TITUS
Sasuliero Poezia
Part No. 22
Previous part

Text: XV  


            დასდებელნი წმიდისა აღდგომისანი...

         Ⴍ̃Ⴍ Ⴖ̃Ⴖ̃ႲႷ̃ႥႱႠ:. ⴤ̃ⴢ Ⴁ̂ :

         .....ႱႾ̃ႬႨ:. ⴋⴍⴈⴞⴈⴊⴀ ⴙ:. ???

.:ႨႭႥႠႬႤ ႫႲႡႤႥႠႰႨ:.

Strophe: (1)  
Line: 1     რაჲ არს საიდოჳმლოჲ ესე შესაძრწოჳნებელი. რომელი იხილვების.
Line: 2        რამეთოჳ პირველსაოჳკოჳნეთა ღმერთი განკაცნა ოჳქცეველად ყოვ-
Line: 3        ლითოჳრთვე. რომელი იგი არაჲ ნატაცებად შეირაცხა სწორ ღმრ-
Line: 4        თისა. არამედ ჴორცითა დაფარა ღმრთეებისა სავსებაჲ. და ჯოჳარსა
Line: 5        ზედა აღმაღლებოჳლმან ლახოჳრითა განხეთქა ჴელით წერილი იგი
Line: 6        ცოდვისა მის ჩოჳენისაჲ. აღმოგჳცენა წყაროჲ ოჳხრწნელი. განმ-
Line: 7        წმედელი სოჳლთა ჩოჳენთაჲ:.

Strophe: (2)  
Line: 8     რომელმან იგი ოდესმე ხისა გემოჲს ხილვითა მოისთოჳლო ნაყოფი
Line: 9        სიმწარისაჲ ოჳჟამოდ გოჳლის თქოჳმითა მით ღმერთყოფისაჲთა.
Line: 10        მანვე დღეს ჯოჳარსა ზედა დამოკიდებოჳლად იხილა ღმერთი და
Line: 11        მიიღო სროჳლებით საწადელი თჳსი. რამეთოჳ შეეზავა ბოჳნებასა
Line: 12        ღმრთეებისასა და მის თანა აღდგომილმან ჭამა დღეს გოლი თაფლი.
Line: 13        რომლითა განაქარვა სიმწარჱ პირველი და ესრეთ ღაღად ყო. ოჳფა-
Line: 14        ლო. დიდებაჲ შენდა:.

Strophe: (3)  
Line: 15     ძელსა დამოკიდებოჳლმან. ჴორცითა დაიძინე ვითარცა მოკოჳდავმან.
Line: 16        არამედ ჴელმწიფებით ჴმა ჰყავ. მამაო. ჴელთა შენთა შევჰვედრებ
Line: 17        სოჳლსა ჩემსა: მაშინ მოაკოჳდინე სიკოჳდილი. მჴსნელო. და განა-
Line: 18        თავისოჳფლე ნაშობითოჳრთ ადამ და ყოველნი საოჳკოჳნით_გან და-
Line: 19        ძინებოჳლნი სოჳლნი. რაჟამს ღმრთეებისა ჴელმწიფებითა მიხოჳედ
Page: 144  Line: 20        საპყრობილესა სოჳლთა შემაწყოჳდეველსა და შენ თანა აღადგინენ
Line: 21        ყოველნი. ვითარცა კაცთ მოყოჳარე ხარ:.

Strophe: (4)  
Line: 22     ორნი იგი დაფაროჳლად მოწაფენი. მჴსნელო. დაფარვად ჴორცთა
Line: 23        შენთა მოვიდეს დღეს იოსეფ და ნიკოდემოს და შიშით გარდამოჰ-
Line: 24        ჴსნეს ძელისა_გან. რომელიცა ნეფსით ჯოჳარს ეცოჳ ჴორცითა. და
Line: 25        ტილოსა წმიდასა შეგხჳეს. ვითარცა მკოჳდარი. სოჳლნელთა თანა.
Line: 26        წესისაებრ ჰოჳრიათაჲსა. და საფლავსა დაგდვეს. არამედ ასდეგ
Line: 27        ჴელმწიფებით. ვითარცა ეტყოდე მოწაფეთა. მიხილოთ გალილეას
Line: 28        აღდგომილი და ჩემ თანა იხარებდეთ:.

Strophe: (5)  
Line: 29     განიყვანენ რაჲ. მაცხოვარ. მოწაფენი შენნი ვიდრე ბეთანიადმდე.
Line: 30        აღიპყრენ ჴელნი ზეცად \\ მიმართ და აკოჳრთხენ. აღჰმაღლდი მა-
Line: 31        მისა თოჳალთა_გან მათთა. მეოჳფე. და ღროჳბელმან შეგიწყნარა
Line: 32        შენ. ხოლო რაჟამს განოჳყვენ ცეცხლისა ენანი სიონს მსხდომარე-
Line: 33        თა. ცად გამოაჩინენ. და მიოჳთხრეს წარმართთა ერსა დიდებაჲ
Line: 34        სამებისაჲ და განდევნეს საცთოჳრი კერპთაჲ და გოჳასწავეს ჩოჳენ
Line: 35        თავყოჳანის ცემად შენდა. ყოველთა ღმრთისა. რომელმანცა მაცხოვნენ
Line: 36        ჩოჳენ:.

Strophe: (6)  
Line: 37     ღმრთისა მამისა სიბრძნეო. შენ ოჳწყი რიცხჳ დღეთა და ჟამთა
Line: 38        ჩოჳენთაჲ. რომელმანცა ჴელითა მაგით საღმრთოჲთა დაგოჳბადენ
Line: 39        მიწისა_გან ხატად შენდა და არარაჲსა_გან მომიყვანენ არსებად და
Line: 40        შემმოსე. სახიერ. სამოსელი იგი ოჳხრწნელებისაჲ და მადიდე
Line: 41        ოჳკოჳდავებითა. ხოლო მე ოჳრჩებითა დამესაჯა ხრწნილებაჲ და
Line: 42        სიკოჳდილი. არამედ შენ. ოჳკოჳდავო. რაჟამს იხილე გემოჲ სი-
Line: 43        კოჳდილისაჲ. ოჳკოჳდავ ჰყავ მოკოჳდავი. მჴსნელო:.

Strophe: (7)  
Line: 44     ოჳმეტესად კოჳრთხეოჳლ ხარ დედათა შორის შენ. ცათა ოჳზეშთაესო
Line: 45        ქალწოჳლო. რამეთოჳ შენ_გან შობილმან ღმერთმან ჯოჳარითა
Line: 46        მოკლა სიკოჳდილი და მკოჳდარნი ღმრთეებრ აღადგინნა. აღდგა რაჲ
Line: 47        საფლავით. და სოჳფევად ღირს ყვნა. რამეთოჳ შენ მიერ მოვიღეთ
Line: 48        პირველი იგი ოჳხრწნელებაჲ. ამის თჳსცა ზეცისა ძალთა თანა გა-
Line: 49        დიდებთ. გიხაროდენ მიზეზო კაცთა ცხოვრებისაო. რომელმან
Line: 50        აღჰჴოცე წყევაჲ პირველი და მოგოჳანიჭე კოჳრთხევაჲ:. Ⴂ̃Ⴞ̃Ⴌ
      ⴖ̃ⴇⴈⴑ-ⴋⴘⴍⴁⴄⴊⴍ ⴂⴈⴖⴀ̃:. ???

Page: 145 
         Ⴍ̃Ⴂ̃Ⴊ̃Ⴁ̃ႱႠ:. Ⴁⴍⴣⴌⴄⴁⴀⴢ ⴜⴗⴊⴈⴑⴀ ⴋ:. ???

Strophe: (8)  
Line: 51     ბოჳნებაჲ ადამეანთაჲ დაცემოჳლი შეიმოსე. სახიერო. საშოსა შინა
Line: 52        ქალწოჳლისასა. და განხრწნილსა მას შეჰმოსე ოჳხრწნელებაჲ ღმრთე-
Line: 53        ებრი და შენ თანა აღამაღლე ზეცად და სოჳფევად ღირს ჰყავ მამისა
Line: 54        თანა:.

Strophe: (9)  
Line: 55     სიტყოჳაჲ ღმრთისაჲ შეოჳხებელი. ოჳხრწნელი ბოჳნებით. დამბადებელი.
Line: 56        განკაცნა ოჳქცეველად. არამედ არაჲ დააკლდა მამისა თანა ჴელმწიფებასა
Line: 57        და კაც არს და ღმერთ ჭეშმარიტ მხოლოჲ ორითა მით ბოჳნებითა:.

Strophe: (10)  
Line: 58     ინება ჩოჳენ_თჳს ვნებაჲ ვნებოჳლითა მით. რომელი ჩოჳენ_გან მი-
Line: 59        იღო ოჳხრწნელმან და შეოჳხებელმან. აღმაღლდა ძელსა ზედა. რაჲ-
Line: 60        თა სიმწარჱ ხისაჲ მის ტკბილად შეცვალოს და ნაყოფი ოჳკოჳდავე-
Line: 61        ბისაჲ კაცთა მოჰმადლოს:.

Strophe: (11)  
Line: 62     იგივე სიტყოჳაჲ. მამისა თანა ღმერთი. ჴორცითა დაემორჩილა სიკოჳ-
Line: 63        დილსა. ხოლო აღდგა ღმრთეებისა ჴელმწიფებითა და ზეშთა აღა-
Line: 64        მაღლა ბოჳნებაჲ ჩოჳენი. შორის მამისა და სოჳლისა ღირს ყო სოჳ-
Line: 65        ფევად:. Ⴍⴣⴑⴞⴄⴍⴣⴊⴇⴀ ⴂⴀⴌⴜⴗⴍ:.

         Ⴋ̃Ⴞ̃ႪႤႱႠ:. ⴑ̃ⴖ̃ⴇⴍⴢ ⴂⴀⴌⴤⴍⴐⴚⴈ:. ???

Strophe: (12)  
Line: 66     საღმრთოჲ გოჳერდი შენი. ქრისტჱ. რაჟამს განაღო მჴედარმან ლა-
Line: 67        ხოჳრითა. ღმრთისა სიტყოჳაო. მთასა ზედა გოლგოთას. დაბადე-
Line: 68        ბოჳლთა ჴსნისა_თჳს გარდამოჴდეს წოჳეთნი ცხოველნი. მიზეზნი
Line: 69        ცხოვრებისანი: მაშინ შეიძრნეს სოფლისა საფოჳძველნი და დაბნელ-
Line: 70        დეს სამყაროჲსა მნათობნი. ზარგანჴდილ იქმნნეს ოჳჴორცონი და
Line: 71        დაიფარნეს პირნი მათნი საშინელისა მის_გან სახილავისა:.

Strophe: (13)  
Line: 72     საღმრთოჲ გოჳამი შენი. მჴსნელო. რაჟამს შემოჳრა იოსეფ და დად-
Line: 73        ვა ახალსა საფლავსა. ცხოვრებისა საოჳნჯესა. ჰგონებდეს ოჳშჯოჳ-
Line: 74        ლონი იგი მღდელთ მოძღოჳარნი დაფარვასა შენსა სამარესა დადე-
Line: 75        ბითა: მაშინ ნოჳგეშინის ცემანი საღმრთონი ახარებდეს გოჳლსა
Line: 76        მგლოვარეთასა. შთასლვითა შენითა ჯოჯოხეთს შეძრწოჳნდა მთავარი
Line: 77        ბნელისაჲ საშინელისა მის_გან მცხინვარებისა:.

Strophe: (14)  
Line: 78     საღმრთოჲ საკოჳმეველი. მჴსნელო. რაჟამს მომზადეს დედათა გან-
Line: 79        თიად ერთშაბათსა მას. აღძროჳლნი საღმრთოჲთა მით სოჳრვი-
Page: 146  Line: 80     ლითა. სრბით მოიწინეს შემოჳრვად ოჳხრწნელთა ჴორცთა შენთა.
Line: 81        მდებარეთა საფლავსა შინა: მაშინ ანგელოზი ნათლისაჲ გამოოჳჩნდა
Line: 82        და ოჳღაღადა მათ გიხაროდენი. ევაჲს მწოჳხარებისა დამჴსნელი.
Line: 83        ხოლო მცველნი იგი დაცჳვეს საშინელისა მის_გან ანგელოზისა:.
      ⴑ̃ⴖ̃ⴇⴍⴢ ⴂⴀⴌⴤⴍⴐ:. ???

         Ⴂ̃ႬႻႪႨ̃ႱႠ:. ⴋⴔⴀⴐⴅⴄⴊⴈ ⴞⴀⴐ ⴍⴣⴛ:. ???

Strophe: (15)  
Line: 84     ჰრცხოჳენოდენ ნისტორს კრებოჳლითოჳრთ მისით. რამეთოჳ არა
Line: 85        თქოჳეს მახარებელთა. ვითარმედ ღმერთი სროჳლი შეეყო სროჳლსა
Line: 86        კაცსა. არამედ განკაცნა ქალწოჳლისა საშოსა და იშვა ვითარცა კაცი
Line: 87        ყოვლითოჳრთ. თჳნიერად ცოდვისა:.

Strophe: (16)  
Line: 88     სიტყოჳაჲ ჴორციელქმნოჳლი დაემკჳდრა ჩოჳენ შორის. ვითარცა თქოჳა
Line: 89        მახარებელმან. ხოლო არაჲთოჳ ჴორც იქმნა. რამეთოჳ ოჳქცეველ
Line: 90        არს. არამედ ღმერთ არს იგი ჴორცითა და ერთი ქრისტე ორითა
Line: 91        მით ბოჳნებითა. ვნებოჳლითა და ოჳვნებელითა:.

Strophe: (17)  
Line: 92     ოჳკოჳდავ არს ღმრთეებისა ბოჳნებაჲ. ხოლო თჳსად შეირაცხს სიკოჳ-
Line: 93        დილსა მას ჴორცთა თჳსთასა. რომლითა \\ დაჰჴსნა სიკოჳდილი და
Line: 94        აღდგომითა იქმნა პირმშო ყოველთა შესოჳენებოჳლთა მოწყალებით.
Line: 95        ვითარცა იგი გჳქადაგა ჩოჳენ მოციქოჳლმან:. ⴋⴆⴈⴑⴀ ⴍⴣⴁⴐⴜ:. ???

         Ⴍ̃Ⴍ ႫႤ̃ႱႠ:. Ⴜⴈⴌⴀⴢⴑⴜⴀⴐ ⴄⴑ̃:. Link to nevmir

Strophe: (18)  
Line: 96     რამეთოჳ კაცისა მიერ სოჳფევდა სიკოჳდილი. ამის თჳსცა კაც იქმნა
Line: 97        მხოლოდ შობილი ძეჲ ღმრთისაჲ და მოვიდა სოფლად. ოჳვნებელ-
Line: 98        მან ივნო ჴორცითა. რაჲთა იჴსნას მსგავსი მსგავსებითა და ახა-
Line: 99        როს მოკოჳდავთა მათ ოჳკოჳდავებაჲ სიკოჳდილით და ქოჳესკნელით
Line: 100        აღმოწოდებაჲ მკოჳდართაჲ აღდგომითა. ვითარცა ღმერთ არს:.

Strophe: (19)  
Line: 101     სიკოჳდილითა მით ჴორცთა თჳსთაჲთა მჴსნელმას მოკლა სიკოჳდი-
Line: 102        ლი და დაფლვითა დააცალიერნა საფლავნი და განაქარვა ხრწნილე-
Line: 103        ბაჲ. ხოლო აღდგომითა შემოჳსრა ჯოჯოხეთისა ძალი და ადამ
Line: 104        აღმოიყვანა. და მის თანა წმიდათა გოჳამნი. და მამასა წაროჳდგინა
Line: 105        განახლებოჳლი. ვითარცა ღმერთ არს:.

Strophe: (20)  
Line: 106     მიოჳწდომელ. არს ჩოჳენ_გან სიბრძნეჲ შენი. ქრისტე. ღმრთისა სიტ-
Page: 147  Line: 107        ყოჳაო. რამეთოჳ ბოჳნებით ოჳვნებელი შეეყავ რაჲ მოკოჳდავსა
Line: 108        მიწისაგანსა. შეჰმოსე ოჳხრწნელი შოჳენიერებაჲ. აღ-რაჲ-სდეგ მკოჳ-
Line: 109        დრეთით. ძლევით დაინთქა სიკოჳდილი. ვითარცა თქოჳა წინაჲსწარ-
Line: 110        მეტყოჳელმან. არა ვსცე წმიდასა ჩემსა ხილვად განსახრწნელი:.
      ⴑⴀⴌⴀⴒⴐⴄⴊⴍ ⴞⴀⴐ ⴃⴄ̃:. Link to nevmir

         Ⴖ̃ႫႨ̃Ⴂ̃ႬႱႠ:. Ⴚⴞⴍⴅⴐⴄⴁⴀⴢ ⴞⴀⴐ ⴃⴀ̃:. Link to nevmir

Strophe: (21)  
Line: 111     მიიხოჳნა ჴორცნი ბოჳნებისა_გან ჩოჳენისა და გოჳეზიარა ჩოჳენ
Line: 112        თავადი ჴორცითა და სისხლითა. ძედ მოგოჳეცა. რამეთოჳ ქალწოჳ-
Line: 113        ლი ბოჳნებით არს ადამის ასოჳლ. რომლისა შობითა განქარდა
Line: 114        ყოჳედრებისა იგი წყევაჲ და მოგოჳემადლა ჩოჳენ დღეს.: მორწმოჳ-
Line: 115        ნეთა. კოჳრთხევაჲ საოჳკოჳნოჲ:.

Strophe: (22)  
Line: 116     მზემან რაჲ გიხილა შემოქმედი ვნებოჳლთა და ჯოჳარს ცოჳმოჳლთა
Line: 117        შინა საოჳფლოთა ჴორცთა. დაიფარა ბრწყინვალებაჲ. რამეთოჳ
Line: 118        ღმერთი ოჳვნებელი დამოეკიდე ძელსა. რაჲთა ჩოჳენ. წარმართთა.
Line: 119        მოვისთოჳლოთ ძელისა_გან ნაყოფი ოჳკოჳდავებისაჲ და მონებისა-
Line: 120        _გან თავისოჳფლებაჲ:.

Strophe: (23)  
Line: 121     დაღაცათოჳ ღმერთი დაემშჭოჳალა ნეფსით ჴორცითა ჯოჳარსა ზედა.
Line: 122        ვითარცა რაჲ კაცი. არაჲ ძლიერებასა ღმრთეებისასა ერეოდეს სამ-
Line: 123        შჭოჳალნი. რამეთოჳ ჴორცი ღმრთისაჲ ჭეშმარიტად ივნებოდა.
Line: 124        რომელსაცა შინა დამკჳდრებოჳლ არს ყოვლითოჳრთ სავსებაჲ
Line: 125        ღმრთეებისაჲ:.

Strophe: (24)  
Line: 126     აღდგა საფლავით მაცხოვარი. შეჰმოსა ოჳხრწნელი შოჳენიერებაჲ
Line: 127        ჴორცთა მათ განხრწნადთა. რამეთოჳ დიდად შოჳენიერად აღადგინა
Line: 128        ტაძარი ჴორცთა თჳსთაჲ დღეს და არაჲ დაოჳტევა სოჳლი თჳსი
Line: 129        ჯოჯოხეთს. არცაღა სცა წმიდასა თჳსსა ხილვად განსახრწნელი.
Line: 130        ვითარცა თქოჳა პირველ:. Ⴐ̃ⴈ ⴋⴀ̃:. Link to nevmir

         Ⴖ̃Ⴖ̃ႲႷ̃ႥႱႠ:. Ⴖⴀⴖⴀⴃⴄⴁⴀⴑⴀ ⴋⴍ̃:. Link to nevmir

Strophe: (25)  
Line: 131     ჯერ იყო ესრეთ შემოსად მოკოჳდავისა მის ოჳკოჳდავებაჲ. ამის_თჳს
Line: 132        პირველად შეიმოსა იგი ოჳკოჳდავმან ყოვლითოჳრთ და იხილა მან
Page: 148  Line: 133        ყოველთა_თჳს გემოჲ სიკოჳდილისაჲ. რაჲთა განაღმრთოს ადამ
Line: 134        პირველ განხრწნილი და მამასა წაროჳდგინოს:.

Strophe: (26)  
Line: 135     ქრისტემან ჩოჳენ_თჳს ივნო რაჲ ჴორცითა. არაჲთოჳ სიკოჳდილი
Line: 136        ეოჳფლა ოჳკოჳდავსა მას. არამედ ოჳკოჳდავმან მან განაქარვა სიკოჳ-
Line: 137        დილი და მოკოჳდავი ესე ოჳკოჳდავსა შეერთებითა განაღმრთო და
Line: 138        ზეცად აღამაღლა დღეს სოჳფევად ოჳკოჳნისამდე:.

Strophe: (27)  
Line: 139     სამარესა რაჲ ნეფსით დაიდვა ჴორცითა ღმერთი შეოჳწერელი. და-
Line: 140        იჴსნა სიკოჳდილი. და დაეყენა ხრწნილებაჲ დაფლვითა ჴორცთა
Line: 141        მისთაჲთა და პირველი ნაყოფი აღდგომისაჲ გოჳახარა ჩოჳენ პირ-
Line: 142        მშომან მან შესოჳენებოჳლთამან. მჴსნელმან:. Ⴚⴀⴇⴀ ⴍⴣⴅⴐ̃:. Link to nevmir

         Ⴉ̃Ⴞ̃ႰႱႱႠ:. Ⴍⴣⴆⴄⴘⴇⴀⴄⴑ ⴑⴀ̃:. Link to nevmir

Strophe: (28)  
Line: 143     შეიმოსნა რაჲ ჴორცნი განხრწნადნი ქალწოჳლისა_გან წმიდისა
Line: 144        ოჳხრწნელმან და შეოჳხებელმან. მორჩილ იქმნა ვიდრე სიკოჳდიდმდე
Line: 145        თავადი სიკოჳდილითა ჯოჳარისაჲთა. რომლითა მოკლა მტერი
Line: 146        სოჳლთა მომსრველი და ზეჲ აღამაღლა ბოჳნებაჲ ჩოჳენი ღმერთმან
Line: 147        მამათა ჩოჳენთამან:.

Strophe: (29)  
Line: 148     სიქადოჳლ არს ჯოჳარი შენი. ქრისტჱ. სიტყოჳაო ღმრთისაო. და
Line: 149        სასო ჩოჳენ განწიროჳლთა_თჳს ცხოველს მყოფელი ვნებაჲ შენი.
Line: 150        და აღმადგინებელ მკოჳდართა საოჳკოჳნით_გან დაძინებოჳლთა მათ
Line: 151        საშინელი დაფლვაჲ და აღდგომაჲ შენი. რომლითა სიკოჳდილი
Line: 152        მოჰკალ და მაცხოვნენ ჩოჳენ:.

Strophe: (30)  
Line: 153     აღდგა რაჲ საფლავით ოჳძლეველი ბრძოლასა ქრისტჱ მეოჳფჱ. თანა-
Line: 154        აღადგინა ძლეოჳლი და დაცემოჳლი ბოჳნებაჲ მიწისა ნათესავთაჲ და
Line: 155        შეჰმოსა პირველი ოჳხრწნელებაჲ ღმერთმან მამათა ჩოჳენთამან.
Line: 156        რომელსა ოჳფრთჲსად \\ აღვამაღლებთ ოჳკოჳნისამდე:. Ⴀⴖⴅⴈⴀ-
      ⴐⴄⴁⴇ ⴑⴀⴋ̃:. Link to nevmir

         ႠႩ̃Ⴞ̃Ⴃ̃ႱႠ:. Ⴘⴄⴋⴆⴀⴃⴄⴁⴀⴢ ⴑⴀⴞⴈⴍⴁⴀⴇⴀⴢ ⴃⴀ:. Link to nevmir

Strophe: (31)  
Line: 157        რამეთოჳ არღა იყო დიდებოჳლ ბოჳნებაჲ იგი ჴორცთაჲ. ამის თჳსცა
Page: 149  Line: 158        ღაღადებდა მჴსნელი ჟამსა ვნებისა თჳსისასა. აწ მოიწია ჟამი. რომ-
Line: 159        ლითა იდიდოს ღმერთი. რამეთოჳ დიდებად თჳსა ოჳწოდა ვნებათა.
Line: 160        რომლითაცა შეჰმოსა ოჳხრწნელებისა სამოსელი ადამის შიშოჳლო-
Line: 161        ბასა. განშიშოჳლდა რაჲ ჴორცითა ჯოჳარსა ზედა. რომელსა იგი
Line: 162        შეოჳმოსიეს ნათელი სამოსლად. პირველსაოჳკოჳნეთა ღმერთსა:.

Strophe: (32)  
Line: 163     განსძარცოჳე შენ მთავარი იგი ამის სოფლისაჲ და განაქიქჱ დღეს.
Line: 164        სახიერო. და საჩოჳენებელ ჰქმენ იგი ყოველთა. რაჟამს შიშოჳელი
Line: 165        ჯოჳარს ეცოჳ ჴორცითა. მოსძარცოჳე ადამს წყევისა სამოსელი და
Line: 166        განჰბანე ოჳხრწნელით გოჳერდით შენით წყაროჲთა მით განმაც-
Line: 167        ხოველებელითა სისხლისა და წყლისაჲთა. რომლითაცა აღავსე
Line: 168        სოჳლთა ჩოჳენთა წყოჳრილი სახიერებით და მოგოჳანიჭე. მჴსნელო.
Line: 169        სასოჳმელი ოჳკოჳდავებისაჲ:.

Strophe: (33)  
Line: 170     მნათობთა შეიმოსეს ბნელი. შთაჴდა რაჲ ქოჳესკნელად სიმართლისა
Line: 171        მზეჲ. კლდენი განსქდეს და საფლავნი აღეხოჳნეს. რაჟამს მიხოჳედ
Line: 172        საპყრობილესა გამოჴსნად სოჳლთა საოჳკოჳნით_გან შეყენებოჳლთა
Line: 173        ჴელსა შინა სიკოჳდილისასა. მაშინ განთავისოჳფლდა ადამი. რამე-
Line: 174        თოჳ განჰჴსნენ შენ კროჳლნი სახიერებით. აღდგეს სამარეთა_გან
Line: 175        წმიდათა გოჳამნი და აქებდეს ცხოველს მყოფელსა მესამესა დღესა.
Line: 176        აღდგომასა შენსა. ქრისტჱ:. Ⴀⴐⴑⴄⴁⴀⴑⴀ ⴖ̃:. Link to nevmir

         ႠႣ̃Ⴁ̃ႧႱႠ:. Ⴍⴣⴔⴐⴍⴢⴑ ⴁⴍⴣ̃:. Link to nevmir

Strophe: (34)  
Line: 177     ზეშთა სიკოჳდილისა და ხრწნილებისა არს ყოვლითოჳრთ მხოლოდ
Line: 178        შობილი ღმრთისა სიტყოჳაჲ დაოჳსაბამოჲ. რამეთოჳ ცხოველ არს
Line: 179        იგი და განმაცხოველებელ. არამედ მიიღო ჩოჳენ_გან ბოჳნებაჲ
Line: 180        მოკოჳდავი და შეაყო იგი შანთსა მას ბოჳნებითა აოჳგებელსა. მად-
Line: 181        ლით განაღმრთო იგი და მამასა წაროჳდგინა:.

Strophe: (35)  
Line: 182     განკაცებოჳლმან ჩოჳენ_თჳს ქალწოჳლისა_გან ღმრთისა სიტყოჳამან
Line: 183        ჯოჳარს ცოჳმითა თჳსითა დაჰჴსნა სიკოჳდილისა სიმტკიცეჲ. რამეთოჳ
Line: 184        ოჳვნებელმან რაჲ ნეფსით ივნო ჴორცითა. ოჳხრწნელებაჲ მოგოჳ-
Line: 185        მადლა ჩოჳენ დაფლვითა გოჳლსა ქოჳეყანისასა სამ დღეჲ და სამ
Page: 150  Line: 186        ღამეჲ. ამის თჳსცა თავყოჳანის ვსცემთ ვნებოჳლსა და ვადიდებთ
Line: 187        დღეს აღდგომილსა. რომელმანცა მაცხოვნნა ჩოჳენ:.

Strophe: (36)  
Line: 188     ქრისტემან მიიხოჳნა ჴორცნი წმიდანი და ოჳცოდველნი. ხოლო არაჲ
Line: 189        განთავისოჳფლებოჳლნი წესისა_გან ჴორცთაჲსა. რამეთოჳ კაც არს
Line: 190        ოჳქცეველ ყოვლითოჳრთვე და ღმერთ გამოოჳკოჳლეველ ერთი ქრის-
Line: 191        ტჱ. რომელიცა მოკოჳდა ჴორცითა და აღდგა ღმრთეებითა და თანა-
Line: 192        აღმადგინა და მარჯოჳენით მამისა დამსხნა სოჳფევად მაღალთა
Line: 193        შინა:.

Strophe: (37)  
Line: 194     ამიერით_გან აწ განახლდი. ადამ. აჰა ესერა დაისხნეს მტერნი იგი
Line: 195        შენნი ქოჳეშე ფერჴთა შენთა. და ევა დათრგოჳნე თავი გოჳელისა
Line: 196        ბოროტისაჲ. შობილი შენ_გან მეორეჲ ადამ მარჯოჳენით მამისა
Line: 197        დაჯდა მაღალთა შინა. რომელმანცა აღამაღლა ბოჳნებაჲ კაცთაჲ და
Line: 198        იზიარა იგი სოჳფევად მამისა თანა:.

Strophe: (38)  
Line: 199     გიხაროდენ ღირსო. ცათა ოჳზეშთაესო ქალწოჳლო. რამეთოჳ შენ_გან
Line: 200        განკაცებოჳლმან ღმრთისა სიტყოჳამან ჯოჳარითა თჳსითა მოკლა
Line: 201        მკლველი სოჳლთაჲ მაცთოჳრი და გოჳახარა მორწმოჳნეთა აღდგო-
Line: 202        მაჲ და აღდგომასა შეაერთა ოჳხრწნელებაჲ. ამის თჳსცა ღმრთის
Line: 203        მშობლად აღგიარებთ და მიზეზად კეთილთა გიცნობთ და მჴსნე-
Line: 204        ლად სოჳლთა ჩოჳენთა_თჳს:. Ⴑⴈⴒⴗ̃ⴋ̃ⴌ ⴑⴀⴖ̃:. Link to nevmir


Page: 151 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.