ARMAZI
Kartlis Cxovreba II
Part No. 199

Page of edition: 199  Line of edition: 1    ბოროტი. გარნა ვინათგან წიგნი ესე შუამდებარე არს კეთილის-მოქმედთა და ბოროტისმოქმედთა,
Line of edition: 2    შენდობილ იყვნენ სიტყუანი ჩემნი, რამეთუ ჟამთააღმწერელობა ჭეშმარიტის
Line of edition: 3    მეტყუელება არს, და არა თუალ-ახმა ვისთჳსმე. რამეთუ ამათ ჟამთა დაივიწყა შიში
Line of edition: 4    ღმრთისა და ანდერძი ძმისა და ფიცი იგი, რომელ ამცნო ძმამან მისმან რუსუდან
Line of edition: 5    მეფესა, და განიზრახა ზრახვა უცხო, რათა დაუმკჳდროს მეფობა ძესა მისსა დავითს,
Line of edition: 6    და წარავლინა კაცი საბერძნეთს, სულტანსა სიძეს და ასულსა თამარს წინაშე, რათა
Line of edition: 7    ძმისწული მისი დავით ყრმა, რომელ პირველ წარავლინა მათდა, რათა ბოროტი რა
Line of edition: 8    ეყოს მათ მიერ, და არა რა ბოროტი ეყო, აწ რომელი \ წარსწყმიდონ და მოაკუდინონ,
Line of edition: 9    და მიერითგან უზრუნველად ეპყრას მეფობა მას და ძესა მისსა დავითს.

Line of edition: 10    ხოლო მათ არა ისმინეს ესე, და კუალად სხუა წარავლინა მოციქული ამავე
Line of edition: 11    პირისათჳს. ხოლო იგინი არა ერჩდეს. და მესამედ სხუა სავედრებელი წიგნი წარგზავნა,
Line of edition: 12    შვილისა და ძმისწულისა გინა ძმისა მკლველობითა სავსე, და იგინი არცა მაშინ
Line of edition: 13    ერჩდეს. ამისგან განცჳფრებულმან და გულისწყრომითა აღვსებულმან, დაივიწყა
Line of edition: 14    სჯულიცა და ლმობა ნათესავთა, და თჳთ შვილისა სიყუარული დედობრივი, ვითარცა
Line of edition: 15    იტყჳს ბრძენი სოლომონ, ვითარმედ: "გულისწყრომამან კაცისამან სიმართლე ღმრთისა
Line of edition: 16    არა ყვის". ვითარ ამანცა კეთილთა ძირთა მორჩმან არა ყო სიმართლე და წყალობა,
Line of edition: 17    დაწერა წიგნი სიძესა თჳსსა სულტანსა \ ყიასდინს თანა, და ესრეთ მიუმცნო, ვითარმედ:
Line of edition: 18    "ამისთჳს მენება მოკლვა ძმისწულისა ჩემისა დავითისი, რომე ცოლსა შენსა და
Line of edition: 19    ასულსა ჩემსა ძმისწული ჩემი დავით თანა-ეყოფვის, და ამისთჳს არა ნებავს ასულსა
Line of edition: 20    ჩემსა ბოროტი მისი". ჵი გონება, მჴეცთა უმძჳნვარესი, ვაჲ მკლველობა, ოდესმე
Line of edition: 21    სმენილთა და გარდასრულთა მკლველობათა უბოროტესი, რომელი აღასრულა შვილსა
Line of edition: 22    და ძმასა ზედა, დამვიწყებელმან დედობრივთა და ძმაებრივთა ლმობათამან.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.