ARMAZI
Megrelian Texts ed. Xubua
Part No. 31
Previous part

Text: 31 
Page of edition: 135 
Line of edition: 11       
XXXI. ჟირი დალეფი დო ართი ჯიმაში არიკი


Line of edition: 12       ქორენა ჟირი დალეფი დო ართი ჯიმა. ათე ჯიმაქ ოსური
Line of edition: 13    ვა მიჸონასჷნ ეში, ათე დალეფი ქომონჯიშა ვე მეულა. ვედეს ქომონჯიშა;
Line of edition: 14    შქა კოჩანაშა ქიმერთჷ დო უკული ოსური ქითხუ̄.
Line of edition: 15       -- მუ ნერო აში̄ აწი სქუავა დო ონარღჷნა დალეფს. ბოლო
Line of edition: 16    დროს უშულებელო ქიჸუ̄ თე ოსურქ დო დროქ ქჷმორთჷ. ე დალენს
Line of edition: 17    ცა ქუდი აფუნ დო დიხა ჩაფულა. ქედებადჷ ქომოლ-სქუაქ. ამსერი
Line of edition: 18    დალეფი გილულა იშო-აშო, წყარი მუღუნა, მუთ საჭირება რენ, თინა
Line of edition: 19    მუღუნა. სუმი ანგელოზეფი გილახე მაგალითო ჟი დო ართიანს
Line of edition: 20    გარადაგანა:
Line of edition: 21       -- ამსერი დებადჷნ თენა მუშ ეღბალიშ ორდასია? მუშ ეღბალიშ
Line of edition: 22    ორდასია და -- მირდასია თიქია, ოსურიშ მათხუალო გინირთასია,
Line of edition: 23    ოსურს ქჷმიჸონანსია დო მუშ ამხარაშა მინილენსჷ დო ქჷმთიჯირუნ,
Line of edition: 24    ჟირ გვერენქ ქჷმთოხვადასია. თეს გინასქჷდასია თაშია და,
Line of edition: 25    წყარიშ შქვიდაშ ბედი ქიმეფჩათია. ამსერი თაქია ირჩქილენია თესია
Line of edition: 26    დო მარჩქილენა მითინია დო თენა ქოთქუასია და, ქუა-რგილო
Line of edition: 27    გინი̄რთასია.

Line of edition: 28       ენას ირჩქილე უნჩაში და დო უკულაშის ენა ვა უჩქჷ. კოჩქ
Line of edition: 29    მა̄დირთჷ თე უნჩაშ დას, მარა ვემურს. სოლე იდას, თეჯგუა რაგადი
Line of edition: 30    უჩქჷ თე დასჷნ!

Line of edition: 31       უნჩაშიქ უწუ̄ მუშ დას:
Page of edition: 136  Line of edition: 1       -- მა უნჩაში ვორექ დო სი უკულაში ექია, მარავა სი მეუ
Line of edition: 2    ქომონჯიშავა. -- ქოთქუას, -- ქუა-რგილო გინირთუნ დო უკულაშის
Line of edition: 3    არზენს ნებას.

Line of edition: 4       უკულაშიქ მიდართჷ დო უნჩაშიქ ქჷდოსქიდჷ თეშ მაჯინეთ.
Line of edition: 5    ამდღა რენ თიშ უმოს ჭუმე რენ დო თე ბაღანაქ გინირთჷ საჩილოთ.
Line of edition: 6    ქიმიყონჷ ოსური, იახა დო ენა თაქ გაკილოთჷ ასე -- ოსურიშა მინი
Line of edition: 7    ლასჷნ, თექ გვერენქ ოკო მითოხვადას. იახა დო, მინი̄ლჷ ამხარაშა
Line of edition: 8    ცირაქ დო ქჷდიჯირუ დო მამიდაქ გემნათხოზჷ:
Line of edition: 9       -- მუშა რე საქმევა, კითხჷ ბოშიქ.
Line of edition: 10       -- მუა და ბილიო გაგმითირევა, მუკგოქუნსიე.

Line of edition: 11       ენა დოკუჭალუ დო თის ქემეჩჷ, იქ შხვა ქიმკიქუნჷ. მოლართჷ
Line of edition: 12    თე მამიდაქ დო დაჩხირი აკარზამაფუ̄, დუფართხუ̄ თე ბილიოს დო
Line of edition: 13    გაგმოლჷ ჟირი ჭითა გვერენქ დო დაჩხირს ქიგელჷ. აქი ე ჯიმა-სქუაქჷთ
Line of edition: 14    ქომორთჷ. ჭიჭოლქ იჸუ̄ დო არძოქ ქოძირჷ, მუშა რდჷ საქმენ.

Line of edition: 15       თე ანგელოზენქ მუთ უწუ̄ნ თეს გინა̄სქიდჷ ასე, ართის. დრო დო
Line of edition: 16    ხანქ მჷკორთჷნ, ქიმიახვილჷ ჯიმა-სქუაქ.
Line of edition: 17       -- მა ბილიო გამკმონწყი დო თექ გვერი მილახედჷნ, მუთ
Line of edition: 18    გიჩქჷდჷ თენავა.

Line of edition: 19       ქიმიახვილეს დო ოკო ქარაგადაფუანი. მარა ვა თქუ̄ ექ. ჩილორთიშა
Line of edition: 20    ირთუ̄ თე ბოში დო წყარი აშაჸუნა, მუშ მუანთილიში ჸუდშა
Line of edition: 21    მიშასჷნი. მეჸუნს თე მამიდა ხოლო დო ქიმერთეს წყარიშა.
Line of edition: 22    ართი ჸურე ჸაზაყი ქალუჸუნუ̄, მაჟია ჸურე მუქ ქალაჸუნჷ,
Line of edition: 23    მინი̄ლეს მელე დო ეკმულან, დიჩაკალუ̄ ცხენქ დო უკახალენ კუჩხით
Line of edition: 24    ქუა გეიჸოთჷნ, თიქ წყარს ქიმშალჷ დო წყარქ ბოშის ქჷგა̄წუნ, თიქ
Line of edition: 25    და̄შქვიდუ̄. ნოსა ეჩიებჷ: მუთ გიჩქჷდჷ თენა სია.
Line of edition: 26       -- მავა ანწია რინაშა ღურა ქომისხუნუნია დო ქოიწინქ, მუთ
Line of edition: 27    მიჩქჷდჷ თენავე.

Line of edition: 28       დოშაყარუ̄ საზოგადო მამიდაქ იახა დო ქიჩუ̄, თე მუშ ძღაბალა
Line of edition: 29    მუჭო გიოხინუნი, ირფელი ქიჩუ̄ დო მუჭო გეხენ დო გერენ თეშ
Line of edition: 30    ქუათ ბინი̄რთჷ.


Line of edition: 31    
დარია დიმიტრის ასული კვარაცხელია-ტყებუჩავა. 60 წლის. სოფელი ნააა. 20.07.1933



Next part


This text is part of the ARMAZI edition of Megrelian Texts ed. Xubua.

Copyright ARMAZI Project, Frankfurt a/M, 8.10.2005. No parts of this document may be republished in any form without prior permission by the copyright holder.