TITUS
Sasuliero Poezia
Part No. 19
Previous part

Text: XII  


            თთოჳესა იანვარსა: კ̂ზ :


         ჴსენებაჲ: წმიდისა: და ღმერთშემოსილისა: დიდისა:
         მღდელთ მთავრისა: იოვანე ოქროპირისა: კოსტან-
         ტინეპოვლელ მამათ მთავრისაჲ:.

         Ⴍ̃Ⴍ Ⴖ̃Ⴖ̃ႲႷ̃ႥႱႠ:.....

         .....ႱႾ̃ႬႨ: ႫႲႡႤႥႰႨႱႠ ⴇⴕⴍⴣⴋⴍⴣⴊⴌⴈ:. ⴤ̃ⴢ
         Ⴃ̂ . ⴂ̃ⴈ:.

         ⴋⴇⴀⴑⴀ ⴇⴀⴁⴍⴐⴑⴀ:. ???

Strophe: (1)  
Line: 1     გამოოჳთქოჳმელისა მის სიბრძნისა საღმრთოჲსა სიმდიდრენი მეც-
Line: 2        ნიერებისანი ვითარცა ოჳფსკროჳლისა_გან აღმოივსენ. ნეტარო. და
Line: 3        განოჳყავ ერსა მართლმადიდებლობისა საფასე და განამხიაროჳლენ
Line: 4        გოჳლნი მორწმოჳნეთანი. ხოლო ოჳრწმოჳნოთა მათ მგმობართანი
Line: 5        დაანთქენ სიღრმესა ოჳფსკროჳლსა სწავლათა შენთასა. ვინაჲცა სიმ-
Line: 6        ტკიცედ სარწმოჳნოვებისა გამოშჩნდი. იოვანე. და მქადაგებელ სამე-
Line: 7        ბისა. რომლითა დაოჳყვენ პირნი მწვალებელთანი. და აწ მეოხ გოჳე-
Line: 8        ყავ ჩოჳენ. შემსხმელთა შენთა. წმიდაო:.

Strophe: (2)  
Line: 9     მღდელთ მოძღოჳრებისა სროჳლებად გამოშჩნდი. ღირსო. და გან-
Line: 10        შოჳენდი ქრისტეს ეკლესიასა. მღდელთ მოძღოჳარო იოვანე. და
Line: 11        სათნოდ ქცევითა საოჳნჯე მადლისა იქმენ და სიტყჳთა შენითა ოქ-
Page: 135  Line: 12        რეანითა ოქრეან ჰყვენ მორწმოჳნეთა სოჳლნი და მგმობართა მათ
Line: 13        გარეგანსთხიენ სწავლანი ბილწნი. ამის_თჳს მდგომარე ხარ წინაშე
Line: 14        ღმრთისა. რამეთოჳ იტჳრთენ შენ ვნებანი მისნი ჴორცითა მსგავ-
Line: 15        სად მოციქოჳლისა პავლესა. რომლისა თანა გჳრგჳნოსანი ჰსოჳფევ
Line: 16        და აწ მეოხ გოჳეყავ ჩოჳენ. შემსხმელთა შენთა. წმიდაო:.

Strophe: (3)  
Line: 17     პირით შენით დღეს. ნეტარო. გამოჩნდა მადლი. ვითარცა რაჲ ოქროჲ
Line: 18        წმიდაჲ. და ყოველნი კიდენი განანათლნა ნათლითა. და ბნელი ვეც-
Line: 19        ხლის მოყოჳარებისაჲ განაქარვე შენ და ზეცისა ნიჭნი მოგოჳმადლენ
Line: 20        ჩოჳენ. მამაო. სიმდაბლისა ჩოჳენებითა. და სახეჲ კეთილის ექმენ.
Line: 21        ყოვლად ბრძენო. სწავლითა ტკბილთა მათ სიტყოჳათა შენთაჲთა. \\
Line: 22        რომლითა სოჳლი წმიდაჲ დაჰნერგე მორწმოჳნეთა სოჳლსა. და აწ
Line: 23        იხარებ. ოქროპირო. და მდგომარე ხარ შენ წინაშე სამებისა. მო-
Line: 24        მიჴსენენ ჩოჳენცა. შემსხმელნი შენნი. წმიდაო:.

Strophe: (4)  
Line: 25     საღმრთოჲსა შიშისა მოგებითა. ნეტარო იოვანე. ჭოჳრად რჩეოჳლად
Line: 26        გამოშჩნდი. რამეთოჳ დაოჳტევე სიმდიდრე სოფლისაჲ და მოიგენ
Line: 27        ნიჭნი საოჳკოჳნენი. მღდელთ მთავარო. და განჰბრწყინდი სიყოჳა-
Line: 28        როჳლითა ღმრთისაჲთა. ოქროპირო. და ფრთოვან იქმენ სოჳლისა
Line: 29        მიერ წმიდისა. ღირსო. და ზეშთა ექმენ შენ ყოველთა საცთოჳრთა.
Line: 30        რამეთოჳ სათნოვებათა ეტლითა აღიწიე სიმაღლედ. ვითარცა პირვე-
Line: 31        ად ელია ზეცისა იეროჳსალჱმსა. და აწ მეოხ გოჳე[ყავ სოჳლთა
Line: 32        ჩოჳენთა თჳს]:. ⴑⴈⴁⴐⴛⴌⴈⴇ ⴑⴍⴊⴍⴋⴍⴌ:. ???


Page: 136 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.