ARMAZI
Megrelian Texts ed. Xubua
Part No. 12
Previous part

Text: 12 
Page of edition: 58 
Line of edition: 29          
XII. როშაპი დო როკაპიშ არიკი


Line of edition: 30       ქოჸოფე მოხუცებული ჩილი დო ქომონჯი. თენეფი რდეს უსქე.
Line of edition: 31    ქომონჯი ორდჷ მონადირე, მარა ათე მონადირეს უღუდჷ განსაზღრულო
Line of edition: 32    სანადირო ადგილი, თიშ იშო ორდჷ როშაპიში. ათე როშაპიში
Line of edition: 33    ადგილს თოფიში გოჸოთამა ვეშილებედჷ: მუში ადგილიში ძგას
Line of edition: 34    ოჸოთიკონ, იშენი უჩქჷდჷ როშაპის, მუჭო მუში ადგილს ორდჷნი. ბოლო
Line of edition: 35    დროს მოხუცებული ჩილი დო ქომონჯის გეურჩქინდეს ართი ქომოლი
Line of edition: 36    სქუაქ. ათე ბაღანა ამჷდღა რენ იში უმოსი ჭუმე რე, ჭუმე რენ იში უმოსი
Page of edition: 59  Line of edition: 1    გიღანი დო ბაღანაქ მალას მირდჷ. ეფერი ჟამს ბადიდიქ მიდართჷ
Line of edition: 2    სანადიროშა. ქოძირჷ ართი ჩე ირემი. გამათხოზჷ ათე მოხუცებულქ
Line of edition: 3    ათე ირემს, მარა ირემქ იშო გემიშერტჷ ათე როშაპიში ადგილიშა.
Line of edition: 4    ათე მოხუცებულს ვამუთმინჷ შურქ დო ქაჸოთ თოფი, მარა დაჩირთჷ
Line of edition: 5    ტყვიაქ. ეფერი ჟამს გოგურგინჷ მუდგაქირენ დო დიძახჷ:
Line of edition: 6       -- მინიჷრექ ჩქიმი ადგილს თოფი ოჸოთიე?

Line of edition: 7       გიშელჷ ჭიჭე ხანქ დო ქჷმორთ ათე ბადიდიშა როშაპიქ. უწუ̄
Line of edition: 8    ბადიდის:
Line of edition: 9       -- თოფი მუშენი ოჸოთი ჩქიმი ტყასია? ჸოთამა ვეშილებედუნი
Line of edition: 10    ხომ ქოჲჩქჷდუა? მარა სი მუთას რღოლანქ დო სქანი ქომოლ სქუა
Line of edition: 11    ქმომიჩქვია.

Line of edition: 12       ათე დროს ბადიდიქ გარა ქიდი̄ჭყ დო უწუ̄:
Line of edition: 13       -- პატონი, სქანი ჸუდეშა ინა ვაგუნი, სოლე გუტუა?

Line of edition: 14       როშაპიქ უწუ̄:

Line of edition: 15       სქანი ჭიშქარიშე გეგნიჸონი დო უკული სოლეგიდა იდასჷნი,
Line of edition: 16    იშენი ჩქიმი ჸუდუშა ქჷმურსია.

Line of edition: 17       მოლართჷ ბადიდიქ დო გომნიგარ ოზესჷნი, სქუაქ ქჷმაზად
Line of edition: 18    მუმას დო უწუ̄:
Line of edition: 19       -- მუშენ იგარქ მუა ჩქიმია.

Line of edition: 20       მუმაქ გარებულო უწუ̄:
Line of edition: 21       -- ოგარალი ვარი დუდი მაფ სქუა ოჸვილარია დო უწუ, თე
Line of edition: 22    ბოშიქ ოჭუმარეს როშაპიშ ჸუდშა ოკო მიდართასჷნი.
Line of edition: 23       -- თეშენი იგარდიავო უკულია, უწუ̄ ბოშიქ. ორზოლი დომიჭვით
Line of edition: 24    დო ოჭუმარეს ადრე გინიბლენქია, სი ეშენი ვეგარავა,

Line of edition: 25       უწუ̄ მუმას.

Line of edition: 26       მაჟირა ოჭუმარეს ორზოლი გაგმუნწყის დო გინი̄ლჷ ბოშიქ,
Line of edition: 27    როშაპიშ ჸუდეშ მაულარო. იდჷ, იდჷ დო ართი დიხას წყარი პიჯიშა
Line of edition: 28    გიშელჷ. დიკაჯინჷ თუდოლეშე დო ქჷმოფურინუნც სუმი ტორონჯინი
Line of edition: 29    ქოძირჷ. ე ბოშიქ იფიქრჷ:
Line of edition: 30       -- მა იშენი ოდინაფუშა მეურქ დო დაბა ჭიჭე ხანს ათე
Line of edition: 31    ტორონჯენს ქუჯინექია დო დატყობჷ ათაქ ფეშერონს.

Line of edition: 32       ეფერი ჟანს ათე ბოში მითოხენ ათაქინეშე ხოლოს, წყარიშ
Line of edition: 33    ძგას ქეკაფურინეს. დიფართხალეს დო გიშელეს ბურდღაშე ზისნახე
Line of edition: 34    ცირენქ. დიჭყეს თე წყარს ტანიში ბონუა. ბოშიქ იფიქრჷ:
Line of edition: 35       -- მა იშენი ოდინაფუშა მეურქ დო ათენეფიში ნაშთის
Line of edition: 36    ქიფხვამილუანქია. გაჲშასხაპ ტყაშე დო ქიხვამილუ̄ ართიში ბურდღა,
Line of edition: 37    დანარჩენი ჟირქ ქუჭიშე̄ს მუნეფიში ბურდღაშ მიშულა დო რტინა.
Line of edition: 38    ქინოსქჷდ ართი ცირაქ წყარს დო უწუ̄ თე ბოშის:
Page of edition: 60  Line of edition: 1       -- ბოში, სი მუ გიჭირსჷნ, მა ირფელი ქომიჩქ, ქომუჩი ჩქიმი
Line of edition: 2    ბურდღა დო გირსხენქია. მა ვორექ როშაპიში სქუა დო ირტჷნ თი
Line of edition: 3    ცირეფი ჩქიმი დალეფირე, მუჟანს ჩქჷნი ოზეშა მუნილენქჷნი, სერიშა
Line of edition: 4    ვამკორთა კოჩიში ოძირაფუშა დო სერით სოდე სინთექ იჸუას, თექ
Line of edition: 5    მუნილი; სინთე ჩქიმი მეტის მითინს ვოუღ დო მა ქჷდგოგურუა
Line of edition: 6    უკულიანიშო მუჭო ქიმინევე.

Line of edition: 7       ჯგირია დო ქიმეჩჷ ე ბოშიქ ბურდღა ძღაბის. ძღაბიქ ქიკიდუ̄
Line of edition: 8    მუში ბურდღა დო ქოფურინ ხათე ხოლო.

Line of edition: 9       ბოშიქ გიაჸუნ დო იდჷ შარათ, ქიმიოდირთჷ როშაპიშ ჸუდეს.
Line of edition: 10    ოკოსერუაშა ქიმთიცად ბარდის დო აკისერუნ გითილჷ გოთეშა;
Line of edition: 11    მიოჯინუნ, სინთე ქორე ართი ოთახუს, შხვადო უკუმელარე ირდიხას.
Line of edition: 12    გოურქიუ ბოშიქ დო მინილუ სოდე სინთერენ თაქ. გეიაზადჷ ცირაქ
Line of edition: 13    დო ოჭკომალი ქოჩჷ, რაგადეს ჭე ხანი დო შულადირი ბოში
Line of edition: 14    ქჷმასვანჯუ. ათენა ორე იანარიშ სერი. ქიმერთჷ ცირაქ დო ამსერი ათე
Line of edition: 15    ჸუდეში წოხოლე გეიჸონ ართი ჯა, გვერდი უშქური დო გვერდი სხული.
Line of edition: 16    გაკურცხინუ̄ ბოში დო უწუ̄:
Line of edition: 17       -- სი ათე ჯაში ჯინს ქალადირთი დო გედირთჷნა ჩქიმი დიდა
Line of edition: 18    დო მუმანი, როშაპის ართი მარდი გინაგი დო როკაპის ჟირი. თინეფი
Line of edition: 19    რკითხენა სია:
Line of edition: 20       -- მიქ ქიმინჷ თენავა?

Line of edition: 21       სი უწი̄ა:
Line of edition: 22       -- ეჯგუა ბრელი მუთუნი მიჩქჷ, მარა ჩქიმო არძა ოხერიენია.

Line of edition: 23       ათეშ უკული ამდღარ დღას ქჷგაცალენსია. ოკისერასჷნ, სინთეს
Line of edition: 24    სოდე ძირუნქჷნი, თექ მჷნილია უწუ̄ ცირაქ. გოთანდჷ ჯგირო დო
Line of edition: 25    გედირთეს როკაპი დო როშაპიქ. ქოძირეს ბოში ჯას ჯინს. ბოშიქ ჟჷრი
Line of edition: 26    მარდი როკაპის გინაგჷ დო ართი მარდი როშაპის. ამდღარ დღა
Line of edition: 27    დამიცალებუნანია -- უწი̄ს თე ბოშის. აკისერ დო მინილჷ კინი ბოშიქ
Line of edition: 28    თე ცირაშ ოთახუშა. ათე ცირა ორე გულთააზრი -- მუს კოჩი
Line of edition: 29    იფიქრენსჷნ, თინა ირფელი უჩქჷ. ამსერი ხოლო მასვანჯუ̄ ბოში.
Line of edition: 30    თენეფიშა ჸუდე გინოდგჷ ზღვას, ზღვაშა გემშაკეთჷ თე ძღაბიქ ხინჯი
Line of edition: 31    ჟჷრი ვერსიშ მაშორას. უკული გაკურცხინუ̄ თე ბოში დო უწუ̄: ათე
Line of edition: 32    მარწუხი დო კვერი მიდეღი, ქიგედირთი თე ხინჯის დო უკაკე̄.
Line of edition: 33    მუჟანს როშაპი დო როკაპი გედირთუნან, სუმი მარდი როკაპის გინაგი
Line of edition: 34    დო ჟჷრი მარდი როშაპის. ინეფი გიწინა:
Line of edition: 35       -- ამდღარ დღა ხოლო მიცალებუნანია.

Line of edition: 36       ამდღა თექ გედირთი დო ამსერი ჩქიმდა მჷნილი კინია.
Line of edition: 37       -- უწუ̄ ცირაქ.

Page of edition: 61 
Line of edition: 1       ოჭუმარეს თეში ქიჸუ̄ ირფელქ, მუჭოთ ცირაქ უწუ̄ნ. გედირთ
Line of edition: 2    იმ დღას ბოშიქ ხიდეს დო აკისერუნ მინილჷ ძღაბიშ ოთახუშა.

Line of edition: 3       ძღაბიქ უწუ̄ ბოშის

Line of edition: 4       ჭუმე ოჭუმარეს ჩქიმი დიდა დო მუმა ქუმულა სქანდა დო გიწი̄ნა:
Line of edition: 5       -- სი ჩქინი სქუა ოკო ქითხუევე.

Line of edition: 6       ჩქი სუმი დალეფი ვორეთ, სუმ ხოლოს ართო ქიგმორინუანან
Line of edition: 7    დო გიწი̄ნა:
Line of edition: 8       -- ნამუდიგა გისხუნუნ თინა გაჲშეგორია.

Line of edition: 9       მარა ჩქი სუმხოლო ართიანს ბგუთ დო მა ვემოჩირთა, ვარა
Line of edition: 10    მედინუქ. მუჭო ართო ქიგმორინუანან, სი დეკვირი ჩქიმი ქურს, ართი
Line of edition: 11    კუჩხის მა უქაცუანდე იჸინია დო თიმწკმა ხე ქჷმოფთხია. ათეშ უკული
Line of edition: 12    მა იპიქ სქანი ოსურია.

Line of edition: 13       მაჟირა დღას ქიგიორინეს დასურო სუმიხოლო დალეფი ართო
Line of edition: 14    დო ბოშის უწი̄ს:
Line of edition: 15       -- ნამუ გისხუნ ათე ცირეფიშენ, გაჲშეგორი ოსუროვა.

Line of edition: 16       ბოშიქ უჯინ ბრელი ხანს დო ხე ქჷმოკიდ ათე ძღაბის, ნამუთ
Line of edition: 17    კუჩხის უქანცუანდუნ. მიდეჸონეს დო გურგინი ქიგუდგეს თე ცირაშა
Line of edition: 18    ბოშის. ექ ეწყინეს უჩაში დალენს დო მირაგადეს:

Line of edition: 19       უჩაშიქ თქუ:
Line of edition: 20       -- ქორშჷნიაო, ჩქჷ თუდოლეშე მოფუბრინუნდითჷნ თიწკჷმა ათე
Line of edition: 21    ჩქჷნი უკულაში და წყარს დინაჭოფუნ, თი ბოში რე თენავა. მორთი,
Line of edition: 22    თე საქმე ირფელი ჩქინი დიდა დო მუმას ქუწუათ დო ჟირხოლოს
Line of edition: 23    ოჭკომუნანია..

Line of edition: 24       ათე ჟირი დალენქ მუთ ვარენო იფიქრეს დო ეჩი̄ს ართიანსჷნ,
Line of edition: 25    ირფელს გითმეგენს უკულაში ძღაბი, ათე ბოშიშ ჩილი.

Line of edition: 26       ამსერი ირფელი ქუწუ̄ ბოშის მუში ოსურქ, მუჭო ოჭუმარეს
Line of edition: 27    ჟირხოლოს ოჭკომუნა, მუნეფიშ ვითარებას უჩაში დალეფი გაგებაფუანა დიდა
Line of edition: 28    დო მუმასჷნ. გოთანაქ ქჷმადირთ დო გედირთეს ძღაბი
Line of edition: 29    დო ბოშიქ, ქიგედოხოდეს დიდა დო მუმაში რაშენს დო მეულა
Line of edition: 30    ქარიცალო. ათე ძღაბი ურაგადჷ ბოშის:
Line of edition: 31       -- ჰე, ასე გედირთეს ჩქიმი დალენქ დო მეულა დიდა დო მუმაშა
Line of edition: 32    ოჩივლებუშავა.

Line of edition: 33       ჭიჭე ხანქ ქიჸუ̄ დო გოვალჷ, გოგურგინჷ დო გინილჷ როშაპიქ.
Line of edition: 34    ამარ-ემერ ქჷმაჭიშუანს, თიში მახოლაშა ქჷმორთ.

Line of edition: 35       ათე ცირას უღუ ართი მართახი, თე მართახის რაშის მუჭო ქიმიოგანს
Line of edition: 36    დო მუსჷთ გიორაგადანსჷნ, ირფელი ხათე გეჲალე. ქიმიოგ
Line of edition: 37    მართახი დო ოხვამეთ გინირთია უწუ რაშის. რაშიქ გინირთ ოხვამეთ.
Page of edition: 62  Line of edition: 1    მაჟჷრა რაში გალავანო გინი̄რთინუ̄. ბოში გინა̄რთინუ̄ დიაკონო,
Line of edition: 2    მუქ პაპათ გინი̄რთჷ დო ქიდი̄ჭყჷ წირუა. როშაპიქ ქჷმა̄დირთჷ ოხვამეს
Line of edition: 3    დო იკითხჷ:
Line of edition: 4       -- ათაქ ძღაბი დო ბოში ვაიძურუნანიავო?
Line of edition: 5       -- ვარია -- უწის

Line of edition: 6       დი̄რთჷ როშაპიქ მუში ჸუდეშა.

Line of edition: 7       გინირთეს კინი ენენქ ძღაბი დო ბოშო გედოხოდეს რაშენს დო
Line of edition: 8    მეულა.

Line of edition: 9       ძღაბიქ უწუ̄ ბოშის:
Line of edition: 10       -- ჩქიმი დიდას ირფელი უჩქჷ, ჩქი მუსჷთ ვორთჷთჷნი. მუჟანს მუა
Line of edition: 11    ჩქიმი ქიმეურს ჸუდეშანი, თიწკჷმა ჩქიმი დიდა ხოლო გინილენს ჩქინი
Line of edition: 12    ოჭოფუშა, მარა გაჭირება რე წორეთ ეთი ჩქიმი დიდა როკაპიში
Line of edition: 13    ტყობინი.

Line of edition: 14       ათეშ რაგადი დო გოვალჷ, გოგურგინჷ დოო გინილეს როშაპი დო
Line of edition: 15    როკაპიქ. ამარ-ამარი ოკო მაჭიშუანინ ფერი დროს, მიოგჷ ძღაბიქ
Line of edition: 16    მართახი ბოშიშ რაშის დო ცაშა ანჭუნ ფერი თოლირი ქუათ გინა̄რთინუ̄.
Line of edition: 17    მიოგჷ მუში რაშის დო ზღვა ქუგუ̄ხვილჷ ათე ქუას. ბოში დო
Line of edition: 18    მუში დუდი გინი̄რთინუ̄ ტორონჯო დო მართახი ნინძგიშა ქიგინძგილუ̄.
Line of edition: 19    მეულა ეშე-ეშე თე ქუაში მანგო ფურინით. წვანს ქმნაფურინეს
Line of edition: 20    თე ქუას ჟირხოლო ტორონჯიქ დო ქჷმორთეს როშაპი დო
Line of edition: 21    როკაპიქ.

Line of edition: 22       როკაპიქ უწუ̄ როშაპის:
Line of edition: 23       -- ქა̄რწყექო ქუას წვანს სიდე გჷმახენა ძღაბი დო ბოში
Line of edition: 24    ტორონჯო გორთელინი. ზღვა დო ქუა რაშეფი რე ჟირხოლო დო აბა,
Line of edition: 25    სი გიჩქუ.

Line of edition: 26       როშაპიქ ქიდი̄ჭყჷ ზღვაში შუმა დო გეშა̄სქირუ̄. უკული ქიდი̄ჭყეს ეშე
Line of edition: 27    ფურინუა ძღაბი დო ბოშიშ ოჭკომუშა. ძღაბი დო ბოშიქ
Line of edition: 28    ხოლო ეიყარეს დო ფურინეს. დოშურდჷ როშაპიქ, რადგანს ვარდუო
Line of edition: 29    წყარით რძღელირდჷნი, ბრელქ ვაფურინუ დო ქუაშ წვანს ქიგიანთხჷ დო
Line of edition: 30    იშო ქიგეღურ თექ. ზღვაქ კინი ქჷგა̄ხვილჷ ქუასჷ. როკაპიქ ხოლო ქაშეშქვიდჷ
Line of edition: 31    თე წყარს. გიმელეს ძღაბი დო ბოშიქ დო გინირთეს კინი
Line of edition: 32    მუჭო ორდეს თეში.

Line of edition: 33       ბოშიქ უწუ̄:
Line of edition: 34       -- იბდათ ჩქიმი ჸუდეშა.

Line of edition: 35       ძღაბიქ უწუ̄:
Line of edition: 36       -- ვარი, ჩქიმი ჸუდეშა იბდათია. ვადუჯერეს ართიანს ბრელი
Line of edition: 37    ხანს. ბოლოს, ჯგირია უწუ̄ ძღაბიქ დო მიდართეს ბოშიშ ჸუდეშა.
Line of edition: 38    ხოლოშა ქიმერთესჷნი, ბოშიქ უწუ̄ ძღაბის:

Page of edition: 63 
Line of edition: 1       სი თაქი ქორდა დო მა მიდურქ ჸუდეშა დო ჯგირო
Line of edition: 2    გეგმუონწყონქია.

Line of edition: 3       ძღაბიქ უწუ̄:
Line of edition: 4       -- სი ჸუდეშა ქიმურქინ, მა გუგოჭყორდუქია, მარა იშენი
Line of edition: 5    ვადეჯერჷ ბოშიქ დო მიდართჷ.
Line of edition: 6       -- სი მუჭო გჷმოჭყორდუქია:

Line of edition: 7       უწუ̄ ძღაბის.

Line of edition: 8       ქიმერთ ბოშიქ ჸუდეშა დო დასურო ვაგაჭყორდუო ე ძღაბიქ.
Line of edition: 9    ქჷდოსქიდჷ ამჷსჷრი ძღაბიქ მინდორს, მარა იშენი ეს მუ უჭირდჷ,
Line of edition: 10    რადგანს ეფერი მართახი უღუდჷ, მუთ ოკოდუნი თით გინი̄რთინუანდჷ
Line of edition: 11    დუსჷნი. ჸუდეს დუჭყეს ბოშის ოსურიში რიგება დო გურიგეს პაპაშ
Line of edition: 12    სქუა. გეგმა̄ნნწყის ირფელი დო დიარა რე ამჷსერინ ეფერი ჟანს
Line of edition: 13    ქჷმორთჷ თე ცირაქ თაქ. მარა ე ბოშიქ დიახჷთ ვეჩინ, რადგანას
Line of edition: 14    გაჭყორდჷნი. ართი ოთახუ ქი̄თხუ̄ თაქ, თე ბოშიშ ჸუდეს თე ცირაქ
Line of edition: 15    დო ქიმეჩეს

Line of edition: 16       ქიჭანუ̄ თე ცირაქ მუში ქომონჯიში დიდა დო უწუ̄:
Line of edition: 17       -- ართი დადული დო ართი მუმული ქომიჸიდით, დუდი გვალო
Line of edition: 18    ვემეკვათათ თეში დომიჭვით დო ქჷმომღითია. დეთანახმჷ დიდაქ,
Line of edition: 19    გუკეთჷ დადული დო მუმული მუჭო უწუნ თეში დო ქუმუღჷ ჭვილო.
Line of edition: 20    მოჭყუდუ ქიმიჸონეს დო ქჷდოხოდეს ოსერიშეთ დიარასჷნ ეფერი
Line of edition: 21    დროს, ათე ცირა ხოლო თაქიე დო მი̄თხუ̄ სტოლიში წოხოლე სიტყვა.
Line of edition: 22       -- ქომუჩით ნება ჩქიმი ჭვილი დადული დო მუმულქ გეთელას
Line of edition: 23    დო ჩქიმი გაჭირება ირფელი ქიჩიასიე.

Line of edition: 24       ირ კოს გუკვირდჷ: ჭვილი დადული დო მუმულქ მუჭო ოკო
Line of edition: 25    გეთელას დო რაგადით ქიჩიასიე.

Line of edition: 26       მარა მეჩეს ნება.

Line of edition: 27       ცირაქ დუძახჷ ჭვილი დადული დო მუმულს:
Line of edition: 28       -- გიკურცხინეთ ქოთომეფი, თეზჷმა ხანს მუშენი რულანია, გედირთით
Line of edition: 29    დო ქიჩით ჩქიმი გაჭირებავა.

Line of edition: 30       გედირთეს დასურო ქოთომენქ. დი̄ჭყჷ დადულქ რაგადი --
Line of edition: 31    ირფელი ქიჩუ̄ დუდიშე ბოლოშა მუთ თე ქოღოლამუნ. მუმულქ ხოლო
Line of edition: 32    ქეგუძინჷ, მუჭოთ თე ბოში რე თე ცირაში ქომონჯინი.

Line of edition: 33       ბოშის ქჷგაშინ ირფელქ დო დეთანხმჷ, მუჭოთ თე ცირა მუში.
Line of edition: 34    ოსურირდჷნი. ჸუდეშა დართინეს დო ძღაბი დო ბოშიქ იცხოვრეს
Line of edition: 35    გემუანო ბრელი ხანი.


Line of edition: 36    
თედორე ჯოჯუა. სოფელი კურზუ. 28.07.1923



Next part


This text is part of the ARMAZI edition of Megrelian Texts ed. Xubua.

Copyright ARMAZI Project, Frankfurt a/M, 8.10.2005. No parts of this document may be republished in any form without prior permission by the copyright holder.