TITUS
Sasuliero Poezia
Part No. 29
Previous part

Text: (III)  
               თთოჳესა: იანვარსა: ზ̂ :.

            კრებაჲ. ტიბერიასვე. ზღჳს კიდესა. დღესასწაოჳლო-
            ბაჲ: ნათლის ღებისა_თჳს: ოჳფლისა: ჩოჳენისა
            იესოჳ ქრისტჱსა: და ჴსენებაჲ: ღოჳაწლით შემოსი-
            ლისა: ოჳძლეველისა: მოწამისა: ჰაბო: ისმაიტელ:
            ყოფილისა. ქართველისაჲ..

         Ⴍ̃Ⴍ Ⴖ̃Ⴖ̃ႲႷ̃ႱႠ:. Ⴤ̃Ⴢ: Ⴃ̂ : ⴐ̃ⴏ̃ⴑ ⴈⴞⴈⴊⴀ ⴍⴣⴛ:. ???

Strophe: (1)  
Line: 1     დამბადებელი დაბადებოჳლთაჲ ღმერთი. გარეშეოჳწერელი და მი-
Line: 2        ოჳწდომელი. ოჳხილავი. გამოოჳთქოჳმელი. რომელმან სიბრძნით
Line: 3        დაჰბადა და შექმნა წყალთა_გან ქოჳეყანაჲ ესე ძალითოჳრთ და
Line: 4        სამყაროჲთ და გამოაბრწყინვა მას შინა ნათელი ესე მცხინვარებისა
Line: 5        მზისაჲ და კაცთა მოჰმადლა ცხოვრებაი ესე. ინება კოჳალად
Line: 6        ცხოვრებაჲ ჩოჳენი წყალთა_გან და ქოჳხს ჴმითა ზეგარდამო გა-
Line: 7        ნახლებად სოჳლთა ჩოჳენთა_თჳს:.

Strophe: (2)  
Line: 8     ნათელი ნათლისა_გან შობილი. სიტყოჳაჲ მამისა_გან გამოსროჳლი.
Line: 9        სროჳლი ღმრთეებითა. თანაარსი და თანამოსაყდრე. სწორი მამი-
Line: 10        საჲ ბოჳნებით. გამოჩნდა ჴორცითა. წყალთა_გან ნათელ იღო აწ.
Line: 11        რაჲთა განწმიდნეს და ყვნეს იგინი განმწმედელად სოჳლთა კაცთასა
Line: 12        და განმანათლებელ. განმათავისოჳფლებელ ცოდვათა_გან. და მოს-
Line: 13        ცეს მადლი დათრგოჳნვად მანქანებათა ბოროტთა მტერისათა და
Line: 14        შემმოსოს ძალი ღმრთეებისაჲ ოჳძლეველი:.

Strophe: (3)  
Line: 15     სოჳლი ღმერთ არს. ვითარცა იტყჳს წერილი. თჳთ ჴელმწიფეჲ
Line: 16        და შემოქმედ: ვითარცა იგი. დაჰბადებდა რაჲ დაბადებოჳლთა. იქ-
Line: 17        ცეოდა ზედა წყალთა. დღეს იორდანესა სახითა ტრედისაჲთა გარ-
Page: 178  Line: 18        დამოჴდა. რაჲთა ოჳჩოჳენოს. რომლისა_თჳს მამაჲ ზეგარდამო
Line: 19        წამებს ჴმითა. რამეთოჳ ესე არს. რომელმან მოსცეს პირველი იგი
Line: 20        წარწყმედოჳლი კაცთა ცხოვრებაჲ წყალთა მიერ. აღსაარებითა სამე-
Line: 21        ბისა წმიდისაჲთა:. ႠႡႭჂႱႬႨ:.

Strophe: (4)  
Line: 22     განჰკაფე გოჳამი შენი. წმიდაო. მარხვითა და განსწმიდე სოჳლი შე-
Line: 23        ნი. მაშინ მადლითა ღმრთისა მიერითა აღივსე და მიჰრბიოდე
Line: 24        წამებად. ვითარცა ზოჳარაკი შესაწირავად ღმრთისა. მრგოჳლიად
Line: 25        დასაწოჳველად. და აღიარე კადნიერად მძლავრთა წინაშე და სახელს
Line: 26        იდევ ქრისტეანედ და სთქოჳ. არაჲ მეშინის ტანჯვათა_გან თქოჳენ-
Line: 27        თა. ოჳღმრთონო. და თავყოჳანის ვსცემ ღმერთსა ჩემსა. სამებით
Line: 28        ცნობილსა და ერთარსებით დიდებოჳლსა:.

Strophe: (5)  
Line: 29     რაჟამს გეოჳწყა განსროჳლებაჲ ღოჳაწლთაჲ მათ შენთაჲ. წმიდაო.
Line: 30        და განსლვაჲ საკრველთა მათ_გან ჴორცთაჲსა და მისლვაჲ ოჳფ-
Line: 31        ლისა. მაშინ ოჳფროჲს განსძლიერდი და იწყე გალობად. ვითარცა
Line: 32        რაჲ იგი გალობნ მკოჳდარსა ზედა. და ავაზაკისა თანა ჰჴმობდი.
Line: 33        მომიჴსენე. ოჳფალო. მოსლვასა მეორედ დიდებით. და შესწირევდი
Line: 34        თავსა თჳსსა მსხოჳერპლად. ჴითარცა მღდელი ჯერისაებრ. და ღირს
Line: 35        იქმენ სოჳფევასა დაოჳსროჳლებელსა:.

Strophe: (6)  
Line: 36     დიდ არს მადლი ნიჭთა შენთაჲ. მეოჳფეო. რომელნი ჰყვენ წმიდათა-
Line: 37        _თჳს. რომელნი ესე სათნო გეყვნეს შენ ღირსებითა. რამეთოჳ
Line: 38        გამოაცხადე დღეს მოწამე შენი აბო ზეცით ცეცხლისა მოვლინე-
Line: 39        ბითა და ოჳჩოჳენე ყოველთა კაცთა დიდებაჲ. რომელთა შენ_თჳს
Line: 40        იღოჳაწონ. აწ გევედრებით. მეოხებითა მათითა მოგოჳმადლე მშჳ-
Line: 41        დობაჲ და წყალობაჲ შენ მიერი. რაჲთა მარადის ოჳგალობდეთ
Line: 42        სახელსა შენსა:. ⴐ̃ⴊⴑⴀ ⴕⴀⴃⴀⴂⴄⴁ:. ???

         ႭႾႨႧႠჂ Ⴤ̃Ⴢ Ⴀ̂ Ⴂ̃Ⴈ:.

Strophe: (7)  
Line: 43     გიხაროდენ გამორჩეოჳლო მაღლისა მიერ. ღმრთისა მამისა და ძისა
Line: 44        მხოლოდ შობილისა მიერ წოდებოჳლო. სოჳლისა წმიდისა განბრ-
Line: 45        წყინვებოჳლო. ზეცას ოჳჴორცოთა გოჳნდსა თანა შეერთებოჳლო.
Line: 46        მოწამეთა და მართალთა შორის ქებოჳლო. ეკლესიათა შოჳენიერო
Page: 179  Line: 47        სამკაოჳლო. მარტჳლთა სიქადოჳლო. მეფეთა სიხა\\როჳლო. მორ-
Line: 48        წმოჳნეთა შემწეო. ახოვანო მოღოჳაწეო აბო. ღმერთსა ევედრე აწ
Line: 49        მონიჭებად სოჳლთა ჩოჳენთა დღეს დიდი წყალობაჲ:.

         ႺႨႱႩႰႠႣ ႬႤႲႠႰ-ႠႰႨႠႬႧႠ Ⴃ̃ႱႣႤႡႤႪ-
         ႬႨ:. ⴑⴍⴣⴔⴄⴅⴑ ⴖ̃ⴈ ⴜⴀ:. ???

.: [ႧႠႥႬႨ ႨႲႷჃႠႬ] ႠႡႭ :.

Strophe: (8)  
Line: 50     აღმსაარებელნი სამებისანი. მორწმოჳნენი ადამეანნი. აღმასროჳლებელ-
Line: 51        ნი საოჳფლოსა ამას დღესა ნათლითა შემოსილსა. საღმრთოჲთა
Line: 52        შესხმითა თაჳგამოდებით ჴსენებასა აბო ახლისა მოწამისასა:

Strophe: (9)  
Line: 53     ბოჳნებათა ოჳზეშთაეს შეიმოსე ბოჳნებაჲ ჩემი. ღმრთისა სიტყოჳაო
Line: 54        მხოლოდ შობილო. და ნათელს იღე ჴორცითა. ოჳცოდველო. რომ-
Line: 55        ლისა მსგავსებითა ნათელს იღო მჴნემან აბო წყლითა და სისხლთა
Line: 56        დათხევითა:.

Strophe: (10)  
Line: 57     ოჳვარისმყოფელთა ქრისტესთა. ოჳშჯოჳლოთა ისმაიტელთა. ნა-
Line: 58        შობთა შორის ბნელისათა. ვარსკოჳლავად მნათობად გამოჰბრწყინდი.
Line: 59        მჴნეო მოწამეო აბო. და საღმრთოჲთა ნათლითა განანათლნენ ქართ-
Line: 60        ლისა მყოფნი:. ⴑ̃ⴖ̃ⴇⴍⴑⴀ ⴒⴀⴉⴍⴣⴉⴑⴀ ⴜ:.... ???

         .....

Line: 61           \\ ...ႠႵႤႡ̃ႧႱႠ:. Ⴇⴀⴌⴀⴑⴜⴀⴐⴋⴀⴌ ⴋⴀ:. ???

Strophe: (11)  
Line: 62     რომლისა_თჳს გოჳახარებდა ესაია ღმრთის მეტყოჳელი და სოჳლითა
Line: 63        წმიდითა პირველვე იტყოდა მოსლვისა_თჳს ღმრთისა ჴორცითა
Line: 64        ცხოვრებად მორწმოჳნეთა. რომელმანცა იტჳრთნა : ოჳძლოჳრებანი
Line: 65        ძეთა კაცთანი. დღეს იორდანეს მოვიდა ნათლის ღებად თჳთ მნა-
Line: 66        თობი ნათელი თოჳალთ შეოჳდგამი. სოფლისა განმანათლებელი:.

Strophe: (12)  
Line: 67     წინაჲსწარვე მოგოჳასწავა დავით წინაჲსწარმეტყოჳელმან მოსლვაჲ
Line: 68        მჴსნელისაჲ იორდანისა წყალთა. იტყოდა რაჲ განცხადებოჳლად
Line: 69        საღმრთოჲთა მით სიბრძნითა. მთანი იხარებდით წინაშე პირსა
Line: 70        ოჳფლისასა. რამეთოჳ მოვალს დღეს ნათლის ღებად სიმდაბლით
Line: 71        იორდანეს. რომლისა_გან შიშით ძრწიან ოჳსხეოჳლონი ზეცისანი:.

Strophe: (13)  
Line: 72     ნაშობნო იქედნეთანო. ვინ გიჩოჳენა თქოჳენ სივლტოლაჲ მოწევნა-
Line: 73        დისა მის_გან საოჳკოჳნოჲსა რისხვისა მის მომავალისა. რამეთოჳ
Line: 74        არაჲ ჰყავთ თქოჳენ ნაყოფი სიმართლისაჲ. ეტყოდა წინა მორბედი
Page: 180  Line: 75        მომავალთა მისა: მაშინ მოვიდა მჴსნელი გალილეაჲთ იორდანეს
Line: 76        ნათლის ღებად. განმანათლებელი ყოველთაჲ:.

Strophe: (14)  
Line: 77     სოჳრვილითა სოჳლისაჲთა და ფრიად სიყოჳაროჳლითა შენითა. დი-
Line: 78        დებოჳლო მოწამეო ჰაბო. აღიძრვის დღეს გონებაჲ ჩოჳენი ქებად
Line: 79        ღოჳაწლთა მათ შენთა ბრწყინვალითა ქებითა. პირველად წამებისა
Line: 80        შენისა. ვითარ მჴნედ ჰშოჳრებოდე. ძლიერად ეწყვე მტერსა. რაჟამს
Line: 81        წარსდეგ მძლავრთა წინაშე: განდიდნა სახელი წამებისა შენისაჲ:.

Strophe: (15)  
Line: 82     მოვედით დღეს. მორწმოჳნენო. იხილეთ მენელსაცხებლე. რომელმან
Line: 83        შეწირა თავი თჳსი მსხოჳერპლად მის_თჳს. რომელმან ივნო ჩოჳენ-
Line: 84        _თჳს. და სისხლთა დათხევითა სოჳლნელ ყო ეკლესიაჲ ოჳფროჲს
Line: 85        ყოველთა ნელსაცხებელთა და აწ ევედრების ყოველთა მეოჳფესა.
Line: 86        ღმერთსა ჩოჳენსა. სოჳლთა ჩოჳენთა ჴსნისა_თჳს ყოვლისა_გან გან-
Line: 87        საცდელისა:.

Strophe: (16)  
Line: 88     განზრახვითა კეთილითა შესცვალე შოჳებაჲ სოფლისაჲ და დიდებაჲ
Line: 89        მისი შეჰრაცხე ნაგევად. რაჲთა ქრისტე შეიძინო. და სროჳლიად
Line: 90        იღოჳაწე. და აწ არაჲ სარკითა ვითარცა სახედ ჰხედავ მას. არამედ
Line: 91        პირისპირ იხილავ საწადელსა: მეოხ გოჳეყავ. რომელნი აღვასროჳ-
Line: 92        ლებთ ჴსენებასა შენსა. ნეტარო:.

Strophe: (17)  
Line: 93     ადგილი იგი სამსხოჳერპლოჲ. რომელსა ზედა დაიწოჳა ყოვლად
Line: 94        წმიდაჲ გოჳამი შენი. ნეტარო. დიდებაო მოწამეთაო. ემსგავსა სა-
Line: 95        კოჳრთხეველსა წმიდისა აჰრონისსა ზეცით ცეცხლისა დადგრომითა
Line: 96        განგრძობილად. ღირსო. ნათლითა ბრწყინვალითა: ჰხედვიდეს რაჲ.
Line: 97        ოჳრწმოჳნოთა დაოჳკჳრდა და მორწმოჳნენი იხარებდეს:. Ⴑ̃ⴖ̃ⴇⴍ-
      ⴇⴀ ⴜ̃ⴄ:. ???

Page: 181 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.