ARMAZI
Kartlis Cxovreba II
Part No. 204

Page of edition: 204  Line of edition: 1    ძალითა ჴელთა ჩემთათა ვყო, და სიბრძნითა გულისჴმის-ყოფისა ჩემისათა მოვიპყრნე
Line of edition: 2    საზღვარნი თესლებისანი, და ძალი მათი წარმოვიღო, და შევძრნე [ქალაქნი] დამკჳდრებულნი,
Line of edition: 3    და სოფელი ყოველი დავიპყრა ჴელითა ჩემითა ვითარცა მართუენი, და
Line of edition: 4    ვითარცა კუერცხნი დაშთომილნი აღვიხუნე, და არავინ იყოს რომელი განმერეს მე
Line of edition: 5    ანუ სიტყუა მიგოს. აწ უკუე იდიდოს-მეა ცული თჳნიერ მკუეთელისა, ვითარმცა თავით
Line of edition: 6    თჳსით კუეთდა? ანუ ამაღლდეს ხერხი თჳნიერ მზიდველისა მისისაა ეგრეთვე ვინ
Line of edition: 7    აღიღოს კუერთხი გინა შეშა? არა ეგრეთ, \ არამედ მოავლინოს უფალმან საბაოთ
Line of edition: 8    შენსა პატიოსნებასა ზედა უპატიოება, და დიდებასა შენსა ზედა ცეცხლი აღგზებული
Line of edition: 9    აღტყდებოდეს" -- ვითარ აღესრულა პატიოსნისა მეფისა რუსუდანის ზედა.

Line of edition: 10    რამეთუ სირცხჳლ მიჩნს კადრებად და კუალად ვერ მიძლავს დუმილად, რამეთუ
Line of edition: 11    უპატიო ჰყო თავი თჳსი ბოროტითა ამით, რომელ აღადგინა ძმისწულსა თჳსსა ზედა.

Line of edition: 12    გარნა განაქარვნა ზრახვანი მისნი ზეგარდამომან განგებამან, ვითარ აქიტოფელისნი
Line of edition: 13    დავით წინასწარმეტყუელის-ზე და არა გულისჴმა-ყო, რამეთუ განაქარვნის ზრახვანი
Line of edition: 14    კაცთანი ზრახვამან ღმრთისამან", ვითარ ფარაოსი მოსეს-ზე ვითარ განერა ჴელთაგან \


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.