TITUS
Sasuliero Poezia
Part No. 20
Previous part

Text: XIII  


               თთოჳესა იანვარსა: კ̂ ჱ:


            ჴსენებაჲ: წმიდათა: და ღმერთშემოსილთა: ყოველთა:
            მამათა: მეთჳდაბნოეთაჲ: რომელნი ქრისტეს_თჳს
            სოფლით: განეშოვრნეს:.....


            ....სხოჳანი დასდებელნი ღმერთშემოსილთა მამათა-
            ნი იოვანე მტბევარ ეპისკოპოსისანი:.

         Ⴍ̃Ⴍ Ⴖ̃Ⴖ̃Ⴗ̃ႱႠ:. Ⴐ̃ⴈ ⴍⴣⴞⴈⴊⴀⴅ ⴞⴀⴐ:. ⴤ̃ⴢ: Ⴀ̂ : ???

Strophe: (1)  
Line: 1     რომელთა ყოველნივე იგი მცნებანი მჴსნელისანი ოჳბიწოვებით აღას-
Line: 2        როჳლნეს და ოჳმეტეს განამრავლეს სიბრძნით მოღოჳაწებითა ტა-
Line: 3        ლანტი მოცემოჳლი მათა ღმრთისა მიერ. რამეთოჳ მოიძოჳლეს
Line: 4        ყოველივე სოფლისაჲ და თავნიცა თჳსნი მამათა. რომელთა_თჳს
Line: 5        დღეს დღესასწაოჳლობენ სიმრავლეჲ მორწმოჳნეთაჲ და ანგელოზ-
Line: 6        თა წესნი მათ თანავე აქებენ ღირსად და შეამკობენ საღმრთოჲთა
Line: 7        გალობითა:.

Strophe: (2)  
Line: 8     სროჳლიად ნეტარებაჲ აღთქოჳმისაებრ ქრისტეს ოჳფლისა დაიმკჳდ-
Line: 9        რეთ. ნეტარნო მამანო. რამეთოჳ ათნი მცნებანი ძოჳელისა და ახ-
Line: 10        ლისა შჯოჳლისანი ოჳდაბნოს მოღოჳაწებისა შრომითა ოჳბიწოდ
Line: 11        აღასროჳლენით და მრჩობლი გჳრგჳნი მოიგეთ მარჯოჳენისა_გან
Line: 12        ღმრთისა და შორის განწყობილსა ორთა მათ ბანაკთასა ანგელოზთა
Line: 13        კრებოჳლსა და გოჳნდსა თანა მოციქოჳლთასა ჰსოჳფევთ. ღირსნო.
Line: 14        ზეცისა დიდებასა:.

Strophe: (3)  
Line: 15     სიგლახაკე სოჳლისაჲ და მგლოვარებაჲ გონებისაჲ. ვითარცა იგი
Line: 16        გიბრძანა მჴსნელმან ნეტარებათა მათ შინა. სიმშჳდე და მშჳდობის
Line: 17        მოყოჳარებაჲ. სიწმიდეჲ გოჳლისაჲ და მოწყალებაჲ. დევნოჳლებაჲ
Line: 18        სიმართლისა_თჳს და რაჲთა თავს იდვათ ყოველი სიტყოჳაჲ ბო-
Line: 19        როტი მის_თჳს. რომელმან ივნო ჩოჳენ_თჳს. ყოველი აღასროჳ-
Line: 20        ლეთ. მამანო სანატრელნო. ამის_თჳს გიხაროდენ. რამეთოჳ სასყი-
Line: 21        დელი თქოჳენი განდიდნა ზეცას:. Ⴐ̃ⴈ ⴍⴣⴞⴈⴊⴀⴅ ⴀⴐⴑ:. ???

Page: 137 
         Ⴍ̃Ⴂ̃Ⴊ̃Ⴁ̃ႱႠ:. Ⴁⴍⴣⴌⴄⴁⴀⴢ ⴈⴂⴈ ⴋⴃⴈ̃:. Link to nevmir

Strophe: (4)  
Line: 22     სიბრძნეჲ სოჳლისაჲ და განათლებაჲ გონებისა თოჳალთაჲ მომეც.
Line: 23        ქრისტე მეოჳფეო. და აღაღე პირი ჩემი. რაჲთა ოჳგალობდე ღირ-
Line: 24        სად დღესასწაოჳლსა წმიდათა მამათასა და შევამკობდე ღირსად
Line: 25        შრომათა მათთა მარადის გალობითა საღმრთოჲთა:.

Strophe: (5)  
Line: 26     მარხვითა ჴორცნი მოაკოჳდინენით და ლოცვითა გონებანი განსწმი-
Line: 27        დენით. ღირსნო. და მთავარი ბნელისაჲ მოღოჳაწებისა შრომითა
Line: 28        მოაოჳძლოჳრეთ. მამანო. და ოჳდაბნოს დამკჳდრებითა ზეცად აღ-
Line: 29        სლვაჲ მოიგეთ და სასოჳფეველსა მკჳდრ იქმნენით:.

Strophe: (6)  
Line: 30     მოქალაქობაჲ ანგელოზებრი ქოჳეყანასა ზედა. ღირსნო. ჴორცითა
Line: 31        აღასროჳლეთ და ზეცისა სოჳფევაჲ ოჳხილავი დაიმკჳდრეთ და ოჳს-
Line: 32        ხეოჳლოთა თანა მდგომარე ხართ წინაშე ღმრთისა. მომიჴსენენით
Line: 33        ჩოჳენცა. რომელნი მარადის გადიდებთ:.

Strophe: (7)  
Line: 34     ოჳდაბნოს მყოფნი იხარებენ დღეს. საღმრთოჲთა მით მოძღოჳრებითა
Line: 35        თქოჳენ მიერ განსწავლოჳლნი. მამანო სანატრელნო. რამეთოჳ
Line: 36        თქოჳენ ოჳხილავად მოსროჳლნი განაძლიერებთ მოწაფეთა თქოჳენ-
Line: 37        თა ბრძოლასა სოჳლთა ოჳხილავთასა და იჴსნით მათ განსაცდელთა-
Line: 38        _გან:. Ⴃ̃ⴁ̃ⴃⴄⴁⴍⴣⴊⴇⴀ ⴚ̃:. Link to nevmir

         Ⴋ̃Ⴞ̃ႪႤ̃ {!}:. Ⴇⴀⴅⴑⴀ ⴜⴈⴂⴌⴇⴀⴑⴀ:. Link to nevmir

Strophe: (8)  
Line: 39     მთასა მაღალსა სათნოვებათასა აჰჴედით. ღირსნო. და ღმრთის მხილ-
Line: 40        ველისა თანა იხილეთ ღმერთი თოჳალითა სოჳლისაჲთა. მამანო.
Line: 41        სძლეთ სოფელსა და სოფლის მპყრობელსა ბნელსა და ისწავენით
Line: 42        მცნებანი საღმრთოჲსა შჯოჳლისანი და აღასროჳლენით იგი სროჳ-
Line: 43        ლებით:.

Strophe: (9)  
Line: 44     ცეცხლი საღმრთოჲსა შოჳრისაჲ საცნაოჳრი აღეტყინა გონებასა
Line: 45        თქოჳენსა. ღმერთშემოსილნო. და ვითარცა ელია თეზბიტელი
Line: 46        აღჰმჴედრდით სათნოვებისა ეტლთა ზედა და მით მიიწიენით ადგილსა
Line: 47        მას საწადელსა \\ და აწ სოჳფევთ. მამანო. ჴორცითა სწორად ოჳჴორ-
Line: 48        ცოთასა:.

Strophe: (10)  
Line: 49     აღჰმაღლდით ზეშთა სიმაღლესა სამყაროსა ცათასა ფრთითა სიმდაბ-
Line: 50        ლისაჲთა. ღირსნო მამანო. და იხილეთ ოჳხილავი ღმრთეებაჲ გო-
Page: 138  Line: 51        ნებისა თოჳალითა და ეზრახენით სიწმიდითა სოჳლისაჲთა მაღალსა
Line: 52        მას მეოჳფესა და აწ ოჳმეტეს ჰხედავთ ცხოველსა მას ნათელსა
Line: 53        სამებისასა:. Ⴀⴠⴀ ⴄⴑⴄⴐⴀ ⴑ̃:. Link to nevmir

         Ⴂ̃ႬႻႪႨ̃ႱႠ:. Ⴗ̃ⴊⴈⴑⴀ ⴋⴎⴗ̃:. Link to nevmir

Strophe: (11)  
Line: 54     ღირსად მოღოჳაწებითა და ძლიერად დათმენითა განსაცდელთაჲთა
Line: 55        ვნებათა სძლეს და მთავარი ბნელისაჲ მოაოჳძლოჳრეს ღირსთა მამა-
Line: 56        თა და ქოჳეყანით ზეცისა ოჳჴორცოთა თანა ღირს იქმნნეს სოჳ-
Line: 57        ფევად:.

Strophe: (12)  
Line: 58     ყოველთავე საფრჴეთა მაცთოჳრისათა ოჳრიდად წინააღოჳდეგით.
Line: 59        მამანო. სასოვებისა მის_თჳს ოჳხილავისა მოლოდებითა. რომელსა
Line: 60        ღირს იქმნენით მოღებად მარჯოჳენისა_გან მაღლისა:.

Strophe: (13)  
Line: 61     მარხვისა მოთმინებითა და ლოცვითა ძლიერად გოჳლის თქოჳმათა
Line: 62        ალი დაშრიტეთ. ხოლო დაყოჳდებისა შრომითა ოჳსხეოჳლოთა თანა
Line: 63        მდგომარე ხართ. მამანო. მგალობლად სამებისა მაღალთა შინა:.
      Ⴚⴀⴇⴀ ⴍⴣⴅⴐⴚⴄⴊⴄⴑⴀⴃ:. Link to nevmir

         Ⴍ̃Ⴍ ႫႤႱႫ̃ႱႠ:. Ⴈⴂⴀⴅⴋⴀⴌ ⴜ̃ⴌ̃ⴜ̃ⴒⴗ̃ⴊ̃:. Link to nevmir

Strophe: (14)  
Line: 64     სიგლახაკჱ სოჳლისაჲ აღიღეს მცნებისა მისებრ მჴსნელისა ღირსთა
Line: 65        მამათა და ჯოჳარი. ევლტოდეს სოფელსა და სოფლის მპყრობელ-
Line: 66        სა მაცთოჳრსა. შეოჳდგეს მაცხოვარსა და ღირს იქმნნეს ქრისტჱს
Line: 67        თანა შესლვად ზეცისა სოჳფევასა:.

Strophe: (15)  
Line: 68     ჭოჳრ იქმნენით სოჳლისა წმიდისა. მამანო. და გეტჳრთა თქოჳენ
Line: 69        სიმდიდრეჲ მოოჳკლებელი საოჳნჯეთა მათ_გან სამებისათა და გა-
Line: 70        ნოჳყოფდით მოწაფეთა თქოჳენთა სამეოჳფოთა მათ მარგალიტთა.
Line: 71        მცნებათა მჴსნელისათა:.

Strophe: (16)  
Line: 72     ბრძოლასა მტერთასა მჴნე იქმნნეს ღირსნი მამანი ნიშითა ჯოჳარი-
Line: 73        საჲთა და დათრგოჳნეს მზაკოჳვარებაჲ მისი ლოცვითა და მღჳძარე-
Line: 74        ბითა და ოჳჴორცოთა თანა გჳრგჳნოსან იქმნნეს და მეოხ არიან
Line: 75        სოჳლთა ჩოჳენთა_თჳს:. Ⴛⴍⴣⴄⴊⴈ ⴘⴟⴍⴣⴊⴈ ⴘ̃:. Link to nevmir

         Ⴖ̃ႫႨ̃Ⴂ̃ႬႱႠ:. Ⴁⴐⴜⴗⴈⴌⴅⴀⴊⴄⴃ ⴘⴍⴣⴄ̃:. Link to nevmir

Strophe: (17)  
Line: 76     ღირსთა შენთა. ქრისტე. აღიღეს ჯოჳარი შენი და შეოჳდგეს მცნე-
Page: 139  Line: 77        ბათა შენთა. მოიძოჳლეს სოფელი და მძლედ გამოჩნდეს ბრძოლასა
Line: 78        ზედა სოჳლთა ოჳხილავთასა და დასცეს მთავარი იგი ბნელისაჲ
Line: 79        და ღირს იქმნნეს სოჳფევად ზეცისა სასოჳფეველსა:.

Strophe: (18)  
Line: 80     შფოთთა სოფლისათა ევლტოდეთ. ღირსნო მამანო. და ოჳდაბნოჲ
Line: 81        დაიმკჳდრეთ. რამეთოჳ მიჰბაძევდით ცხოვრებასა მას ელიაჲსსა და
Line: 82        შოჳრსა იოვანესსა. და ანგელოზებრი აღასროჳლეთ ცხოვრებაჲ და
Line: 83        ქსოჳფევთ მათ თანა ოჳკოჳნისამდე:.

Strophe: (19)  
Line: 84     არაჲ აქოჳნდა საყოფლად მათა ქალაქი სოფელსა ამას ღირსთა მამათა.
Line: 85        ამის თჳსცა განვიდეს ოჳდაბნოდ. რაჲთა ყოჳედრებაჲ იგი ქრისტეჲ-
Line: 86        სი დაითმინონ. რამეთოჳ განეწყვნეს ბრძოლად მთავარსა ბნელისასა
Line: 87        და დათრგოჳნეს ყოველი ძალი მისი:. ⴑⴈⴕⴀⴃⴍⴣⴊⴍ ⴋⴍ̃:. Link to nevmir

         Ⴖ̃Ⴖ̃ႲႷ̃ႥႱႠ:. Ⴚⴍⴣⴃ ⴈⴕⴋⴌⴀ ⴑⴈ̃:. Link to nevmir

Strophe: (20)  
Line: 88     შრომითა მარხვისაჲთა, სმიჴნითა და მღჳძარებითა ჴორცნი მოიკოჳ-
Line: 89        დინნეს ღირსთა მამათა. რამეთოჳ ვნებანი დაიმონნეს და ოჳჴორცო-
Line: 90        თა თანა ზეცად აღამაღლეს ბოჳნებაჲ განცდად სამებისა დიდებასა.
Line: 91        ამის_თჳს მათ თანა სოჳფევენ:.

Strophe: (21)  
Line: 92     ჴორცნი მიწისაგანნი ძლიერად მოთმინებითა განსაცდელთაჲთა ნეტარ-
Line: 93        თა მამათა დაიმორჩილნეს და სამებისა დამტევნელ ყვეს ოჳძლოჳრი
Line: 94        გოჳამი. რამეთოჳ შეცვალეს მათ ოჳხრწნელებად მოკოჳდავი ბოჳნებაჲ
Line: 95        და ზეცად აღამაღლეს სოჳფევად საოჳკოჳნოდ:.

Strophe: (22)  
Line: 96     შეოჳრაცხ ყვეს სოფლისა დიდებაჲ ღირსთა მამათა და აღირჩიეს
Line: 97        ცხოვრებაჲ ანგელოზებრი. რამეთოჳ მოიძოჳლნეს მათ ჴორცნი. ვი-
Line: 98        თარცა ამცნო მაცხოვარმან. რაჲთა ცხოვრებად საოჳკოჳნოდ დაჰმარ-
Line: 99        ხნენ იგი ზეცისა დიდებასა:. Ⴚⴄⴚⴞⴊⴋ̃ⴌ ⴖ̃:. Link to nevmir

         Ⴉ̃Ⴞ̃ႰႱ̃Ⴀ:. Ⴂⴍⴣⴊⴈⴑ-ⴜ̃:. Link to nevmir

Strophe: (23)  
Line: 100     ვითარცა ოდესმე ბაბილონს საჴოჳმილი ცოჳარად შეცვალეს ყრმათა
Line: 101        სიონით წარტყოჳენოჳლთა. ეგრეთვე თქოჳენ. ნეტარნო. დაშრიტეთ
Page: 140  Line: 102        ალი იგი ოჳღმრთოვებისაჲ. რამეთოჳ. ვითარცა ღროჳბელთა. ზე-
Line: 103        ცით მოიღეთ ცოჳარი სოჳლისა წმიდისაჲ და კაცთა აცოჳრიეთ
Line: 104        ოჳხრწნელებისა მადლი. მამანო სანატრელნო:.

Strophe: (24)  
Line: 105     ცეცხლი საღმრთოჲსა შოჳრისაჲ რაჲ აღეტყინა გოჳლსა შინა თქოჳენ-
Line: 106        სა. მამანო სანატრელნო. სოჳლითა ძლიერითა აღვსებოჳლთა
Line: 107        შესწოჳენით ოჳღმრთოვებისა ეკალნი. ვითარცა იგი ელია სამნი \\
Line: 108        ერგასისნი მივლინებოჳლნი. და ვნებათა სენნი მოსწყჳდენით. ვი-
Line: 109        თარცა ქოჳროჳმნი ბაალისნი:.

Strophe: (25)  
Line: 110     გალობაჲ სამებისაჲ გაქოჳნდა მოოჳკლებელად. რომელი იგი ისწავა
Line: 111        ესაია ქერობინთა_გან პირველ. და სამთა ყრმათა შოჳრი. ღირსნო
Line: 112        მამანო. თქოჳენდაცა მოივლინა დამცველად. ვითარცა იგი მათა.
Line: 113        რომელმანცა შეგახო ბაგეთა და აღგავსნა სოჳლითა საღმრთოჲსა
Line: 114        სიბრძნისაჲთა:. ⴑⴀⴋⴄⴁⴀⴑⴀ ⴄ̃:. Link to nevmir

         ႠႩ̃Ⴞ̃ႱႠ:. ⴑⴈⴁⴐⴛⴌⴈⴇ ⴑⴈ:. ???

Strophe: (26)  
Line: 115     სიბრძნითა საღმრთოჲთა. მამანო. აღივსენით რაჲ. შეოჳრაცხ ჰყავთ
Line: 116        სოფლისა საშოჳებელი და ყოველსა ოჳწოდეთ ნაგევად. რაჲთა
Line: 117        ქრისტჱ შეიძინოთ. ამის თჳსცა ივლტოდეთ კაცთა_გან და შესცვა-
Line: 118        ლეთ ხრწნილებაჲ ოჳხრწნელებად ემბაზითა მით ცრემლთაჲთა და
Line: 119        ესრეთ ჴმა ჰყავთ. გაკოჳრთხევთ. ქრისტჱ. შენ ოჳკოჳნისამდე:.

Strophe: (27)  
Line: 120     ცხოვრებაჲ ანგელოზებრივი ქოჳეყანასა ზედა აჩოჳენეთ. რამეთოჳ
Line: 121        ზროჳნვაჲ ჴორცთაჲ ყოველი დაოჳტევეთ და ვითარცა ოჳჴორცო-
Line: 122        თა ჴორცითა ბრძოლასა მტერთა ოჳხილავთასა მძლე ექმნენით და
Line: 123        დაამჴჳთ ყოველი ძალი მაცთოჳრთა ეშმაკთაჲ. მამანო. და სიხაროჳ-
Line: 124        ლით ჴმა ჰყავთ. გაკოჳრთხევთ. ქრისტე. შენ ოჳკოჳნისამდე:.

Strophe: (28)  
Line: 125     ბანაკი გალობის მეტყოჳელთაჲ დღესასწაოჳლობს სიხაროჳლით და
Line: 126        ზეცისა ძალნი ჩოჳენ თანა აქებენ ღირსად დღესასწაოჳლსა თქოჳენ-
Line: 127        სა. მამანო. და კიდენი სოფლისანი ოხრიან სიმრავლესა სასწაოჳლთა
Line: 128        თქოჳენთასა და ოჳზეშთაეს განშოჳენდებიან ჴმანი მგალობელთანი
Line: 129        ქებად სამებისა წმიდისა აწ და ოჳკოჳნისამდე:. Ⴚⴞⴍⴅⴐⴄⴁⴈⴑⴀ
      ⴑⴀⴑⴍⴃ:. 764?

Page: 141 
         ႠႣ̃ႡႣ̃ႱႠ:. Ⴛⴊⴄⴍⴣⴊ ⴈⴕⴋⴌⴌⴄⴑ ⴁⴍⴣⴌⴄⴁⴀⴌⴈ:. ???

Strophe: (29)  
Line: 130     შჯოჳლის მდებელ მესამედ იწოდენით. სამებისა მქადაგებელნო. და
Line: 131        წინაჲსწარმეტყოჳელთა და მოციქოჳლთა თანამოდასე ხართ. მამანო
Line: 132        ღმერთშემოსილნო. რამეთოჳ შეჰკრიბეთ სამწყსოჲ პირმეტყოჳელი
Line: 133        და წაროჳდგინეთ მსხოჳერპლად სამებასა:.

Strophe: (30)  
Line: 134     მღდელ იქმნენით ღმრთისა მაღლისა. ღირსნო. და საკოჳერთხად
Line: 135        შესწირენით სოჳლნი და ჴორცნი თქოჳენნი ქრისტეს მეოჳფისა
Line: 136        ბრძმეთსა მას შინა გოჳამთა თქოჳენთასა. მამანო. და შეგიწყნარნა
Line: 137        ცეცხლმან ღმრთეებისამან შინაგან წმიდასა მას წმიდათასა:.

Strophe: (31)  
Line: 138     განსცხოველდით სოჳლითა ძლიერითა. რამეთოჳ მოაკოჳდინენით
Line: 139        ვნებანი ჴორცთანი. მამანო. რამეთოჳ ოჳდაბნოჲ გაქოჳნდა საშოჳებე-
Line: 140        ლად ვითარცა იგი იოვანეს. სინანოჳლისა ქადაგსა. და მის თანა
Line: 141        ჰსოჳფევთ სასოჳფეველსა:.

Strophe: (32)  
Line: 142     მოოჳძლოჳრდა ბოჳნებაჲ კაცობრივი და ვერ შემძლებელ არს ენაჲ
Line: 143        ღირსად ქებასა თქოჳენსა. არამედ შეიწირეთ ოჳღირსთა_გან ბაგეთა
Line: 144        ოჳძლოჳრი შესხმაჲ და მითხოვეთ ჩოჳენ ქრისტეს_გან მოტევებაჲ
Line: 145        ცოდვათა ჩოჳენთაჲ. რომელნი გადიდებთ თქოჳენ:. Ⴃ̃ⴁ̃ⴊⴍ
      ⴖ̃ⴇⴈⴑ-ⴋ̃:. ???

         ႠႵႤႡႣ̃ႱႠ:. Ⴁ̂ : Ⴖⴈⴐⴑⴍ ⴋⴀⴋⴀⴍ ⴅ̃ⴀ ⴋⴃⴈ:. ???

Strophe: (33)  
Line: 146     ღირსნო მამანო. ვითარცა მთიებნი რაჲ ჰნათობენ სამყაროსა ცათასა.
Line: 147        ეგრეთვე თქოჳენცა გამოჰბრწყინდით სივრცესა შინა ოჳდაბნოჲსასა
Line: 148        და ბრძოლასა სოჳლთა ოჳხილავთასა მჴნე იქმნენით. ნეტარნო. და
Line: 149        მოწამეთა თანა გჳრგჳნოსანნი. ჰსოჳფევთ აწ სასოჳფეველსა. მეოხ
Line: 150        გოჳეყვენით ჩოჳენ. მაქებელთა თქოჳენთა დღეს. ცხოვრებისა_თჳს
Line: 151        სოჳლთა ჩოჳენთაჲსა:.

Strophe: (34)  
Line: 152     ღირსნო მამანო. აღიღეთ თქოჳენ მოსწრაფედ ოჳღელი ტკბილი
Line: 153        სიჭაპოჳკით_გან თქოჳენით და შეოჳდეგით კოჳალსა მაცხოვრისასა
Line: 154        და იტჳრთენით ვნებანი მისნი ჴორცთა შინა თქოჳენთა. ამის_თჳს
Line: 155        ცხოვრებაჲცა იგი იესოჳჲსი განცხადნა თქოჳენ შორის. რაჟამს ვნე-
Line: 156        ბათა ძლევითა გჳრგჳნი მოღოჳაწებისაჲ მოიგეთ. ღირსნო. და
Line: 157        ქრისტეს თანა ჰსოჳფევთ მარადის:.

Strophe: (35)  
Line: 158     ღირსნო მამანო. იწროჲსა მის_გან გზისა და საჭირველისა ღირს
Page: 142  Line: 159        იქმნენით მიწევნად ფართოვებასა მას ზეცისა სასოჳფეველისასა.
Line: 160        რამეთოჳ ოჳვარ ჰყავთ ცხოვრებაჲ ესე წარმავალი ქრისტჱს_თჳს
Line: 161        და ივლტოდეთ საცთოჳრთა_გან სოფლისათა. და აწ გჳრგჳნშემო-
Line: 162        სილნი იხარებთ განწყობილთა შორის ზეცისათა წინაშე სამებისა.
Line: 163        ნეტარნო:.

         Ⴋ̃Ⴞ ႫႤႷႥႤႬႨႧ Ⴜ̃ႬႭ:.

Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.