TITUS
Sasuliero Poezia
Part No. 24
Previous part

Text: II  

               თ̃ა, დეკემბრისა:. კ̂ ზ..


            წმიდისა სტეფანე პირველმოწამისაჲ.

         .....Ⴚⴈⴑⴉⴐⴀⴃ ႬႤႲ̃Ⴐ-̃ႰႨႠႬႧႠ ⴆ̃ⴀ ⴤ̃ⴢ: Ⴀ̂ : ⴂ̃ⴈ:

.:ႱႲႤႴႠႬႤ:.


            [თავნი იტყჳან: სტეფანე:.]

Strophe: (1)  
Line: 1     სოჳფევს ღმერთი წარმართთა ზედა. გიხაროდენ ყოველსა ერს:
Line: 2        რომელიცა ქალწოჳლისა_გან გამოგჳჩ[ნდა]:.

Strophe: (2)  
Line: 3     ტალავარნი ზეცისანი
Line: 4        განგეხოჳნეს შენ ზესკნელისანი.
Line: 5        სტეფანე. და იხილენ საყდარნი
Line: 6        და ერნი ნათლისანი
Line: 7        ზეშთა კრებოჳლისანი.
Line: 8        მაქებელნი მამისანი
Line: 9        ძისა და სოჳლისა წმიდისანი:.

Strophe: (3)  
Line: 10     ეჰა სროჳლი სათნოებითა.
Line: 11        სავსე იგი სასოებითა.
Line: 12        სანატრელი სტეფანე. სარწმოჳნოებითა
Line: 13        მამისა აღსარებითა.
Line: 14        ძისა დიდებითა.
Line: 15        სოჳლისა წმიდისა მადლითა.
Line: 16        სამებისა ქადაგებითა:.

Strophe: (4)  
Line: 17     ფარისეველმან მოშოჳრნემან
Line: 18        და შემდგომად ჭოჳრმან რჩეოჳლმან.
Line: 19        სიკოჳდილდ მისცა სტეფანე პავლე მოციქოჳლმან.
Line: 20        ხოლო ერმან ოჳშჯოჳლომან.
Line: 21        კრებოჳლმან ამაომან.
Line: 22        ქვაჲ დაჰკრიბა ოჳწყალომან.
Line: 23        და გჳრგჳნოსან ყო ოჳფალმან:.

Page: 157 
Line: 24     ანგელოზნი აღიარებენ.
Line: 25        ადამეანნი ადიდებენ
Line: 26        ღოჳაწლსა შენსა. სტეფანე. აქებენ
Line: 27        მღდელნი და დღესასწაოჳლობენ.
Line: 28        მთავარნი ოჳგალობენ.
Line: 29        მეფენი იხარებენ
Line: 30        და მეოხად აღგიარებენ:.

Strophe: (5)  
Line: 31     ნათლისა წაროჳვლისამან.
Line: 32        მოწამეთა მათ წინამძღოჳრისამან.
Line: 33        წამა ძეჲ მარჯოჳლ მამისა პირველმოწამემან.
Line: 34        მასწავლელმან მარტჳლთამან.
Line: 35        მოღოჳაწემან მწირთამან.
Line: 36        მოძღოჳარმან მოღოჳაწეთამან
Line: 37        და მეოხმან მორწმოჳნეთამან:.

Strophe: (6)  
Line: 38     ერი ბრალსა დასდებდა
Line: 39        და კრებოჳლი ქვასა დაჰკრებდა.
Line: 40        ხოლო წმიდაჲ სტეფანე ქრისტესა აღიარებდა
Line: 41        სიკოჳდილსა მას იხარებდა.
Line: 42        სოჳლსა შეჰვედრებდა.
Line: 43        ერისა_თჳს ევედრებოდა
Line: 44        და გჳრგჳნოსან \\ იქმნებოდა:. Ⴑ̃ⴖ̃ⴇⴍⴑⴀ:. ???


Page: 158 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.