TITUS
Sasuliero Poezia
Part No. 17
Previous part

Text: X  


            თთოჳესა იანვარსა: კ̂გ :......


            .....დასდებელნი: წმიდისა მოწამისა: კლიმისნი:.
            [ქ.. თქოჳმოჳლნი: ღმერთშემოსილისა: იოვანე:
            მტბევარ: ეპისკოპოსისანი:. *]

         Ⴍ̃Ⴍ Ⴖ̃Ⴖ̃ႲႷ̃ႥႱႠ:. ⴤ̃ⴢ Ⴁ̂ ⴂ̃ⴈ:. ⴃⴀⴑⴀⴁⴀⴋⴀⴃ
         ⴕⴋⴌⴀ:. ???

Strophe: (1)  
Line: 1     ვითარცა ზეთისხილი მსხმოჲ ყოვლად ნაყოფიერი. სახლსა შინა
Line: 2        ღმრთისასა მდგომარე იყავ. ღირსო. წარსადინელსა წყალთა მათ
Line: 3        ცხოველთა ქრისტეს მცნებათასა და ირწყვებოდი მათ მიერ. კლიმი.
Line: 4        და გამოიღე შენ ყოჳავილი სოჳლნელი შოჳენიერი და გეტჳრთა ნა-
Line: 5        ყოფი მოღოჳაწებისაჲ. ღმერთშემოსილო. და სოჳლნელ ჰყავ სო-
Page: 121  Line: 6        ფელი ღოჳაწლითა შენითა. მჴნეო. და აღსძრენ მორწმოჳნენი შემ-
Line: 7        კობად ღოჳაწლთა შენთა:.

Strophe: (2)  
Line: 8     ვითარცა სამოთხესა ღმრთისასა შოჳენიერი ნერგი. ედემეანი. ყოჳავილ-
Line: 9        გარდაფენილი. აღმოსცენდი შენ ღელეთა მათ შინა ქრისტეს მცნე-
Line: 10        ბათასა. სავსე არაჲთოჳ ნაყოფითა მით. რომლისა ოჳრჩებით ადამის
Line: 11        მიერ სიკოჳდილი სოფლად შემოჴდა. არამედ ოჳკოჳდავისა მის
Line: 12        ცხოვრებისა სასოვებითა. რომლისა თჳსცა ქრისტეს თანა ივნე და
Line: 13        მოჰკოჳედ მის_თჳს და მის თანა ჰსოჳფევ. კლიმი. სასოჳფეველსა:.

Strophe: (3)  
Line: 14     ვითარცა შოჳენიერმან ვაზმან. შესწირენ ღმრთისა ტევანნი სოჳლი-
Line: 15        ერნი. კრებოჳლი მოწამეთა. ქრისტეს მჴედართაჲ. და აღმოგჳცენე.
Line: 16        მღდელთ მოძღოჳარო კლიმი. სასოჳმელი ტკბილი ოჳკოჳდავებისაჲ
Line: 17        და გოჳასჳ ჩოჳენ ღჳნოჲ გოჳლისხმის ყოფისაჲ. მახარებელი გოჳ-
Line: 18        ლისაჲ. ოჳკოჳდავმყოფელი სოჳლისაჲ და მომცემელი ნეტარები-
Line: 19        საჲ. რომლისა თჳსცა აწ ოჳმეტეს ჰყოჳავი ედემს შინა და სოფელსა
Line: 20        აღავსებ საღმრთოჲთა სოჳლნელებითა:. ⴑⴈⴁⴐⴛⴌⴄ ⴋⴈ:. ???

         Ⴍ̃Ⴂ̃Ⴊ̃Ⴁ̃ႱႠ:. ⴆⴖ̃ⴢ ⴋⴄⴜⴀ̃:. Link to nevmir

Strophe: (4)  
Line: 21     საჴსენებელსა მოწამეთასა მოვედით. ქრისტეშემოსილნო ერნო. და
Line: 22        განვახოჳნეთ საცნობელნი სოჳლთანი. რაჲთა. აღვსებოჳლნი მადლითა.
Line: 23        განვემზადნეთ ღირსებით დღესასწაოჳლობად და გალობად სიმჴნეთა
Line: 24        ღოჳაწლთა მათთასა:.

Strophe: (5)  
Line: 25     რტოდ ვენაჴისა ჭეშმარიტისა აღმოსცენდი ნერგი სიწმიდისაჲ.
Line: 26        კლიმი. რომლისა მოქმედ არს თავადი მამაჲ ძით და სოჳლით წმი-
Line: 27        დითოჳრთ. ღირსო. რომლითა გამოიხოჳენ ტევანნი საღმრთონი და
Line: 28        შესწირენ მსხოჳერპლად ღმრთისა. ნეტარო:.

Strophe: (6)  
Line: 29     სახელისაებრ წოდებოჳლისა იპოვე შენ განსროჳლებოჳლი საქმითა. რამე-
Line: 30        თოჳ სასოჳმელი ვენაჴისა მის. რომელ იწნიხა ჯოჳარსა ზედა. მის
Line: 31        მიერ აღვსებოჳლმან. ოჳწდიე წარმართთა და წაროჳდგინენ მსხოჳერ-
Line: 32        პლად ცხოველად ქრისტესა:.

Strophe: (7)  
Line: 33     მღდელთ მოძღოჳრებისა მადლითა, ღირსო. შეიმკვე და მოწამებისა
Line: 34        სისხლითა განაშოჳენე ეკლესიაჲ ვითარცა ძოწეოჳლითა. მოღოჳა-
Page: 122  Line: 35        წეო. რამეთოჳ ოჳზეშთაეს კაცთა ბოჳნებისა აღემატა მოთმინებაჲ
Line: 36        სიმჴნეთა შენთაჲ:.

Strophe: (8)  
Line: 37     ვერ შემძლებელ არს ღირსად გამოთქოჳმად ბოჳნებაჲ კაცობრივი სა-
Line: 38        შინელსა მას სიმჴნესა ღოჳაწლთა შენთასა. ნეტარო. რამეთოჳ ვი-
Line: 39        თარცა ოჳჴორცოჲ ერეოდე ჴორცითა და მოაოჳძლოჳრე ყოველივე
Line: 40        ძალი მტერისაჲ. ღოჳაწლისა მძლეო:. Ⴘⴍⴁⴈⴊⴋⴀⴌ ⴘⴄⴌⴂⴀⴌ ⴗ̃:. Link to nevmir

         Ⴋ̃Ⴞ̃ႪႤႱႠ:. Ⴘ̃ⴌ ⴖ̃ⴈ ⴄⴙⴍⴣⴄⴌⴄ ⴖⴐⴍⴣⴁ̃:. Link to nevmir

Strophe: (9)  
Line: 41     შეგშოჳრდა, ნეტარო, შოჳრი აბელ მართლისაჲ, კლიმი და შესწირე
Line: 42        მსხოჳერპლი ოჳბიწოჲ. თავი შენი. ქრისტესა და აწ მის თანა ჰსოჳ-
Line: 43        ფევ. ღოჳაწლისა მძლეო:.

Strophe: (10)  
Line: 44     ოჳკოჳდავისა ღმრთისა იწოდე მეგობრად. ნეტარო. და მაღალი იგი
Line: 45        შეიწყნარე. ვითარცა აბრაჰამმან. და ისაკის წილ შესწირე მსხოჳერ-
Line: 46        პლად თავი შენი:.

Strophe: (11)  
Line: 47     მღდელ იქმენ მაღლისა და მსგავსად მელქიზედეკისა დაჰკალ თავი
Line: 48        შენი. ნეტარო. და შესწირე. ვითარცა ძღოჳენი სამეოჳფოჲ. ყოველთა
Line: 49        მეოჳფისა:.

Strophe: (12)  
Line: 50     სოჳლისა თოჳალითა იხილე ოჳხილავი ღმერთი და განჰბრწყინდი
Line: 51        საღმრთოჲთა ნათლითა. ვითარცა პირველ მოსე. და აწ სოჳლითა
Line: 52        ჰნათობ სასოჳფეველსა:.

Strophe: (13)  
Line: 53     განიცადე. მჴნეო. სიმრავლითა განსაცდელთაჲთა და ვითარცა იობ გან-
Line: 54        ჰბრწყინდი ახოვნად დათმენითა და ღმრთისა კეთილად მადლობითა.
Line: 55        ღირსო კლიმი:. Ⴘ̃ⴌ ⴂⴄⴑⴀⴅⴇ ⴑⴀⴋⴄⴁⴀⴍ:. Link to nevmir

         Ⴂ̃ႬႻႪႨ̃ႱႠ:. ⴑⴀⴋⴄⴁⴀⴍ ⴜ̃ⴍ:. Link to nevmir

Strophe: (14)  
Line: 56     სარწმოჳნოვებითა სამებისაჲთა შეიჭოჳრე სიყრმით_გან. ნეტარო
Line: 57        მღდელთ მოძღოჳარო კლიმი. და ესრეთ განემზადე შენ წყობად მე-
Line: 58        ფეთა ოჳშჯოჳლოთა და მძლე ექმენ. რამეთოჳ შეეყავ ქრისტესა და
Line: 59        ღირს იქმენ სასოჳფეველსა:.

Strophe: (15)  
Line: 60     შოჳრი პავლეჲსი შეგშოჳრდა. ნეტარო, და კროჳლებათა შინა ჰშვენ
Line: 61        კრებოჳლნი მოწამეთანი. და შესწირენ ქრისტეს მეოჳფისა. ვითარცა
Line: 62        რაჲ ვაზმან შოჳენიერმან. ტევანნი სოჳლიერნი. რომელთა შორის
Line: 63        ჰბრწყინავ სასოჳფეველსა:.

Page: 123 
Line: 64     დაცვოჳლ იქმენ. ნეტარო. ქრისტეს მიერ. აღათანგელოზ. რაჟამს
Line: 65        მოწყჳდნეს სოჳლიერნი ძმანი შენნი ოჳშჯოჳლოთა მათ. რამეთოჳ
Line: 66        ოჳზეშთაესნი გელოდეს ღოჳაწლნი. რომლითა ქალაქითი ქალაქად
Line: 67        განგამჴნობდა შენ მღდელი საღმრთოჲ:.

Strophe: (16)  
Line: 68     ჰრბიოდე მოძღოჳრისა თანა შენისა გზასა წამებისასა. ვითარცა შვი-
Line: 69        ლი საყოჳარელი. ტიმოთე მოციქოჳლისა თანა აღათანგელოზ. და
Line: 70        მის თანავე შესჳ სასოჳმელი ქრისტეს ვნებათაჲ და აწ ჰსოჳფევ სა-
Line: 71        სოჳფეველსა:.

Strophe: (17)  
Line: 72     ზებედეს ძეთა დედასა ემსგავსა მშობელი შენი. ღირსო. და ითხოვ-
Line: 73        და შენ_თჳს დაჯდომად მათ თანავე. რამეთოჳ ოჳწყოდა. ვითარმედ
Line: 74        ძალს გიც შესოჳმად სასოჳმელი ქრისტეს ვნებათაჲ და ნათლის
Line: 75        ღებაჲ.. რომლითა იდიდო მის თანა:. Ⴉⴈⴁⴄⴃ ⴈⴀⴉⴍⴁⴈⴑⴀⴃ
      ⴈⴜⴍⴃⴄ:. Link to nevmir

         Ⴍ̃Ⴍ ႫႤႱႫ̃ႱႠ:. Ⴐ̃ⴟ̃ⴑ ⴜ̃ⴌ̃ⴜ̃ⴒⴗⴍⴣⴄⴊⴋⴀⴌ ⴈⴞⴈ̃:. Link to nevmir

Strophe: (18)  
Line: 76     რაჟამს იგი მიითოჳალე საყდარი მამათ მთავრობისაჲ. ღირსო. ვითარცა
Line: 77        სარწმოჳნომან მნემან განამრავლე შენ სამწყსოჲ საცხოვართა პირ-
Line: 78        მეტყოჳელთაჲ. რამეთოჳ განაძღენ მშიერნი საზრდელითა მით. პოჳ-
Line: 79        რისა მის ზეცით მოსროჳლისაჲთა:.

Strophe: (19)  
Line: 80     რაჟამს იხილე საცთოჳრი ოჳშჯოჳლოთაჲ. მომსრველი ქრისტეს
Line: 81        სამწყსოთაჲ. ნეტარო კლიმი. განეწყვე ბრძოლად. ვითარცა ახოვანი.
Line: 82        და მძლე ექმენ ძალითა მით ოჳძლეველისა ჯოჳარისაჲთა. ღირსო.
Line: 83        და გჳრგჳნოსან იქმენ სასოჳფეველსა:.

Strophe: (20)  
Line: 84     რაჟამს გიხილა მშობელმან შენმან. ნეტარო მღდელთ მოძღოჳარო
Line: 85        კლიმი. რამეთოჳ მღდელ მაღლისა წოდებად ხარ. ვითარცა მოსე და
Line: 86        აჰრონ სამოელის თანა. წინაჲსწარმეტყოჳელა შენ_თჳს. ვითარმედ.
Line: 87        ყრმაო. გეწოდოს მოწამედ ოჳფლისა:.

Strophe: (21)  
Line: 88     რაჟამს იხილა ნეტარმან აღათანგელე საშინელი იგი სიმჴნე ღოჳაწ-
Line: 89        ლისა შენისაჲ. ნეტარო კლიმი. აღეგზნა შოჳრითა მით წამები-
Line: 90        საჲთა. შეგიდგა ვითარცა ცხოვარი მწყემსსა და მისცა თავი თჳსი
Line: 91        დაკლვად ქრისტეს_თჳს:.

Strophe: (22)  
Line: 92     რაჟამს იხილა მძლავრმან მან ოჳძლეველობაჲ შენი. ახოვანო. იზრახა
Line: 93        წარგზავნაჲ შენი ჰრომედ ოჳღმრთოთა მათ მიმართ მეფეთა. რამე-
Page: 124  Line: 94        თოჳ ჰგონებდა მათ მიერ ძლევასა შენსა. ხოლო შენ მძლე ექმენ
Line: 95        და ოჳძლოჳრ ჰყავ ძალი მისი:. Ⴜⴈⴌⴀⴢⴑⴜⴀⴐⴅⴄ ⴂⴀ̃:. Link to nevmir

         Ⴖ̃ႫႨ̃Ⴂ̃ႱႠ:. Ⴘ̃ⴌⴃⴀ ⴀⴖⴅⴈⴋⴑⴇⴍⴁⴇ ⴐ̃ⴌ ⴜ̃:. Link to nevmir

Strophe: (23)  
Line: 96     შენ. რომელმანცა თავს ისხენ ქრისტეს_თჳს ოჳრიცხოჳნი ვნებანი
Line: 97        და შესჳ სასოჳმელი იგი ვნებათა მისთაჲ. მომიჴსენენ ჩოჳენ.
Line: 98        რომელნი ვდღესასწაოჳლობთ დღესაწაოჳლსა თქოჳენსა. ნეტარნო:.

Strophe: (24)  
Line: 99     გემსგავსა. ღირსო. ვითარცა კეთილი შვილი. და გეზიარა ღოჳაწლთა
Line: 100        მოთმინებითა აღათანგელოზ. და შენ თანავე ღირს იქმნა შესლვად
Line: 101        სასოჳფეველსა. რომლისაცა გსოჳროდა. ღირსო:.

Strophe: (25)  
Line: 102     ცხედარსა ზედა ცეცხლებრ მჴოჳრვალესა მწოლარენი. ალითა შემო-
Line: 103        სილნი. ნეტარნო. ღირსიქმნენით [თ]ქოჳენ ხილვად საღმრთოთა ჩოჳენე-
Line: 104        ბათა და ოჳვნებელად დაცვოჳლთა ჰქადაგეთ ყოველთა მჴსნელი:.

Strophe: (26)  
Line: 105     ოჳრმის თოჳალსა მას საშინელსა ზედა ძლიერად ჰქადაგე ქრისტე.
Line: 106        მღდელთ მოძღოჳარო კლიმი. და შეოჳრაცხ ჰყავ შიში ოშჯოჳლოთა
Line: 107        მძლავრთაჲ და შემოჰკრიბე კრებოჳლი მარტჳლთაჲ მსხოჳერპლად
Line: 108        ქრისტჱსა:. Ⴃⴀⴠⴤⴑⴌⴃⴀ ⴋⴒⴄⴐⴍⴁⴀⴢ ⴎⴈⴐ̃:. Link to nevmir

         Ⴖ̃Ⴖ̃ႲႷ̃ႥႱႠ:. ⴋⴍⴣⴚⴊⴀⴃ-ⴈⴖⴍ ⴈⴍⴌⴀ:. Link to nevmir

Strophe: (27)  
Line: 109     ანკჳრიით აღმოსცენდი ნერგი ოჳბიწოჲ და განირთხენ შენ რტონი
Line: 110        ვიდრე ჰრომედმდე. რამეთოჳ მირჰბიოდე. ვითარცა იგი პავლე. ქა-
Line: 111        ლაქითი ქალაქად. ნეტარო. და მოიმოწაფებდ ყოველთა წარმართთა
Line: 112        და წაროჳდგინებდ ქრისტესა ღმერთსა:.

Strophe: (28)  
Line: 113     ვითარცა რაჲ სარეფთელი ქოჳრივი ღირს იქმნა გამოზრდად პირველ
Line: 114        წინაჲსწარმეტყოჳელსა დიდსა ელია თეზბიტელსა. ეგრეთვე სოფია
Line: 115        ღირსმან აღზარდა სამღდელოჲ იგი ნერგი კლიმი და მიიღო მან
Line: 116        ნაყოფი იგი მრჩობლი მღდელთ მოძღოჳრებისა და მოწამებისაჲ:.

Strophe: (29)  
Line: 117     შოჳრი იგი კეთილი შეშოჳრდა დედისა მაკაბელთაჲსაჲ მშობელსა შენ-
Line: 118        სა. ნეტარო. და წარგადგინა მსხოჳერპლად პირველ დაკლვისა და
Line: 119        ამბორს გიყოფდა ვნებადთა მათ ასოთა ვითარცა ვნებოჳლთა. რა-
Line: 120        მეთოჳ წინაჲსწარმეტყოჳელებდა ყოფადთა მათ:.

Page: 125 
Line: 121     საფასეთა წარმავალთაჲ ბრძანა დაგებად წინაშე შენსა. ქრისტეს მო-
Line: 122        წამეო კლიმი. და ეგრეთვე მახჳლთა აღლესოჳლთა. რაჲთამცა მით
Line: 123        შეაძრწოჳნა გონებაჲ შენი. ხოლო შენ შეჰრაცხე ცეცხლი და მახჳლი
Line: 124        სამოსლად შენდა ოჳფროჲს პორფირისა:.

Strophe: (30)  
Line: 125     მოოჳძლოჳრდა ყოველი ძალი ოჳღმრთოთა მათ კერპთ მსახოჳრთაჲ.
Line: 126        რამეთოჳ განსძლიერდით ძალისა_გან მაღლისა. კლემე და აღათანგე-
Line: 127        ლე. და ზეშთა ექმნენით ბოჳნებასა კაცობრივსა. ღირსნო. და
Line: 128        იზარდებოდეთ საზრდელითა ზეცით მოცემოჳლითა:. ⴋⴍⴣⴚⴊⴀⴃ-
      -ⴈⴖⴄ:. Link to nevmir

         Ⴉ̃Ⴞ̃ႰႱ̃Ⴀ:. Ⴑⴀⴋⴌⴈ ⴈⴂⴈ ⴗⴐⴋⴀⴌⴈ ⴒⴐ̃:. Link to nevmir

Strophe: (31)  
Line: 129     ოჳზეშთაეს იპოვენით ბაბილოვნისა ყრმათა სასწაოჳლთა საქმითა.
Line: 130        კლიმი და აღათანგელე. რამეთოჳ არაჲთოჳ ცეცხლსა ხოლო სძლეთ.
Line: 131        არამედ ყოველთა ღონეთა მტერისათა მძლე ექმნენით ძალითა ოჳძ-
Line: 132        ლეველითა:.

Strophe: (32)  
Line: 133     დასაბამი ღოჳაწლთა შენთაჲ არს. ნეტარო კლიმი. ქალაქი იგი შენი
Line: 134        ანკჳრიაჲ და იგივე არს აღსასროჳლი სრბისა შენისაჲ. ვინაჲცა იგი
Line: 135        გჳრგჳნი ძლევისაჲ მიიღე მარჯოჳენისა_გან მაღლისა და ჰსოჳფევ
Line: 136        სასოჳფეველსა:.

Strophe: (33)  
Line: 137     აღასროჳლე რაჲ. ნეტარო. შეწირვაჲ მსხოჳერპლისაჲ მის საოჳფ-
Line: 138        ლოჲსაჲ. შესწირე თავიცა შენი მსხოჳერპლად სათნოდ და სისხლი-
Line: 139        თა მით შენითა განჰზავე სისხლი იგი საოჳფლოჲ და წარსდეგ
Line: 140        გჳრგჳნოსანი წინაშე ქრისტჱსა. ღმერთშემოსილო:.

Strophe: (34)  
Line: 141     სახე იყვნეს ქერობინთა. ნეტარო მღდელთ მოძღოჳარო. ორნი იგი
Line: 142        დიაკონნი. რომელნი დგეს შენ თანა. ღირსო. საღმრთოსა მას შე-
Line: 143        წირვასა და მიიღეს რაჲ მათ ნიჭი იგი. შეწირნეს თავნი თჳსნი
Line: 144        მსხოჳერპლად წმიდად და სროჳლ იქმნნეს წამებითა:. ⴋⴄⴍⴞ ⴋⴄ-
      ⴗⴅⴄ:. ???

Strophe: (35)  
Line: 145     ჭეშმარიტად ემსგავსების ბერწობაჲ სოფიაჲსი წარმართთა ეკლესიასა.
Line: 146        რამეთოჳ ესე იქმნა დღეს შვილმრავალ შენ მიერ. ღირსო მღდელთ
Line: 147        მოძღოჳარო. და შეიმკო ბრწყინვალედ. რამეთოჳ ჰმსახოჳრებდა ნა-
Line: 148        წილთა თქოჳენთა და აწ თქოჳენ თანა იხარებს:. ⴑⴛⴀⴊⴑⴀ ⴜ̃ⴑⴀ:. Link to nevmir

         ႠႩ̃Ⴞ̃ႱႠ:. Ⴚⴄⴚⴞⴊⴈ ⴘⴣⴃ ⴜⴈⴊ:. ???

Page: 126 
Line: 149     [ა]ნკჳრიაჲ მიემსგავსა ჰრომესა. რამეთოჳ მან შეიწყნარნა თავნი მო-
Line: 150        ციქოჳლთანი და იკოჳრთხა სისხლითა მით მათითა. ხოლო ამან
Line: 151        გამოიღო ვაზი. რომლისა რტონი მისნი. სავსენი ნაყოფითა ტკბი-
Line: 152        ლითა. ჰქონან საზრდელად შვილთა თჳსთა მარადის:.

Strophe: (36)  
Line: 153     იხარებს ღირსად ქალაქი ანკჳრიაჲ დღეს და მოოჳწესს ყოველთა
Line: 154        კრებოჳლთა მორწმოჳნეთასა ღირსად და დღესასწაოჳლობენ დღესას-
Line: 155        წაოჳლსა თქოჳენსა. ნეტარნო. მღდელთ მოძღოჳარო კლიმი და აღათ-
Line: 156        ანგელოზ ღირსო. და სიხაროჳლით აკოჳრთხევენ ქრისტესა ღმერთსა:.

Strophe: (37)  
Line: 157     გოჳნდი ყრმათა ოჳბიწოთაჲ. რომელნი აღჰზარდენ. ნეტარო მღდელთ
Line: 158        მოძღოჳარო. სროჳლქმნოჳლნი წამებისა ღოჳაწლითა. შენ თანა
Line: 159        მოსროჳლნი დღეს დღესასწაოჳლსა შენსა წმიდასა. ოჳფროჲსად
Line: 160        შეამკობენ ტაძარსა შენსა. ღირსო. და მორწმოჳნეთა განოჳყოფენ
Line: 161        ნიჭთა საღმრთოთა:.

Strophe: (38)  
Line: 162     შჳდ გზისათა მით ტანჯვითა. შჳდ გზის ბრწყინვალითა გჳრგჳნითა,
Line: 163        შეიმკვე. სამების მქადაგებელო კლიმი. და განამრავლენ შენ კრე-
Line: 164        ბოჳლნი მოწამეთანი. ღირსო. რომელთა შორის ჰბრწყინავ აწ ვი-
Line: 165        თარცა მთიები. მომიჴსენენ ჩოჳენ. მგალობელნი შენნი. წმიდაო:.

Strophe: (39)  
Line: 166     მღდელთა კრებოჳლი იხარებს და მეფენი ძრწოლით მოვლენ თავყოჳა-
Line: 167        ნის ცემად ნაწილთა შენთა დიდებოჳლთა დღეს. და ერი მორწმოჳ-
Line: 168        ნეთაჲ საღმრთოჲთა გალობითა შეამკობენ და ანგელოზთა გოჳნდნი
Line: 169        ჩოჳენ თანავე აქებენ დღესასწაოჳლსა შენსა. ნეტარო მღდელთ მო-
Line: 170        ძღოჳარო:. Ⴚⴞⴍⴅⴐⴄⴁⴀⴢ ⴚ̃:. 557?

         ႠႣ̃ႡႣ̃ႱႠ:. Ⴌⴍⴣ ⴋⴒⴈⴐ ⴋⴄ ⴃⴄ̃:. Link to nevmir

Strophe: (40)  
Line: 171     ჟამსა ოდენ სიყრმისასა გამოჰბრწყინდი. მადლითა სროჳლქმნოჳლი
Line: 172        მღდელობითა. და მიერვე იწყე მორბედებად ღოჳაწლსა მოწამებისასა
Line: 173        და განაგრძვე შენ ღოჳაწლი. ვიდრემდის მიიწიე ასპარეზსა მას
Line: 174        ზედა ძლევისასა. ღირსო:.

Strophe: (41)  
Line: 175     განაკჳრვენ გონებანი ოჳშჯოჳლოთა მძლავრთანი. რაჟამს მოაოჳძლოჳ-
Line: 176        რე სიმძაფრე სატანჯველთა და არად შეჰრაცხე ცეცხლი და მახჳლი.
Line: 177        რამეთოჳ ქრისტე გაქოჳნდა სიქადოჳლად. ნეტარო. და ოჳტკბილეს
Line: 178        თაფლისა წმიდანი მისნი მცნებანი:.

Strophe: (42)  
Line: 179     დეოკლიტიანეს მიერ და მაქსიმიანესა. ოჳღმრთოთა მათ მეფეთა. და
Page: 127  Line: 180        მეგობართაა მათთა ეშმაკისა მსახოჳრთა. მრავალფერითა მით სა-
Line: 181        ტანჯველთა ღონითა დაისაჯე. ნეტარო კლიმი. და მძლედ გამოშჩნ-
Line: 182        დი და გჳრგჳნოსან იქმენ:.

Strophe: (43)  
Line: 183     შეიღება სისხლითა მით შენითა, მღდელთ მოძღოჳარო. საღმრთოჲ
Line: 184        იგი ტრაპეზი. და შეეზავა სისხლი საოჳფლოსა მას სისხლსა. და
Line: 185        ზიარ იქმენ შენ ვნებათა მჴსნელისათა და განცხოველებოჳლი ჰსოჳ-
Line: 186        ფევ მის თანა. კლიმი. აწ სასოჳფეველსა:.

Strophe: (44)  
Line: 187     მომიჴსენენით ჩოჳენცა. მოწამენო ქრისტესნო. და შეიწირეთ ღირსად
Line: 188        ოჳძლოჳრი ესე შესხმაჲ. და ითხოვეთ ჩოჳენ_თჳს შენდობაჲ ცოდ-
Line: 189        ვათაჲ და ძლევაჲ მტერთა მიმართ მეფეთა მორწმოჳნეთა. რომელნი
Line: 190        სიხაროჳლით აქებენ ღოჳაწლთა თქოჳენთა:. Ⴈⴇⴞⴍⴅⴀ ⴖ̃ⴇⴈ̃:. Link to nevmir

         ႠႵႤႡႣ̃ႱႠ:. ⴑⴈⴒⴗ̃ⴢ ⴍⴣⴑⴞⴊⴍ:. ???

Strophe: (45)  
Line: 191     ჭეშმარიტი ვაზი რქაშოჳენიერი ქრისტეს ვენაჴსა აღმოსცენდი.
Line: 192        კლიმი. რომელმანცა გამოიხოჳენ ტევანნი შოჳენიერნი. გოჳნდნი
Line: 193        იგი მოწამეთანჲ. რომელთა ნეფსით თჳსით თავნი თჳსნი შეწირნეს
Line: 194        მსხოჳერპლად. რომელთა შორისა ჰბრწყინავ სასოჳფეველსა. მღდელთ
Line: 195        მოძღოჳართა სიქადოჳლო. ჩოჳენ. სამწყსოთა შენთა_თჳს. გჳთხოვე
Line: 196        ქრისტეს_გან დიდი წყალობაჲ:.

Strophe: (46)  
Line: 197     ჭოჳრად სიწმიდისად გამოშჩნდი. ღირსო. რამეთოჳ გეტჳრთა შენ
Line: 198        საფასეჲ იგი ღმრთეებისა სიმდიდრეთაჲ სიყრმით განვე. ნეტარო.
Line: 199        რომლისა თჳსცა სიხაროჳლით ძლიერად ეწყვებოდე მძლავრთა ოჳღმრ-
Line: 200        თოთა სიმრავლესა. ვითარცა ახოვანი და შეოჳრაცხ ჰყავ სიმრავ-
Line: 201        ლეჲ სატანჯველთა მათ ოჳრიცხოჳთაჲ და გჳრგჳნოსან იქმენ სა-
Line: 202        სოჳფეველსა:.

Strophe: (47)  
Line: 203     ემსგავსე შოჳრსა მას პავლესსა. ნეტარო. და კროჳლებათა მათ შინა
Line: 204        ჰშვენ კრებოჳლნი მოწაფეთა ქრისტესთანი. რომელთა შორის
Line: 205        ჰბრწყინავ მსგავსად ონოსიმესსა ღირსო. და ყოლად შოჳენიერი
Line: 206        აღათანგელოზ. რომელმანცა შენ თანავე შეოჳძლო შესოჳმად სასოჳმე-
Line: 207        ლი. რომელი აღოჳთქოჳა მჴსნელმან მეგობართა თჳსთა. და აწ მათ
Line: 208        თანა ჰსოჳფევ სასოჳფეველსა:. Ⴜ̃ⴌ̃ⴜ̃ⴒⴗ̃ⴊⴇⴀ ⴕⴀⴃⴀⴂⴄⴁ̃ⴊⴈ:. Link to nevmir


Page: 128 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.