადოჳლი მძლავრთაჲ შეოჳ-
Line: 71        რაცხ ჰყავ. ბასილი ღირსო. და მგმობართა მათ დაოჳყვენ პირნი.
Line: 72        ღმერთ შემოსილო:. Ⴛⴈⴑⴀ ⴇⴀⴌⴀ ⴋⴀ̃:. Link to nevmir

         ႠႩ̃Ⴞ̃ႧႱႠ:. ⴋⴇⴀⴑⴀ ⴆ̃ⴀ ⴋⴍⴑⴄⴑ:. Link to nevmir

Strophe: (23)  
Line: 73     რომელმანცა ენითა ოჳძლოჳრითა. ვითარცაღა ლამპრითა ცეცხლისაჲ-
Line: 74        თა. შეწოჳნა ეკალნი გმობისანი სოჳლისა წმიდისა მადლითა.
Line: 75        მღდელთ მოძღოჳარსა ბასილის ყოველნი ვაკოჳრთხევთ:.

Strophe: (24)  
Line: 76     რომელმანცა მორწმოჳნეთა მიჰმადლა ყოჳდროვებაჲ მართლ მადიდებ-
Line: 77        ლობისაჲ სწავლითა საღმრთოჲთა და ოჳღმრთოვებისა ქარნი დაა-
Line: 78        ყოჳდნა. ყოველნი ვაკოჳრთხევთ სოფლისა მნათობსა. დიდსა ბა-
Line: 79        სილის:.

Strophe: (25)  
Line: 80     რომელმანცა მიანიჭნა კლიტენი სასოჳფეველისა ცათაჲსანი ბასილის.
Line: 81        ვითარცა ეკლესიათა თავსა და ბრძენთა მთავარსა. ქრისტესა
Line: 82        ვაკოჳრთხევდეთ ოჳკოჳნისამდე:.

Strophe: (26)  
Line: 83     რომელმანცა მადლითა სოჳლისაჲთა ძედ ქოჳხილის ოჳწოდა და
Line: 84        მეგობრად თჳსა და თანა მოდასედ მოციქოჳლთა ნეტარსა ბასილის.
Line: 85        ქრისტესა ვაკოჳრთხევთ ოჳკოჳნისამდე:. Ⴐ̃ⴌⴚⴀ ⴀⴌⴂⴄ̃:. Link to nevmir

         ႠႣ̃Ⴁ̃ႧႱႠ:. Ⴐ̃ⴌ ⴜⴈⴌⴀⴢⴑⴜⴀⴐ ⴋⴍ̃:. Link to nevmir

Strophe: (27)  
Line: 86     რტოდ ვენაჴისა საღმრთოჲსა გამოშჩნდი შენ. ბასილი. სათნოვებისა
Page: 102  Line: 87        ტევანნი გამოიხოჳენ. მამაო. და ღჳნოჲ გოჳლისხმის ყოფისაჲ ასოჳ
Line: 88        სამწყსოთა ქრისტეჲსთა. ყოვლად ნეტარო:.

Strophe: (28)  
Line: 89     სახილველთა ზეცისათა აღიტაცე. ბასილი. და სამოთხისაჲ იხილე
Line: 90        შოჳენიერებაჲ. ღირსო. და ჭოჳრად სიწმიდისად გამოშჩნდი. ვი-
Line: 91        თარცა ქადაგი წარმართთაჲ პავლე:.

Strophe: (29)  
Line: 92     სიტყოჳაჲ შენი ოჳზეშთაეს მზისთოჳალისა განბრწყინდა. რაჟამს
Line: 93        განაწესე. ღირსო. კანონი მონაზონთაჲ. განსდევნენ ღროჳბელნი
Line: 94        ცოდვისანი და გოჳახარე კოჳალად ცხოვრებაჲ ცრემლითა:. Ⴘ̃ⴌ
Line: 95        ⴕ̃ⴊⴜ̃ⴊⴍ ⴂⴄⴕ̃:. Link to nevmir

Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.