ARMAZI
Kartlis Cxovreba II
Part No. 203

Page of edition: 203  Line of edition: 1    მისგან ქვა, შთავიდა და დაცულ იქმნა, ვითარცა დანიელ პირისაგან \ ლომისა; ყოვლად
Line of edition: 2    არა ავნეს ესოდენ ყოვლად გესლიანთა. დაბურეს ქვა ზედა, დავითს პირველვე
Line of edition: 3    თანა წარტანებულ იყო ვინმე, სახელით სოსან, რომელი მიეცა მამასა მისსა ლაშას.

Line of edition: 4    ესე შეუდგა, რაჟამს წარიყვანებდეს შთაგდებად ჯურღმულსა მას, და ამან იხილა ჯურღმული
Line of edition: 5    იგი. ხოლო კაცთა მათ სულტნისათა რაჟამს დაუტევს ჯურღმული იგი,
Line of edition: 6    გათხარა სოსან მცირედ ქვასა ქუეშეთ, და მიერ შთაუტევნის პური, რომელი ითხოვის,
Line of edition: 7    და ესრეთ ზრდიდა ხუთ წელ. [ორი გუდა ჰქონდის სოსანს: ერთითა პურსა, და ერთითა
Line of edition: 8    წყალსა შთაუკიდებდის საბლითა ყრმასა მას]. რა დაწვის, გუელნი იგი რომელნიმე
Line of edition: 9    მოეხჳს ყელსა, რომელნიმე ფერჴსა, და სხუანი უბესა, სხუანი გუერდსა უწვიან.

Line of edition: 10    და ვითარ ეძინა და გარდაიქცეოდა რა გუერდსა ზედა, მჴრითა დააჭირა გუელსა
Line of edition: 11    ერთსა, რომელმან მჴარსა სასტიკად უკბინა, ხოლო სხუათა გუელთა დაიჭირეს გუელი
Line of edition: 12    იგი მკბენელი დავითისი, და იწყეს ენითა ლოკად \ წყლულთა მათ ყრმისათა, და მყის
Line of edition: 13    განკურნეს დავით, და გუელი იგი შეჭამეს გუელთა მათ. ესრეთ საკჳრველებით განარინა
Line of edition: 14    ღმერთმან ყოვლისა წარსაწყმედელისაგან, რომელნი მოიწივნეს მას ზედა.

Line of edition: 15    რამეთუ ესრეთ განიზრახა მეფემან რუსუდან, თავით თჳსით დამტკიცებად მეფობისა
Line of edition: 16    ძისა თჳსისა, არა მომჴსენებელმან სიტყჳსა წინასწარმეტყუელისა ესაიასსა,
Line of edition: 17    რომელსა იტყჳს: \ "და მოხედნეს უფალმან გონებასა მას ზედა დიდსა მთავარსა ასურასტანისასა
Line of edition: 18    და სიმაღლესა მას ზედა დიდებისა თუალთა მათ მისთასა რამეთუ თქუა:


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.