ARMAZI
Megrelian Texts ed. Xubua
Part No. 21
Previous part

Text: 21 
Page of edition: 83 
Line of edition: 15          
XXI. ღარიბი კოჩიშ არიკი


Line of edition: 16       ორდჷ ართი ღარიბი კოჩი. ჸუნდჷ ართი ჩილი. გინი̄ლჷ თე
Line of edition: 17    ქომონჩქ დო მიდართჷ შხვა სახენწჷფოშა. ქჷდებინუ̄ თექ დო
Line of edition: 18    ცხოვრენდჷ დიდი ხანს. ათე კოჩიში სოფელიშე გინი̄ლეს ჟირი ჯიმა
Line of edition: 19    ვაჭარენქ დო ქემერთეს თი სახენწჷფოშა, სიდეთ თე კოჩი
Line of edition: 20    ნოცხოვრებუედუნ. ვაჭარენს აფუნა ართ მაჟიაშა ნარაგადჷ ნამჷდა:
Line of edition: 21       -- მითინც ვადვარკათ მუთუნი, ჩქი მუთ მერგებუნან თიშ მეტია.

Line of edition: 22       გინულირიე კოჩი თაურე თენეფიში ულაშან, თის ქჷდურინჷ
Line of edition: 23    ხაზენწკჷმა. ქოძირჷ თე კოჩქ მუში სოფელიშე მულირი კათეფინ, ახიოლჷ
Line of edition: 24    ძალამქ დო უწუ̄. ჩქიმი უმუშო ვედათ ჩქინი ქეჸანაშა, მა გოჸუნუანთ
Line of edition: 25    ჭიჭე მუდგენსია.
Line of edition: 26       -- ჯგირია, უწი̄ს.

Line of edition: 27       ქიმერთჷ თე კოჩქ მუში ხაზენიშა დო უწუ̄ -- ართი კაპეკი
Line of edition: 28    მოკონ დო ქომუჩია.

Line of edition: 29       ქიმეჩჷ ხაზენქ კაპეკი.

Line of edition: 30       მიდართჷ თე კოჩქ დო ართი ქუა ქიჸიდჷ თე ართი კაპეკიშა.
Line of edition: 31    რგვალი რე თე ქუა, ძალამი სქვამი გაჯინალი რე. ქიმეჩჷ თე ქუა მუში
Line of edition: 32    ქეჸანაში კათეფს დო უწუ̄.
Line of edition: 33       -- ათენა ჩქიმი ოსურც ქემუღითია.
Page of edition: 84  Line of edition: 1       -- მუშო ოკო ე ქუა, ვარა ოსურს დო ვარა მითინსია -- იფიქრეს
Line of edition: 2    ენენქ დო გაჲწუღეს.

Line of edition: 3       მოლართეს აშონ, მოლეღეს ე ქუა, მუ საკურელიენ დო ქჷმუღეს
Line of edition: 4    ოსურს. ქუწი̄ს, მუჭო მუში ქომონჩქ მაჯღონჷ თე ქუან.

Line of edition: 5       გაჲწუღჷ ე ოსურქ ქუა დო კურთხუს ქეკნაჸოთჷ. კინოძჷ ე ქუა
Line of edition: 6    კურთხუს ამჷდღა. დისერჷ ამჷსერი დო თუთა-რჩელა ვარე, უკუმელა
Line of edition: 7    სერქ ოკო იჸუას, მუსაკურელიე. მარა მუდგარენი სინათექ გედირთჷ
Line of edition: 8    ართ დიხას დო ირ სოფელს ართო ქა̄ნათენს მიკი-მიკი. ირ დიხაშე
Line of edition: 9    ართო იჸუ̄ რკიებაქ:
Line of edition: 10       -- მუშა რე საქმე? მუ რე თე ქეჸანას ანათენს დო სერს დღაშო
Line of edition: 11    გინიორთინუანს?

Line of edition: 12       ირ კოჩქ ართო მიწადილეს ძალამი, მარა ვემიაგორეს მუთუნიშა.

Line of edition: 13       ათე ქუა ვარდუო მიღეს ვაჭარენქჷნ, თენენქ უწი̄ს ართ
Line of edition: 14    მაჟირას:
Line of edition: 15       -- მორთი, ქუგუაკითხუათ თი ქუა მეფჩით ჩქინ თი ოსურს.
Line of edition: 16    მუშენიდა -- თი ქუა მიბღით ჩქინ უკული რე მუთ თე ქეჸანაში
Line of edition: 17    მანათებელქ გორჩქინდჷ მუდგაქიენჷნ.

Line of edition: 18       ქიმერთეს თე ოსურიშა დო კითხეს:
Line of edition: 19       -- მუ ღოლი თი ქუა?
Line of edition: 20       -- ეთექ კჷნოძჷ კუნთხუს -- უწუ̄ ოსურქ.

Line of edition: 21       გამკაღალაფეს ოსურს ქუა. ქიმერთეს დო სტოლს ქჷგუდოხოდეს,
Line of edition: 22    ქუა ჟი ქიგლადვეს. გუხენა თე სტოლს დო უჯინენა ონჯუას.

Line of edition: 23       მუჭო აკისერჷდო, გა̄ნათჷ თე ქუაქ თელი ქეჸანა.

Line of edition: 24       უწი̄ს ოსურს ვაჭარენქ.
Line of edition: 25       -- ქომუჩით ჩქი თე ქუა დო სამანგიეროთ ჩქი გაგმოინწყონთ
Line of edition: 26    ჯგირი ოხორუს.
Line of edition: 27       -- ჯგირია -- უწუ̄ ოსურქ.

Line of edition: 28       მიდეღეს ვაჭარენქ ქუა.

Line of edition: 29       გიშელჷ დრო დო ხანქჷნ, კინი მიდართეს ვაჭარენქ თი შორი
Line of edition: 30    ქეჸანაშა. ხოლო ქეშეხვადჷ თი ულირი კოჩქ. ახიოლეს ართიანიშ
Line of edition: 31    ძირაფაქ მუ საკურელიე.

Line of edition: 32       ქიმერთჷ თე ბოშ-კოჩქ მუში ხაზენიშა დო -- ქომუჩი ართი
Line of edition: 33    კაპეკია -- უწუ̄.
Line of edition: 34       -- მუშო გოკო ართი კაპეკი -- უწუ̄ ხაზენქ.
Line of edition: 35       -- კათეფი რენა მულირი ჩქინი ქეჸანაშე დო თინეფიშო
Line of edition: 36    მოკონია.
Line of edition: 37       -- ფარას მერჩა მეტის, კაპეკი მუშო გოკონია.
Line of edition: 38       -- ვარი, მეტი ვამოკონია -- უწუ̄.

Page of edition: 85 
Line of edition: 1       გაჲწუღჷ ართი კაპეკი.

Line of edition: 2       გილართჷ ბრელი, მარა მუთუნქ ვა̄შუ̄ ბოშის ართი კაპეკიშა. ართ
Line of edition: 3    დიხას ქოძირჷ კატუ. ქიჸიდჷ თე კატუ ართ კაპეკიშა. ქჷმუჸონ თე
Line of edition: 4    ვაჭარენს დო უწუ̄:
Line of edition: 5       -- ათე კატუ მიდეჸუნით ჩქიმი ჸუდეშა დო ჩქიმი ოსურს
Line of edition: 6    ქიმეჩითია.
Line of edition: 7       -- ძალამი ჯგირია -- უწი̄ს.

Line of edition: 8       იაშიკის ქენახუნეს თე კატუ დო მოლართეს პარახოდით
Line of edition: 9    მუნეფიში ქეჸანაშა. მულა შარასჷნ, წართჷ თურმე ზღვაქ, მოთმეუკუნ
Line of edition: 10    დო შხვა სახენწჷფოშა ეკილეს.

Line of edition: 11       გი̄ჯინეს, მი̄ჯინესჷნ, ქალაქი ქორე, მარა კათეფი ნაკლები რე.

Line of edition: 12       იკითხეს ართ დიხას:
Line of edition: 13       -- ოჭკჷმალი სო მაშინანია.

Line of edition: 14       ქა̄წურეს.
Line of edition: 15       -- ათე დო თე დიხას ხენწჷფეშა ქემურთ დო თექ ოჭკუნთია და
Line of edition: 16    ვარა თქვანი ოჭკუმალი აქ ვამაშინანია -- უწი̄ს.

Line of edition: 17       მიდართეს დო ქესურეს დასურო თი ხენწჷფეს. მუჟანსჷთ ჩაი
Line of edition: 18    გაგმანწყი̄ს ონჯუას დო ქუმკოდოხოდეს ოშუმუსჷნ, ქობალი გილაძჷ
Line of edition: 19    თაქჷნ თეს ქოუცი̄ს ვირთხენქ დო ვალიშ მამალას დოწიმიდეს
Line of edition: 20    ირფელი.
Line of edition: 21       -- ჰაი, ჯიმა-ღურელი, თი კატუ ქომუჩან აშოვე!

Line of edition: 22       თქუ უკულაში ჯიმაქ.

Line of edition: 23       უნჩაშიქ გა̄ჭყორჷ:
Line of edition: 24       -- მუშენი თქვი̄ თენა სია?

Line of edition: 25       ოსერშე გეგმანწყი̄ს ჯგირი დო ძიუ დო ღურათ ქიკიდეს თითო
Line of edition: 26    ლუკა ოჭკომალი, ვარა დჷნასქილედი არძა აკისოფეს ვირეფქ.

Line of edition: 27       იმ სერს თექ ქორენა ვაჭარეფი დო მაჟირა ოჭჷმარეს მეურინუ̄
Line of edition: 28    ხენწჷფექ ზიტყვა ჯიმალეფს:
Line of edition: 29       -- მუორდჷ სი ღუმა თქვინ?

Line of edition: 30       კითხჷ ართის, უკულაშის:
Line of edition: 31       -- ქჷმოძირი თინა, სი თქვიე, დაბა მუორენ დო მუ ვარიე!

Line of edition: 32       მუ ქიმინან ჯიმალეფქ! და̄ჭყეს ულა დო ქიმერთეს პარახოდიშა.
Line of edition: 33    გეშეჸუნეს კატუ იაშიკიშე დო ქჷმუყუნეს ხენწჷფეს.

Line of edition: 34       გა̄კეთეს ოჭკომალი დო გაგმა̄ნწყი̄ს სტოლი. გაჲთოცი̄ს ვირეფქ
Line of edition: 35    ირდიხაშე დო მინქილუნა ოჭკუმალიშა; ეფერი დროს გუტეს კატუ.
Line of edition: 36    დიქანჩუ̄ კატუქ დო სიდე მიოჭიშუ̄ ვირეფსჷნ, თექ მესოფჷ არძას
Line of edition: 37    კჷსერი დო ქჷდაწკარჷ თუდო.
Line of edition: 38       -- ქომუჩით თე კატუ მავა -- უწუ̄ ხენწჷფექ ჯიმალეფს.

Page of edition: 86 
Line of edition: 1       ვარიას ურაგადუნა თე ჯიმალეფი, მარა ვეჸუ̄ საშველქ დო
Line of edition: 2    გერიგეს. ბრელი ქონება ქიმეჩეს ვაჭარეფს კატუშენი დო მოლართეს აშო.

Line of edition: 3       წართჷ შარას ზღვაქ დო ეფერს ქიძანძუ პარახოდი, ნამჷდა --
Line of edition: 4    ამარ ამარი ოკო დინწყვას.

Line of edition: 5       ართი ჯიმაქ უწუ̄ მაჟირას:
Line of edition: 6       -- ჩქჷ ვაფთქვითო, ართი კაპეკიში ღირებული მუთუნი
Line of edition: 7    ვადვარკათ შხვასიე!

Line of edition: 8       ღორონს ქიმეჩეს ზიტყვა -- ათე ხენწჷფეში მინაჩემი ქონება არძა
Line of edition: 9    თი ოსურს უდურკებუო ჩა̄ბარან, ოღონს ცოცხალო გესქიდან თე
Line of edition: 10    შარას დო ათეშ უკული იდჷ პარახოდიქ დო მუთი რდუნ ეკილეს
Line of edition: 11    მუნეფიში ქეჸანას. ქიჭანეს ხათე თი ოსური დო ქიმეჩეს თე ქონება
Line of edition: 12    ირფელი თის.

Line of edition: 13       მიდეღჷ ე ოსურქ ქონება დო ართ დიდი ჸუდე ქიგედგჷ. კურგომ
Line of edition: 14    თიჯგურა ბალავერი ქუგუჸუნუ̄ ნამჷდა, მუთუნს ვემნართე.

Line of edition: 15       ათე ოსურიშ ქომონჩქ მოლართჷ შხვა ქეჸანაშე დო ქჷმორთჷ მუში
Line of edition: 16    სოფელიშა.

Line of edition: 17       მუშ ხაზენქ უწუ̄ ულაშა:
Line of edition: 18       -- ათე საპონით ტანი გიბონი სქანი სოფელიში წყარს, გვალო
Line of edition: 19    ქიმიბონე̄ თენა სქანი ტანიშა. ეკილე̄, ახალი ბარგი ქიმკიქუნი დო ათე
Line of edition: 20    ჟირი ჸალეფი იქილე-აქილე ჯიბეშა ქალედვია.

Line of edition: 21       ქჷმორთჷ ე ბოშიქ მუშ სოფელიშან, ირფელი თეში ქოქიმინჷ,
Line of edition: 22    მუჭოთ ხაზენქ უწუნ.

Line of edition: 23       მინი̄ლჷ ეზოშა, მარა ვეჩინჷ მუში ჸუდე.

Line of edition: 24       კარიშ კათაქ ხოლოშა ვემიაშქვეს.
Line of edition: 25       -- ოსურ პატონი მოკონ დო მინმაშქვითია -- თხუ̄ მულირქ.

Line of edition: 26       მა̄შინეს ოსურს.

Line of edition: 27       ოსურქ მოლართჷ ოძირაფუშა, მარა დიო ვეჩინჷ იშენი, ჭიჭე
Line of edition: 28    დეხოლჷ დო -- ქუწუ̄:
Line of edition: 29       -- სი ჩქიმი ქომონჯი ვარექიავო?
Line of edition: 30       -- ქოვა -- უწუ̄ კოჩქ დო გელეღჷ ჯიბეშე ჟირი ჸალეფი დო
Line of edition: 31    იქილე-აქილე ქჷდა̄ჩანუ̄ მინდორს. მაჟირა დღას -- ართი ჸა -- ვარჩხილიშ
Line of edition: 32    ჯათ გორთჷმედჷ დო მაჟირა ორქოშ ჯათ.

Line of edition: 33       იცხოვრეს ჩილი დო ქომონჩქ გჷმორძგვილო დო ღუმა თექ
Line of edition: 34    ვორდი, ამჷდღა თაქ ვორექ.


Line of edition: 35    
ლავრენტი გოგოხია. სოფელი ფახულანი. 5.09.1923



Next part


This text is part of the ARMAZI edition of Megrelian Texts ed. Xubua.

Copyright ARMAZI Project, Frankfurt a/M, 8.10.2005. No parts of this document may be republished in any form without prior permission by the copyright holder.