TITUS
Sasuliero Poezia
Part No. 23
Previous part

Author: St.Cq.  
            სტეფანე ჭყონდიდელი სანანოჲს-ძჱ

Text: I  
               თთოჳესა იანვარსა: ზ̂ :.....


            .....დასდებელნი: ნათლის ღებისა: და წმიდისა: მო-
            წამისა: ჰაბოჲსნი:


            [ქ. სტეფანე ჭყონდიდ[ელის]ა ნეტარისანი: სანანოჲს-
            ძისანი: ქრისტე დიდებოჳლ ყავ სოჳლი მათი::*]

         Ⴍ̃Ⴍ Ⴖ̃Ⴖ̃ႲႷ̃ႱႠ:. ⴤ̃ⴢ: Ⴃ̂ : Ⴚⴀⴇⴀ ⴃⴀ:. ???

Strophe: (1)  
Line: 1     ცეცხლი. რომელი სინას ეჩოჳენა შჯოჳლის მდებელსა მგზებარე
Line: 2        მაყოჳლოვანსა მას. ოჳფროჲს ცნობისა და ზეშთა სიტყჳსა შეეზავა
Line: 3        წყალთა მათ იორდანისათა შემწოჳველად ნივთსა მას ცოდვისასა:
Line: 4        მოვედით. ერნო. მივიწრაფოთ საღმრთოსა მას საბანელსა. რაჲთა
Line: 5        განვწმიდნეთ ჴორცითა და განვნათლდეთ ჩოჳენ სოჳლითა:.

Strophe: (2)  
Line: 6     აღსროჳლებად მოხოჳედი ყოვლისა სიმართლისა. სიტყოჳაო მხოლოდ
Line: 7        შობილო. შემმოსელი ცათაჲ ღროჳბლითა განმიშოჳლდი იორდანეს.
Line: 8        ნათლის ღებად სიმდაბლით მოხოჳედ თჳთ მნათობი შეოჳქმნელი ნა-
Line: 9        თელი. რომლისა მსგავსებითა განშიშოჳლდა მოწამე შენი [ჰ]აბო
Line: 10        და სისხლისა დათხევითა შეიწირა მსხოჳერპლად შენდა:.

Strophe: (3)  
Line: 11     აგარის ნათესავთა ძირთა მათ ოჳნაყოფოთა. ნერგთა მათ_გან ეკლო-
Line: 12        ვანთა. ვითარცა ვარდი შოჳენიერი ფერითა მეწამოჳლითა. გამოჩნდა
Line: 13        ნეტარი [ჰ]აბო და სოჳლნელ ყო ეკლესიაჲ ნელსაცხებელთა წილ
Line: 14        სხოჳრებითა სისხლისაჲთა: ამას შინა. მორწმოჳნენო. ვაქებდეთ
Line: 15        ღოჳაწლთა მათ მისთა:. ⴋⴍⴅⴄⴃⴈⴇ ⴅⴀ:. ???

Page: 152 
         Ⴍ̃Ⴂ̃Ⴊ̃ႡႣ̃ႱႠ:. ⴆⴖⴣⴑⴀ ⴋⴈⴑ ⴋⴄⴜⴀⴋⴍⴣⴊⴈⴑⴀ:. Link to nevmir

Strophe: (4)  
Line: 16     იესოჳ. ღმრთისა სიტყოჳაო. მასწავე ჩოჳენ სიტყოჳაჲ სიბრძნისაჲ
Line: 17        ქებად ნათლის ღებასა წმიდასა შენსა და გალობად ოჳძლეველთა
Line: 18        ღოჳაწლთა მოწამისა [ჰ]აბო კეთილად მოღოჳაწისათა:.

Strophe: (5)  
Line: 19     რომელიცა განმიშოჳლდა დღეს იორდანეს შინა ჴორცითა. სანატრელ-
Line: 20        მან მოწამემან \\ [ჰ]აბო მის_თჳს განიძარცოჳა ძოჳელი კაცი საქმით-
Line: 21        ოჳრთ და შეიმოსა ძალი ქრისტეჲსი:.

Strophe: (6)  
Line: 22     ყოველნი თესლნი მოვედით მკჳდრთა თანა ქართლისათა დღეს და
Line: 23        იხილეთ ღოჳაწლისა მძლე [ჰ]აბო. განშოჳენებოჳლი ბრწყინვალედ
Line: 24        სისხლითა წამებისაჲთა. ღირსად გალობით მას ოჳგალობდეთ:.
      ⴋⴈⴃⴂⴍⴋⴈⴊ ⴈⴕ̃:. Link to nevmir

         Ⴋ̃Ⴞ̃Ⴊ̃ႱႠ:. Ⴈⴑⴋⴄⴌⴃⴈⴌ ⴕ̃ⴗⴀⴌⴀⴢ ⴑⴈⴒ̃:. Link to nevmir

Strophe: (7)  
Line: 25     შეჰმოჳსრე. მაცხოვარ. იორდანეს თავები ვეშაპისაჲ. დამალოჳლი
Line: 26        წყალთა შინა პირველით_გან. რამეთოჳ ჴმაჲ საღმრთოთა მქადა-
Line: 27        გებელთაჲ აღასროჳლე განგებოჳლებით. ღმრთისა სიტყოჳაო. რა-
Line: 28        ჟამს მონისა_გან ნათელს იღე. მჴსნელო. და განანათლე სოფელი:.

Strophe: (8)  
Line: 29     მაცხოვრისა თანა ნათელს იღე. ღოჳაწლისა მძლეო ჰაბო. რაჟამს
Line: 30        შთაჰჴედ ემბაზსა ღოჳაწლისასა. ვითარცა მჴსნელი ჩოჳენი იორდა-
Line: 31        ნესა. და სისხლისა დათხევითა განჰბანე გოჳამი შენი. რაჟამს დაი-
Line: 32        კალ ოჳწყალოდ მახჳლითა მტერთაჲთა:.

Strophe: (9)  
Line: 33     სისხლთა დათხევითა მეწამოჳლ ჰყავ ღოჳაწლი. სანატრელო. ყოვლად
Line: 34        ქებოჳლო მოწამეო ჰაბო. და შეამკვე ვითარცა ძოწეოჳლითა ეკლე-
Line: 35        სიაჲ წარმართთაჲ და შეჰკრიბენ მას შინა ერთობით ყოველნი
Line: 36        მგალობლად ღოჳაწლთა მათ შენთა. ქრისტეს მოწამეო:.

Strophe: (10)  
Line: 37     არცხჳნე. ნეტარო. ნაშობთა მათ მჴევლისათა ოჳღმრთოთა და დაოჳ-
Line: 38        ყვენ პირნი მათნი მგმობარნი საღმრთოჲთა მით სიბრძნითა ზეგარ-
Line: 39        დამოჲთა. რაჟამს ჰქადაგე სამებაჲ ერთღმრთეებაჲ და განსწმიდე
Line: 40        ქართლი სისხლისა შენისა დათხევითა. მოწამეო:. ⴑ̃ⴖ̃ⴇⴍⴑⴀ ⴅⴄ̃:. Link to nevmir

         Ⴂ̃ႬႻႪႨ̃ႱႠ:. Ⴈⴞⴀⴐⴄⴁⴑ ⴄⴉⴊⴄⴑⴈⴀⴢ:. Link to nevmir

Strophe: (11)  
Line: 41     იხარებს ეკლესიაჲ შვილთა თანა დღეს. სხოჳრებოჳლი წყლითა

Page: 153  Line: 42        სიწმიდისაჲთა. და მძლე ჰყოფს ღოჳაწლსა მოწამეთასა:.
Line: 43     ნათლის ღებასა შენსა თანა სიხაროჳლით ნათელს იღო ყოვლად
Line: 44        საგალობელმან [ჰ]აბო და მით გჳრგჳნოსან იქმნა:.

Strophe: (12)  
Line: 45     ძჴსნელო. დღეს დაემტკიცა თქოჳმოჳლი იგი პირველი. ვითარმედ
Line: 46        აღმოსავალით ბღოჳარით მოვიდენ წიაღად აბრაჰამისა:. Ⴘ̃ⴌ ⴋⴞⴍ-
      ⴊⴍⴢ ⴞⴀⴐ ⴋⴈⴆⴄⴆⴈ:. Link to nevmir

         Ⴍ̃Ⴍ ႫႤႱ̃ႱႠ:. ⴑⴈⴒⴗⴍⴣⴀⴋⴀⴌ ⴤⴍⴐⴚⴌⴈ ⴘⴄⴈⴑⴞ̃:. Link to nevmir

Strophe: (13)  
Line: 47     სიყოჳაროჳლისა საკრველმან შეკრა გონებაჲ მოწამისაჲ მოთმინებად
Line: 48        სატანჯველთა ოჳრიცხოჳთა. რომლითაცა დაამკოჳა სიქადოჳლი ოჳღმრ-
Line: 49        თოთაჲ:.

Strophe: (14)  
Line: 50     შფოთი დაოჳტევე. ღირსო. მამოჳლთა მათ მედგრობათაჲ და ქრის-
Line: 51        ტესა შეოჳდეგი. წმიდაო. და ვნებათა თავს დებითა ემსგავსე მას.
Line: 52        ნეტრეოჳლო:.

Strophe: (15)  
Line: 53     ოჳცხო იყავ და სტოჳმარ შჯოჳლითა საღმრთოჲთა. მჴნეო მოწამეო.
Line: 54        არამედ მოიწრაფე და სახლეოჳლ იქმენი მცნებათა მისთა. ღირსო:.

Strophe: (16)  
Line: 55     მარხვითა განიკაფე შენ დიდისა ანტონის მსგავსად. სანატრელო. და
Line: 56        მოაკოჳდინენ ჴორცნი და ღირს იქმენ. ნეტარო. წამებისა გჳრგჳნსა:.
      ⴑⴀⴘⴈⴌⴄⴊ ⴃⴀ ⴃⴈ̃:. Link to nevmir

         Ⴖ̃ႫႨ̃Ⴂ̃ႬႱႠ:. Ⴘ̃ⴌ ⴍ̃ⴍ ⴌⴀⴇⴄⴊⴈ ⴞ̃:. Link to nevmir

Strophe: (17)  
Line: 57     შენ. ოჳფალო. იორდანეს განაქიქე მაცთოჳრი. შენვე განამტკიცე
Line: 58        გოჳლი მოწამისა ჰაბოჲსი. რომელმანცა აღგიარა:.

Strophe: (18)  
Line: 59     პყრობილ იქმენ ძჳრის მოქმედებრ. სანატრელო. არამედ გამოიჴსნიდი
Line: 60        სოჳლთა მიმძლავრებოჳლთა მტერისა_გან ბოროტისა:.

Strophe: (19)  
Line: 61     ნათლის ღებაჲ სამი მოიგე. მოწამეო. წყლითა. სოჳლითა და სისხ-
Line: 62        ლითა. და შემდგომად ცეცხლითა გამობრწყინდა ღოჳაწლი შენი:.
      Ⴘ̃ⴌ ⴑⴀⴝⴍⴣⴐⴅⴄⴊⴈ ⴞⴀⴐ:. Link to nevmir

         Ⴖ̃Ⴖ̃ႲႷ̃ႥႱႠ:. Ⴖⴀⴖⴀⴃⴄⴁⴃⴀ ⴜ̃ⴌ̃ⴜ̃ⴒⴗⴍⴣⴄⴊⴈ:. Link to nevmir

Strophe: (20)  
Line: 63     ღაღადებდა კადნიერად სანატრელი [ჰ]აბო და ეტყოდა ოჳშჯოჳლოთა
Page: 154  Line: 64        ისმაიტელთა. განმეშოვრენით მე. ჵ: ოჳკეთოჳრნო. და გამოვიძინე
Line: 65        ღმრთისა მცნებანი:.

Strophe: (21)  
Line: 66     განშიშოჳლდი შენ სათნოვებათა მოგებითა. ღირსო. და ჰყვოჳაოდე
Line: 67        გჳრგჳნითა მოღოჳაწებისაჲთა სროჳლითა და ესრეთ ჴმა ჰყავ. სასო
Line: 68        ჩემდა არს ქრისტე ღმერთი.

Strophe: (22)  
Line: 69     ღოჳაწლსა სროჳლსა მჴნედ გამოჩნდა მოწამე ჰაბო და აღავსო ეკლე-
Line: 70        სიაჲ სოჳლნელებითა ნელსაცხებელთაჲთა და წმიდა ყო ერი. მაღ-
Line: 71        ლითა საღმრთოჲთა გა\\მორჩეოჳლი:. Ⴍⴣⴋⴄⴒⴄⴑ ⴞⴀⴐ ⴗ̃ⴊⴇⴀ
      ⴃⴀ̃:. Link to nevmir

         Ⴉ̃Ⴞ̃Ⴊ-̃ႱႠ:. ⴑⴀⴤⴍⴣⴋⴈⴊⴑⴀ ⴘⴈⴌⴀ ⴀⴁⴐⴀⴋⴄⴀⴌⴌⴈ ⴗ̃:. Link to nevmir

Strophe: (23)  
Line: 72     მოიძოჳლე შენ სიცროჳვით შეთხზოჳლი იგი ისმაიტელთა მოძღოჳ-
Line: 73        რებაჲ და შეიყოჳარე ქრისტეს მცნებაჲ და სიხაროჳლით ჰღაღაღებ-
Line: 74        დი. კოჳრთხე[ოჳლ ხარ შენ. ოჳფალო. ღმერთო მამათა ჩოჳენთაო]:.

Strophe: (24)  
Line: 75     იყავ. ნეტარო. კეთილად შემზავებელ ნელსაცხებელთა სოჳლნელთა.
Line: 76        და დაოჳტევე მწრაფლ და მიხოჳედ სოჳრვილით ქრისტეს ნელსაც-
Line: 77        ხებელთა კოჳალსა და ჰრბიოდე მსგავსებითა ვნებათა მათ მისთაჲთა:.

Strophe: (25)  
Line: 78     გეტყოდა მძლავრი ლიქნით. რაჲსა დაოჳტევე მჯოჳლი ჩოჳენი და
Line: 79        წინააღოჳდგები შენ შჯოჳლითა მით. რომელი არა ვისწავეთ ჩოჳენ.
Line: 80        და აწ განიკაფოს გოჳამი შენი მრავლითა სატანჯველითა:. Ⴂ̃ⴞ̃ⴌ
      ⴘⴄⴌ ⴖ̃ⴇⴈⴑ-ⴋⴘⴍ̃:. Link to nevmir

         ႠႩ̃Ⴞ̃Ⴃ̃ႱႠ:. ⴋⴤⴑⴌⴄⴊⴍ ⴗ̃ⴊⴇⴀⴍ ⴛⴊⴈⴄ̃:. Link to nevmir

Strophe: (26)  
Line: 81     მოსლვაჲ შენი. მჴსნელო. იორდანესა. გზა გოჳექმნა ჩოჳენ ჴსნისა
Line: 82        და განაქარვა ძალი მტერისაჲ და მოსცა ძლევაჲ მტერთაჲ და
Line: 83        ვღაღადებთ. აკოჳრთხევდით ღმერთსა საქმენი მისნი:.

Strophe: (27)  
Line: 84     სოფლისა დიდებაჲ და საშოჳებელი შეოჳრაცხ ჰყავ. მჴნეო. ღოჳაწ-
Line: 85        ლისა მძლეო. და შეიყოჳარე შენ ქრისტჱ და აწ მის თანა მკჳდრ
Line: 86        ხარ. მეოხ გოჳეყავ. რომელნი გევედრებით. სანატრელო:.

Strophe: (28)  
Line: 87     გაქოჳნდა საჭოჳრველად ჯოჳარი ქრისტეჲსი. მტკიცე სასოვებაჲ და
Line: 88        სიყოჳაროჳლი. და სარწმოჳნოვებითა მით განსძლიერდი და დას. ჰყავ.
Line: 89        აკოჳრთხევ[დით ღმერთსა საქმენი მისნი]:. ⴋⴍⴐⴜⴋⴍⴣⴌⴄⴇⴀ
      ⴄⴐⴈ:. Link to nevmir

Page: 155 
         ႠႣ̃ႡႣ̃ႱႠ:. Ⴘⴍⴁⴀⴢ ⴘ̃ⴌ̃ ⴍⴣⴞⴐⴜ̃:. Link to nevmir

Strophe: (29)  
Line: 90     ჴმითა მამისაჲთა წყალთა ზედა და განბანითა ძისაჲთა მათ შინა და
Line: 91        სოჳლისა წმიდისა სახედ ტრედისა გარდამოსლვითა მათ ზედა. გან-
Line: 92        წმიდნეს წყალნი და გოჳექმნეს ჩოჳენ მეორედ მშობელ:.

Strophe: (30)  
Line: 93     განჰბრწყინდი შენ სოჳლითა. მჴნეო. აღანთენ სანთელნი და ჰგალობ-
Line: 94        დი ვითარცა შემწირველი საკოჳერთხთა ოჳბიწოთაჲ მღდელი და
Line: 95        თავსა თჳსსა სიხაროჳლით მოგზაოჳრ ექმენ:.

Strophe: (31)  
Line: 96     დავითის ჴმასა ჰღაღადებდი. [ჰ]აბო. და ნეტარისა მის ავაზაკისა თანა
Line: 97        ჰჴმობდი ძლიერად. მომიჴსენე. მჴსნელო. სასოჳფეველსა: აწ მეოხ
Line: 98        გოჳემავ მადიდებელთა შენთა. წმიდაო:.

Strophe: (32)  
Line: 99     განწყობილსა შორის ანგელოზთასა და დასსა წმიდათა მოწამეთასა
Line: 100        განბრწყინვებოჳლი იხარებ. სანატრელო ჰაბო. აწ ევედრე ქრისტესა.
Line: 101        რაჲთა ძლევაჲ მოჰმადლოს მეფესა ჩოჳენსა:. Ⴀⴐⴑⴄⴁⴈⴑⴀ ⴞⴀⴒⴑⴀ:. 405g

         ႠႵႤႡႣ̃ႱႠ:. Ⴎⴈⴐⴅⴄⴊ ⴕⴋⴌⴍⴣⴊⴈ ⴀⴃⴀⴋ:. ???

Strophe: (33)  
Line: 102     ღმერთი ოჳხილავი იხილვე ჴორცითა იორდანეს. ნათელი თჳთ მნა-
Line: 103        თობი მოხოჳედ ნათლის ღებად. ოჳცოდველო. შეიწყნარე განწმედაჲ.
Line: 104        რომელი განსწმედ ცოდვისა მწინკოჳლსა. ამის_თჳს მორწმოჳნენი
Line: 105        ნათლის ღებასა შენსა სარწმოჳნოვებით თავყოჳანის ვსცემთ და ერ-
Line: 106        თობით ოჳგალობთ:.

Strophe: (34)  
Line: 107     შემდგომად ნათლითა განბრწყინვებოჳლისა ამის დღისა. საოჳფლოჲსა
Line: 108        კრებისა ქრისტეს ოჳფლისა ნათლის ღებისა. მოიწია მოწამისა
Line: 109        [ჰ]აბოჲს ბრწყინვალე საჴსენებელი. ამბორს ოჳყოთ სოჳრვილით
Line: 110        ღოჳაწლთა მისთა სიმჴნესა და შევამკობდეთ საჴსენებელსა მისსა
Line: 111        წმიდასა:.

Strophe: (35)  
Line: 112     მოოჳძლოჳრდა ენაჲ მითხრობად ღოჳაწლთა შენთა. ნეტარო. რამე-
Line: 113        თოჳ ოჳკოჳანაჲსკნელ დაბეჭდვასა დევნოჳლებისასა იპოვე სწორად
Line: 114        პირველთა მოწამეთა სისხლთა დათხევითა. მჴნეო. და მათ თანა
Line: 115        იხარებ სასოჳფეველსა. ღირსო. მეოხ გოჳეყავ ჩოჳენ. მადიდებელთა
Line: 116        შენთა. ნეტარო ჰაბო:. Ⴃⴄⴃⴀⴑⴀ ⴘ̃ⴀ ⴕ:. ???

Page: 156 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.